مواقفج منها العبره ان شاء الله.. و اتمنى انه ولد خالتج ما يكون دايما زعلان عليج..
انا صار لي موقف..
انا كنت وايد قريبه من جدتي الله يرحمها لدرجه اني اقعد وياها اكثر من ما اقعد مع امي في البيت
وجاتها فتره و مرضت.. وانا من النوع الي ما احب ابين حق اشخاص معينين اني اعزهم و لو كانت
معزتي لهم تساوي قدر الدنيا بكبرها.. فـ يوم كانت مريضه كنت ما احب اجوفها مريضه و أجل الاشياء
الي ابي اقولها لها والي ابي اسويها لها واقول بسوي و بقول بعد ما تشفى ما احب اجوفها جي
جي استغفر الله يعني ضامنه حياتها .. و صادف انها توفت بعد كم يوم وانا كنت حاسه انها بتموت
لكن مع هاذي ما سويت لها ولااا شي لاني كنت اقول بسوي بعد ما تشفى .. ومر على وفاتها
سنه و شهر وانا لين اليوم متحسفه و ندمانه و كل يوم يزيد ندمي .. يا ليتني سويت
و قلت لها ذيك الاشياء و زرتها مثل قبل.. كل هالندم بسبب اني ما احب اجوفها مريضه
الله يرحمها و يرحم حميع المسلمين ان شاء الله..
لكن الحمد لله على كل حال,, جدتي كانت وايد مأثرة فيني وانا احمد ربي اني عشت
16 سنه من عمري مع شخص مثلها ..
وهو موقف مررررة مؤثر ومحزززن وكئييب وكلكم حتبكوا معايا >> هرجها كثير
يوم كنا متجمعين عند وحدة من البنات ..
وكلهم كانوا جالسين .. إلي على الكمبيوتر وإلي على السرير زي كدا
بعدين وحدة قالتلي انها دخلت كورس كاراتيه ، قلتلها انا كمان
قالتلي يلا قومي اتحديني
وكان تحتها فرشة >> مدري اش يسموها شي زي السجادة بس كبير هع
وكانت قاااابلة للانزلاق >> فجأة طلعت بسطر فصحى خخخخخخخ
المهم قعدنا نستهبل وكدا وراحت صقعتني برجلها وأنا لاشعورياً مسكت رجلها
فراحت اتزحلقت من ورى الفرشة وطاحت على الأرض .. وانكسرت يدها
انا خلاص الدنيا سودت في وجهي ><
وكلهم حطوا الملامة عليا ..
وحتى أهلي كلهم زعلوا مني ومررررة نفسيتي كانت زفت
واصلن الين دحين كل ما افتكر الموقف دا ابكي
وإلي يقهر إنو صديقاتي ما وقفوا معايا بالعكس حسسوني بالذنب أكثر ..
بس الشي إلي منجد خلاني أتأثر وخلاني أحب البنت مع إنها جابتلي مشاكل خخخخ ...
إنها دقت عليا اليوم إلي بعدو وقالتلي : الغلط مو منك أنا اتزحلقت وانتي ما سويتي شي ..
يعني منجد منجد خلتني أتأثر
دحين علاقتي سطحية مع البنت .. يعني شخصياتنا اتغيرت وكدا
بس والله ما انسالها هيا وحاظل احبها بس على الكلمة دي
ما يستفاد من القصة ~ >> اتذكرت قصص ما قبل النوم خخخخ >> كف
* لا تتهوروا وتلعبو كاراتيه
* خليكم طيبين مع الناس بالذات في المواقف الأليمة
* أوقفوا مع أصدقاءكم في المواقف السيئة
الموقف الثآني محزن كمان ومن بدايتها أقلكم مو كل الناس طيبين >> ما تسكت
انا مررة احوب الانجليش
ومعلمة الإنجليش كمان تحبني عشاني اشارك في الحصة
يوم المعلمة اعطتنا هووم ورك .. وفي اليوم الي بعده نص الفصل ما كان حاله
اكتر من النص كمان
ومن بينهم كانو صديقاتي .. يعني صديقاتي منجد منجد
وانا وكم بنت بس كنا حالين الواجب
وانا كنت في وجه المعلمة وهيا كانت معصبة وسارت تهزئ وكذا راحت قالتلي اكتبي اسماء البنات الواقفين . وكملت تهزئ
وبعدييين في الترم التاني كنت باستهبل مع صحبتي وطلعت دفتر الانجلش حقها
لقيتها كاتبة كلام هي ووحدة تانية وفيه حش فيا
يعني منجد منجد شي قطعلي قلبي وهيا ماي بيست فريند
ما ادري اي وحدة إلي حشت فيا لأن خطهم زي بعض ...
بس ولا اعتذرت حتى ..
آآآآآآآخ أيتها الدنيا لماذا أنتي هكذا ؟؟؟ >> إلي يسمعها يقول عمرها بعمر الشيبة جوني خخخ
صرااحه انا عندي مواقف كثيرررررررررررررررررره امر فيها وتأثر فيني ماعدا 2 ..هذوولي اللي لو تمسحون ذااكرتي ماانسااهم ...
الحادثه الاولى ..
العاااصفه الرمليه .. الهائجه اللي ذكرتها اختي "ghadah" ..
كنت في بيتنا مع بنت عمي "اكبر مني بسنه ".. وكنا قاع نشوف العاصفه من الشبااك .. فكان تجي تقرب جمب الشبااك وتبعد .. وتقول "انا اشوووفه ناار .. انا اشووفه ناار .. شووفيه .. " فأنا اقول لها "يمكن لان التراب بني ومن كثرته صار احمر . ومع الهواء صار يتحرك كأنه ناار ".. قالت لي "طيب هذا عقااب من الله لعبااده العاصين .. وابتلاء لعباده الصالحين .. صح ؟؟ " انا هنا صرت اسائل ليش كذا تفكر بنت عمي ..!! رحت لها وهديتها .. .. لكن الى الان وانا مانسااهااا ..
الثانيه ..:
كنا في السوبير ماركت "كارفور" انا وامي .. خلصنا وتقظينا وجلسنا ننتظر .. في هالسنه كنت انا في "2 او ثالث ابتدائي ".. يعني كنت مررره صعنونه .. الموهيم .. جلسنا ننتظر ..فجاه جاء لماماتي اتصال ان "ولد خالتي يبلغ من العمر"2" طاح بالمسبح وغرق وتوفي<< هذا الخبر وصلها من خالي".... قامت ماما سكرت التليفوون وقامت تدعي ..انا سألتها وردت علي بكل هدوء .. هنا حسيت ان امي ما في مثلها .. قمت اصيح بقوه << طبعا من غير صرااخ .. بس مرره كنت حزينه.وخايفه ع اختي"لانها كانت متعلقه فيه ".. جاء ابوي واخواني ومرونا ودوا امي لبيت خالتي ورجعنا البيت .. قال ابوي اننا راح نمثل ع خواتي .. انا تمالكت نفسي ودخلت البيت ومر الوقت ع خير الى منتصف الليل .. انا نايمه .. وكل بخير ..
اضافه :
1 توفي ولد خالتي يوم الجمعه .. وكان اللي بعده السبت الاختبارات النهاائيه عشاان كذا ما حبينا نشوش ع خواتي ..
2 اشكر نفسي ع تمثيلي العجييب ..
بس هذولي كانوا الى الان المواقف الاكثر اثرا في حيااتي ...!!