امممم>>موعارفة شتقول
المهم خلونا نبدأ>>والناس شنو ينتظرون مع وجهج؟
أيام المدرسة بالرغم من غثاثتها وثقل دمها
الا انها صنعت أحلى الذكريات لي ولبعض الطلاب أو خلونا نقول أغلبهم
كل واحد لما يتخرج يشتاق لأيام المدرسة والتسطيلات اللي تصير في وسط الحصص
وأنا هالايام جمعتني مع بنات في المنتدى في موضوع "يوميات الطبقة الكادحة "ثالث ثانوي"
مع أن الأيام اللي قضيناها في هالموضوع قليلة ؛ لأن ماسوينا الموضوع الا على نهاية السنة
الا ان علاقتنا صارت قوية ببعضنا وحبينا بعض وغير هذا تعلقنا بالموضوع كثييير
كل سوالفنا كانت عن المدرسة وعن الابلات الغثة ولما خلصت السنة تغيرت سوالفنا
وصارت عن اختبار القدرات والخوف من هالاختبار اللي جاب لنا الرعب صج
وبعد هالاختبار تبخرت كل أمالنا وطموحاتنا بسبب خوفنا من النتيجة اللي للحين ماطلعت
ولما خلصنا كلنا من هالاختبار طلع التسطيل بطريقة جديدة خخخخخخخخ
قررنا احنا طالبات الطبقة الكادحة تكوين فرقة طقاقة باسم "فرقة كوادح" وتحت شعار
"فرقة كوادح تكدح في سبيل إنجاح أفراحكم"
وراح تشوفون الإعلان للفرقة في توقيعي للحين موجود ولا افكر اشيله خخخخخخخخخ
المهم اليوم تحت تأثير التسطيل على هالفرقة قعدت وأنتجت أول عمل للفرقة
أتمنى يعجبكم وأتمنى أشوف طلباتكم في موضوع "يوميات الطبقة الكادحة "ثالث ثانوي" هع
اليكم هذا العمل المتواضع من عمل رئيسة الفرقة ERI >>كف من البنات
وأخيراً أهدي هذا العمل المتواضع لجميع من شجعنا
في تخطي هذه المرحلة وترك بصمته في موضوع الطبقة الكادحة