الحب والقدر يجمعنا(أول رواية ليا)
لإزالة كل الأعلانات،
سجل الآن في منتديات أنيدرا
صباح/مساء الخير عليكوا كلكوا..ديه بتكون أول رواية ليا,وأول مشاركة ليا بالمنتدى..القصة باللهجة المصرية العامية,بتمنى ميكونش فى أى مشكلة بالنسبة للهجة...
بتمنى تعجبكوا..واشوف ردودكوا,أزا عجبتكوا هكمل وازا لأ بوقفها...
متابعة ممتعة
الشخصيات:
ندى:19 سنة..طالبة فى تانى سنة بكلية إدارة أعمال
شيون:23 سنة..طالب فى أخر سنة بكلية إدارة أعمال
دونجهى:22 سنة..متدرب فى شركة ترفيه
ديما:20 سنة..طالبة فى تالت سنة بكلية الإعلام
ريم:18 سنة..طالبة فى أول سنة بكلية الحقوق(وفى معهد موسيقى بنفس الوقت)
يونا:20 سنة..طالبة فى تانى سنة بكلية إدارة أعمال
مروة:18 سنة..طالبة فى أول سنة بكلية الأداب فى قسم لغات أسيوية
كيوهيون:19 سنة..طالب فى أول سنة بكلية الحقوق
كيبوم:24 سنة..معيد فى كلية الأداب
و سأترك شخصية كل منهم لتعرفونها من خلال الأحداث
Chapter 1
"عااااااااااااااااااااااااااااااااا....أنتوا مين؟"
ديه كانت أنا..أعرفكوا بنفسي أنا ندى..هتتعرفوا عليا أكتر خلال السطور اللى جاية...وعشان تفهموا أيه اللى حصللى عشان أصوت
كدة...لازم نرجع بالزمن لورا شوية..النهاردة الصبح
صحيت النهاردة الصبح فى الأوتيل اللى أنا قاعدة فيه فى كوريا لغاية أما ألاقي شقة أستقر فيها...وكنت قايمة متحمسة أوى
"اااااااه أخيرا هروح النهاردة شقتى..أخيرا بقى ليا شقة خاصة بيا..ييييييييس"
قومت من السرير و غسلت وشي و لبست و لميت هدومى بسسسسرعة و نزلت دفعت حسابي و ركبت تاكسي و جيت على بيتي
وصلت على مكان الشقة اللى هسكن فيها و طلعت العمارة
"بصراحة أنا مبسوطة جدا أنى هسكن فى الدور ال12 و خصوصا ان الفيو رائع من فوق"
وصلت لغاية باب الشقة و طلعت المفتاح من شنطتى و فتحت الباب و دخلت قلعت الجزمة و وقفت فى الصالة ببص على المكان اللى
هيستقبلنى السنين اللى جاية خلال دراستى فى الجامعة
بس فى حاجة غريبة
"أيه صوت المية ديه؟وشنط مين دول؟!!"
و فجأة لقيت باب الشقة بيفتح و بيدخل منه شاب كتييييييييير وسيم..بس مش ده اللى أنا كنت بفكر فيه...أنا كنت بفكر فىــــــ"مين ده؟؟
دخل شقتى أزاى؟؟"....و أنا بفكر كدة لقيت شاب تانى كان وسيم جداااا هو كمان...بس...ده....خرج من حمام شقتى...و واضح أنه كان
بياخد شاور....و مقدرتش أفكر أكتر من كدة و بدأت بالصويت و أعتقد أنى مكنتش بصوت لوحدى.."عااااااااااااااااااااااااااااااااا"
"أنتوا مين؟"
ولقيت اللى كان فى الحمام بيرد عليا:"أنا اللى مين؟؟أنتوا اللى مين؟!!بتعملوا أيه فى بيتي؟"
و اللى كان جاى من برة بردوا قعد يزعق:"أنتوا نصابين ولا أيه؟؟بقولكوا أيه؟!أخرجوا من هنا دلوقتى بدل ما أبلغ عنكوا"
التانى راح رد عليه:"أنا اللى هوريكوا أنا هعمل أيه لو مخرجتوش دلوقتى...أيه اليوم اللى باين من أوله ده!!"
***************************************
"من النهاردة الصبح و أنا عارف أن اليوم ده مش هيعدى على خير خصوصا من اول ما جيت أخرج من البيت و صوت بابا وقفنى"
"شيون..أنت بردوا مصمم أنك تنقل على شقة لوحدك؟!!"
"أبااا..أنا خلاص قررت و همشي النهاردة..يعنى الفطار ده هيبقى أخر وجبة معاكوا و أنا عايش هنا"
"شيونا..أرجوك متسبنيش يا أبنى"
"بيانيه أوما...."
"متفتكرش أنك لما تمشى من هنا هرجع فى كلامى..أنت من بكرة تبقى فى الشركة عشان تتعلم الشغل ماشي أزاى....
"فهمت أبا..عشان أعرف الشغل ماشي أزاى عشان أنا اللى همسك الشركة من بعدك....انا لازم أمشي دلوقتى...أنيو"
و أخيرا خرجت من البيت ده..كله تحكمات و أوامر و مش هرجعلوا تانى أبدا..أخيرا بقى ليا بيت لوحدى
و أخيرا وصلت و طلعت أول ما دخلت حطيت حاجتى و دخلت أخد شاور بعد المشوار ده...مشوار طويل خصوصا وان الشقة فى
الناحية التانية من سيول بالنسبة لبيت أهلى..وديه أكتر حاجة مريحانى
خرجت من الحمام و متوقعتش المنظر ده...أتنين...معرفهمش..فى بيتي..ولقيت مرة واحدة البنت بتصوت و بتقول أنتوا مين
"أنا اللى مين؟؟أنتوا اللى مين؟!!بتعملوا أيه فى بيتي؟"
و بعديها التانى بيقول:"أنتوا نصابين ولا أيه؟؟بقولكوا أيه؟!أخرجوا من هنا دلوقتى بدل ما أبلغ عنكوا"
*****************************************
يومى من الصبح كان لطيف
أخيرا أتقبلت فى شركة ترفيه و هسافر النهاردة سيئول
"أنيو أباا..أنيو هيونج..هكلمكوا من هناك"
"أراسو..خد بالك من نفسك دونجهى"
"ديييييييييه...انيوووووو"
و نزلت من البيت رحت على محطة القطر و بعد ساعتين كنت فى سيئول
و كلمت بابا و أخويا
"أبااا..انا وصلت..متخافش...أوكى هطمنكوا عليا..أنيوووو"
و ركبت التاكسي و هو ماشي كنت ببص حوليا على الشوارع و مستنى اوصل لشقتى..أخيرا لقيت شقة فى سيئول..الموضوع كان
صعب..بس دلوقتى كله تمام
وصلت للعمارة و طلعت الشقة و أول ما فتحت الباب لقيت بنت واقفة فى نص الشقة..كان شكلها مش كورى..و برئ أوى..و...جميلة أوى
"أيه اللى إنا بقوله ده؟مين ديه؟!!"ديه كانت أول حاجة جت فى بالى
و لقيتها بتبصلى و مرة واحدة لقيت واحد طالع من الحمام و فجأة بدأ الصراخ
الشقة..أكيد تستاهل الخناق
**********************************************
وفى مكان تانى من سيئول
صحيت الصبح نشيطة جدا و متحمسة "على غير العادة"
"أخيرا ندوش حبيبتى هتنقل النهاردة شقتها الجديدة"
و كان لازم أفوق بسرعة و أنزل على السوق عشان أشتريلها هدية بالمناسبة ديه و أروح أقابل صحابي
من الجامعة قبل ما أروحلها...
لبست هدومى بسرعة..ونزلت روحت على السوق و أشتريت ساعة عجبتنى"يا رب تعجبها هى كمان"
و طلعت جرى على الكافيه اللى هقابل فيه أصحابي
لارا:"ديما..أخيرا جيتي؟؟كنتى فين؟!!أحنا مستنينك بقالنا كتير"
ديما:"معلش يا بنات..كنت بجيب هدية لندى صحبتي اللى حكتلكوا عنها..هى هتنقل النهاردة شقتها
الجديدة..هى أصلا مش واصلة بقالها كتير يا دوب كام يوم"
لارا:"شينشا؟!!بجد نفسي أتعرف عليها من كلامك عنها بس"
سولى:"اه و أنا كمان واضح أنها بنت عسولة أوى"
ديما:"أكيد هعرفكوا عليها فى أقرب فرصة"
و فى الشقة
ندى:"يعنى أنتوا عايزين تفهمونى أن أحنا التلاتة أشترينا نفس الشقة...و من نفس الشخص..و دلوقتى هو سافر؟؟!!
دونجهى:"أعتقد أن هو ده اللى حصل"
شيون:"طب و هنعمل أيه دلوقتى؟!!"
ندى:"متجمعش..هتعملوا أنتوا أيه؟!!ديه شقتى..و أنا مش هتنازل..أنا أخيرا لقيت مكان أقعد فيه"
شيون:"أنا مستعد أدفعلكوا تعويض و تسيبوا الشقة"
ندى:"هتدفعلنا الفلوس اللى أحنا دفعناها؟!!كلها؟"
شيون:"أكيد مش كلها..بســـــــ
دونجهى:"مفيش بس..انا مش موافق"
ندى:"ولا أنا"
************************************8
"أووووووووووف..هعمل أيه دلوقتى؟!!أنا معرفش حد هنا"ده كان اللى بفكر فيه و إنا قاعدة مع الأتنين دول
و أخيرا بعد تفكير.....قومت وقفت و أخدت شنطتى و مشيت فى الشقة لغاية أما وصلت لباب الأوضة.و لقيت واحد فيهم بينادى عليا
دونجهى:"ياااااااااا..أنتى رايحة فين؟!!
ندى:"واضح أن مفيش فايدة و أنكوا مش هتخرجوا من الشقة..فهدخل أوضتى و أتصرفوا أنتوا"
شيون:"ومين قال أن ديه أوضتك؟!!"
ندى:"الشقة فيها تلت أوض..أوضة منهم معمولة مخزن شوفوا هتنضفوها ولا هتمشوا خالص هيبقى أحسن"
دونجهى:"ده بعينكوا"
ندى:"خلاص..تبقى ديه أوضتى..أنا بنت و أكيد مش هتنيمونى فى الصالة...و كمان الاوضة ديه فيها
حمام و أنا مش هستخدم الحمام بتاعكوا أكيد..و محدش يزعجنى"
وجيت أدخل الأوضة لقيت أيد مسكانى
دونجهى:"تعالى هنا..أنتى لو مش عجبك الوضع أمشي..مش تتحججى بأنك بنت"
ندى:"سيب أيدي أحسنلك"
دونجهى:"هتعملى ايه يعنى؟!"
و طبعا بما أنه مش عارف أنى متعلمة فنون قتالية مفكرش فى الخطوة اللى هو عملها ديه
مسكت أيده اللى هو ماسكنى بيها و لويتها ورا ضهره
ندى:"محدش فيكوا يفكر عشان أنا بنت هتعرفوا تتسلوا عليا...و يا ريت تبقوا تفكروا فى طريقة معملتكوا معايا..أو متتعاملوش معايا أصلا يبقى أحسن"
غرفة ندى
و سبته و دخلت أوضتى و أعدت على السرير..وساعتها أفتكرت ديما..وطبعا أول حاجة عملتها مسكت تليفونى و كلمتها
ديما:"ندوش حياتى..أزيك يا حبي؟!!أنتى وصلتى؟"
ندى:"اها وصلت..وحصل معايا موقف غريب أوى"
ديما:"أيه اللى حصل؟!"
ندى:"أول ما دخلت الشقة لقيت شابين و بيقولوا أن هم كمان أشتروا الشقة ديه"
ديما:"بوووووو؟!!طب ويا ترى وسيمين؟!"^^
ندى:"بصراحة..أه.وسيمين كتير...دمدوم أحنا أيه اللى بنقولوه ده؟!!أعمل أيه فى المشكلة ديه؟!!"
ديما:"أنا هجيلك دلوقتى..و نحاول نفكر فى حل"
ندى:"هتجيلي نفكر فى حل؟!ولا هتجيلي تشوفى الولاد؟!!"
ديما:"أنتى ينفع اللى بتقوليه ده؟!!طبعا هاجى أشوف الولاد"
و أعدنا نضحك و أخيرا قفلنا على أنها هتجيلي كمان نص ساعة
*****************************************
قفلت مع ندوش التليفون و كان لازم أروحلها و مسبهاش فى الموقف ده لوحدها
ديما:"معلش يا بنات..انا لازم أمشي دلوقتى..نتكلم بعدين..أوكى؟!!"
لارا:"أوكى..انيووووو"
سولى:"انيوو دمدوم"
و خرجت برة الكافيه و بسرعة ركبت تاكسي و روحت على العنوان اللى ندى أدتهولى
*************************************
"اااااااااااااخ..أنا أيه اللى وقعنى الوقعى السودة ديه؟"
و سمعت من جنبي صوت
دونجهى:"لو مش عجبك أمشي"
شيون:"أكيد مش هسيبهالكوا"
دونجهى:"طيب بما أن محدش فينا هيتنازل و يمشي..ونفس الكلام بالنسبة للبنت اللى جوا ديه..هنعمل
أيه؟"
شيون:"انت عندك حل؟!!"
دونجهى:"الحل أنى أسبلك الكنبة و أمرى لله"
شيون:"هاااااااااع..ده أنت بتحلم..بص أنت تنام على الكنبة لغاية اما تنضف المخزن اللى جوا ده و تعملوا اوضتك"
دونجهى:"واضح أن أنت كمان بتحلم"
وفى الوقت ده جرس الباب رن
ولقيت البنت خرجت من أوضتها
ندى:"أنا اللى هفتح"
شيون:"بدأنا..هى فكرة ديه شقتها ولا أيه؟!!"
*******************************************
"أخيرا دمدوم جت"..كان قلبي هيقف من الفرحة أول ما سمعت جرس الباب..على الأقل هيكون فى حد واقف جنبي
خرجت جرى من أوضتى و روحت أفتح الباب
ندى:"أنا هفتح"
وسمعت واحد فيهم بيبرطم بس مأخدتش فى بالى..أيا كان اللى هيقولوه ده مش هيغير حاجة
ديما:"ندوش حبيبتى...وحشتيني جدااااااا..يا نادلة ده كله متكلمنيش؟؟!"
ندى:"و أنتى كمان واللهى يا دمدوم وحشتيني كتيييييير...أسفة يا روحى انتى عارفة أنى كنت مشغولة أوى قبل ما اجى هنا...أنتى هتفضلى واقفة كدة..أتفضلى أدخلى"
و دخلت ديما و وقفنا أحنا الأتنين أدام الولدين اللى أنا معرفش أسميهم لغاية دلوقتى
ديما:"مين دول ندوش؟!!"
ندى:"دول أشخاص كانوا جايين عشان يساعدونى فى النقل..وهيمشوا كمان شوية"
ولقيت واحد فيهم بيرد عليا
دونجهى:"معتقدش أن ده هيحصل..اللى مش عجبه يمشى"
مستنتش أن هم يكملوا و شديت ديما و دخلنا أوضتى
ندى:"ها؟أيه رأيك؟!!"
ديما:"حلوين أوي..خصوصا اللى أتكلم ده مووووز أوى يعنى"
ندى:"أنا بقولك أيه رأيك فى اللى حصل..مش فى الولاد"
ديما:"أحم..أه..طب هتعملى أيه دلوقتى؟!!"
ندى:"معرفش..أنا ماصدقت لقيت شقة"
ديما:"خلاص يبقى أنتى تقعدى هنا..و ترخمى عليهم..وتقرفيهم لغاية أما يمشوا من نفسهم"
ندى:"فكرة حلوة"
ديما:"ولو تحبي أنى أجى و أقعد معاكى أنا معنديش مشكلة خاااااااااالص"
ندى:"ههههههههههههه.لأ شكرا دمدوم..أنا هعرف أتصرف..و بعدين أنتى لو جيتي مش هتركزى فى مذاكرتك..هههههههههههههه"
ديما:"هههههههههه...والله عندك حق يا نودى...اه صحيح أتفضلى ديه هديتك"
ندى:"و تعبتي نفسك ليه يا حبي؟!!تشوماااااااال كوماوا"
ديما:"ولا تعب ولا حاجة..ديه بمناسبة شقتك الجديدة كان نفسي تبقى الظروف أحسن من كدة"
ندى:"اااه كوماوا حياتى"
و قررنا أن أحنا نطلب الأكل فى البيت..الواحد مش ضامن لو نزل هيعملوا أيه
****************************************
"يعنى الوضع ده هيستمر لغاية أمتى؟؟"
شيون:"أنت بتكلم نفسك؟!!..هنخلص من واحد أحمدك يا رب"
دونجهى:"أحنا صحيح متعرفناش..أحم..أنا دونجهى"
شيون:"و أنا شيون..بقولك أيه؟!"
دونجهى:"أيه؟!!"
شيون:"أحنا الأتنين رجالة زى بعض و ممكن نتأقلم مع بعض..لكن هى مش هتنفع تعيش معانا"
دونجهى:"و أنا كمان كنت بفكر فى كدة"
شيون:"خلاص يبقى أحنا نقرفها لغاية اما هى تشوفلها حتة تانية تسكن فيها"
دونجهى:"أراسو..حلوة الفكرة ديه"
و فجأة لقينا الباب بيرن تانى
شيون:"هى..هتعزم أصحابها كلهم ولا أيه؟!!"
و قومت عشان أفتح..لقيته شخص لتوصيل الطلبات..و جايب بيتزا
موصل البيتزا:"فى أوردر بأسم ندى شي"
دونجهى:"يعنى أسمها ندى؟!!"
موصل البيتزا:"بيانيه..بتقول حاجة؟!!"
دونجهى:"لأ..الحساب كام؟!!"
و دفعت الحساب و أخدت البيتزا و دخلت
شيون:"مين؟"
دونجهى:"واضح أنها كانت طلبة بيتزا"
شيون:"طب و أنت دفعت ليه؟مقولتلهاش تدفع ليه؟!!"
دونجهى:"عشان أحنا ناكلها.."
شيون:"فهمتك..يعنى هنبدأ خطتنا من دلوقتى"
دونجهى:"بالظبط"
و فتحنا البيتزا و أعدنا ناكلها
و فى الوقت ده ندى طلعت من الأوضة
ندى:"ديه البيتزا بتاعتى؟!!"
دونجهى:"أيه ده؟هى بتاعتك؟!!"
شيون:"بيانيه..مأخدناش بالنا"
و فى الوقت ده صاحبتها طلعت وراها
ديما:"ولا يهمك يا ندى..خلينا نخرج ناكل برة أحسن"
شيون:"والله كلام صحبتك كله حكم..ويا ريت تاخدى حجتك معاكى"
ندى:"أنا هنزل..ولو لقيت حد فيكوا مد أيده على حاجتى هو حر"
دونجهى:"أوماااا...أنا مرعووووووب"
ولقتها بترد عليا:"ما بلاش أنت"
شيون:"قوم أجرى لحسن هتاكولنا"
وفى الاخر تجاهلتنا و نزلت مع صاحبتها
******************************************
"أوووووف..ليه يا ربي؟أنا عملت أيه فى حياتى؟!!ده أنا مسكينة"
ديما:"ههههههه..صح ندووش"
ندى:"بتضحكى ليه؟"
ديما:"عشان أفتكرت كنتى بتعذبي الولاد أزاى فى مدرستنا..هههههههههه..كنتى بتمسكى الواحد منهم
بتنفضيه....ههههههههههههه"
ندى:"ما هم اللى كانوا مستفزين"
ديما:"صح..أنتى مغلطيش فى حاجة...و كمان أنتى أنقذتيني قبل كدة"
ندى:"صحيح أونى..ديه كانت بداية صداقتنا"
...................
منذ ثلاث سنوات
"اااااااه..أنا تعبت بجد...أنا بكره المدرسة ديه و كل اللى فيها"
كنت بقول كدة و أنا ماشية وفجأة سمعت صوت من ورا الحيطة ديه
"ياااااااااا...بقولكوا أبعدوا عنى"
و بالجملة ديه الفضول أستولى عليا و حبيت أتفرج
ببص ولقيت بنت و معاها ولدين بيزنقوها فى الحيطة و بيقولولها:"و هتعملى أيه؟"
فى الوقت ده مقدرتش أمسك نفسي
"ياااااااااااااااا..أبعدوا عنها دلوقتى"
واحد فيهم بصلى و قالى:"و أنتى مالك؟!أحنا بس عايزين نتعرف عليها"
و فى الوقت ده مقدرتش أمسك أعصابي أكتر:"وواضح أن هى مش عايزة تتعرف عليكوا"
التانى رد عليا:"خلاص يا ندى أحنا أسفين" و شد صحبه و هم ماشيين قالوا للبنت:"لينا مقابلة تانية"
وطبعا أنا مش هسكت:"يا ريت تبعدوا عنها..و الا انتوا عارفين أنا هعمل أيه"
******************************************
عمرى ما هنسي اليوم اللى أنقذتنى فيه من الولدين دول..معرفش كانوا عايزين منى أيه..بس كانوا بيحبوا يدايقونى على طول"
و بعد لما شافوها و مشيوا حبيت أتعرف على البنت ديه..شخصيتها قوية و الولاد بيخافوا منها
"شكرا لأنك ساعدتيني"
ولقتها بتبتسم فى وشي:"هم كانوا عايزين منك أيه؟!"
رديت:"معرفش..بس هم بيحبوا يدايقونى كدة على طول"
و مدتلها أيدي:"أنا ديما"
هى كمان سلمت عليا:"و أنا ندى..مبسوطة أنى عرفتك"
أبتسمتلها:"و أنا كمان"
*****************************************
"ههههههههههههههههه ندوووووش....كل ما أفتكر منظرهم كان بيقى عامل أزاى بحس أنى هموت من الضحك هههههههههههههههههه"
ندى:"بعد الشر عنك..بس أنا مش شريرة..أنا كمان طيووبة و حنينة"
ديما:"أكيد يا روحى...و كمان بتتصرفى بأنوثة و لباقة"
ندى:"صح..بس أنا مبحبش اللى يستقوى عليا و يبقى فاكر نفسه حاجة"
الوقت خدنا و أحنا بنتكلم و ماشيين لغاية اما وصلنا للمطعم:"خلاص أنسي...تحبي تاكلى أيه؟!!"
ندى سندت وشها على أيديها بعد أما أعدنا:"أنتى أختريلي أوني"
ديما:"يااااااااه..قولتلك أنا مش كبيرة عشان تقوليلي أونى"
ندى:"أنتى صحيح مش أكبر منى غير بسنة..بس هتفضلى أونيتي"
*************************************
"أيه الملل الفظيع ده..صحيح أنا أتفقت معاه أن أحنا هنطفشها..بس أنا مش مرتاح بردوا..أنا أشتريت الشقة ديه ععشان حريتي و خصوصيتى..و فجأة ألاقى أتنين بيشاركونى بيها!!"
و فجأة تليفونى لقيته بيرن
"يوبسيو..اه أبااا"
من الناحية التانية كان بيرد عليا:"شيون..أنت أكيد مش مستريح هناك..أرجع و بطل عناد معايا"
شيون:"بيانيه أباا..أنا مش هرجع..و كمان أنا مبسوط فى شقتى"
حتى لو مكنش ده اللى أنا حاسس بيه..بس عمرى ما هرجع و أعلن عن استسلامى
و أنا نايم على السرير و بفكر فى اللى حصل لغاية دلوقتى..و فجأة أفتكرت البنت ديه..هى جميلة بجد..و
صاحبتها كمان..بس..أيه اللى أنا بفكر فيه ده؟أنا شكلى أتجننت
ولقيته دخل عليا
شيون:"مش المفروض الواحد يخبط؟!!"
دونجهى:"أول مرة أعرف أن الواحد المفروض يخبط قبل ما يدخل أوضته"
شيون:"اااااااااااااااخ..شكلها هتكون أيام طويييييلة و صعبة"
دونجهى:"باين كدة..بس أنا هرحمك شوية أنا كمان و نازل..see you"
شيون:"مش كان هيكون أفضل لو قلت..bye for ever؟!!"
دونجهى:"ههههه..معتقدش ده هيحصل..على الاقل مش النهاردة..أنا مش هتأخر..أنيوو"
******************************************
عدى اليوم بشكل كويس.."بصرف النظر عن اللى حصل الصبح"
رجعت البيت بعد يوم متعب..قضيت اليوم كله و أنا بلف مع صحبتي فى الشوارع و الأسواق و
المحلات..بجد حلو ان انت تكون فى بلد جديدة و تتعرف على كل حاجة فيها
رجعت البيت و نسيت كل اللى حصل..حتى انى مفتكرتش الاتنين الى كنت بتخانق معاهم
الصبح..خصوصا انى اول ما دخلت كان الحاجة الوحيدة المسيطرة على الشقة هى الهدوووووء....ولكن ...................
عودة الى الواقع"ااه على غبائى..ديه مجرد أوهام أو أحلامى اللى نفسي تتحقق"
دخلت الشقة و كان المنظر غريب...هى ديه شقتى؟!!أنا مغلطش فى العنوان؟!!لأ العنوان صحيح..وهى
ديه الشقة..بس أيه اللى حصل؟!!كان فى حرب هنا؟؟؟
و أنا بدور بعيونى على كل جزء فى الشقة و خصوصا المطبخ...وقعت عيني على الشخص اللى نايم
على الكنبة و كان شكله أن مفيش حاجة غريبة..أو ان الشقة زى ما هى
و أخيرا محستش بنفسي الا و أنا بتكلم بعصبية:"يااااااااااااااااا..أيه اللى حصل هنا؟!!أنتوا عملتوا أيه؟!!
و الشخص اللى كان نايم على الكنبة قام بكل بطء و سند جسمه على أيده و بصلى ببرود رهيب:"فى
حاجة؟أيه اللى حصل عشان تزعقى كدة؟!!"
و مكنش عندي اجابة غير الصمت..يا ترى العيب فيا؟!!انا اللى مش شايفة كويس؟المطبخ يضرب
يقلب..و باقى الشقة متنطور فيها هدوم و ورق يمين و شمال
و لقيت التانى خارج من الأوضة:"اااااااااااه..يا ترى الأنسة مش عجبها الوضع هنا و عشان كدة متعصبة؟"
و من كلامه فهمت اللى هم بيحاولوا يعملوه
و لقيته بيكمل كلامه:"اه أحنا متعرفناش..أنا دونجهى,و ده شيون..و أنتــــــــ"
و طبعا أنا مكنتش فى مزاج يسمحلى بالكلام مع حد فيهم دلوقتى:"أنا معنديش وقت أتعرف على ناس
مهملة زيكوا"
و دخلت بسرعة على جوا..و أصواتهم مكنتش واطية و ده خلانى أسمع كلامهم بعد أما دخلت
دونجهى:"تفتكر هتمشي؟!!"
شيون:"معرفش..البنت ديه من الصعب أنك تتوقع ردة فعلها"
و طبعا متوقعوش منى أنى أخرجلهم بممسحتين و ده كان باين على وشهم
دونجهى:"أيه ده؟!هتنضفى دلوقتى؟؟"
رديت و أنا بدى لكل واحد فيهم ممسحة:"ها؟أنت بتحلم..أنتوا اللى السبب فى الهباب ده و هتصلحوه
بأديكوا..أنا مش مسؤلة عن عمايلكوا السودا ديه"
و سبتهم و دخلت أوضتى و كانت واضحة علامات التعجب على وشهم
و قبل ما أدخل بصتلهم:"و متفتكروش ان بالأفعال ديه هتقدروا تطفشونى..ده بعدكوا"
و سبتهم و دخلت أوضتى و بدأت أوضب هدومى فى دولابي و أخيرا خلصت و رحت فى سااااااااااابع نومة
***************************************
البنت ديه غريبةجدا..بجد ماتقدرش تتوقع أفعالها زى ما شيون قال
و بالبساطة ديه هتخلينا ننضف زى ما بهدلنا!!!
اليوم خلص و أحنا بنضف و أنا و هو بنبص لبعض على اللى أحنا فيه..بس طبعا مفيش فى أدينا حاجة تانية
ماصدقتش لما حطيت جسمى على السرير و أخيرا هرتاح بعد المجهود ده...بس فرحتى مكملتش لما
سمعت صوته:"ياااا..أنت فاكر نفسك بتعمل أيه؟قوم من هنا"
دونجهى:"و أقوم أروح فين؟شوفلك أنت حتة تانية تنام فيها"
و حطيت المخدة على وشى و مهمنيش أى حاجة تانية يقولها أو يعملها
غرفة شيون و دونجهى
******************************
نمت للصبح مفيش حاجة أزعجت نومى الهادئ الا صوت خبط و دوشة فى المطبخ
"ااااااااه...مش كفاية أنى أتنزلت و نمت هنا فى الصالة.كمان هيزعجونى و يصحونى من النوم!!"
قومت من على الكنبة و بصيت على مكان الدوشة..كانت هى واقفة فى المطبخ معرفش ليه وقتها حسيت
أحساس غريب..كانت لابسة بنطلون رمادى قصير و عليه تيشرت أسود واسع مبين كتفها الشمال و
رافعة شعرها الطويل
لبس ندى"هو شبهه بس رافعة شعرها لفوق"ملقتش غير الصورة ديه شغلوا الايماجن شوية كيكيكيكيكيكي
..بس احساسي بالانزعاج ان هم يصحونى من نومى كان أقوى من الاحساس الغريب ده
:"ااااش...أتمنى ان هم يختفوا و يكون ده مجرد حلم"
ندى:"واضح أنك بدأت تهلوس"
شيون:"أنا مش عايز أتعامل معاكى..أبعدى عنى"
وفجأة لقيتها قعدت على الكرسي اللى أدامى و بابتسامة معرفتش معناها فى الأول:"للأسف واضح أن
أحنا مش هنقدر نبعد عن بعض..خصوصا و ان احنا بقينا مرتبطين بالشقة ديه"
دونجهى و هو خارج من الأوضة و بيفرك فى عنيه:"واضح أن كلامها صح"
ندى:"و طبعا أنا مش هقدر أعيش مع ناس مهملة زيكوا..و عشان كدة أنا لقيت الحل للمشكلة اللى أحنا فيها ديه"
..
..........يتبع.........
الموضوع الأصلي :
الحب والقدر يجمعنا(أول رواية ليا) || الكاتب :
Hae's girl || المصدر :
منتديات أنيدرا
العرض العادي
