(مميز) [فريق أنيدرا للأنمي] أنمى Karneval الحلقة الرابعة ~

[Mr_Misery]

رجعت للتعليق على الحلقة
(اسف على التأخير و ربي ، بس كنت مجهز شبه تعليق للحلقة الثالثة .. لكن ما قدرت اكمله و اضيفه .. و حتى هذا التعليق كنت مطول بيه شوية ، بس انتبهت لان الحلقة الخامسة نزلت فشفت هذه الحلقة و قلت اعلق و احمل الحلقة الخامسة كمان )



مرت فترة و انا فاتح شاشة كتابة رد جديد و قاعد افكر ^^"
كتبت مجموعة ملاحظات عن الحلقة ، و عندي مجلد بيه الصور اللي ناوي اضيفها للتعليق ..
بس مع كدا قاعد افكر ، و شكلي بترك كل التعليقات و الصور و اكتب من ما في بالي مباشرة ..


مين هو الشخص اللي وراء كل شيء ؟

اقصد .. من الحلقات الاربع الاولى من المسلسل ما فهمته هو :



في منظمة اسمها السيرك .. هذه المنظمة كان عندها بطريقة ما تكنولوجيا لتحويل البشر لوحوش و تحويل الوحوش لبشر ...

انشق بعض اعضاء هذه المنظمة و سرقوا هذه التكنولوجيا و عملوا مظمة خاصة بيهم و قعدوا يصنعوا وحوشهم الخاصة ..

السيرك عملت فرق (كل فرقة عندها سفينة و قائد) عشان تحارب المنظمة الاخرى و الوحوش ..

شخص ما (غالبا كوروكو) قام بتحويل ناي من حيوان الى انسان باستعمال هذه التكنولوجيا ..

غاريكي اللي يجمع اكبر كمية ممكنة من الاموال و يبحث عمن قتل الانسانة اللي صارت بمثابة ام له .. قابل ناي و هو الان معه ..

السيرك حصلت على ناي و تدرسه عشان تعرف اكثر عن التكنولوجيا اللي تم استعمالها لانتاجه ...




مشكلتي هو انه في شخص ما قام بالاتي (على الارجح) :

- هو من حصل على تكنولوجيا التحويل من السيرك و سرقها (بالتالي ربما كان هو عضو سابق بالسيرك) .. و هو من اسس المنظمة الخاصة ..

- هو من جرب تلك التكنولوجيا على الاطفال الاسرى مع جاريكي (بان دسها بوجباتهم) و هو نفسه اللي جرب هذه التكنولوجيا على التوأم اللي يمثلان شيء اقرب لاخوي جاريكي ..

- هو - ربما - من اختطف كوروكو عشان يحصل على ابحاثه ، و هو من حرق بيت كوركو اللي بالغابة ..





عن تخميني الشخصي لحد الان (مستعد اعدله على ضوء الحلقات القادمة) :

العجوز اللي بهذه الصورة :



هو عضو بمجلس ادارة السيرك (نادي العجائز اللي يظهرون في المائدة المستديرة) .. و بنفس الوقت هو (سريًا) مدير منظمة الكافكا (اتصور ان هذا هو اسم المنظمة الاخرى)

و اللي جنبه (أبو شعر احمر) هو اللي كان عضو بالسيرك و سرق التكنولوجيا .. و على الارجح هو حبيب اللي تمثل ام جاريكي .. و هو اللي جرب الادوية على الاطفال و على التوأم كمان

و ممكن هذا يتفق مع توقعي بانه بيحصل شقاق بين هاروتو و بين الادارة بتاعته (لو هاروتو عرف ان احد الادارة خائن او شك في هذا مجرد شك ، فبيبدأ يتصرف لوحده)




ادري انه التخمين بناء على محتوى اربع حلقات فقط من انمي ش شيء جيد لان الحلقات الاولى تكون للتعريف فقط و لبناء مدخل للقصة و المسلسل (اقصد الحلقة الاولى كانت عن تعارف جاريكي و ناي ، الثانية للتعريف بالسيرك ، و الثالثة عن ناي ، و الرابعة عن جاريكي)

لكن بصراحة ما اقدر اقاوم الرغب في التخمين ، و اعتبره نصف المتعة بالمسلسل