راويه جميله جداا من تاليف شاب اماراتي
لإزالة كل الأعلانات،
سجل الآن في منتديات أنيدرا
الام : فاطمه كبيره في السن عمرها 48تحب عيالها بس مرات تشفر وتتمنى لو تتبرى منهم كلهم
الابو : سلطان 50سنه شيبه يحب الرحلات والكشتات وناااسه الي ييلس معاه
الاولاد
عيضه : اكبر الاولاد غرشوووب بدرجه فضيعه يعني عليه جمااال خياااالي عمره 22سنه يدرس في كليه الطب
عبدلله : يشبه عيضه لاكن مب احلا منه بس عيوونه وساع ورمووشه طواال وكثااف والكل يقول له بنت مب ولد عمره 20سنه يشتغل في الشرطه
حمده : مررره كشخه تسلي الوااحد وتطلعه من طوورره اذا طفران بس مرره غرشووبه حلوه تشبه اخوها عيضه عمرها 18 سنه وااايد تحب مريوم مريووم تموت فيها كله مع بعض يحبون بعض بدرجه حتى ابليس ما يروم يفرق من بينهم هع هع هع هع
هاجر : طيبه وحبووبه وعلى نياتها والكل يعرف انها تحب ولد عمها مايد وكل ما تشوفه تتخبل بس هو مب عاطنها ويه عمرها 16سنه تسير اول ثنوي
:::::::::::::::::::::::::::::::::::::::::::::::::
الابو : احمد متوفي هو وحرمته بحادث شنيع
ثاني : هاذا غرشوب وشرات عيضه واايد مع بعض يحبون بعض وكله مع بعض والي يشوفهم يقولون حبايب مب ربع عمره 22شرات عيضه ويدرس معاه
مروان : شخص عاادي نفس اي احد لاكن جريئ بشكل غيير طبيعي يعني ويهه لووح طاابوق حشااه الطابوق عمره 20 ويشتغل في الشرطه
مريووم(بطله القصه) : بنت عجييبه كله تربش ومن تشوف حمده تزيد الطين بله في الربشه يعني مووصله بعيد عمرها 18 سنه والكل يمدحها ع جمالها واخلاقها والكل يتمناها لولدها بس هي راافضه شو الي ببالها الله يعلم
ميثه : اخت مريووم توأم روحها حبيبتها كل شي بالنسبه لها عمرها 18 سنه محد يفرق من بينهم من كثر الشبه بس الي يدقق يشوف حبه خال فوق شفايفها هاذي الي تختلف فيها عن مريوم
مايد : عبط xعبط يعني لاااااااااااااازم ينكت واذا ما نكت يمووت بس كل بنات العاايله يطيحون في هواه ومنهم هاجر عمره 17سنه يدرس صف ثاني ثنوي بس هو مخلص من شطارته ويبون يسفروونه بس هو مب طاييع اونه يبا يسافر مع فتاة احلامه منو هي بتعرفون عقب
البارت الاول
بدااايه القصه في غرفه مريووم الصبح السااعه 6الصبح
تررررررررررررررررررررررررررررررررررررررررررررررررر ررررررررررررررررررررن (صوت الساعه)
مريوم وهي تنش : ياااللله رااسي بينفقع يالله يالله
سكرت المنبه ويلست : اففففف رااسي يعوني حيييل يااربي ترحمني (ومسكت راسها بقوووووه)
سارت صوب الحمام (ربي يعزكم)وتغسلت تسبحت وطلعت بالروب سحت شعرها فلته وحطته عصوب ولبست لها بنطلون جنز وقميص طويل لونه اسود فيه دواير ورديه ولبست لها سواره سوده وتجحلت وحطت قلوس سارت صوب البلكونه وعلى اليمين حاطه آله القهوه سوت لها قهوه وظغطت الزر الي يوصل للمطبخ
مريوم : راني ايبي جرايد اليوم زين
راني : زين
مريوم : يااالله الجوو خبااال بس بعده رااسي يون ونه محترمه (رن تلفونها رنه مسج )
مريوم : متفيجيييييييين يالله بالستر عليهم
حمده ::
مريووم شحاالج عسااج مرتااحه اقوول اذا قاايمه قولي بتصل لج
بسرعه لا تتأخرين::
مريوم : تعرف اني اقووم بهلوقت لاكن مشكله الي يحب يستعبط
واتصلت ع حمده جان يرن لها اغنيه راشد الماجد اليديده اول ما ردت حمده عطووها من ذيج المحاظره
مريووم : انتي ايييييييييه من الصبح الناس تسمع قرآن مب اغاااني حااطتلي هاذا الخاايس ترا اذا ما بدلتي والله اسكر التلفون في ويهج
حمده : خيبه خيبه اصبحنا واصبح الملك لله وانتي منازع خلااص خلاص بنبدل هااا
مريوم : شحااااااااااااااااااااالج عيووزه الناار وشحال بعض النااس عساهم مرتااحين ؟؟
حمده : بسألج انتي تتصلين عسبه تسألين عن احواالي ولا عن احوال هاااذا الزندووول ؟؟
مريوم : عن الغلط عن الغط عن الغلط لا تعاايبين تراج واايد شايفه نفسج مع هاذا الخبله الي عندي
حمده : لا تقولين خبله يسواج ويسوا عيوونج بعد يا الفقمه هع هع
مريووم : ياااخي سوويت ريااضه ضعفت ضعفت ياانااس فهموووو ((ترا مريوم كانت دبه قبل وكانو يقولون لها فقمه وسوت ريااضه والحين ضعفت بس للحين يعايبون عليها اونه حديده مسطره ))
حمده : لاا لااا لا تحاولين يا دبوووووووو وحليلج والله اخااف تنفجرين بعد العرس
مريوم : ما اعرس من قاالج اصلا يحلموون اني اعرس
حمده : صح صح تبين عبوود بن سلطاان يكفخج
مريوم : ههه مايرووم يمسك شعرررره وحده مني اصلا هو ما يتجرأه يرفع عيينه !!بيظربني مستحييييييييل
حمده : عااااااااااااشت الخقاقه عاااااااااشت حرمه اخوووي
مريوم : لا تقولين حرمه اخووي لا تقوليييييييييييين
حمده : اووويه بلاج انتي اليووم وااايد تصاارخين لا يكون صاابج ذااك الشي الي يسمونه افلونزا الحب
مريوم : اقوول حمدده بسكر تراني عن السخاافه الزاايده
حمده : لا لا مريووم انتي متغيره 180 درجه انتي بلااج جيييه !!
مريوم : ما ادري ما ادري بسكر عنج فديتج باااي
سكرت من حمده وهي بعدها مستغربه من نفسها ليش جييه متغيره حييل حتى حمدووه متضايجه منها وصلت راني لها جان تشل الجرايد وتمت تقرا وتقرا وفجأه رن تلفوونها رقم بدون اسم
مريوم : منو هااا ؟؟؟ اووووه برايه ما برد ( وكملت القرايه ) وجان يرد يدق مره ثااانيه وهل مره طووول
مريوم : افففففففففففففففففففف (شلت تلفونها وفرته ع الشبريه ) ((على فكره مريوووم بسرعه تعصب يعني عصبيه ))
جان تنفتح الدريشه الي جدامها وطلع ريااال يالس يظحك
جان تسير عطووول تسكر الدريشه بقووووه
........: لا تحاووولين ترااني ورااج ورااج
مريوم : بسم الله الرحمن الرحيم يالله بالستر هاذا من انتقلنا يالس عله في قلبي اففف منه
........: مريووم فجي الدريشه بقولج شي دخيلج
مريوم : يعلك السم انت ورفجتك هااذي ماالت
.......: ادريبج تطالعيني دخيلج فجي بس شووي
مريووم فجت شوي مرره : شو تبيغ ذليتني من الصبح تبحلق فيه من اول ما انتقلنا فكنا يااخي
......... مريوم انا احبج دخيلج حسي فيه ييتج اكثر من مره رفضتيني ليش ؟؟
مريوم : والله كيفي الي في بااالي ابغييه يااخي مب غصب الهووا
.........: زين قولي اذا حد في باالج والله العظيم ما بسوي فييه شي
مريوم : اصلاااا منو قالك انت ترووم تمسه ههه تخسي (وقالتها بقووه )
........ آآآآآآآآآآآآآآآآآآآآآآه يا مريووم بس انا
مريوم : لا بس ولا بسين احترم نفسك ياا .......... الا تعاال شو اسمك ؟؟
حمد : هههههههههههه حمد فديتج
مريوم : لااا تتفدا لا اصمك بكف يطيرك لا تتفدا
حمد : فديت دفاشتج ياربي مريووم والله اتمناج من نصيبي والله
مريوم : وانا ما اتمناك من نصيبي مب غصب هووووو افففففففف
وسكرت الدريشه بقوووه وسارت صوب حجرتها وسكرت البلكونه بكبرها عقب ردت تاخذ القهوه وسكرت مره ثاانيه هع هع موتها القهوه [/align]
كــــــــــــــــــــــــــــــــــــــــــــت
البارت الثاااني
صووووب حمدوووه ::
حمده كانت في حجرتها منبطحه ع وشك النووم دخل عليها عبووود ونط في الشبرييه نطحه خلها تطيح من الشبريه
حمدووه : وييييع عبوود شو هااااااا ناطلي شو تبغي
عبوود : يااخي انتي شو فيج يابنت الحلاال انا جي مستانس يعني تبغيني اسوي ها كله في بنت غيرج بتموت قهر
حمدووه : عندك هاجر يااخي مب اختك هااي
عبوود : يووووه هجووور ريل والقبر منتهيه صلاحيتها هااذي كل ما قلناها شي قالت ميووودي
حمده : هههههههههههههههههههههههههههههههه وحليلها متعذبه وهذا ميوود ليش مب حاس فيها ماصخ واحد
عبوود : ههههه الا صح شحاال القلب مالي مرتااح ولا لا
حمده تعكر مزااجها ع الاخر : آآآآه شقووول يا عبوودي شقول
عبدلله فز من مكاانه ودقات قلبه تمن ينبضن بسرعه : شوفيها تعبااانه مريضه شي فيها ؟؟؟؟
حمدووه : انقمع مكاانك ما فيها شي بس شكلها تعباانه شوي اتصلت فيها الحينه كله تزااعج وتصرخ ومعصبه علي
عبود : يمكن تعباانه شوفيها دخيلج عن يغما عليها ما فينا
حمده : ما فيه عبود عن تصارخ علي شكله مزااجها خسف هاليووم
عبوود :انزين طالعيها من البلكونه شوفيها عن تكون تعباانه
حمده : انت بلاك تعبااانه وتعباانه لا تفااول عليها لأصمك بكف اطلع من هني يلاااااااا
عبوود : لا تصااريخين تراني اخوج العوود يا الهبله
ما عطته ويه طلعته من الغرفه وسكرت الباب وقفلته شلت تلفونها وانسدحت ع الشبريه وتمت تفكر
حمده : اتصل ولا لا اخااف راقد لالا هو ينش في نفس وقتي اممممممممم خلاص بتصل
ترن ترن ترن ترن ترن
مروان : ياااااااااالله الحب !!
مرواان : هلا والله بالحب يا هلا فيج شلونج غناتي
حمده : تمام وانت شحالك
مروان حشى ما بغيتي تتصلين شو عذاب ؟
حمده : هههههههههه هيه عذاب الحبايب
مرووان : فديته عسل هالعذاااب يعله دووم فيه هب يووم داامه منج
حمده : ههههههههههههههههه تسلم
مرووان : بس تسلم ماشي حبيبي عمري حياتي غنااتي
حمده : لااا ماشي اصلا ما احب اقوول جيييه ( سيووو طاااخ )
مرووان : هييه صح ذيج السااعه سامعنج تقولين في بيت خالو لميود ميوودي حبيبي يلا عااد
حمده : هاذا يااهل يااخي وبعدين انت شحقه تتسمع
مروان : والله كيفي اسمع حبيبتي ما اسمع الغريشه مريوم
حمده : مريوووم آآه بلاها جييه تزاعج عليه ومعصبه
مروان : شدرااني دومها جي من تنش صارلها اسبوع وهي مصدعه
حمده : اسبوووووووووووع ولا قالت لي !!!!!
مروان : غريبه ما تعرفين !
حمده : اوك خلاص باااي بسكر بتصل فيها
مروان : ما شبعت ياخي
حمده : رد اشرب مره ثاانيه هع هههه بااي
مرواان : تنكت بعد هههههههههههههههههههههههههههه
:::
صوب بيت قووم خالت مرويووم ((فاطمه ))
سلطان : ابوووي يلاا عاااد من متى ما ظهرنا مكان كله في البيت كله في البيت افف
بو سلطان : كاهو الباب اطلع منه محد ما سكك
مهره : بابا يلا عااد خلنا نسير البر وخل قووم حمدوو ومريوم وبيت قوم عمو شمسه
بو سلطان : والله للحين امكم مب طاايع تظهرون
سلطان : ليييييييش زززين شو السبب حاجزتنا تقوول قطيع غنم
بو سلطان : ههههههه شدرااني
الا ويدخل فااايز ولد عمهم
فايز : السلااااااااااااااااااااااام عليكم ياقووم
الكل: وعليكم السلااام
سلطان : الرفجه يا ولد العم دخيلك قوول لامي تطلعنا البر يااخي ليش جييه قمنا الصبح ما ودتونا قمنا الظهر هم ماشي العصر لا فليل تقولين ماشي في الليل ليش جيييه ليييش !!
فايز : ههههههههههههههههههههه ياخي مب غصب تظهروون وبعدين هالجو بيتم يومين ع ما اظن
سلطان : جييه عالم الغيب وانا ما ادري شدراك يمكن يتغير باجر
بو سلطان : الحين امكم بتي من بيت اختها وكلموها
الا وتدش فاطمه امهم والكل نط صووبها
مهروو : ماما دخييلج ابووس راسج ظهرينا
ام سلطان : مااااااااشي اول شي عدلو من تصرفاتكم انتي وخوانج عقب
سلطان : هااي العيووز ودووم هي الي رمست ولا نحن كنا ساكتين عن السالفه
مهروو : لا تحطها ع وديمه حتى مطر رمس
ام سلطان : هاااا اشوفكم رديتو لاسلوبكم خلاااص هالمره ماشي طلعه موووووووليه
الكل ربع صوبها : لاااااااااااااااااااااااااااااا لاااااااااااااااا دخيلج مامااااااااااااااااااااااااااااا
فاايز : ههههههه الله يعينكم عليهم واايد يحبون يطلعون ((بقولكم عن فايز هو وااااايد طيب يحب اليمعه والسوالف والربشه لاكنه مب واايد مع اهله يعني يطلع الصبح يرجع فليل السااعه 4 ولا 3 وبالزوور يسااعد هله في شي من جييه مب الكل يداانيه عمره 19 كبر سلطان ))
مهروو ((هي حبووبه لاكن حقووده يعني كل شي تحبه لنفسها وهي تحب مايد ونفس الشي مايد مب عاطنها ويييه عمرها 16 حلووه مرره ما تداني هاجر شعرها قصير ولونه اشقر طبعا مصبغتنه وعيونها رصاصيات وتحط عدسات زرق دوووووم لحد ما لبست نظاره
بو سلطان : اصلا اليوم بنسير بيت خالتكم وماشي مجال تسيرون مكاان لان عندهم عزوومه عووده
مهروو : ذيل دوووم عزايمهم في اوقاات غلط اففففف
ام سلطان : مهروووووووووووووو ترى بخليج في البيت
مهروو : خلااص زين زين
فايز : اقووول عمي وين مطر ووديمه
مطر (( مطر كبر فايز وسلطان عمره 19 هو حليو بس وااايد يعني هه في هفه حلا كله يرقد حياته رقااااااد منعووه من اي شي الا الرقااد ما يحب يسهر وهاذا سر جمااله البراااق هههههه
وديمه (( عمرها 18 سنه نااعمه وكله ترمس برقه ع قولتهم وصحيه بدرجه يعني ما تاكل من الكفتيريا او المطاعم وااايد وكله تدوور بكوب حليب كل حياتها حليب وتحب تلبس بناطلين وااايد وناادر تشوفونها بكندوره واذا شفتها بنسوي حفله
بو سلطان : والله ما ادري وينهم اظن مطوور راقد ووديمه ترمس ربيعتها فوووق
الا وشوي تنزل ودووم وكانت لابسه بنطلون ابيض وهاي نك اخضر وزلاغ مخطط ابيض واخضر ومسويه ثنين في شعرها ومنزله قصتها
وديمه : هااي ما فااملي كيف حالكم
الا وتطالع فاايز وسييييييييده فووووق والكل كاان يظحك عليهم لان هي ما تداانيه وهو ميييت فيها والكل يدري بهااي الساالفه
مهروو: عاااشت جوليت ساارت فووق سير الحقها رووميو عن تطير عنك هههههههههههههههههههههههه
الكل : هههههههههههههههههههههههههههههههههههههههههههههه
ام سلطان: هااا فاايز مب ناوووي اذا تبا من اليوووم هددييه
فايز : لاااا فديتكم بسويلها احسن عرس في الدييره وبيبلها همر اج 3
سلطاان : اخااف تيبلها حماار وفوقه مكتوب للبيع ههههههههههههههه
بو سلطان : افا افا افا افا شرات ((سوالف طفاش ))
الكل : هههههههههههههههههههههههههههههههههههههههههههههههههه هههههههه
ام سلطان : بسير ابدل وتجهزو بنسير صووب ام ماايد السااعه 12 ونص او بعد الصلااه
الكل : ان شاء الله
صوب بيت قووم مريووم الساااعه 11ونص
كانت مريووم مرره مدوخه مب رايمه تشل راسها ابد
مريوم : اففف صارلي اسبوع جييه يالله راسي خلني ابلع بندوول احسن عن ادووخ جدام العرب
دشت عليها مييثه : اييييييييييييييه ياللمينوونه صارلج اسبووع تزطين من هالبندوول مب ززين تبين تمووتين انتي
مريوم بصوت خفيف : تعباانه ميثوو تعباانه راسي بينفجر
ميثه : شو تقوولين ؟؟
مريوم : ماشي ماشي
ميثه سحبت عنها العلبه وشافت ان في اكثر من علبه في الدرج وجان تشهق : ويدي علييج يا مرريوووووووووم صج مينوونه الله يعين عبوود عليج
مريوم : جب جب لا تفظحينها يا الهبله
ميثه : اذا ما تبيني افضحج تشووفين هاذا (وتأشر على العلب ) كلهم في الزبااله فاهمتني ولا ارد اقووول مره ثاانيه
مريوم : ان شاء الله ان شاء الله
وسارت عنها وهي مهموومه من مريووم نزلت تحت شافت ميوود يالس يرمس وحده من هاايل اللوث مالاته يلست عدااله ورزت فيسها صوبه وتمت تطاالعه ويه بويه : هااايو مااي هزبنت شلووونك شفت ولدك حموودي شو سوا في حرمتك
ماايد يحااول يسكتها وهي ماااشي ريييس في الرمسه لحد ما بند من البنت
ماايد يزاعج : انتي ايييييييه شو ماي هزبنت وحرمتك وولدك تخبلتي انتي زين جييه عصبت عللي
ميثه : اوووه سووري كنت يالسه اقرا رووايه وتأثرت
ماايد : يحليلج تأثرتي زووووووووووووووولي عن ويهي لافلعج العين زووولي زالت عينج انتي وريلج قولي آمين
ترفع عينها وتدعي : آآآآآآآآآآآآآآآآآمين ومعااي حرمه ميوود
مايد : مريوووووووووووم حشمي شوووي
ميثه فيها ظحكه : ايييه اييه لا تتبلى علي حشييمه مب انت
مايد : رفعتي ظغطي قوومي عني ((وياي يبغي يقووم )) جان ترش كوب المااي ع ويهه وربعت فوووق وهي سايره فووق طلعت مريوم من حجرتها وهي شاابطه راسها بشيله وشكلها قييم اوفر
جان يلحقها مايد وشاف بوييهه مريووم جان يرشها بالماااي ع ويهاا وهي انتفظت نفظه محترممه وتصنمت مكانها وتمت تتنفس بقوووه وتشووف ميووود والشرار بعينها وفجأه !!!!
مريووم : فديييييييييييييييييت ميووودي انا ((وتمت تبووسه ع خدده ))
وميوود علامات الاسفهام في وييه شو الساااالفه !!!؟؟؟
ميثه : بسم الله الرحمن الرحيم الحني مفرووض تكفخيينه مب تبووسينه
مريووم: صحصحت يا الحلوووووووووووووووه يااااااااااااااااااااااااااااي ((تمت تصاارخ ))
ماايد : الحين الي رشيتها مريووووم وانتي الي راشتني
ميثه : هااااا لاااا لاااا وسيووووووووووو ع الغرففه
مايد : يا الخبللله ردي ردي ميثوووو ولا اجسحج واللله ولحقها
وهم على هااذا الحاال لحد السااعه 12 الكل كان يتجهز لصلاه اليمعه الا يدخن والي يعطر والي يراكض عسبه يعدل الميلس والي يعدل الصاله والي يزاعج ع الشغاله حارقه الكندووره
ثااني : الحين شسوي قوووليلي حاارقه الكندووره ما عندي غيرها اففف منج بقره بقره
راني : انا يسوي زين مال كوايا بس يهرق انا سوسوي ((انا سويت الكوايه زين لاكن احترق شو اسوي))
ثااني يزاعج : ياااااااااااالله بروووود خووزي لاسدحج الحين
مروان نازل من فوق منكشخ والدخون شاال البقعه شل
ميثه : ياالله الدخون غااوي من وين مرواانو
مروان : احم احم حبيبه القلب عطتني ايااه هع هع
ثااني : هههههه اونه حبيبه القلب الله يعينك ع الحبيبه هااذي
مروان : بلاك جييه تزاعج انته صوتك آخر الدنيا
ثاني : هااذي راني حرقت كندورتي بغيت امووت يديده يااخي
مروان : زطي من الخااطر ياخي عنك مالت العيد البسها
ثاني : شوووووو!! شو قالولك بتاني البس البس مليون مرره في الاسبوع
ميثه : مشكله الكنجوسيين ((كنجوس يعني زطي بالهندي ))
ثاني : انتي الكنجوسه العووده (وطلع لساانه وسار فوق صوب حجرته )
صووب حمدووه ::
حمده : ايييييييييييه هجوور طلعي بدلتي يلاا الحين بعد شوي بنطلع
هااجر : افففف يالسه ابدل ملابسي بعدين تعاالي
حمده : افففففففففففففففففف انزين ايبي بدلتي واكسسواراتي ومكياجي والنعاله والشباصات مالاتي وعقب قفلي
هااجر : ياااربي خلاااص بفتح البااب احسلي
يووم فتحت الباااب عطووها من ذاك الطراق الي خلاها تسطلب : يووووم اقولج لا تقفلين لا تقفلين فاااااااهمه ولا ارد ارمس
هااجر : لا تظربين زيين منو انتي اصلاا عسبه تخفكيني امي ابوووي الا لوووث محطوطه تفوووو عليج
تمت حمده تطالعها وهي منصدمه منها اوووووووول مرره في التاااريخ تيها القووه انها ترمس جيييه
حمده : انزين انا لووووث بنطاالع من اللوث الحين بتشووفين يا هجووور عند امي
دخلت حمده الحجره واتصلت على مريووووم
ترن ترن ترن
مريوم : هلا
حمده : اهلين اقوول شو بتلبسين اليووم
مريوم : شرايج نتصيع طشووونه
حمده : هههههههههههههههههههههههههههههه بشووناويه تخبلين بعبووود
مريوم : جب لا تطرينه تفضحينها عند راديو اف ام (قصدها هجوور )
حمده : هااي قليله ادب حقيره خاايسه لا تطرينها لي
مريوم : اوووب اووب ليش شو الساالفه
حمده : يوم بتين بقولج المهم يلا شو نلبس
مريوم : ................
عقب بتعرفووون هع هع هع هع نذااله
:::::::::::::::::::::::::::::::::::::::
كــــــــــــــــــــــــــــت
البارت الثالث
خلنا نسير صوب الشباب شووووويه
الكل تجمع في بيت المرحوم احمد لانه اكبر بيت ومسوين خيمتين وحده للشباب ووحده للحريم ووحده صغيرووونه للبنوتات
عند الشباب::
عيضه : اقووول انتو شكلكم ما بغيتو تيوونها ساحبينكم سحااب من البيت صح ؟؟
ميوود : منوووووو اناا لا حشااايه مب ساحبيني انا الوحيد الي اصل الرحم هع هع هع
ثاني : اقوول عيضو لا تصدق ها الشيبه يقلده ((انا الوحيد الي اصل الرحم )) جييه نحن قاطعين
عبوود : هييييييييييه عيل شوووووو كل ما قلنالكم يلا عندنا الربع قلتو لا شوي مشغولين انتو اولاد عم اونكم
سلطان : انا الوحيد الي مراعيكم وحليلي
عيضه : هههه واااي ظحكتوني ما ادري منو الي مب طايع يظهر من البيت لاصق في الاب
ميووود : ههههههههههههههههههههههه فضحووني يااويلي ههه
سلطان : منو انااا!!!!!!!!!!
عيضه : لا اناا عيل منو غييييييييييرك
ثااني : يااخي عورتو راسي اسكتو طشووونه
عيضه : انت ايييييه لا اتم اسكتو شوي الحين مروان بيي وبيب جسووم وخلوود وفيصل الصغنوني
ميوود : ههههههههههههههههههههههههه فصوول هذا البيبي
عبود : تذكر ميوود يوم تم يصيح عسبه مصاصته ههههههههههه والله مصخره هالولد
سلطان : حشو في الرياال الحين
عيضه : خخخخخخخ والله اشك انه فييه طفووله متأخره هع
ثاني : هههههههههههه هيه والله
عااده الكل سكت وحسو انه في حد ناقص في العاايله غير مروان
عيضه : سلطوون وين مطووور
مطوور : هلا هلا عيضه
ميوود : ما بغيت ترمس جييه مسكرين حلجك بتيب
مطوور : لا بس تعباان شوي فيني نواااد
ثاني : هااا يااك الثااني نوااد اونه
الا ويدش مروااان ومعااه الشله جسوم وخلود وفصوول ((اخواان وفيصل هاذا عمره 19 لاكن يهااالوووووو ع آخر درجه ))
عبوود يقلد فيصل بدلع يوم يرمس : شحاااالكم شباب مرتاحين ولاااا ههههه
فيصل : اييه بلاكم علليه
جسووم: حشى تريووو شوووي طحتو فينا
خلووو: هههههههههههههههههههههه السلاااااااااااااااااااااااام عليكم شبابنا
مروان : اففف اقوول يوعاااااااااااااان حدي متي بيحطون الغدااااا
عبوود : همك بطنك كله اكل واكل
عيضه : عيل شو الي يشغلنا غير الاكل والطحن هههههههههههه
عبوود: دامكم جييه عيل بسير صوووب امي بشوفها خلصت ولا وبرد لكم
:::::::::::::::::::::::::::::::::::::::
صوب البناات
الكل : هههههههههههههههههههههههههههههههههههههههههههههههههه هههههههههههههه
مريوووم : حراام عليكم يعني انجب عليه الجااي وتظحكون
ميثه : جييه ما تعرفين تمسكين الكوب عدل ايدج مخبقه
حمده : لا شكلها تذكرت الحب ههههههه
مهره : هاااااا منو اعترفي اعترفي
مريوووم : اييييييييه جب اي حب وخراابيط اصطلبو
هااجر : اووووووووووووووونه مريووم ترا مبين الحب ف عيونج
وديمه : حراام عليكم طااعو كيف حمرت البنت
ميثه : لا حمرت ولا شي ويها لوووح حشااه اللوح
مريوم : شو قصدج هااااااااااااا ؟؟؟
حمده : ههههه سيري بدلي ثيابج سيري جنج بايله
مريوم : حمدووووووووووووووووووووووووووووه !!!!!!
الكل : هههههههههههههههههههههههههههههههههههههههههههههههه
طلعت مريوووووم مطنقره على الكل وشايله في خاطرها سارت صووب المطبخ عسبه تمر لصاله البيت وهي مااره كان عبدلله طالع من المطبخ وطاااااااخ
عبدلله : اووووووووب السمووحه منج
مريوم : اووووووبس سوووري ما طالعتك
عبدلله : ههه لا عاادي انا الي ما طالعتج
مريوم كانت طول الوقت تناظر في عبوود وهي مب حااسه ((ياعيني ههه)) وعبدلله ذااااااااايب بعيونها كانت ترمش بالبطيئ وعيونها سود وشوي وسااع بس الرسمه روووعه من جييه تخبل عليها عبود خخخخخخ
عقب ما حس بنفسه تجرب منها وهمس في اذانها : مريووووم والله انج عذااب خفي علي بليييييييييز
وهي مررررررره ذااايبه مسطنه مكانها مب رااايمه ترمس من الصدمه عقب استوعبت الامر وسارت فيوووووووو الحجره
مريوم في الحجره :::
مريوم : يااالله قلبي اووووووووف ((قلبها يدق طبوووووول شو طبوول طيرااان من الخووف ))
اخااف حد طالعنا على وقفتنا العويه هااذي يا لله يالله فدييييييييت رووووووووووووووحه اموووت فييه بس شقايل تجرأه يرمس معاي جييه صج الشباب جريئين يااالبي علليه متكشخ حيااتي ((ورفعت ايدها فووق )) ياالله تخلينا لبعض يالله
وعقب كل هالتفكير شو تلبس وشو ما تلبس اخيرا اختارت وكانت المميزه من بينهم كلهم
تنوره منفوشه لحد تحت الركبه لونها فوشي وعليه جماجم بالون الاسود والقميص له ربطه في الرقبه والظهر طالع بش مغطتنه بشال ولبست لها صندل لكنه فيه خيوط لحد فووق لونه اسود ورود بالون الفوشي وحطت لها ربطه في شعرها ونزلت قصتها ((مب قصيره يعني وسط)) وفيرت شعرها الطوووووووويل كله بس الفير كان خفيف مب اووفر ويابت لها تووك بلون فوشي وحطته فوق كل شعره وحطت اي شدو تحت عينها وخفيف فوق وحطت مسكره وقلووس شفاف بس فيه لمعه طشووونه ::::
في المطبخ ::
الاولاد حااشرين الحريم وين الغدا ووين الغدااا
ام عيضه : ياااااااااااااااااااالله مب جنكم حشرررره
عيضه : اميييه لازم نسوويلج حشره عسبه تخلصين
مايد : عمووو ما عليج منهم خذي رااحتج بكيفج ولا اقوول شرايج تحطين الغدا بااجر يكون احسن عسبه ينظي في الضوو
عبدلله : لاااااااااااا والله عسبه تشووفنا عوااال من اليووع لا ياابوك دامك تسوي رجيم لنفسك لا تعمم علينا
عيضه : خخخخخ ميوود لو ما كل ثاانيه بيستوي جنه في مجااعه افريقيا
ميوود : هييه بووووووويه لازم آكل اخلي الخبله مريووم ماادري ميثو تسويلي الغدااا دووووووووم
عبوود نغزه قلبه : يااللله فديييييييييت طاااريج ياامريووم آآآآآآآآآآآآآآآه يارب ترحمني برحمته
عيضه : اقوول عبوود قم نش بنسير صوب البنات نسوي لهم فلم رعب هع هع هع دام القلب هناك
عبود : هيييه عيضو لا تقوول القلب حشم
ميوود : ياعيني ع الحب يووووووووووووووووووووووووووو هههههههههههههههههههههههه
عبدلله : .................
عيضه : حوووووووووووو روميوووووو الوووووووو طوط وطوط طوط
ميوود : لاااااااا الاخ فاصله الخدمه عنده مررره مروح فيها هههههه
عبوود انتبه لهم : اييييه قم نسير الخيمه يلااا يتريوونا الربع
ميود وعيضه ساكتين ويالسين يطاالعونه وثنينتهم شابكين ايدهم ويطالعووه بنص عين
عبدلله : اييييييييييييييييييييه شو تطاالعووون ؟؟؟
ميوود : آآآآآآآآآآآآخ لو اعرف شو مسوتبك عسبه تذووب فيها
عيضه : اثريه فيه افلونزا الحب وانا ما ادري اقوول خز خز عنا عن تعدينا عقب نستوي شراتك نمشي يمين ويساار وفكرنا عند الحب خخخخخخخخخ
عبدلله : سخييييييييييف تااااااااااااافه ما عندك ساااااااااااااااااااالفه .......وسار عنه ولا عطااه وييه
عيضه : ههههههههههههههههههههههههههههههه
ميوود : اقوول خلنا نسير شكلهم بيحطون الغدا
في الخيمه صموووووووووووووووت ((لييييش وشو السر ؟؟؟؟؟)) يدحوووون هع هع هع هع بالعاافيه عليهم
نسير صوووب بطله القصه مريووم خلنا نوجه عليها
كانت مريوم تاكل وهي سرحااانه من الخااطر سايره بعييييييييييد عنننند ((مايحتاي اقوول )) طالعتها مهره وودها تعرف فشو تفكر فييه مريووم وكل مرره ترفع راسها تطالع وتنزل وحمده نفس الشي لاكن ميثوووه قطعت تفكيرها فصله نت الحب خخخخ
ميثو بصوت عاالي : حووووووووووووووووووووووو كلي كلي كل هذا عشان الحب مالج والله في الخيمه انادييه ؟؟
مريم خزتها بعين ومن ذاك اليوم انطمت ميثه ولا رمست
حمده تساسرها : بلاج ميمي عسا ما شر
جان تلف لها مريووم وابتسمت عااده هني عرف حمدووه انهم تجابلوو كل حد بحلق في الثااااني
حمده : بالعاافيه عليج الشووفه
مريووم : .......... ((صمووت فوق صموووت ابد ماشي رمسه ))
اووك عرفنا حال العشيقه نسير صوب العشيق هع هع هع
مروان : اقووول ميوود عطني المااي
ميوود : هاااااك امسك عدل
ثاني : اقووول مطوور انت مب ناووي تعرس
مطور : منو انااااااااااا !!!!
عيضه : هع هع هع هييييه انته ((ورقص حوايبه ))
والكل تم يطاالعه : بلاااكم تطاااااااااالعوون جييه !!!!!!
مروان : نتريا ردك هع هع
مطر : لا مب ناااوي جييه الزوااج غصب
ثاني : اهاااااااااا زين زين
خخخخخخخخخ الاخوان العزيزين يبوون يخلوونه يعرف في وحده من البنات لانه حيااته ما تنطااق كله رقاد رقااد وهم يغاروون يبوونه يموت في وحده عسبه ما يذووق طعم النوووم هع هع اشرااار صح !!
بعد ما كلو وشبعو الكل ظهر من الخيم وتجمعو صووب الصااله عسبه يقولون لابوهم يطلعهم البر
كلنا نتجه صوب الصااله
وبو عيضه : شو الشووور بوسلطان يعني خلاص نسير ولا لا
بو سلطان : والله ما ادري اقوول احسن انسير لان مدارس الاولاد بتبدا جريب خلنا نونسهم
سلطاان : ياااااااااااالله ما بغيت ابووويه كلها محبوسين
ام سلطان : هاا هااا ترا والله ما شي طلعه
ثاني : خخخخخخ لاعبين فيكم تييله احين شوو بنظهر والا لا
مريوم : عمي دخيلك والله بعد اسبوعين المدرسه بتبدا خلنا نسير العزبه
عبدلله : هيييه صح ابوويه خلنا نسير
بو سلطان : خلاااص اوكيه جهزو ملابسكم واغراضكم بنسير مسندم مب العزبه وبنتم جم يوم وبنرجع
الكل : عااااااااااااااااااااااااااااااااااااااااااااااااش وا
نسير صوب حجره البنات في بيت بو سلطان :::::::::::::::::::::::::::::::::
وديمه: مهرووو حطي هالبرمووده رووعه
مهره : لااا شو هاذا ما بنقدر نلبسه هنااك كله شباب
وديمه : اقووووووووووووول
مهره: شوووه
وديمه : فااايز العله بيي ولا لا
مهره استغربت شوي من سؤالها : اقوول ودووم دامج ما تدانينه ليش تسألين عنه هالاياام اشووفج وايد مكثره
ارتبكت : هاااا ..اا لا ماشي بس ما ودي اطاالعه ولا اناظر فيه ملوع بجبدي
مهره : اهاااااااا زين زين بشك
وديمه في خطرها : اوووووف اشووه ما شكت فيه الحمد لله ولا بتستوي طاامه عووده
مهره : اقوول ودووم بقول لج شي
وديمه : شنوو ؟
مهره : احس ان مايد ابد مو مهتم فيه انا وهااجر عيل هو فمنو مهتم ؟؟؟؟!!!
وديمه : هههههههههههههههههههه وااايد حااشره نفسج فيه اقوول الرياال ما يفكر فيج مووليه يعني انطبي مكانج
مهره : خلاص عيل انا ما بفكر فيه ولا برمسه يعله الموووت
وديمه : هههههههههههه
::::::::::::::::::::::
صوووب بيت قووم مريووم كانت هناك حمده لانها مرتبه اغراظها من قبل
مريوم : يااخي ما اعرف شو احط
ميثوه : شرايج تحطين هاذا البنطلون حلوو
مريوم : لااااااااااا شو هااا شو شايفتني بايعه نفسي انا
حمدوووه : والله طر شكله بس انتي لا تلبسي نالفالينه الدااخليه لانها مكشووفه شوي بس الي فوووقه والله حلوووووو ::
هي عبااره عن بنطلون وقميص لاكن القميص الي فوووق مخبق والي تحت سااده واذا جلبته بتطلع جنها مب لابسه شي
كله مكشووف من جيه مب طاايعه تشله
ميثوو: ايييييه عااد شلي كلنا عندنا نفس اللبس
مريووم : بفكر المهم خلنا نحط الاكسسوارات والشنط والزنانيب
حمدووه : ايييه ايييه اقولج نحن ساايرين شاااليه مب فندق عشان تشلين كل هاذا
مريوم : يعني والحين شو اشل وشو ما اشل
ميثوو : اقوول انتي طلعي برا ونحن بنرتب لج
مريوم : ه ههههه ظحكتوني اقووول انتو الي طلعو وخلوني ارتب الرووحي
حمده : لا فديتج تحطيلنا جلاليب وكنادير ودراعاات لا لالالالا بنحط لج بناطلين احسن
مريوم : اووووووووووووف زين زين
حطولها بناطلين انواعها مفصخ ساتر مشرخ مقطع كل شي وقمايص كل الحراكااات الطويل القصير الكت الهاي نك كل شي
والجواتي كله زنانيب او بالاحرا نعاله حماام وجوتي وخذولها كابات بنوتيه واكسسوارات خفيفه وروج وكحل ومسكره وبس وسكرو الشنطه بس المشكله !!!!!!!!!!!!!!
حمدوووه : ياااااربي الشنطه ما تتسكر يلسي فووقها ميثووو
ميثه : هااا يلا سكري اظحطي هييييييييه يلاا
مريوووم : من هني حمدوووه من هني هيه سكري
وحمدووو تظغط
و
و
و
و
و
و
واخيرررررررررررررررا تسكرت الشنطه هع هع هع هع
ميثه : اففففففف ما بغت تتسكر عللللللللللللللللللله
حمده : هههههههههههههههههههههههههههههه والله حاااله
مريوم : هههههههههههه
ميثه : والحين خلنا ننزلها تحت ونركب نلبس ملابسنا
صوووب بيت المرحووم
هااجر : ياااربي هااذا بلاااه ما يرد عليه
عبوود : وانتي ليش تتصلين علليه
هاجر : ابغي صااااااااااااااااابووون خلص صاابوني
عبوود : انزين منو يفتح الحين كل الدكاكين مسكره
هااجر : افففففففففف بشووف عند مريووم فديتها عندها صوابين ماال سنتين جداام
عاااده هني سرح سااار بعييد ساار صوب المكان الي تصادفو فيه
يوم سرح فيها كاان وده يمسك ايدها وده وووده يسوي الي يبغيه بس فجأه
ظربته ع راسه : حوووووووووووووووووو وين سرت ابغي صاااااااااااااااااااااااااااااااااابووووووون
طلع عنها : انتي حشرره بكبرج ليش ما سرتي صوووب مريووم ترحينا منج وتطاليعين الحب
هجوور: آآآآآآآآآآآآخ لو يحس فيه مشكلته يااابس و بااارد
عااده هو ما سمعها لانه ساااار
والحين هم يالسين يرتبون الشنط ويحطون الاغرااض لانهم بعد الساعه 8 الصبح طااالعين ::::
السااعه 8بالضبط الكل اشتل شله وحده الكل تجمع بيت المرحوم ((مكانهم المفضل ))
مريووم : حمدووه حطي الشنطه هااذي تحت عسبه ما انساها
حمده : وليش تبغين تشلينها ؟؟
مريووم : سبرااايز !!
حمده : خلصينا
مريوم : متعرفه على وحده تعلمني التصوير من زمان وما خبرت عمووه
حمده : ما ما !!! عاااادي عندها ليش انتي خاايفه منها
مريوم : لااااااا شووفي انا شايله منها كمرتها اصرااحه طر ومحد يدري انه هااي الشنطه فيها الكمرا لانها غااليه حييل حيل حيل
حمده : انزين عرفيني عليها ابغي اشووفها
مريوم : امممممممممم بفكر بس انتي الحين وديها تحت
حمده : اوووك
نزلت تحت وكانت يالسه تغني ((والله لو سمعتها مريووم بتجتلها ترها ما تحب تسمع الاغااني هي الوحيده من العاايله ))
وفي نفس الوقت طلع مروان من الحجره وكان لابس برمودا بلون بيج وهاي نك احمر وكاب بيج واحمر ولابس له بوت لونه بيج
مروان : انا ضايق وبالي ضايق وجوي ضايق ضيقن كايد نفسي ملت وروحي ولت وعيني هلت دمعن واايد عاشوووو
حمده : افااا منو مضايجبك هههههه
نزلت وحطت الشنطه فوق شنطه مريووم وسارت صوب المطبخ لان امها زقرتها
::::::::::::
صوب السياير ::
ماايد : هلا هلا فصوول ....... هيه خلاص ما عليه ....... اووك ما عليك لا توصي حريص ....... يلا سلم سلم هاا ... ههههههههه طفس .. يلا بااي
من ورااه
........ ميوود
مايد لف : هل...... نعم ((بظيج))
مهره: بلاك مايد عليه لا هجور ولا انا منو في بالك دامك متكدر علينا
ماايد : ياخي مب غصب الهو جييه هي لعبه اعيشج في حب وانا مب طايقنج
مهره: لييييييش زين !!!
مايد : هههههههههههههههههههههههههههههههههه ما ادري اسألي نفسج يا غلا
وسار عنها صوب الشباااب
مهره : قهههههر ياااابروووووودك افففففففف بس والله العظيم اذا ما خليتك تموت في هوايه ما اكون مهره بنت امي وابووي
يت صوبها ميثه وكان شاله شنطتها وشنطه حمده دخلت دااخل الدبه وسكرت الدبه لانهم آخر شنطتين
ميثه : آآآآآآآآه تعبت تكسرن ظلوعي يالله يالله (عيووز شنقول خخخ))
شافتها مهره بنظره وسارت عنها وهي مقهوره من مايد
ميثه : اعووذبالله بلاها جييه تطالعني
الكل ركب السياير وتوجهو صووب مسندم بقول لكم جم سياره ومنو داخلها
سياره الشباب
استيشن : ثاني يسوق ،، مروان عداله ،، ومايد
سياره البنات
هم استيشن: عيضه يسوق ،، عبدلله عداله ،، مريوم ورا هي وحمده وميثه
سياره العيايز ::
بعد استيشن :: كلهم مشترين استيشنات
بو عيضه يسوق ،، عداله حرمته ،، ورا مهره ووديمه وهاجر والشغالتين فارينهم ورا
::::::::
خلنا نسير صوب سياره الشباب
مرواان : عااشووووو ااا انا ضايق وبالي ضااايق انا ضايق والله ضاايق يلااااا نفضه
ثاني اونه ييول بس ما عنده سلاح : اهااا عااشو اا جيت بحبي ولا ه وذنبي لان قلبي ما هو محايد ما ابغي غيره بشره وخيره ياهي حييره قلبه بايد
مايد : عااااااااش ثاني عااش نفضه ايواا عااشو عاشو
وثاني ياالس يهز خصره وينط ويسوي حركات واونه ينعش ههههههه وحليله
الكل : كاان مرتبش ومعلين ع الاغنيه (ياويلهم من مريووم هع هعهع ) مسوويه ارهااب لهم محد يسمع جدامها اغنيه وحده
سياره البنات ::
عبوود : حط لنا آه منك
عيضه : متأكد ....ويطالع مريوم من الجامه كانت تبغي ترمس بس ما تدري ليش انربط لسانها
عبوود : هييييييييييييييه متأكد ((يبغي يقهر مريوم ))
حمده : عبود عن الاستهباال الزاايد
عيضه : هههههههههههههههههههههههههههه
ميثه : اقوول حطو لنا شي مخلينا في عزا يا اناشيد يا قرآن
مريوم : الحين هاذا يسمووونه عزا يا لخبله
عيضه : ونطق الحجره هع هع ما بغيتي بلاج ساكته طول الدرب حد ميت عليج
مريوم : حراام الوحد يفكر شوي
ميثه : فمنو التفكير يسيييييير ؟؟؟؟؟؟
عااد هني ابتسم عبووود وشاااق الحلج ههع هع عارف عمره بس ....
مريوم : آآآآآآآآآآآآآآآآآآآه في امي وابوي الله يرحمهم ويغمد روحهم الجنه
عيضه تطالع عبدلله : يوووووووووووووو خيبتي املنا يااخي هع
عبود صد صووبه وخزه بعين يعني اسكت وانطم
تمو جييه سااكتين ومب عارفين شو يقولون
من طوول الدرب الكل رقد معدا عيضه ومريووم كانت تجيك تلفونها اذا في رسايل ولا لا عقب سكرت تلفونها ملت ماشي تتسلى فيه ::
عقب ثوااني بالظبط رسلت لها ربيعتها مريوم ((اسم ربيعتها مريوم)) رسااله ::
هلا حبوبه شلونج وينكم الحين ؟؟
يبتي الشنطه والعده ولا نسيتيها شرات كل مره ؟؟؟
شهقت : حمدوووووووه قومي قومي
حمده : هممممممم
مريوم : وين الشنطه ؟؟
حمده : افففف داخل كيسه مهرووو
مريوم : حمدووه قلت لج حطيها فوق شنطتي ليش تحطيها في الكيسه
حمده : اخيييييييييييييييييييه ماشي مكان وين اخليها فوق راسي مثلا
مريوم ترمس روحها : اخااف تشلها مهروو تحسبها هديه تسويها والله يالله ياربي ما تشوفها
وكان مريووم تتريا ينزلوون عسبه تطلع الشنطه من الكيسه :::
واخيرااااا نزلو في محطه بترول يعبون وهي عطوول سارت صوب سياره عمها
مريوم : هلا والله بعمي شحاالك
بو عيضه : هلا هلا مريوم والله بخير بس الدرب جسحنا يابوج
مريم : ههههه ما عليك هانت ... الا جم ساعه باجيلنا
بوعيضه : اظن 3 ساعات
مريوم : اهااا اوك الا مهروه ناشه ولا لا
مهره : هييه نااشه تعاالي عفدي عندنا
سارت صوب دريشه مهره : ههههه لا ما بيي عندكم ملل خخخخ
وديمه : يعني انتو الي ربشه الكل راقد
مريوم: هييه صدقج والله الكل رااقد وانا تقول خفاش قايمه
مهره: هههههههه حلوه هااذي .. الا صح شو بغيتي
مريوووم : هيييييييييه صح وين جيستج الورديه ؟؟
مهره: صبري شوي ((وظهرتها من وراها لانها كانت قريبه واايد منها )) هاااج
شلتها مريوم وظهرت منها الشنطه وعطتها مرره ثاانيه
مهره: شوهاي الشنطه مالت شوو ؟؟
مريوم : هااا ااا. ... امممم هااي مالت المكياج :
مهره: مكياج وجييه شكلها تقول مالت كميرا
مريوم: هيييه .... ههه ما حصلت شنطه وقلت آخذ هااي مالت ميوود
مهره: ميوود عنده كمرا دجتل عووده !!!!!
مريوم : هااا ااا ... هيييييييييييييه ما تدرين غريبه
وديمه : هع صدق غريبه بس يمكن اشتراها من زمان وما قال لحد صح
مريم :هيييه .... اقوول بسير السيااره شااو ...
مريوم : افففف زين ما كشووفوني كنت بمووت يالله بالستر
وما انتبهت ان عبوودي وراها ويايه ترد ورا عسبه تركب السياره وووووو
و
و
و
و طاااااااااااااااااااااااااااااااااااااااخ
دعمته
عبووود : ولعنه ما تطالعين !!
مريووم : اووب سوووري ما شفتك
عبود استحا من الكلام الي فره : السموحه الشيخه انا الي غلطان
مريم : هه لا عاادي ((وركبت السيااره ما تبغي تطول معاه ))
حمده كانت راقده على السيت الي يالسه فيه مريوم وبالغلط يلست عليها مريوم
حمده تصارخ : اآآآآآآآآآآآآآآآآآآآآآآآآآآآآآي ما تشووفين
مريوم : هههههههههههههههههه انتي شو منومنج هني يعني ما تعرفين اني بيلس
حمده تقوم : ياليتني ما ييت اففف ارف الرحله
مريوم : هييه صح ارف صح بنشووف منو عقب بيتقبض بالبيبان والكرافي ما يبغي يطلع من المكان
ميثه : اففففففففف حشرتونا انتو بسكم هذره
مريم : آآآآآآآآآآآآخ الله يعيني عليكم ما تونسوون يااخي
عقب يلست ع السيت وشغلت الايبود وتمت تسمع اناشيد وميثو حطت لايبودها اغنيه حلون على قلبي هواكم نذااله هع
مريوم تمت تجلب في الاناشيد فجأه سمعت هاي الاغنيه استغربت ما تحيد عندها انشوده جييه بدايتها واول ما سمعت الحن عطوول بندت وتطالعت ميثو لقتها تسمع شراتها وتاطلعها بنص عين واول ما شافت مريوم عين بعين لفت الصوب الثاني
مريم : ميثوووو هين هين بتشوفين
ميثه : هع هع هع هع هع هع
المهم كملو الطريق وكانت اول رحله في تااريخ آل .......... ممللللللللللللله يعني من دوون المرحوم والمرحومه الجو خاايس
بعد ثلاث سااعات وصلو فندق خصب شو خياااااااااااااااااااااال هل الفندق انصحكم نسيرونه بس ناااااااااااااااار نااااار يعني غالي :: متفيجه خخخخ
المهم نزلو الاغراض وحجزو جناحين كباار ويلسو ينقلون بعض اغراضهم الشخصيه
والكل تلاقوا في بوابه الفندق العوده :::
كـــــــــــــــــــــــــــت
الموضوع الأصلي :
راويه جميله جداا من تاليف شاب اماراتي || الكاتب :
alfanan || المصدر :
منتديات أنيدرا
راويه جميله جداا من تاليف شاب اماراتي
وربي نفس شخصيتي حسيتها مجنونة زيي >> لاتكثرين_.png)
العرض العادي
