DARA Japanese Academy - مدخــــــل ،،،
لإزالة كل الأعلانات،
سجل الآن في منتديات أنيدرا
السلام عليكم
konnichiwa minna san, ogenki desu ka
watashi wa atarashi sensei DARA desu
Dozo yoroshiku onegaishimasu
اللغه اليابانيه لغة واايد كيوت وقواعدها بسيطه وجملهم قصيره
حبنا للمانجا، الأنمي، المسلسلات اليابانيه ، الأفلام والبرامج اليابانيه
المفروض انها اجبرتنا ولو شوي اننا نتعلم اللغه اليابانيه ولو جزء بسيط منها
وايد من الفان ينزلون صفحات مجلات (سكانز) للمقابلات ومقالات فرقهم أو فنانينهم المفضلين
وايد مننا يسمعون الأغاني اليابانيه... وبعضنا يغنيها بصوت عالي ..وهو موب فاهم شو تقول الكلماتـ
نحن نتعامل ونتواصل مع اللغه اليابانيه بشكل مباشر جداً
دامنا داخلين جو معاها !! ليش ما نحط جهد بسيط ونتعلم جزء منها
موضوعي عباره عن مدخل للغة اليابانيه!
اللغة اليابانيه تختلف واايد عن لغتنا العربيه واللغة الانجليزية .. عسب جي
لابد من مدخل! مقدمه في اللغه .. مقدمه في نظامهم الكتابي
في واايد جوانب ممكن اتكلم فيها عن هاللغة لكن بكتفي بأهم النقاط "بشكل مختصر"
الأشياء اللي ممكن تدخلنا في اللغه .. فكره أساسية ونظره عامه ..
هذا الموضوع عباره عن مدخل فقط ... ان شاء الله اذا في اقبال من الاعضاء بسوي سلسلة دروس لغه كتابة وحوار وتحدث .. وبيكون فيه واجبات وتفاعل ..
اللغه اليابانيه تعكس ثقافة وحضارة المجتمع الياباني. و
عدد الأشخاص اللي يتكلمون اللغه اليابانيه 130 مليون شخص تقريبا.
اليابانيه تقريبا ما تستخدمها اي دوله غير اليابان كلغه أساسيه.. لكنها لغه قوية .. وهذا نتيجة الحضارة الفويه لليابان.
وقت الحرب العالمية الثانيه اليابان احتلت كوريا وبعض مناطق الصين والفليبين .. واجبرتهم يتعلمون ياباني..
للحين بعض الناس من هالمناطق يتكلمون ياباني..
نظام الكتابه في اللغه اليابانيه
1- الكانجي
أكثر شيء معقد في دراسة اللغه اليابانيه كتابةً وقراءة ، لأنه عباره عن رموز (صورة مبسطه) للشيء
وهذي الرموز هو كان أساس اللغه اليابانيه يعني قديم قديم ما كان عندهم غير الكانجي
وأساسا الكانجي خذوها من الصين ..لأن اليابان قديما "يقولون" انه ما كان عندهم لغة يكتبون فيها
شوفوا أمثله للكانجي وتحتها معانيها
بعد لو تعمقتوا اكثر كل رمز له قصه وهو السبب انه هالكانجي ياخذ شكل معين ..
الكانجي اكثر من انه مجرد خطوط !!
2- الكانا
وهي عباره عن حروفهم الأبجديه .. و في منها نوعين هيراقانا وكاتاكانا
كل نوع يتكون من 46 صوت..قلت صوت لأنه نظامهم الأبجدي يعتمد ع الصوت يعني كي نو ما مي مو ... الخ
يعني ما نقول انه الحرف اسمه (ميم أو أم) وبعدين يتغير صوته حسب مكانه في الكلمه !! لا
في اللغه اليابانيه مثلا حرف الـ (ما) هو دايما يلفظ ما مهما كان الحرف اللي قبله او اللي بعده !!
لكن مرات يكون مشدد أو الصوت يكون طوييل يعني ال "ما" ممكن تصير مما او مااااا
في نقطه بعد انه اليابانيين ما عندهم حرووف ساكنه ! ماعدا حرف النون ..الباقي كله متحرك..
عسب جي اسماءنا تتغير شوي اذا لفظوها اليابانيين ..
مثلا .. سميث .. تصير سوميسو
وفي مجموعة حروف غير موجوده في اللغه اليابانيه مثل الثاء و الام
نستخدم الهيراقانا اذا كنا نكتب كلمات يابانيه (مالها كانجي) أو تكون امتدادات للكانجي ..
اذا دخلنا وتعلمنا الجمل بتفهمون شو اقصد بالامتدادات .. وبعد قصص الأطفال وكتبهم تنكتب بالهيراقانا لأنهم
يكونون بعدهم ما درسوا كل الكانجي... وفي بعض كلمات المساعدة في تركيبة الجمل تنكتب بالهيراقانا.
أما الكاتاكانا ..يستخدم لكتابة الكلمات الدخيله ..
مثل اسماء الأجانب أو أي كلمه موب يابانيه .الاصل. مثل كمبيوتر و ريموت كونترول
يعني كل صوت له طريقتين للكتابه (هيراقانا + كاتاكانا)
شوفوا هذي فيها كل حروف الكانا
3- روماجي
الحروف الاتينيه اللي نعرفها ..صاروا الحين وايد يدخلون احرف لاتينيه في الكتابه اليابانيه
خاصه في الهاي تيكنولوجيا وبعض مجالات اأخرى مثل أسماء الماركات والخ
الجمله الوحده عندهم مستحيل تلقونها كلها مكتوبه بنظام واحد .. يعني بس هيرااقانا او كانجي او كاتاكانا او روماجي..
لازم نظامين كتابه ع الاقل ..بس في حالات نادرة يكتفون بالكانجي .. اذا كان اسم كتاب اسم محل اسم مطعم ع اللافتات..
لاحظو هالجمله فيها كانجي وكاتاكانا وهيراقانا (كلها في جمله وحده)
لا تدققوان اهم شيء الفكرة العامه الحين !
الكتابة اليابانيه كانت قديما تكتب بشكل عمودي ..لكن مع الاحتكاك بالحضارات الأخرى
صاروا يكتبون افقي من اليسار لليمين ..
لكنهم لازالوا يكتبون بطريقه عموديه من الأعلى للأسفل .. خاصه في العناوين او كتب الخواطر .. أو كـ هايلايت للأشياء المهمه !
(نيهون = يابان) + (قو = لغه) = (نيهونقو = اللغه اليابانيه)
اي حد يبي يتكلم ويقول ابا اتعلم ياباني .. ابا اتعلم نيهونقو ..
هذي أول خطوة لتعلم اللغة اليابانيه 
..
NIHONGO = JAPANESE LANGUAGE
اتمنى انكم استفدتوا من هالموضوع ولو شوي ...واذا عندكم أي سؤال ..اسألوا ..
وان شاء الله بحاول أفيدكم .. 
..
في الردود لا تنسون تقولون لي شو تحبون تتعلمون أكثر ..
1- كانجي
2- الأبجدية (كانا)
3- كلمات عسب نتكلم ياباني ..
أو أي شيء ثاني ... لكن جد خلونا نتعلم 
الموضوع جهد شخصي ..
الرجاء ذكر المصدر عند النقل 
日本語が大好き
DiNG DARA
.
الموضوع الأصلي :
DARA Japanese Academy - مدخــــــل ،،، || الكاتب :
DiNG DARA || المصدر :
منتديات أنيدرا
العرض العادي
