منتديات أنيدرا الدراما الكورية و اليابانية



الملاحظات

الروايات والقصص المكتملة الرّوآيات والقصَص آلمُكْتمِلة لأنيدرا

إضافة رد
 
أدوات الموضوع انواع عرض الموضوع
قديم 03-09-2012, 05:04 PM   رقم المشاركة : 81
~x ryo x~
أنيدراوي مبدع
 
الصورة الرمزية ~x ryo x~





معلومات إضافية
  النقاط : 83017
  الجنس: الجنس: Female
  علم الدولة: علم الدولة Saudi Arabia
  الحالة :~x ryo x~ غير متصل
My SMS forever & always in my heart ~


أوسمتي
رد: مـــذكرات وجدان (روايتي الاولى)

كونيتشيواااا ...
اخر بارررت واخيرراا احس مابغيت<<
اتمنى يعجبكم البارت وقرأة ممتعة
قسمته جزئين لان قال لي طوويل بس نفس البارت
_______________________________

البارت التاسع عشر والاخير

خالد خاف على اخته وشالها ووداها لعيادة المطار ،، الدكتور طمن خالد ان وجدان راح تكون بخير بعد عدة ساعات وما فيه أي مشكلة لو اخذها بالطيارة .. خالد اخذ وجدان وركبوا للطيارة والحمدلله انهم لحقوا على اخر نداء ..
في احد كان يراقب وجدان من ورا عامود المطار وطلع من مكانه: جوميه (اسف) وجدان
اكو راحت له وهي تمسح دموعها : ليش كان لازم تخليني اكذب عليها حزنتني
هيديكي: اريجاتو اوكاسان (شكرا امي) لان هذي كانت الطريقة الوحيدة عشان ما اخليها تظل مشوشة
اكو: هيديكي متاكد من اللي انت سويته؟؟
هيديكي ابتسم لامه : ايه متاكد,,
اكو مسكت ولدها وسحبته معها: يلا خلينا نروح ناكل تاكوياكي..
.................................................. .................................................. .................................................. .................................................. .................................................. ...........
.................................................. .................................................. ......
بعد 12 سنة~
* 12 سنة مرت على اخر مرة كتبت فيها بمذكراتي،، اشياء كثيرة صارت واشياء كثيرة تغيرت ..
سارة تزوجت ناصر وصار عندهم بنت حلوة مثل العسل وسموها وجدان وبعد شهرين وجدان بتكمل 9 سنوات ,, وولد صغير اسمه بدر ودايم يدلعونه بدوري وعمره 13شهر = سنة وشهر*
ناصر : سارة وين شماغي؟؟ مب قادر القاه
سارة وهي شايلة بدر : قلت لك على باب الغرفة معلقته لك
ناصر وهو توه يشوف الشماغ: ههههههه قلت لك من اول الله يعينك علي
سارة وهي تناظر بدر: شفت بدوري بابا مايقدر يسوي شي بدون ماما
بدر وهو يبتسم: ماما.. ماما
ناصر وهو يقرب من بدر: ليش بس ماما ماما ،، مافيه بابا
وجدان: بابا ابغى فلوس بروح اشتري لي ملابس مع عمة ريم
ناصر: والله مايقولون بابا الا يبون فلوس.. مافيه بابا احبك؟!
وجدان: بابا احبك.. يلا عطني الفلوس عمة ريم بتروح عني
ناصر: الحين انتي المفروض تقعدين بالبيت وتلعبين العاب زي اللي عمرهم 9 سنوات مو تروحين تشترين ملابس مع عمة ريم
وجدان: اول شي لسى انا ماصرت 9 سنوات وبعدين عاد انتم القدماء غير وحنا غير -وبعدين لفت على سار- ماما شوفي بابا قاعد يضيع السالفة عشان ما يعطيني فلوس
سارة وهي تناظر بناصر: ناصر خلاص عطها فلوس خليها تستانس مع عمتها ريم
ناصر وهو يطلع بوكه: الله يعين ناصر عليكم -مد يده لوجدان وعطاها 500 ريال- تفضلي ورجعي الباقي
وجدان: أي باقي ؟ تو بقول لك انها ماتكفي !!
ناصر نزل لمستوى بنته: ليش كم تبين 5000 يعني؟!
وجدان : والله لو تعطيني 5000 ما اقول لا
سارة ضحكت على بنتها وراحت ترضع بدوري..
ناصر: خلاص تبغين 5000 اشتغلي وتجيك بعد اكثر من كذا
وجدان: انا ابي اصير زي ماما اقعد بالبيت واتدلع واخذ فلوس وانا بالبيت
ناصر وهو يضحك على وجدان: هههههه خلاص اذا كبرتي وتخرجتي من الجامعة تصيرين زي ماما ..خلاص؟!!
وجدان: جامعة؟!! انا بس بكمل ابتدائي وخلاص
ناصر كان ماسك ضحكته: لا وشو تكملين ابتدائي وبس؟! ماعندي انا هالكلام
وجدان: طيب بعدين نتفاهم بهالموضوع... الحين عمة ريم تنتظرني واذا ماكفت الفلوس ترا باخذ منها<<هههههههه
وطلعت وجدان برا البيت وركبت مع عمتها ريم..
سارة: والله محد يعرف لك الا بنتك
ناصر: والله محد مفلسني الا هي .. الحين وش زيننا اول نقعد بالبيت ونلعب PS2 والا نتفرج ناروتو مو مدلعين كذا!!
-سكت ناصر وكانه يفكر- لا صح فيه واحد كان مدلع هالنواف مافيه واحد تدلع كثره
سارة: هههههه ناصر موكانك تاخرت على الشغل.. عاد المدير المفروض مايتاخر
ناصر: صح ابوي الحين بيذبحني بيقول "انت ماتستاهل تصير مدير الشركة"
ناصر حب بدوري وسارة على روؤسهم وراح لشغله...
.................................................. .................................................. .......................
.................................................. .................................................. .....................
.................................................. .................................................. ...................
*ريم تزوجت خالد وجابوا ولد وبنتين .. ولدهم كان عمره 10 سنوات واسمه سعود كان فيه من خالد كثير من حيث الشكل والتصرفات وبناتهم وحدة عمرها 8 واسمها جميلة ويدلعونها بالبيت جوجو ..كانت طالعة على ريم بالشكل لكن تصرفاتها على ابوها ،، واخر بنت كانت مي وعمرها 3 سنوات وكانت دلوعة ابوها واذا صاحت خالد مايتركها الا لما تصير تضحك*
خالد واقف بسيارته قدام بيت ناصر هو وريم وعياله ينتظرون وجدان
خالد: يلا خليكم عاقلين ترا اذا تشيطنتم مافيه روحة للملاهي
سعود: انا عاقل ودني انا.. وماعليك منهم
جميلة: ليش ان شاء الله حتى حنا عاقلين ,, يلا ماما متى تطلع وجدان من بيتهم؟؟
ريم وكانت حاطة مي على حجرها: الحين تطلع بس خالك ناصر اكيد ناشب لها
مي: ماما نلوح مناهي كبينة (ماما نروح ملاهي كبيرة)
ريم: ايه ان شاء الله .. الحين نروح مع بابا وهو يودينا ملاهي كبيرة
وركبت وجدان بالسيارة جمب جميلة...
جميلة: هاه كم اخذتي هالمرة من ابوك ؟!
وجدان وهي تبتسم: 500
جميلة: عطاك 500 عشان الملاهي؟؟
وجدان: هههههه هو لو يدري انها عشان ملاهي كان ماعطاني, بس انا قلت له اني بروح السوق مع عمة ريم
جميلة: هههههه وجدان انتي ذكية
وجدان: تدرين مين علمني؟!!
جميلة بكل فضول: مين؟!!
وجدان : عمة وجدان هي اللي علمتني ههههههههه
خالد كان يسوق سيارته بيد ويده الثانية ماسك فيها يد ريم ....
*أمل كان باقي لها سنة وتخلص جامعة وتخصصها كان أحياء وناوية تصير مدرسة علوم اذا خلصت هذي السنة ..كان المفروض تخلص السنة اللي فاتت بس لانها من النوع اللي يريح نفسه بالمواد فتاخرت ،، وداليا كانت مع أمل بنفس الجامعة ونفس السنة الدراسية لكن تخصصها كان غير تخصص امل ,, كان كيمياء وتبغى تكمل دراستها برا اذا خلصت لانها تبغى تصير دكتورة بالكيمياء وكانت احيانا تتقابل هي وأمل ببعض المواد والمعامل *
داليا شافت أمل داخلة للكافتيريا فنادتها : أمولة !! عندك بريك الحين؟؟
أمل: ايه وبريك طويل وغثيث وانا مالي خلق
داليا: لا انا بريكي الحين بس ساعة وحدة
أمل: تجين نبدل؟؟
داليا: هههههه ليش بريكك كم ساعة؟؟
أمل : 4 ساعات وبعدين عندي اختبار يعني انواع القرف
داليا: يوه الله يعينك .. انا بس باقي لي المحاضرة اللي بعد ساعة واطلع
أمل: خيانة عيني عينك!! والمعمل اللي يبدا الساعة 5
داليا: ايه صح دكتورتكم غير حقتنا بالمعمل ,, حنا تأجل ههههههه
أمل وهي تطلع لسانها: عادي عادي اصلا بكرا انا اوف ماراح اجي
داليا: هههههههههه انا عندي نفس الاوف حقك والا نسيتي
أمل وهي تضرب راسها بيدها: ايه صح.. تصدقين نسيت!!
*روان تخرجت من 5 سنوات وصارت استاذة تدبير تدرس المتوسط,, ووحدة من طالباتها كانت اختها بشاير اللي الحين بثالث متوسط*
روان: وكذا شلون نسوي الكبسة ,, الحين 3 بيجهزون الاغراض و5 بيسوون الكبسة و3 بيرجعون الاغراض و5 بينظفون المطبخ واللي ما اشتغلت هالاسبوع بتشتغل الاسبوع الجاي..
بشاير: روان انا ابغى اكون من اللي يسوون الكبسة
روان ناظرت بشاير بنظرة (خير وش تحسين حنا بمدرسة ناديني استاذة)
بشاير عادي ماهمها بالعكس كانت تحب تقهر اختها روان ..مو شر بس دايم الاخوات الصغار كذا <<هههههه
بنت: استاذة روان ليش بشاير ماتقول لك استاذة؟!
بشاير لفت على البنت: اختي !! كيفي ماراح اقول استاذة
روان: بشاير ترا بطلعك برا الفصل
بشاير : انا ما قلت شي غلط
روان: خلاص قولي استاذة والا ترا بتطلعين برا
بشاير وهي رافعة حواجبها : استاذة روان
روان لفت على السبورة عشان تقول لهم اشياء مهمة عشان الكبسة
صديقة بشاير قربت من بشاير: بش بش انتي ليش بس تعصبين اختك وبعدين مب زين كل شوي تردين عليها
بشاير: هههههه مدري استانس لما اعصبها وبعدين لاني اختها احب ارد عليها
صديقة بشاير: بس احسك بتطيحين هيبتها قدام البنات
بشاير: روان ؟! صدقيني محد يقدر يطيح هيبتها ابد ,, يعني حتى لو قعدت اراددها من الحين للحصة الاخيرة ههههههههههههههههه
روان صرخت على بشاير : بشاير لا تتكلمين بالحصة
بشاير قربت من صديقتها وقالت بصوت واطي : شفتي وهذا الدليل
صديقة بشاير اكتفت بانها تبتسم ....
*نواف كانت هذي اخر سنة له بالجامعة تخصص طب اسنان وطبعا هو للحين دلوع ابوه وعنده بدل السيارة 3 وحدة للجامعة ووحدة للطلعات مع اخويائه ووحدة لما يطلع مع زوجته (هو مملك عليها ف تصير زوجته لكن زواجهم بعد ما يخلص الجامعة ويتوظف) *
نواف اخذ جواله ودق على زوجته
: بدري... مابغيت تدق
نواف: وش اسوي تعرفين ماعندي بريكات ابد يبغى لي اتسحب واكلمك
: وشلون الدوام اليوم؟؟
نواف: متعب مررة وخصوصا لان هذي اخر سنة ف نطبق بالمستشفى
زوجته وكانها غيرانة :يعني يخلونك تسوي اسنان بنات ؟!
نواف توهق هو اكيد لازم يسوي اسنان بنات وعيال يعني مب بكيفه على حسب مرضاه: اليوم جاني واحد شايب وواحد بالعشرين
زوجته كانت بتموت من الغيرة: بس للحين ماجاوبت ,, يعني يخلونك تسوي اسنان بنات صح؟؟
نواف: ما اقدر ارفض مرضاي سواء كانوا بنات والا.... -هنا زوجة نواف قفلت على وجهه الجوال-
نواف وهو يحك راسه كانه يفكر: وش اسوي فيها هذي الحين ؟! شلون افهمها ؟!
جا واحد من اخوياء نواف عنده: ههههه تسوي ف مين؟؟
نواف: هلا سعد ... اسوي فمين بعد،، مب راضية تصدق اني ما اقدر ارفض مرضاي
سعد: طيب قول لها
نواف: هي عطتني فرصة؟؟ ما امدا تكلمت الا وهي قافلة الجوال بوجهي
سعد: خلاص ارسل لها رسالة.... والحين يلا تعال لان فيصل متوهق وهو يغطي عليك عند الدكتور محمد ههههههههههه والدكتورة محمد شكله بيطلع حرته بفيصل
نواف: يوه فيصل صح نسيته..
نواف ارسل الرسالة لزوجته قبل لا يروح للدكتور محمد ويقول له انه كان بالحمام
.................................................. .................................................. .......................
.................................................. .................................................. ................
.................................................. ..................................................
زوجة نواف كانت تمشي بالجامعة والا جتها رسالة من زوجها
[ حبيبتي لا تزعلين عشان كذا ,, صدق ما اقدر ارفض مرضاي وبعدين توني ماتوظفت يعني لو تشرطت وانا طالب بيمسكوني الباب.. وبعدين تدرين انه مافي بقلبي الا انتي ,,, واول يوم كنا صغار سامي ماكان يزعل مني ابد]
*سمية كبرت وحلوت وبتخلص جامعة بعد نواف بسنة بس تخصصها كان قانون وتملكت هي ونواف السنة اللي فاتت وهي تحب نواف مررة بس تغار عليه ولا تبغاه يقرب من أي بنت ثانية*
سمية ضحكت على رسالة نواف وردت عليه برسالة [ طيب بصدقك بس ترا لو حبيت غيري انا بخلعك <<هههه,, ههههه سامي هاه؟!! خلاص بعرسنا اجل بلبس بنطلون وتي-شيرت زي اول ..برابع]
نواف قرا رسالة سمية ورد عليها [ ماراح تخلعيني لاني مستحيل احب غيرك هههههه ايه واحلى سامي بعد... عادي انا راضي لو تلبسين لبس مهرج.. اهم شي تكونين لي ]
سمية قرات رسالته واستحت وردت [ انت انسان خبل خليك بدوامك لا يهزؤنك]
نواف ضحك على رسالة سمية بخفيف عشان ما يشوفه دكتوره ويسوي له مشاكل
*ليلى اخذت الدكتوراة وصارت رئيسة قسم بجامعة أمل وداليا,, ولينا كانت هذي اخر سنة لها بالدكتوراة *
لينا: ليلى ما ادري وش اخلي بحث الدكتوراة حقي
ليلى: طيب اللي وريتيني اياه ذاك اليوم؟؟
لينا: مدري حسيته ماينفع
ليلى: الا ينفع انتي بس لازم تعدلين بعض الاشياء وبيكون روعة ... حتى انا احس انه احسن من بحث الدكتوراة حقي
: دكتورة ليلى تعالي شوي فيه اجتماع وضروري تحضرينه
لينا : يلا بالتوفيق
ليلى: يلا وياك ولاتنسين وريني البحث قبل لا تسلمينه
لينا : ان شاء الله
.................................................. .................................................. ..........
.................................................. ...............................................
.................................................. ................................
*نوال صارت دكتورة نساء وولادة وتزوجت واحد اسمه طلال وصار عندها بنت صغيرة اسمها يارا وعمرها 4 سنوات*
يارا: ماما ماما كذا حلو؟
نوال: ايه بس استني خليني امشط شعرك
يارا: ابغى حصانين كذا زي اول
نوال: طيب حبيبتي اصبري ... لا تتحركين ترا يخرب شعرك بعدين..
طلال : يلا نوال خلصتم ؟؟عشان الغداء عند اخوك صح؟؟
نوال: ايه ثواني الحين شوي بس اسوي شعر يارا واحط مكياج ونطلع
نوال لبست فستان راقي ومدت يدها لطلال عشان يسكر لها الاسوارة ويلبسها عقدها: طلال انا محتارة الكعب الفضي احلى والا الاسود؟؟
طلال وهو ماسك يد يارا: لا الفضي احلى.. صح يار؟؟
يارا: ايه الفضي
وبعدين شال طلال يارا وحطها بالسيارة وركب هو ونوال وكانوا رايحين لعزيمة الغداء



  رد مع اقتباس
قديم 03-09-2012, 05:05 PM   رقم المشاركة : 82
~x ryo x~
أنيدراوي مبدع
 
الصورة الرمزية ~x ryo x~





معلومات إضافية
  النقاط : 83017
  الجنس: الجنس: Female
  علم الدولة: علم الدولة Saudi Arabia
  الحالة :~x ryo x~ غير متصل
My SMS forever & always in my heart ~


أوسمتي
رد: مـــذكرات وجدان (روايتي الاولى)

*راكان والبندري عندهم بنتين وولد (الولد والبنت تؤام) واعمارهم 11سنة ونص ,, الولد كان اسمه عبدالله والبنت اسمها نجود ويدلعونها جود او جودي وبنتهم الثانية كان عمرها 6 سنوات واسمها آصايل ويدلعونها أسولة.. طبعا راكان والبندري عاشوا سنتين بايطاليا والبندري ولدت عبدالله ونجود بايطاليا ف عشان كذا عندهم الجنسية الايطاليا*
راكان للحين ينادي بندري بنني <<هههههه
راكان: بنني يلا تجهزي انتي والبنات عشان نروح عند ريان وانا باخذ عبدالله نصلي واذا رجعنا نلقاكم جاهزين
البندري : جودي روحي البسي الفستان الاحمر اللي جابته لك عمة نوال
نجود : طيب بس وين جزمتي الفضية؟؟
البندري وهي تلبس آصايل: شوفيها يمكن تحت سريرك
آصايل: ماما
نجود من غرفتها: ايه خلاص لقيتها
البندري: عيون ماما وش فيك؟!
آصايل: ما ابغى اروح
البندري جابت جزم آصايل عشان تلبسها: ليش ماتبين تروحين؟؟
آصايل وهي تلبس جزمها: ما احب اروح هناك دايم يجيني الطفش ودايم يكون فيه مشعل
البندري: طيب يا ماما خليك قاعدة عندي خلاص ولاتروحين عند مشعل
آصايل: ترا اذا جا عندي بضربه كف على عينه
البندري : هههههه لا يا ماما عيب بعدين عمو ريان يزعل
آصايل: طيب اجل بقعد عندك طول الوقت
ولبست البندري ورجع راكان من الصلاة واخذ زوجته وبناته لبيت اخوه ريان..
*ريان تزوج العنود وصار عندهم ولد اسمه مشعل عمره 8 سنوات وورث من امه حركة اذا عصب وتوتر وخاف يتكلم انجليزي,, والحين العنود حامل *
العنود : Mishal if you don’t come down here this instant you’ll be sorry I swear
مشعل اذا مانزلت هنا بهاللحظة احلف لك انك بتندم
مشعل: ok.. I’m coming mom
طيب..جاي يا امي
ريان :وش فيك معصبة عنودة شوي شوي على الولد اكلتيه بقشوره
العنود: can’t you see that you’re son is killing me
ماتقدر تشوف ان ولدك قاعد يذبحني
ريان وهو يضحك : ليش هو ولدي لحالي؟!
العنود وهي تضحك : ريان تدري وش اقصد <<صارت مب متنرفزة
ريان: طيب لفي شوي
العنود: ليش ؟ وش فيه؟!!
ريان :كأنك سمنتي
العنود وهي تضرب ريان : لا ما سمنت
ريان: امزح معك ،، لفي خليني اربط لك الفستان من ورا مب مربوط زين
وربط الفستان لعنود زين...
ريان : وبعدين حتى لو سمنتي بسكون حلو عليك
العنود ابتسمت وراحت عدلت غرفة الطعام : ريان روح شوف ولدك تراه مجنني الحين بيجون اخوانك واختي,, وولدك للحين مانزل
ريان راح فوق عند مشعل : مشعل وش فيك ليش ماتسمع كلام امك وتنزل ؟؟
مشعل: I don’t know it’s just ,everytime I see asayel, I get the urge to do a prank on her.. but when mom finds out she starts scolding me..
ما أعرف بس، كل مرة اشوف فيها آصايل، تجيني الرغبة باني اسوي مقلب عليها ... بس لما امي تعرف تبدا تهزئني
ريان ابتسم لانه عرف ان ولده اخذ المقالب منه والانجليزي من العنود: تدري ليش امك تهزئك لما انت تسوي مقلب بآصايل؟!!
مشعل: why ??
ليش؟؟
ريان: لان انا اول كنت اسوي مقالب بأمك.. بس لاتقول لها اني قلت لك ترا بتورينا حنا الاثنين
مشعل وهو يضحك: yeah.. I know mom
ايه.. انا اعرف امي..
العنود وهي تنادي من تحت: Mishal, Rayan come down here you two
مشعل، ريان تعالوا تحت انتم الاثنين
ريان: يلا بسرعة البس لا ترقى امك الحين عندنا
ونزل ريان للعنود وبعد شوي نزل مشعل..
وصلوا المعازيم~
البندري وعنود ونوال كانوا يسولفون مع بعض بالصالة اما الرجال فكانوا بمجلس الرجال
آصايل كانت جالسة جمب امها ومب راضية تتحرك من مكانها
يارا جت عند اصايل: يلا اسولة نروح عند خالو ريان بيعطينا حلويات
آصايل كانت تبغى حلويات بس تخاف تترك امها ويطلع لها مشعل ... تمسكت بثوب امها: لا ما ابي خلاص انتي روحي
يارا: بس خالو ريان عنده المصاصة اللي تصفر << وهنا جت على الوتر الحساس لان آصايل تموت في هالمصاصة
آصايل تركت ثوب امها ونزلت من فوق الكنبة ومسكت يد يارا وراحوا عند ريان
ريان: يارا تعالي حبيني ماحبيتي خالو،،، وانتي آصايل تعالي حبي عمو ,, اللي تبي مصاصة تجي تحبني هههههه
يارا راحت تحب خالها وبعدين عطاها حلويات .. آصايل كانت تتلفت يمين ويسار بعدين راحت تحب ريان
راكان: الحين انا بابا ماتحبيني وتحبين عمو عشان حلاوة
ريان: خلاص بنتك صارت بنتي بتصير اخت مشعل
آصايل راحت عند ابوها: لا ما ابغى اصير بنت عمو انا بنت بابا
راكان وطلال ضحكوا عشان طاح وجه ريان
طلال: يارا تعالي عندي
يارا: انا عادي اصير بنت خالو ريان اذا يعطيني كل يوم حلاوة
طلال: هههههه بعتي ابوك عشان حلاوة ,, تعالي عندي وانا كل يوم اعطيك حلاوة
ريان مسك يارا: لا خلاص صارت بنتي
يارا عضت ريان بقوة وخلته يفلتها: انا بعد بنت بابا
هنا كلهم ضحكوا على ريان لان طاح وجهه مرتين
قام ريان عشان يجيب الغداء من المطبخ ..
العنود: لا هذا حقكم الرجال
ريان: طيب وش الفرق كلهم نفس الشي ... لا يكون بس حقنا فيه مربى المشمش
العنود ناظرت ريان بنص عين
ريان ابتسم لها وقال بكل هدوء: احبك
العنود ابتسمت: واللي يحب احد يعصبه؟؟
ريان: انا .. انا لما احب احد اعصبه ،، عشان كذا انتي اكثر وحدة احبها
نوال دخلت عليهم: تبغوني اساعدكم؟؟؟
ريان: الحين حنا عازمينكم ليش تساعدين روحي بس امسكي يارا شوفي وش سوت فيني عضتني
نوال: هههههه انت اكيد مسوي لها شي والا ماكان عضتك
وطلعت نوال من المطبخ وهي شايلة بعض الاكل عشان تساعد العنود
العنود مسكت يد ريان وشافت العضة : تعورك للحين؟؟
ريان: خلاص نسيت الالم
العنود تركت يد ريان: هههههه خبل
ريان : بس احبك
العنود: I .. love you too
وانا بعد احبك
وطلعت العنود وهي شايلة اللي بقى من الاكل
وريان ودى الاكل لغرفة الطعام حقت الرجال
آصايل كانت للحين بمجلس الرجال وماكان فيه احد هناك الا هي وكيس الحلاو اللي نساه ريان
جا مشعل عندها وسحب الكيس: if you eat a lot of candy you'll get fat
اذا اكلتِ حلويات كثيرة بتسمنين
آصايل: مالك دخل فيني وبعدين ليش اذا جيت تكلمني بس تتكلم انجليزي ومع غيري تتكلم عربي
مشعل: I do not … you’re imagining things
انا ما اسوي كذا.. انتي تتخيلين اشياء
آصايل : ترا بروح اعلم خالة عنود وهي توريك شغلك
مشعل : fine!! But if you get fat, I’m not gonna like you
كيفك!! بس اذا صرتي سمينة، انا ماراح اعجب فيك
آصايل: احسن اصلا انا ما اطيقك وسحبت كيس الحلاو وطلعت
مشعل قعد يضحك لان آصايل ماتدري وش حط لها بالكيس
بعد شوي قامت تصرخ آصايل وتتفل الحلاو اللي بفمها
البندري راحت تركض عند آصايل: حبيبتي وش فيك؟؟
آصايل وهي تصيح فيه خنافس بالكيس حق الحلاو
البندري اخذت الكيس وكبته بالزبالة : خلاص مافيه شي .. يلا غسلي وجهك وتعالي الغداء
آصايل: بس ماما انا اعرف مين اللي سوا كذا هذا مشعل انا متأكدة
البندري ضحكت بخفيف لانها تذكرت ريان والعنود اول: انتي متأكدة انه مشعل يمكن طيب انتي نسيتي كيسك بالارض لماكنتي تلعبين مع يارا وجت الخنافس بكيسك
آصايل ماكانت مقتنعة بس رحت مع امها عشان يتغدون
.................................................. .................................................. .................................................. .................................................. .................................................. .................................................. .................................................. ................................................
*مذكراتي انا رسمت وكتبت، ضحكت وبكيت وبكل صفحة من صفحاتك شي ،، مواقفي وهبالي بالثانوي ووناستي وتحشيشي.. بكل صفحة كتبت عن ناس كثار ، كل واحد منهم اثر بحياتي سواء بايجابية او بسلبية ، وكل واحد كتبت عنه له معزة خاصة او يمكن مو موجود بقلبي، افكار ومشاعر كتبتها وانا صغيرة وللحين اكتبها...المشاعر موجودة بكل صفحة, وكل ما اقرا موقف احس اني اعيش نفس المشاعر اللي عشتها وانا اكتب الموقف او الخاطرة , مرة ثانية.. مذكراتي انتي شي اساسي بحياتي ,, عشان ما انسى أي شي صار ولا افقد هذي المشاعر اللي عشتها..صح فيه مرات اقول ليت يرجع الزمن واقدر امسح اشياء صارت بالماضي،، بس ما اقدر .. وهذا اللي يخلي كل شي حلو يصير لنا، مميز ومكانته بالقلب غير,,, انا مثل ما انا ماتغيرت بس يمكن كبرت شوي وقلت هبالاتي ههههههههه .. بس للحين باقي هبالات ..( وحدة دخلت الغرفة وقاطعتها)..
سارة: ماما يلا خالة ميتشيرو تبغاك على السماعة!!
وجدان: طيب حبيبتي اللحين بجيها
*وهذي سارة بنتي الصغيرة عمرها 5 سنوات وتعرف تتكلم 3 لغات ههههه طالعة علي,,, اكيد تتكلم عربي والانجليزي اخذته مني لاني كنت دايم اعلمها انجليزي اما الياباني فعشان ميتشيرو دايم تكلمها وتعلمها ودايم تقول لها انها محجوزة حق ولدها روي , اللي دايم يدق علينا ويكلم سارة, ويعتبرون اصدقاء... وكلما زرنا اليابان روي وسارة دايم مع بعض ... (قاطعها واحد لما فتح الباب بقوة وهو يركض)..
محمد: ماما خبيني بابا ناوي يذبحني -ودخل تحت الطاولة يتخبى-
وجدان وهي تنزل راسها عنده : وش سويت لبابا عشان يعصب؟؟
محمد: كنت العب بس بعدين طحت عليه واتكب الشاهي على الاوراق حقته.
*وهذا ولدي محمد وعمره 7 سنوات, شيطاني ومافيه اشطن منه ، ولازم كل يوم يطلع لي بشي جديد.. اشوف كثير من هبالاتي فيه ، بس شكله على ابوه الا العيون ماخذها مني والشطانة بعد ماخذها مني.. وما يعدي يوم الا وهو متهاوش مع ابوه .. (شوي ويدخل احد معاه الاوراق المعدومة بالشاهي)
نايف: محمد اطلع احسن لك!!
*وهذا زوجي اللي حبيته من اول، من قبل لا اعرف معنى الحب واللي للحين احبه.. ودايم بحبه، حبيت فيه شخصيته وتصرفاته وحبه لي..... اشياء كثيرة صارت بيننا ومستحيل انساها.. يحب يدلع بنته سارة وكل ما اقول له ليتك تدلعني مثلها,, يرد ويقول: تغارين؟!انتي الاصل .. واكيد بدلعك واكثر منها.. بعدين ترد سارة وتقول: لا بابا ترا ما احبك، بس دلعني انا.. هههههه بنتي الصغيرة تشاركني بابوها هذا وهي صغيرة اجل شلون اذا كبرت؟!,, نايف دايم يلحق حمودي ويخوفه، بس اذا طلع له حمودي ينسى وش سوى،،، نايف يقول : انا مدري انت وش تسوي فيني ما اقدر ازعل على ولدي حمودي,, ويرد حمودي الشيطاني: ايه ادري.. عشان عندي عيون ماما صح؟! (تركت وجدان القلم واشرت لنايف ان حمودي تحت الطاولة)
تبسم نايف وراح عند الطاولة: وش تسوي هنا؟؟
محمد: ما اسوي شي بس قاعد اساعد ماما
نايف: طيب يلا تعال عشان نروح اللحين نتغدى
محمد طلع من تحت الطاولة وهو فرحان ومبسوط: يلا ماما ماراح تجين؟؟ترا خالتي تسال عليك..
وجدان: ميتشيرو؟؟ قول لها انا بجي الحين..
محمد: هم الثنتين، خالة ميتشيرو وخالة سارة
نايف: وجدان ترا بنتك عفست الصالة تحت, تكلم بالتلفون والجوال حقك وهي تناقز على الكنب << الجوال تكلم خالتها سارة , اما التليفون فتكلم ميتشيرو
وجدان: طيب روح امسكها الين ما اكتب شي واحد
نايف: بس تدرين ما اقدر عليها ليش اني اعزها واموت فيها , بنتي دلوعتي..
وجدان طالعته وهي رافعة حاجب: اكيد عشان تشبهني..
نايف وهو يضحك: ايه اكيد اصلا انا حبيتك قبل ما احبها
محمد وهو يسحب ابوه: بابا تعال يلا..
نزل نايف ومحمد للصالة وشال نايف بنته اللي كانت تناقز : سارة عيب ترا ماما بعدين تزعل ,, قولي ل خالة ميتشيرو وخالة سارة ان ماما الحين بتجي ويلا تعالي معنا لغرفة الطعام...
*ميتشيرو تزوجت وصار عندها روي اللي الحين اكبر من سارة ب 5 شهور,, واخر مرة شفت ميتشيرو كانت بالصيف للحين انا وميتشيروقريبات من بعض وما خلينا السالفة اللي صارت اول تاثر علينا *
تركت وجدان مذكراتها على الطاولة وفتحت وجدان درج الطاولة حقتها وطلعت منها صندوق وكان فيه اسورة على شكل قلب وحرف الـ W موجود عليها ,,, ابتسمت وجدان ورجعت الصندوق بعد ما اخذت منه عقدها اللي اعطوها اياه زملائها بالفصل ولبسته..
نزلت وجدان واخذت سماعة التليفون..
ميتشيرو: وجدان وحشتيني من زمان عنك
وجدان: حتى انتي ,, بس خلاص الحين دوركم تجون عندنا بالسعودية،، هاتي روي و كين (زوج ميتشيرو) وتعالوا
ميتشيرو: خلاص اذا صار فيه اجازة قريب بنجيكم
وجدان: ايه مو تنسين!!
ميتشيرو: ايه خلاص ولا يهمك
وجدان كانت تسمع صوت روي يزعج ميتشيرو : ههههه الساعة عندكم الحين 7 صح
ميتشيرو: ايه و روي متعبني لازم الحين البسه للروضة واوديه يلا اكلمك بعدين
وجدان: جانيه
ميتشيرو وهي تبتسم: جانيه
بعدين وجدان اخذت جوالها وردت على سارة : الوو هلا سارة
سارة: سنة سنة!!! وشو ذا ..
وجدان : وش اسوي البزران مأذيني وقبل شوي كانت تكلمني ميتشيرو
سارة: يعني ميتشيرو اهم مني؟!
وجدان: يا خبلة انتي ما فيه احد اهم منك ,, بنت خالتي وبنت عمي فيه رتبة اعلى من كذا هههههه
سارة : ههههههه .. المهم انا دقيت عشان انا عازمتكم بكرا العشاء ببيتي
وجدان: غريبة ناصر ما قال لنايف
سارة: يووه ناصر حايس بعمره ,, تكفيه وجدان اللي كل يومين تجي وتسحب منه فلوس والله صايرة زوجته مب بنته
وجدان: ههههههه وانا عندي سارة هنا ما اسوي شي الا وتسوي مثله وما البس شي الا والقاها لابسة شي يشبهه... تصدقين عاد ذاك اليوم انا لبست فستان وكعب ورحت الحمام بلبس اكسسواراتي واتمكيج ويوم طلعت لقيت سارة لابسة فستان من فساتينها وكعب من كعوبي ,, انا صراحة مت عليها ضحك
سارة : ههههههه ليتك صورتيها لي عشان اشوف
وجدان: خلاص بكرا على العشاء تشوفينها مباشر مايحتاج اصور لك
سارة: ههههه... يلا وجدان انا لازم اقفل بدوري هذا مجنني كل شوي يصيح ,, خليني ارضعه وانومه وبعدين اكلمك يلا باي
وجدان: جانيه
سارة وهي تضحك: جانيه
وجدان راحت لغرفة الطعام ولقت نايف وحمودي قاعدين جمب بعض وسارة قاعدة قدام ابوها
وجدان طالعت بسارة : مين اللي سرق مكان ماما؟!
سارة وهي تتلفت : حمودي
وجدان قعدت جمب سارة : ااه منك طالعة داهية ههههه
سارة: ماما يعني ايش داهية؟؟
وجدان: يعني حلوة..
سارة : ماما وانتي بعد داهية
هنا نايف قعد يضحك :والله وجابتها بنتي
وجدان ونايف قعدوا يضحكون ..بس محمد وسارة مب فاهمين وش السالفة
سارة لمحت العقد اللي امها لابسته : ماما ماما ابغى زي عقدك هذا!!
وجدان مسكت العقد: تبين زي هذا؟!
سارة: ايه ابغى زيه شكله مرة حلو
وجدان: طيب تقدرين تقرين وش مكتوب فيه؟؟
سارة مسكت العقد وقعدت تقرا حروف الكاتاكانا: فوايفا اند اوروايزو.. يعني دائما وابدا
وجدان ابتسمت لبنتها: صح
سارة: وهي تناقز على الكرسي : يعني بتعطيني العقد؟!
وجدان: ههههه لا بس بجيب لك زيه
.................................................. .................................................. ...............
.................................................. .................................................. .................
.................................................. .................................................. ...............
باليابان~
اوسكا~
كان فيه واحد قاعد يرسم اشجار الساكورا= الكرز
وكانت رسمته مررة حلوة .. بعدين جا عنده واحد
الخادم : سيدي معرض طوكيو يبغون يشترون لوحة "حب الصيف" بـ 5000,000,000 ين (50,000,000 دولار= تقريبا 200 مليون ريال)
: قول لهم اللوحة مب للبيع
الخادم: لكن سيدي..
الشخص: هذيك اللوحة بالذات ما اقدر ابيعها
جا ولد صغير يركض عند الشخص: اوتوسان (ابي)
نزل الشخص لمستوى الولد: وش فيك هيروكي؟؟
هيروكي: انا اذا كبرت ابغى اصير زي بابا رسام
الشخص: اجل لازم تتدرب من الحين
هيروكي جاب لوحته الصغيرة وقعد يرسم جمب ابوه
الخادم: سيدي اوجاتا (اسم العائلة) المعرض قدموا عرض رائع على تلك اللوحة
هيروكي: لا بابا ماراح يبيع هذيك اللوحة عشان هذيك كانت اول لوحة له -وبعدين لف على ابوه- صح بابا؟!
الشخص ابتسم: صح...يلا روح عند جدتك الحين هي اكيد تنتظرك تحت
هيروكي: بس..
شوي وجدة هيروكي تناديه: هيروكي تعال يلا وخلي بابا بعد ينزل
نزل هيروكي وابوه تحت عشان يفطرون
هيروكي: جدتي وشو الفطور اليوم
الجدة: هيروكي انا مو قلت لك لاتناديني جدتي قول لي اكو ,, لا تقول جدتي -لفت على ولدها- هيديكي علم ولدك يقول لي اكو
هيديكي: بس انتي جدته
اكو : بس انا توني صغيرة ,, انت تزوجت بدري
هيديكي قعد يضحك على امه وكيف انها للحين تقول انها صغيرة
.................................................. .................................................. ........................
.................................................. .................................................. ....................
.................................................. .................................................. ...........
بالسعودية~
سكرت وجدان مذكراتها اللي امتلت صفحاتها بمواقفها وذكرياتها ..
وجدان : اخر صفحة ,, خلصت مذكراتي .. شكلي يبغى لي اشتري مذكرات جديدة
مسكت وجدان المذكرات وحطتها بدرجها مع باقي اغراضها......
النهاية..
______________________________________
اخررر شي بقوله اتمنى تكون روايتي اعجبتكم ...
واتمنى اشوف تعليقاتكم عليهاا وعلى اخر بارت....
دمتم بود~



  رد مع اقتباس
قديم 04-09-2012, 09:48 AM   رقم المشاركة : 83
محبه الجميع
أنيدراوي مجتهد
 
الصورة الرمزية محبه الجميع





معلومات إضافية
  النقاط : 642
  الجنس: الجنس: Female
  علم الدولة: علم الدولة Saudi Arabia
  الحالة :محبه الجميع غير متصل
My SMS


رد: مـــذكرات وجدان (روايتي الاولى)

وااااااااااو روعه الروايه


مره عجبتني و انشاء الله نرى كتابات اخرى




  رد مع اقتباس
قديم 04-09-2012, 11:26 AM   رقم المشاركة : 84
~x ryo x~
أنيدراوي مبدع
 
الصورة الرمزية ~x ryo x~





معلومات إضافية
  النقاط : 83017
  الجنس: الجنس: Female
  علم الدولة: علم الدولة Saudi Arabia
  الحالة :~x ryo x~ غير متصل
My SMS forever & always in my heart ~


أوسمتي
رد: مـــذكرات وجدان (روايتي الاولى)

مشكورة محبة الجميع على مرورك
وانا مبسوطة انها عجبتكــ... ان شاء الله




  رد مع اقتباس
قديم 05-09-2012, 12:33 AM   رقم المشاركة : 85
явσѕнα
أنيدراوي مبدع
 
الصورة الرمزية явσѕнα





معلومات إضافية
  النقاط : 21580
  الجنس: الجنس: Female
  علم الدولة: علم الدولة Saudi Arabia
  الحالة :явσѕнα غير متصل
My SMS Give your heart a break


أوسمتي
رد: مـــذكرات وجدان (روايتي الاولى)

جمممممممممممممممممممممممممممممممميل البارت
و ان شاء لما ادخل
من اللاب اكتب التعليق مزبوط




  رد مع اقتباس
إضافة رد

الكلمات الدلالية (Tags)
مذكرات, روايتي, وجـــدان

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 11:41 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا