رسّام ياباني شهير، وأديب إماراتي فريد
يجتمعون في عالم واحد ليأتو بقنبلة الموسم.
سوار الذهب ، احدى المانجا العربيه تصور
العادات التراثيه الاماراتيه بشكل عام
ورياضه القنص بشكل خاص
قيس صدقي البالغ من العمر 33 ،
يعشق الرسوم المتحركه
منذ نعومة اظافره ،حال
حال أي طفل صغير
وحب المانجا منذ أن ذهب إلى
اليابان ع اساس الدراسه
ولكن رأى الشعب الياباني
مهووس بالقصص المصوره
فقرر تأليف روايه ب نكهه يابانيه،
ونشره في اطراف الشرق الأوسط،
وفالمستقبل يطمح بنشره على مستوى العالم،
حتى الآن المانجا لم تترجم ،
يعني بس فيه نسخه عربيه، ^^
والعجيب أن المانجاكا هو اكيرا هيميكاوا
الذي رسم قصه زيلدا و آسترو بوي المشهوران،
"يعني ابصمو بالعشره ان المانجا تستحق القرايه"
القصه تتمحور حور سلطان ذو ال 15
من عمره الذي يعشق الصقور،
يحاول الدخول في مضمار
سوار الذهب الخاص للقناصين ،
واحداث مثيره ومغامرات شيقه
تلاحقه للوصول إلى مبتغاه
بصراحه أهني على المبدعين على
هالعمل الجباااار،
بصراحه الرسم خيالي وفنان ،
شوفو حمدانيه سلطان انتو بس
قريتها تقريباً 3 ارباعها لحد الحين
باجي كمن صفحه واخلصها
كلمه "واو" شويه عليها
للي يحبون ثيم السباق الكبير
وسابق ولاحق وهالامور،،
اكيد بيعشق هالمانجا
لاني احسه شرات بعض
ان كل واحد عنده شي
ويتحدى للوصول الى النهايه
في وايد مانجات مسوينها
عيال البلاد يعني هم راسمينها
بس مالاقت صدى الاعلام ،
احس انهم مظلومين والله
يمكن ماعندهم هذاك الدعم
الي يخليهم يبرزون عدل
مانجا خيالي واحد منهم
احيد كانو يحطون اعلانه
فرمضان، وعقب؟
مادري وين اختفى .. :(
ماعلينا......
موضوعي اليوم عن
سوار الذهب لاغير لول