كيف تجعل الاعضاء يردون على موضوعك ؟

[Akihito]

كيف تجعل الاعضاء يردون على موضوعك ؟

Tweet

لإزالة كل الأعلانات، سجل الآن في منتديات أنيدرا

الموضوع وااضح جدا

كيف تجعل الاعضاء يردون على موضوعك ؟

و

كيف تحمي موضوعك من الردود السطحية ؟
و
كيف تجعل موضوعك اكثر اثارة ؟



افاااااا عليكم وانا اخوكم ... عندي لكم النصائح المناسبة لاصحاب الجهود المبذولة
واللي تخيب ظنهم في ردود بعض الاعضاء

طبعا هذي نصايحي انا

ليش ؟!!

لاني مجرب اكثر من ستين الف منتدى انمي او درامي مريت عليهم بتجارب فاشلة

اكتب موضوع ماخذ عليه وقت وجهد

اخر شي ..

شكرا

مشكور

مشكورة

تسلمين

تسلم

او
يحطون ايقونة وبس

بعد كل هذه المصاعب وخيبات الامل

عرفت انه الغلط له صوبين

غلط من صاحب الموضوع

وغلط من صوب الاعضاء

انا عندي حل للاصحاب المواضيع

اما الاعضاء انا ما اقدر اغيرهم




نبدأ :

1- طقم موضوعك ..

نعم .. خلي لك لون اساسي .. واختار فواصل تلائم لون الخط وافتتاحية مناسبة في اللون

واهم شي .. اجعل اللون تناسب توقيعك وصورتك الرمزية ..

هذا يجعل من عين الناظر مريحة وتعطيه انطباع بالجهد اللي بذلته في الترتيب والتنسيق

غصبن عنه بيرد على موضوعك ..

واذا رحتوا للمواضيع المتميزة

بتلاحظون هالشي ..

منظم ومرتب ومتخذ لون اساسي ... لكن اختاروا لون مريح للعين ... الوان فاقعة وفسفورية
ما نبى ... اكس عليها ...

و فيه بعض الاعضاء يختارون اكثر من لون !!
ليش يا عم ... اقصى عدد هو : لونين فقط

ويستحسن يكون اللون الاول ملائم او متدرج للون الثاني





2- الايقونات موحدة ..

هذا مهم جدا ... يبدو ان النصيحة سخيفة بعض الشي

لكن فعلا مهمة

فيه بعض الناس يحطون ايقونات مختلفة ... مثل ( و )

نو نو نو ... اكس عليها ... ايضا طقموا في ايقوناتكم ..

اختاروا نوع واحد من الايقونات فقط ... لا اكثر ولا اقل

يا تستخدمون ايقونات المنتدى او هذي :

onion head

red fox
monkey

وهذي مواقع تحصلوهم فيها

هنا

هنا

فيه قائمة على الجانب وفي الاعلى للمواقع تختارون منها الايقونات

فيه ناس يقولون ليش مهمة ؟

لسببين :
1- عشان ما يتلخبط الناظر ويسبب توتر ... الا ولا عيون الاعضاء
لازم نفسية الاعضاء تكون مرتاحة ومستانسة عشان يكون لهم نفس يردون .

2- becous i say so ... اذا قلت شي مهم ... يعني مهم !! بس !!



3- ضع شروط للردود ..

مثل ما انا اسوي ... يعني في نهاية الموضوع تكتب الشروط اللي تباها في الردود

مثلا :

لو سمحتوا يرجى من ردودكم ان تحتوي على :
1- رايكم في الموضوع .
2- ما اذا كانت هناك اخطاء في موضوعي
3- وجهة نظركم في الموضوع
4- تقييم لو سمحتوا

هذي اهم وسيلة حماية من الردود السطحية !!!

ليش وكيف ؟

لانه اذا اراد القارئ ان يكتب لك رد ... بيعرف شو بيكتب ... لانه فعلا فيه ناس ما يعرفون شو
يقولون ؟! .. وهذا يسهل عليهم الرد ... ويكون لهم دافع للرد ايضا ..
عادة بعض القراء يكتوبون واحد من هذي الشروط ... بس المهم انهم فعلا قرؤوا موضوعك
وشاركوا بنفس وهمة ..

واذا حصل ولقيت رد سطحي في موضوعك وحتى لو وضعت الشروط للردود

عزيزي صاحب الموضوع ... هذا الشخص ما قرأ موضوعك ابدا

ان شا الله ما يحصل لكم هالشي ..



4- رد على ردودهم

نعم هذا شي مهم جدا .. انته (صاحب الموضوع ) ما تبى يتخيب ظنك في ردود الاعضاء
وهم كذلك !!

سوي اقتباس ورد .. وناقش معهم ..

الناس يحبون المشاركة .. ومن الافضل ان يحس القارئ انه فعلا سوا شي
وانه رده ورأيه مهم ..

لكن فيه غلطة جسيمة يترتكبها بعض اصحاب المواضيع ..

انهم يكتبون في مواضيعم بعد ما يردوا القراء هذا الكلام :

شكرا على المرور جميعا

بدون اقتباس او لفتة معينة

هذي الحركة كأنك طعنت في الاعضاء اللي ردوا على موضوعك

لاااا والف لاااااا .... اكس عليها

مثل ما قرؤوا موضوعك بهمة ... اقرأ ردودهم بهمة اكبر ..

وناقش ... الناس يحبون المناقشة الطيبة

صوح ولا مش صوح ؟!!



5- بين شخصيتك في موضوعك ..

هذي انتوا حرين فيها ... تبون تظهرون شخصيتكم ولا لا كيفكم

لكن يستحسن ... ليش وكيف ؟

يستحسن ان تقوم باظهار حركة حلوة ... ضحكة ... رأيك الشخصي في الموضوع نفسه

مثلا :

الحين كل اللي ردت عليهم الانسة ( انهار ) ..شو تلاحظون في ردودها ومواضيعها ؟

انا عطت لي انطباع انها شخصية رزينة وطيبة وحنونة ومهتمة في الاخرين
وذات حس بالمسؤولية وتعرف كيف تبين رايها في المواضيع بشكل فائق في الاحترام

صح ولا لا ؟

اللي تكتبونه في مواضيعكم يبين شخصيتكم

وحاولوا قدر الامكان انكم تبينون الاحترام سواء لصاحب الموضوع او القارئ



6- عنوان خطير !!

هذي اهم نقطة !!! مهمة جدا ... كتبوها في ايدكم هذي .... وبحبر ما ينمسح . !!

العنوان يا عزيزي صاحب الموضوع ... هو مدخل للقارئ

كما لاحظتوا صاحب السمو ( انا ) اني احط عنوان لا يخطر على بال !!

ولو انه موضوعك مجرد صور ... خلي العنوان اخطر من الموضوع نفسه

مثلا :

انا عن تجربة ناجحة .. حطيت موضوع عشان ما تشردون من المدارس ..

حطيت قصة من حياتي وصورتين ... وبس ..

من الواجهة يبين الموضوع ما يستحق الرد عليه ..

لكن العنوان لموضوعي هذا كان : لا تشردوا من المدارس !! بس !!

العنوان اثار فضول الجميع ... والقراء يدخلون ويقرون ويردون
وما شاء الله وصل موضوعي لـ 8 صفحات ..

استخدموا عنوان لا يخطر على بال !!!

اي شي يثير فضول القراء ...




7- لا للملل ..

لا تكتبوا موضوع ممل ... لانه اذا القارء اصابه الملل ما بيرد ... اصلا ما بيقرأ نص الموضوع

حطوا شوية بهارات وفلفل وملح وشوية عسل على موضوعكم ..

خلوه مثير للتساؤلات والفضول ..

كما سويت في موضوع : لا تشردوا من المدرسة

خفت اذا كان القارء يقرأ موضوعي ما بيرد لانه بيمل ... عبارة عن مدونة وصورتين
يسبب الملل ..

لازم تسوون صاعقة للقارء ...

عشان جيه حطيت فقرة : هذا الموضوع برعاية ..

كلوز اب ... و بانتين ... وحطيت صور منزلية ..

فعلا شي خارج عن الموضوع !!!

يعني انته في البيت ما تطيق الضيقة والحبسة وانته تشوف التلفزيون !! .. ملل صح

تروح تطلع بره .. تشوف الدنيا ... تروح المطبخ تروح تحشر ابوك ... تروح تلعب بسيارته
تروح تخلص عطور امك .. تروح تضارب ويا اخوانك ... تروح المول ..

انتوا عاااد يا اعزائي اصحاب المواضيع ... فتحوا نافذة للقراء ... لا تفتحون باب !!

نافذة يكون زين ... عشان ما اطلعوهم من الموضوع كله !! شي بسيط ذو تأثير قوي

اي حركة حلوة تضحك ...



8- لا تنقلون ..

يفضل انه لا تنقولون مواضيعكم من منتدى اخر ...

لكن مشكلة الاعضاء .. انهم ما يعرفون شو يسوون موضوع ..

يبون يكونون نشيطين ... مب بس يردون على مواضيع اخرى وبس

خاطرهم يسوون مواضيع يطير العقل .. لكن المشكلة ما شي في العقل
ماشي فكرة .. ماشي عالبال ...

تحصل ... والله تحصل ... لا تزعلون ... يحصل والله

اللي اتكلم عنهم هم ناس مثلي ... ما يعرفون يترجمون حلقات او مانجا او طفروا من كثر ما يحطون صور وبس ..

عشان جيه ... انصحكم لا تروحون للمواقع العربية وااايد ... سووا ميكس شوي

روحوا عند موقع اجنبي موثوق .. حاولوا تقروا مقالات ... اخبار .. تشوفوا صور يديدة
و ترجموها عربي وتحطونها ...

مثلا ... روحوا اليوتيوب ... شوفوا اي فيديو خطير وروعة وحطوه ..

لكن تأكدوا انه الفيديو غير مشهور وااايد ... حطوا شي نادر الوجود في المواقع العربية ومشهور في المواقع الاجنبية ..




وبهذا انتهت نصايحي ...

عن تجربة يا جماعة ..

فيه نصايح اخرى .. لكن تعبت من الكتابة ..

هذا الموضوع غير مجهز مسبقا .. من جيه تعبان ..


طبعا ... عالعادة ..دائما وابدا ... حطوا في ردودكم :

1- نصيحة اخرى من عندكم ..
2- نصيحة مفيدة افادكم ... صدق مب يلا والدرب !!
3- افكورس ... تقييم .. فايف ستارز لو سمحتوا .. اقل .. ما نقبل ..

اخوكم : Akihito

_________________________________________

ملاحظة : سوري انهار اذا احرجتج لكن ما اعرف غيرج في المنتدى يمتلك الصفات

كككككك انا يديد ... عمري كم من اسبوع في المنتدى ..

الموضوع الأصلي : كيف تجعل الاعضاء يردون على موضوعك ؟ || الكاتب : Akihito || المصدر : منتديات أنيدرا

[البطل نت]

ماشاء الله ماشاء الله

واضح انك تعبان على الموضوع >>>>> احلف عاد

والله وفيت وكفيت akihito
موضوع جدا رائع ومفيد في نفس الوقت
ولاننسى انه ممزوج بدمك الخفيف (الطريف)
وفالك البيرق >>>> هي هي هي مسوي دم خفيف

ماادري وش اكتب وش اعلق
ماخليت لنا شي نكتبه ماشاء الله عليك

وفي الاخير
شكرا لك على الموضوع
وخلاص.....

[Camillia]

لحظات واعود اليك
موضوع مثير للجدال

[أنهار]

وعليكم السلام ورحمة الله وبركاته

ماشاء الله تبارك الله

وربي ابداع يااخوي

الله يعطيك العافية ان شاء الله استمتعت كثير بالقراءة

وكلامك صحيح 100 % ،، 8 نصائح ونقاط هامة للغاية ^^


والفكرة الاخيرة لا تنقلون فكرة حلوة ووضحت رايك بشكل حلو كثير

واعجبتني وراح اطبقها اكيد


بارك الله فيك اخوي ولانه من كتابتك وتجربتك المميزة
ينقل لقسم مساحة انيدرا الحرة


وخذ راحتك والله عادي ياخوي
تقييم اكيد ويستحق بجدارة


مودتي

[emely..]

وعليكم السلآم ..

اللهم صلي على محمد وآل محمد ..
فعلآ ، موضوع جميل وبآين فيه مجهودك الرآئع ..
مثل مآقآل الأخ {البطل نت ..موآضيعك و ردودك دآئماَ تتسم بخفة الدم ..(=
+ تجبر الشخص على الرد ..
~~~~~~~~~~..

بـ النسبه للنصآيح ..نصــآيح أقدر اطبقها و نصآيح لأ ..
النقطه الثآمنه >مستحيله بالنسبه ليي<، لأني أنسآنه مــآتعرف تكتب موآضيع ..
حدي أرد و بـ الغصب يطلع رد مني ..
بــآحــآول أطبق النصــآيح > اذآ قدرت < ..
و مثــل مآقلت الأخت أنهــآر مــآشــآء الله عليهـآ ..> في الردود + الموآضيع ..<
ربي يوفقهــآ ان شــآء الله ..

1- نصيحة اخرى من عندكم ..
- كل النصآيح تقريباَ كتبتهآ مافي شي مــآكتبته ..؟!

3- افكورس ... تقييم .. فايف ستارز لو سمحتوا .. اقل .. ما نقبل ..
- تستحق الفآيف > بجدآره <


ننتظر المزيد من ابدآعآتك الجديده..
مــوفق ان شــآء الله ..
تحيآتي ..
~ (=