عطاري العيدية ... الحبايب اللي طلبوا عيدية في الموضوع السابق ...
انــــا شــــو قـــلــــت ؟!!!!
حسابكم في اخر الموضوع ...! بتشوفون !! ..
المهم ...
الحين اللي يقرا العنوان اكيد يقول فخاطره احد من هذه الجمل التالية :
1- اوووه لاااه اخيرا ذبح نورة !!!
2- منو منو منووووو ؟!
3- لاااا له ؟!
4- قص على واحد غيري !
5- يع !!
ولكن الاجابة الصحيحة هي :
ذبحت اضحية العيد !!
يس !!
استويت ذابح يذبح ذبيحا !!
خاروووف مكرش مليان لحم وشحم ..
بس الصراحة كانت تجربة مرعبة !!
عبالي ابوي بيذبح اضحية العيد هالسنة !!
لكن قال لازم انا اسوي !!
ليش ؟!!
انا اقولكم ليش !! ...
لانه السنة اللي فاتت ... اخوي ذبح ... والسنة اللي قبلها ... اخوي الثاني ذبح ...
واللي قبلها ... وهكذااا ...
صار دوري اني اذبح ..
اما تفاصيل الحدث ما بقول .... !
المهم نجحت !!
اول ما خلصت ذبح ... كندورة العيد كلها دم !!
يا اخي بس عاااد !!
مرة نورة تصب فيمتوو على كندورة عيد الفطر ...
والحين ... دم !!
شيبت !! صرت شيبة !! خلاص !!
الحين ..
بعد ما خلصت ذبح ... وزعنا لحم على الجيران وعالاهل ... واخر شي ...
رحنا حوش البيت ( الحديقة الامامية ) ..
وابووي مولع النار ... ونشوي اللحم اللي تبقى ...
ويم يم يم يم ...
الناس تروح السيح ... لكن اليهال قالوا لا ما نبى نروح !!
واولهم !!
الراس العود .... نورة !
بس هالعيد مرتاح شوي ...
مب نفس عيد الفطر اللي فات ...
تذكرووون ؟!!
اللي ما يتذكر يروح المواضيع السابقة ويقرا ... !!
لا رحت صالون ولا يحزنون ..
هالعيد ما خسرت فلوس وايد نفس قبل ..
اما اليهال اللي يحوطون ويبون عيدية ...
اول ما يدقون باب البيت ..
اقول : اوووه صح ... المسؤوول فالدوام يباني اسوي مهمة !! يلا مع السلامة ...
ونورة الصراحة راحة عندها تقول لي : يالخرط .!! حلوة هذي ... مهمة في العيد ... والناس مأجزة ..
يعني من بين خلق الله كلها انته بس اللي مداوم !!
خلي عنك عموو !!
يلاااا بس !! بس !! محد مشيب راسي غيرها !!
المهم
انتهت السالفة !!
الحين ... دور الحلوين اللي ما يسمعون كلام عمووو !!
اسسمي موجود <<<برآآ خخخخخخخخخخخ دامك ذبحت عطنا من الذبيحه <<عشر كفوف هههههههههههه اعععععععععععععع مااتحمل اششوف الخرروف ينذبح يادوب انا الي اذبحه على قولة اخوي اليوم رايح للمذبحه <<المذبحه <<هع المهم وشاف الخروف يقول الدم من كثرة كانه مرق <<<ابو التشبيه