ربووشة شكرا على متابعتك لروايتي هههههه ولاتسهرين ترا جربت مانمت الانص ساعة بغى يغمى علي لا وكان اليوم اللي بنسافر فيه
الحين بنزل الجزء الجديد
اتمنى يعجبكم
________________________
الجزء الحادي عشر~
ببيت ابو ناصر~
ابو ناصر: ناصر ابغاك بموضوع
ناصر: هلا يبه
ابو ناصر : مب هنا تعال المكتب
وراحوا للمكتب................
ابو ناصر: تفضل اقعد
وقعد ناصر وابوه
ناصر: يبه وش فيه طيحت قلبي
ابو ناصر: طبعا انت ماعدت بزر مثل اول
ناصر ابتسم لما ابوه قال كذا لكن انعفس اول ما قال ابوه : عشان كذا قررت ازوجك ببنت خالك العنود
ناصر : يبه من قال اني ابغى بنت خالي
ابو ناصر : انا وامك شفنا انها انسب وحدة لك
ناصر : بس انا ما احبها
ابو ناصر: اي حب وخرابيط الحب يجي بعد الزواج انا ماعندي شي اسمه احب واكره
ناصر: بس يبه انا....
ابو ناصر: انت بتتزوج العنود وهذا اللي بيصير والا انا مو ابوك ولا اعرفك
طلع ناصر من مكتب ابوه وهو معصب وواصل حده
شافته امل وتروعت ، ناصر الاهبل اللي دايم يضحك ويستهبل فجاة قلب وصار هذا الانسان اللي يخرع
-----------------------------------
ببيت أبو سارة~
بغرفة سارة~
سارة كانت تلعب بجوالها وتطالع برسايلها هي وناصر وبعدين قررت ترسل له رسالة
[ناصر.. صاحي والا؟ وحشتني ]
ارسلت الرسالة وحطت يدها على قلبها اللي كان يدق بسرعة لانها تحبه حبيبها هي وبس
-------------------------
بـ ايطاليا~
راكان قام من النوم وما لقى البندري جنبه راح غسل وجهه وفتح شنطته يبغى يطلع شي بس ما لقاه ، طلع من الغرفة
راكان: البندري شفتـ..(وسكت لما شاف كتابه مع البندري)
البندري : ايه معي تدور على كتاب كونان صح؟
ركان ابتسم للبندري وراح يقعد جنبها
البندري لفت عليه وبيدها صفحة الاهداء اللي كتبتها وهي صغيرة : انا مو مصدقة ان خطي كان معفن لهدرجة
راكان مسك يدها: بالعكس خطك احلى خط شفته بحياتي
البندري ضحكت ضحكة خفيفة : واللي مو مصدقته اكثر انك احتفظت بهالكتاب طول هالسنوات
راكان طالع البندري بعيونها وقال لها: احبــكــ
البندري لفت عنه وقالت : مو كاننا تاخرنا عن المحاضرة
راكان ابتسم لانه يعرف البندري تستحي من كذا يعني انها تقول له انها تحبه : هههه يلا البندري انا انتظرك بالسيارة
البندري كانت بالغرفة ويدها على قلبها : لا هذي المرة هو ناوي يذبحني
----------------------------------
باليابان ~
اوساكا~
اليوم رحلة نايف وهو ما وده يروح ويخلي وجدان واللي استغربه انها امس مارجعت بس بعدين عرف انها بتنام عند ميتشيرو بس هو ماعجبه الحال
ابو خالد: متى رحلتك يا نايف
نايف: الساعة 9
ابو خالد: مابقى عليها شي كلها 3 ساعات
نايف : ايه عشان كذا قاعد اتاكد اني اخذت كل شي
ابو خالد: طيب تعال افطر ، امس ماتعشيت على الاقل افطر
نايف: ان شاء الله بس بغير ملابسي وانزل
-----------
هيديكي : وجدان انتي تدرين اني من اول احبك وما ابغى الا انتي
وجدان: هيديكي لا تكمـ...
هيديكي قطعها: الا بكمل ، انتي بديتي تحبيني صح؟
وجدان : هيديكي انا ما ابغى اجرحك بس انا..
هيديكي ضمها قبل لا تكمل
وجدان قامت من النوم مفجوعة : يمه اشوى انه حلم قلبي وقف
ميتشيرو قامت على صوت وجدان: وجدان وش مقومك بهالوقت تونا الساعة 6:30
وجدان : لا ولا شي بس بروح اشرب موية
ميتشيرو رجعت تنام ووجدان راحت تشرب لها موية وفكرت تكتب بمذكراتها [ ما كل هذه المشاعر التي احس بها تتدفق اهو الحب ام انه نسج خيالي] بعدين كتبت خاطرة ثانية [ اليس الحب هو ان تتمنى ان تكون بجوار من تحب ، ان تزيح عنه همومه ، ان تراه بكل وقت ولا تفارقه] بعدين سكرت مذكراتها و جت بتنام بس تذكرت ان رحلة نايف اليوم للسعودية
وجدان فكرت تروح تشوف نايف قبل لا يروح بس بعدين غيرت رايها ورجعت تنام
----------------------------
بالسعودية ~
نايف وصل بالظهر اليوم الثاني ولقى اخوه ينتظره بالمطار
نايف راح عند اخوه : غريبة وش جابك ؟
ناصر: متضايق مرة وابغى اشكي لك
نايف : طيب تعال نروح اي كافيه وتتكلم
ناصر : طيب وعفشك وحوستك؟
نايف : بس هذي الشنطة اللي معي ماجبت شنط ثانية
وراح ناصر ونايف للكافيه
نايف: يلا تفضل قول اللي بخاطرك
ناصر: انا بتزوج
نايف : مبروووك واخيرا ما بغيت
ناصر : بس انا ما ابغاها
نايف مستغرب : طيب لاتتزوجها
ناصر: بس ابوي يبغاني اتزوجها والا بيزعل على
نايف : طيب مين هي ؟
ناصر : العنود بنت خالي يزيد
نايف : ليش وش فيها العنود؟
ناصر: مافيها شي بس انا ما احبها يا اخي
نايف : ليش انت تحب وحدة ثانية؟
ناصر قال وبكل جراءة: ايه احب سارة بنت عمي فيصل
نايف : طيب حاولت مع ابوي ؟
ناصر: ماراح يسمع
نايف : طيب يمكن العنود ترفض
ناصر ضحك ضحكة خفيفة : ما اتوقع
وقعد نايف وناصر يتكلمون لساعتين بالمقهى
-----------------------------------
باليابان~
اوســـاكا~
ميتشيرو كانت تمشي مع وجدان للمدرسة بس كانت سرحانة تفكر بشي
وجدان : ميتشيرو وش فيك سرحانة
ميتشيرو : لا ولاشي بس كنت افكر شلون انتي وهيديكي
وجدان : ههههه شلون يعني شلون انا واياه، عادي
ميتشيرو : وجدان انتي تحبين هيديكي؟
وجدان : هههه ايه مو حنا اصدقاء
ميتشيرو وقفت وجدان وناظرت بعيونها : انا مو قصدي كذا قصدي انتي تحبينه تحبينه
وجدان كانت تناظر حوالينها وكانها تدور شي : مدري انا بس احس اني ضايعة ما ادري اذا انا احب نايف والا هيديكي وراحت تركض لبوابة المدرسة ودخلت قبل ميتشيرو
ميتشيرو صنمت بمكانها عرفت ان هيديكي قال لها نص الحقيقة وان وجدان مشوشة بخصوص هيديكي ونايف بس شلون كذا ماتوقعت ان وجدان تتشوش بسبب هيديكي. دخلت ميتشيرو الفصل ودخلت المدرسة وراها وبدا الدرس.....
طول اليوم وجدان ماتقابلت مع ميتشيرو او بالاخص كانت تحاول تتجنبها. هيديكي راح عند وجدان وابتسم لها
وجدان : انا بروح هنـ ... ( وجدان سكتت لما هيديكي مسك يدها)
هيديكي : ماراح تروحين لاي مكان بتجين معي
وجدان: هيديكي احتاج اكون لوحدي بس اليوم
هيديكي ترك يدها وغمز لها : بس اليوم
وجدان ابتسمت وراحت عند الشجرة اللي بالساحة عيونها بدت تدمع بدون ماتحس: انا.. انا احب نايف بس ليش احس اني احب هيديكي ليش احس كذا ليش احس اني مشوشة - صوتها راح- قلبي قلبي يعورني
شيباتا شوتا شافها وقرب منها (طبعا مافهم منها شي لانها كانت تتكلم عربي): وجدان وش فيك؟
وجدان انتبهت على نفسها ومسحت دموعها : لا ولاشي بس بطني يعورني , شكرا شوتا على خوفك –ابتسمت مع انها تتقطع من داخل-
شوتا راح للفصل بس وجدان ماجت ، بدت الحصة ووجدان لسى ماجت. بعد ماخلصت الحصة شوتا كان يكلم ايريكا
شوتا: انا شفت وجدان تصيح بالساحة وتقول كلام مافهمت منه شي بس كانت مجروحة مرة ولما سألتها ابتسمت وقالت :"مافيني شي بطني يعورني"
ايريكا : وجدان فيها شي بس انا ما ادري وشو من امس انا لاحظت هذا الشي بالحفلة
هيديكي سمعهم يتكلمون عن وجدان وطلع برا المدرسة يدورها .......................
.................................................. ..............................................
.................................................. .....................................
ببيت ابو العنود~
ابو العنود: عنودة تجهزي بيجي ولد عمتك يشوفك
العنود: اليوم؟
ابو العنود: ايه اليوم وبتجي عمتك بعد
العنود ماصدقت وراحت تلبس وتتجهز
.................................................. ...................
..................................................
ببيت ابو راكان~
ريان كان قاعد مع نايف وناصر ويلعبون ورق
ريان : اقول نيوف ليش مو قاعد تفوز على غير العادة هههههههه
نايف : مدري مالي خلق
ناصر وهو يناظر ساعته : يوووه تاخرت ابوي بيدفني
ريان: هههههه ليش وش عندك يارجل الاعمال
ناصر: عندي زواج
ريان: انت؟ زواج؟! مدري ليش موب مصدق. ومين تعيسة الحظ؟ ههههههه
ناصر وهو يلبس جزمته: العنود
ريان ماقدر يستوعب الصدمة اللي جته : العنود؟!
ناصر: ههههه ايه وش فيك؟ العنود ! تصدق ضحكتني وانا مالي خلق
ناصر طلع من الغرفة وهو تافل العافية
نايف مو معهم لانه سبق ناصر تحت
ريان قعد بمكانه وكل شي صار اسود قدامه : ليش ياخذ العنود هو ما يحبها هو اللي خلاها تصيح بالجمعة ليش الحين ياخذها
...............................................
ببيت أبو العنود~
العنود كانت تكلم البندري جوال ..
العنود: ايه تصدقين ناصر بيجي يشوفني اليوم بطير من الفرح وناسة
البندري: انتي متاكدة؟!
العنود : ايه ليش ان شاء الله انا وش ناقصني
البندري: هههه لا اكيد مو ناقصك شي يلا حبيبتي اشوفك على خير وسلمي لي على امي وابوي عندي اشياء واشغال لازم اسويها
العنود: طيب اوكي بس قبل لا تقفلين ترا البنات غثوني بس يقولون لي اسالي اختك "مافي شي جاي بالطريق"
البندري ابتسمت : تصبحين على خير
وسكرت الجوال...
العنود: هههههه والله اختي ماتتغير يا حبها للتصريف
ناصر وصل لبيت خاله هو وامه
ام ناصر سلمت على اخوها وقعدت تسولف معاه
ابو العنود : هلا والله باختي بس وين ابو ناصر ما اشوفه معكم
ام ناصر : الصراحة يا اخوي هو انشغل وانا ماحبيت ازعجه
ابو العنود نادى على العنود عشان تدخل تسلم على عمتها وعشان ناصر يشوفها . العنود دخلت ومعها الصينية حقت العصير ضيفت ابوها وعمتها وناصر
العنود من كثر ماهي مستحية من ناصر مارفعت عينها من على الارض وناصر ماكان مهتم بس ما حاول يبين عشان ماتزعل منه امه
ام ناصر وابو العنود تكلموا عن الملكة وانها بتكون بعد يومين والزواج بعد 5 شهور
طبعا العنود طارت من الفرح والوناسة ....
.................................................. .................
ببيت أبو سارة~
سارة كانت تنتظر رسالة من ناصر اللي مارد عليها يومين.. بعدين جتها رسالة منه [سارة انا آسف بس ابوي فاجأني انه يبغاني اتزوج بنت خالي ولما قلت له اني ما احبها عصب علي صدقيني انا ما احبها ما احب الا انتي بس مابيدي شي اسويه] سارة بدت دموعها تنزل ولا شعوريا دقت على ناصر
ناصر ماكان بيرد بس انه رد بالنهاية : سارة
سارة : اسمع يا ناصر اذا انت ماتحبني قول لي ما احبك مايبغى لها تألف لي قصة وتقص علي
ناصر: بس سارة انا احبك ليش ماتصدقيني
سارة سكرت السماعة على وجه ناصر ورجعت تصيح : كذاب انا اكرهه ( قالت كذا وهي ماتقصد اللي تقوله لانها تموت فيه)
ناصر رمى جواله على الجدار بعدين تنهد بضيق
نواف كان برا غرفة ناصر بس سمع كل شي اخوه قاله وانحاش قبل لا ينصاد وتطلع كل الحرة فيه
.................................................. ..............................
.................................................. ............................
.................................................. .....................
باليابان اوساكا~
كان الليل وهيديكي للحين يدور على وجدان (طبعا ميتشيرو كالعادة غطت على وجدان وقالت لاهل وجدان انها بتنام ببيتها)
هيديكي طلب من ميتشيرو ان تخليه يدور وجدان ويكلمها وان ميتشيرو ماعليها الا انها تقول لاهل وجدان انها بتنام ببيت ميتشيرو
هيديكي تذكر المكان اللي قابل في وجدان اول مرة، صح كان قدام المدرسة بس بعيد شوي . لما راح للمكان لقاها نايمة وهي متسندة على الشجرة. هيديكي نزل لمستواها وقرب منها
هيديكي بصوت واطي مرة : انتي ماتخافين على نفسك
بعدين شالها على ظهره ووداها لبيته. وجدان قامت وهي ماتدري وش السالفة
وجدان : ويني انا؟
هيديكي طلع من المطبخ ومعاه كاسة موية : انتي ببيتي، نسيتيه بهذي السرعة
وجدان فتحت عيونها وقامت من مكانها : كم الساعة؟ واهلي يدرون والا؟
هيديكي : طيب اجلسي الحين. الساعة الحين 9 وميتشيرو قالت لاهلك انك بتنامين عندها
وجدان : بس انا ما ابغى انام عندها
هيديكي: ليش انتم متزاعلين؟
وجدان: لا بس ما ابغى انام عندها
هيديكي : خلاص تقدرين تنامين هنا ببيتي واذا تبغين غرفتي جاهزة
وجدان طارت عيونها: لا شكرا
هيديكي :هههههههههههههه امزح معك تقدرين تنامين بغرفة الضيوف اذا تبغين
وجدان : مايضحك.. طيب وين غرفة الضيوف احس اني تعبانة وابغى انام
هيديكي وراها غرفة الضيوف وراح لغرفته بعدين تذكر ان غرفة الضيوف مافيها بطانية عشان كذا اخذ بطانية لوجدان وراح لغرفة الضيوف طق الباب ودخل بس مالقى وجدان على السرير, لقاها تصيح بزاوية والنور مطفى، ولع النور وقرب منها
هيديكي وهو يمسح دموعها: وجدان ليش تصيحين الحين
وجدان: لاني مشوشة وما ادري وش اسوي
هيديكي: مشوشة بايش؟
وجدان بدت تبكي بصوت اعلى ، هيديكي ضمها وهو يطبطب على ظهرها
وجدان : انا ما ادري وش فيني، ليش يصير لي كذا
هيديكي : خلاص وجدان لاتبكين ما احب اشوفك كذا ولا اقدر اسوي لك شي
وجدان وهي مب حاسة بنفسها: طيب قول لي ليش انا مشوشة ليش ما اعرف مين احب
هيديكي ما عرف وش يقول لوجدان بس اكتفى بانه يطبطب على ظهرها الين نامت بعدين شالها وحطها على الفراش وغطاها وطلع من الغرفة ،سكر الباب وراه وراح برا للحديقة
هيديكي قعد يفكر بكلام وجدان وانها مشوشة عرف انها تقصده هو ونايف وانها مشوشة تحب مين...
.................................................. ...............
بعد اسبوع~
وجدان على نفس حالها ماتغيرت وميتشيرو تحاول تفرحها وتخفف عنها ....
ناصر ملك على العنود بس مو كانه مملك عليها لا يكلمها ولا يعبرها...
سارة انهارت لان ناصر حبيبها ملك على وحدة ثانية ...
روان ادمنت على كل العاب سمية بكل انواعها...
ريان كره نفسه وماصار له خلق شي ونوال ماتدري وش تسوي لاخواها عشان تفرحه....
نايف ينتظر وجدان ترجع....
......................................
بــ اليابان ~
اوســـاكـــا~
ببيت ابو خالد ~
قعدوا يرتبون عفشهم عشان رحلتهم بكرا بالفجر (طبعا يرتبون اللي باقي من الاشياء)
ام خالد: محمد جوالك يدق
ابو خالد راح ياخذ جواله
وبعد المحادثة
ابو خالد : عليا ابغى اكلمك انتي والبنات بسالفة
ام خالد: خلاص انادي البنات
وجت لينا ووجدان عند ابوهم
وجدان : هلا يبه بغيت شي
ابو خالد: كنت بقول لكم سالفة. الشركة هنا تحتاجني ولازم امسكها سنة
ام خالد : صعبة طيب خالد وليلى
ابو خالد: نروح لهم بالاجازات
لينا : لا انا مو عاجبني هنا باليابان
وجدان : انا ابغى اكمل دراستي هنا
ام خالد: طيب خلاص خلي خالد يمسك الشركة هنا وحنا نرجع للسعودية
وجدان: طيب انا ابغى اكمل دراستي هنا
ام خالد: لا وش يقعدك
وجدان: يمه تكفين ما ابغى ارجع للسعودية. يبه الله يعافيك اقعد هنا مع خالد اطبخ له وكذا
ابو خالد: خلاص يصير خير
.................................................. .......................
بـ ايطاليا~
بالليل~
راكان كان قاعد يلبس الكرافتة حقته: حبيبتي تجهزي عشان نروح للمطعم
البندري قامت على صوت راكان وفتحت عيونها بكسل :همممم
راكان قعد على حافة السرير :وش هذا النوم يا عمري ، قومي خلينا نروح مطعم
البندري : راكان
راكان: عيونه. انتي بس امري تدللي
البندري: احس اني فيني نوم
راكان وهو يضحك بخفيف : متى نمتي اليوم ؟ لا يكون سهرتي عقب الفيلم اللي قلتي لي انه اخر شي
البندري تبتسم وهي مغمضة عيونها : تحمست على فيلم بعدها بعدين جا فيلم رهييب وماقدرت ما اشوفه
راكان : وانا اقول طول اليوم نايمة عرفت انك سهرتي. طيب وش رايك تقومين الحين ؟
قامت البندري وحبت راكان بخده وراحت تاخذ لها شاور
البندري: راكان وين بنروح؟
البندري دورت راكان بالشقة مالقته بعدين رجعت للغرفة شافت ورقة ما انتبهت لها اول ماطلعت من الحمام
[حبيبتي بما انك تعبانة قررت اجيب المطعم لك] وكانت جنب الورقة وردة
البندري: شلون ما انتبهت للوردة هههه
البندري قررت تلبس فستان ذهبي وحطت لها مكياج خفيف
رجع راكان للشقة وقال لها تدخل الغرفة وتقفل الباب عشان بيدخلون رجال
راكان جاب للبندري من افخم مطعم بــ البندقية ومع ورود وكيك وهدايا
بعدين الرجال رتبوا الاشياء والمكان خلوه احسن من اي مطعم . راكان دفع لهم بعدين راحوا
راكان نادى البندري وطلعت له البندري بفستانها الذهبي.راكان مسك يد زوجته وقعدها بالكرسي بعدين قعد بالكرسي اللي قدامها
راكان: شكلك حلو اليوم
البندري وهي تبتسم: بس اليوم؟
راكان: بالعكس كل يوم تزيدين حلى
البندري : ليش كل هذا؟ الاكل والورود والاشياء؟
راكان: كل شي لعيون حبيبتي وزوجتي. ليش ماقلتي لي؟
البندري: اقول لك وشو؟
راكان : عن اللي ببطنك؟
البندري وهي مستحية: مدري ماحسيته الوقت المناسب . وشلون عرفت
راكان مسك يدها: بالعكس -ضحك- وبعدين نسيتي اني محقق
وتعشوا وكانت البندري طايرة من الفرح
____________________________
اسئلة الباارررت~
* وش تتوقعون بيصير بين ناصر والعنود؟؟؟
*ووجدان هل تحب هيديكي او نايف؟؟؟
*طيب ريان وش بيصير عليه؟؟وهل يحب العنود؟؟؟
ووش رايكم بموقف البندري وراكان اللي اخر شي؟؟؟
* وش تتوقعون بيصير بين ناصر والعنود؟؟؟
حـ ينفصلوا
*ووجدان هل تحب هيديكي او نايف؟؟؟
مددري احسساس هيديكي بس لا خليها مع نايف افضضضل
*طيب ريان وش بيصير عليه؟؟وهل يحب العنود؟؟؟
بـ ينهار و يحبها حب مو طبيعي
ووش رايكم بموقف البندري وراكان اللي اخر شي؟؟؟
جمممممممممممممممممميل و رومنسي
شكرا على البارت الححححلو الدمممميل و انتظر بـ البارت الجديد
كديرقايو "آنتظرك"(بالكوري) شكككرا مرآآ عَ الرواية الدممميله
ما شاء الله عليك لك سنتين وانتي تكتبين الرواية ....شكلك كل يوم تكتبين كلمه
ههههههه
امزح
لا بس ما شاء الله عليك طعت تعرفين تكتبين روايات
واللي يحليها باللهجه المحليه
يعني كل الكلام اللي يصير بين الأخوان والأخوات هذا الكلام اللي اغلب الناس يقولونه بالحقيقه
ما شاء الله عليك وعيني عليك باره
بس عندي ملاحظه صغنونه عن القصه
ما شاء الله عدد الشخصيات بالقصه كبير
حيث قمت اضيع في بعض الأسماء فأضطر ارجع واشوف هذي تبع أي بيت
هههههه
حـ ينفصلوا *ووجدان هل تحب هيديكي او نايف؟؟؟ مددري احسساس هيديكي بس لا خليها مع نايف افضضضل *طيب ريان وش بيصير عليه؟؟وهل يحب العنود؟؟؟ بـ ينهار و يحبها حب مو طبيعي ووش رايكم بموقف البندري وراكان اللي اخر شي؟؟؟ جمممممممممممممممممميل و رومنسي
شكرا على البارت الححححلو الدمممميل و انتظر بـ البارت الجديد
كديرقايو "آنتظرك"(بالكوري) شكككرا مرآآ عَ الرواية الدممميله
ما شاء الله عليك لك سنتين وانتي تكتبين الرواية ....شكلك كل يوم تكتبين كلمه
ههههههه
امزح
لا بس ما شاء الله عليك طعت تعرفين تكتبين روايات
واللي يحليها باللهجه المحليه
يعني كل الكلام اللي يصير بين الأخوان والأخوات هذا الكلام اللي اغلب الناس يقولونه بالحقيقه
ما شاء الله عليك وعيني عليك باره
بس عندي ملاحظه صغنونه عن القصه
ما شاء الله عدد الشخصيات بالقصه كبير
حيث قمت اضيع في بعض الأسماء فأضطر ارجع واشوف هذي تبع أي بيت
هههههه
المهم
تقلبي مروري
بو داحم
هههههههههههههههه اهلا بوتاجين .. من ناحية كل يوم كلمة انا متى ماروقت كتبت هههههههههههه بس اكتب 6 صفحات كذا يعني يمكن تصير كل يوم كلمة<<بررا يعني حلوة الرواية صح؟؟!! صدق الشخصيات كثار<<كنت بزيدهم احس قلال
عاد انا اول ماكنت اكتبها كنت نفس الشي اشوف الاسماء وكذا <<بررا
جيت وبنزل بارت جديد اتمنى اني ما اكون طولت واتمنى يعجبكم
____________________
الجزء الثاني عشر~
ببيت ابو ناصر~
بغرفة ناصر~
كان قاعد يلعب مصارعة بالـ PS2
دخلت عليه امه ومكعت الافياش : قم استح على وجهك رح شف زوجتك زورها
ناصر : لسى ماتزوجنا وبعدين يمه انا مالي خلق
ام ناصر: ناصر قم اشوف وبعدين هي تعتبر زوجتك
ناصر قام وراح لغرفته ينام بس دق جواله رقم غريب رد
ناصر : الو
...: الو
ناصر: من معي؟
....: انا العنود اخذت رقمك من جوال ابوي بدون مايدري
ناصر: نعم؟
العنود وهي بتموت من الحياء: عادي تجي عندنا البيت ابغاك ضروري
ناصر: عنود انا مو فاضي
العنود: لو سمحت اعتبره اول واخر طلب
ناصر مافهم قصدها : طيب نص ساعة وبكون عندكم
طلع ناصر من البيت بعد ما لبس ثوبه وشماغه....
ببيت ابو العنود~
العنود كانت تلبس وتتزين لناصر عشان اذا وصل ....
ناصر وصل واستقبلته العنود واخذته للمجلس
ناصر: وين خالي ؟
العنود: امي وابوي مو بالبيت طلعوا وانا استغليت الفرصة وكلمتك
ناصر: العنود انتي ماتفهمين شلون يعني انا ما احبك
العنود ودمعتها على عينها: then why did you propose if you didn’t want me
اجل ليش تقدمت لي اذا ماتبيني
ناصر: اهلي غصبوني عليك
العنود: you know that all the girls envy me for my blonde hair ,my green eyes and my English accent but the only thing that I truly want is you
تدري كل البنات حاسديني على شعري الاشقر، عيوني الخضر ولهجتي الانجليزية بس الشي الوحيد اللي تمنيته هو انت
ناصر: عنود..
العنود قاطعته : let me finish. I would do anything for you even if it was leaving you, because I…I love you
خليني اكمل. انا مستعدة اسوي اي شي عشانك حتى لو كان اني اتركك, عشاني احبك
طلعت العنود من المجلس وهي تبكي ، ناصر حاول يكلمها بس هي راحت لغرفتها
ناصر طق باب غرفتها
العنود: go away
انقلع
ناصر: خليني اكلمك
العنود : I don’t want to hear it
ما ابغى اسمعه (كلامك)
ناصر: طيب اسمعيني من ورا الباب. حتى لو تزوجتك ماراح احبك انا احب وحدة ثانية
العنود: I hate you just get out
انا اكرهك اطلع برا (قصدها برا البيت)
وطلع ناصر من البيت وهو يحس نوعا ما بالذنب لانه هو اللي جرح العنود بس هو ما قال لها الا الصدق هو مايحبها مايحب الا سارة
.................................................. .
....................................
ببيت ابو راكان~
ريان تذكر الموقف اللي صار له اول مع العنود لما كانت تبكي، اخذ جواله ودق على ناصر
ناصر: هلا
ريان: ناصر وينك؟ ابغاك بسالفة؟
ناصر خلاص اجيك البيت
ريان : طيب
راح ناصر عند ريان وراحوا للحديقة (حديقة بيت ابو راكان)
ناصر: هلا ريان وش بغيت
ريان: بسألك سؤال انت تحب العنود؟
ناصر استغرب السؤال بس رد بكل برود: لا ما احبها
ريان مسك ناصر من ياقته : اجل ليش تقدمت لها
ناصر فك يد ريان من على ياقته: ليش كل العالم تسأل هذا السؤال
ريان ناظر ناصر باستغراب كانه يسأله مين سألك غيري
ناصر: هههه العنود سألتني نفس السؤال وبجاوبك عليه نفس ماقلت لها ، اهلي غصبوني عليها
ريان مسك ناصر مع ياقته مرة ثانية ولصقه بالجدار وعطاه بوكس : ان جرحتها مرة ثانية لا تلوم الا نفسك
ناصر دف ريان عنه : ليش وش بتسوي يعني
ريان: بذبحك
ناصر: ههههه طيب مع السلامة
.......................................
ببيت أبو ناصر~
ريم: نايف انا سمعت من ليلى أن اهلها بيرجعون للسعودية بس وجدان بتكمل هناك باليابان وخالد بيمسك الشركة هناك
نايف : انتي متأكدة ؟
ريم : ايه توني مكلمة ليلى وهي كلمت اهلها امس
نايف انصدم ان وجدان ماراح ترجع وهو كان حاط بباله انها بترجع لا يكون نسته وحبت هيديكي
راح لغرفته وجلس يفكر
................................................
باليوم الثاني ببيت أبو العنود~
أبو العنود و ريبيكا (أم العنود) كانوا يفطرون ، جت العنود عندهم
العنود : بابا ابغى اكلمك بموضوع
أبو العنود : امري كم عنودة عندي
العنود: انا استخرت وقررت اني ما ابغى اتزوج ناصر
أبو العنود : بس انتي وافقتي عليه وبعدين انتي تعتبرين زوجته
العنود: طيب لو قلت له يطلقني
أبو العنود: العنود انتي متأكدة
العنود وهي تحاول تخفي مشاعرها : ايه متأكدة
...............................
خالد راح لليابان عشان يمسك الشركة ويقعد مع وجدان اللي قررت تكمل درستها هناك . ابو خالد ، ام خالد ولينا رجعوا السعودية
وجدان ماكانت تبغى خالد يقعد لانه بيبهذلها وخصوصا بلبسها وقررت انها تقعد باليابان مو بس عشان تكمل وعشان هيديكي
خالد وصل لمطار اليابان بالليل وتبهذل على مالقى احد يتكلم انجليزي
خالد: Excuse me do you speak English?
عذرا هل تتكلم انجليزي؟
الشخص: Yes, Ido. Do you need some help?
نعم. هل تحتاج بعض المساعدة؟
خالد:I need some help with the map, its written in Japanese
احتاج مساعدة بالخريطة, انها مكتوبة بالياباني
الشخص اخذ الخريطة ووصل خالد للبيت
وجدان كانت برا تنتظر اخوها ولما شافته راحت عنده
وجدان ضمت خالد: الحمدلله على السلامة
خالد شال اخته : الله يسلمك ، وحشتيني ووحشتني هبالتك
وجدان طلعت لسانها لاخوها : اكيد بوحشك مو انا اللي اسوي لك اكشنات بالبيت ههههههه
خالد نزل وجدان ولف على الشخص الياباني اللي كان باين عليه الضيقة : Thanks for showing me the house
شكرا لانك وريتني البيت
وجدان شافته وعرفته (هيديكي): هيديكي وش تسوي هنا (بالياباني)
هيديكي وهو معصب بس ماسك نفسه: مين هذا
وجدان: هذا اخوي
خالد مو فاهم وش يخربطون لانهم يتكلمون ياباني : وجدان مين هذا؟ تعرفينه؟ <<بنبرة فيها عصبية
وجدان: هذا صديقي من المدرسة
خالد وكانه انصدم: صديق ! انتي تصادقين اولاد؟ وبعدين انا كم مرة اقول لك على لبسك <<قالها وهو معصب
وجدان ركضت للبيت وراحت لغرفتها وقفلت الباب
هيديكي عرف من نبرة صوت خالد انه معصب وخاف من انه يسوي شي لوجدان لكن قبل ما يفتح فمه بيكلم خالد ، خالد راح ودخل للبيت
خالد وهو يطق الباب على اخته : وجدان افتحي الباب اشوف خليني اكلمك
وجدان خايفة من اخوها وقاعدة بالغرفة ساكتة
خالد: وجدان بتفتحين الباب والا شلون؟ خلصيني وافتحي لا اكسر الباب على راسك
وجدان وهي تصيح : خالد تكفى ماسويت شي
خالد: افتحي خليني اتفاهم معك
وجدان فتحت الباب وهي بتموت من الخوف : خالد انا..
خالد قطع كلامها لما مسكها من يدها : لا تقولين لي انك تصادقين عيال بالمدرسة
وجدان وهي تحاول تفك يد اخوها بس مافيه فايدة: يعني شلون المدرسة مختلطة وش تبيني اسوي (وجدان حطت يدها على فمها توها تستوعب انها قالت مختلطة)
خالد وهو فاتح عيونه : مختلطة؟! من متى ان شاء الله
وجدان: خالد هدني , ابوي يدري اصلا هو اللي مسجلني فيها خلاص خليني
خالد: تستهبلين انتي والا شلون ؟ اذا ابوي راضي انا ما ارضى تفهمين!
وجدان : خالد خلاص انت كلم ابوي.. (قاطعها خالد)
خالد: لا اكلم ابوي ولاشي انا لو ادري ان انتي بمدرسة مختلطة كان مارضيت انك تقعدين هنا. شوفي انا بروح للمدرسة واسحب اوراقك منها فاهمة
وجدان وهي تصارخ : لا مو فاهمة، شلون يعني تبيني اعيد السنة ؟!
خالد ناظر وجدان بنظرة تخرع خلتها تنزل عيونها بالارض: لا ماتعيدين السنة بس بسجلك بمدرسة السفارة
وجدان وعيونها غرقانة دموع : خالد تكفى ما ابغى
خالد: عاد مب على كيفك تبغين والا ماتبغين قلت لك مدرسة مختلطة مافيه
وطلع خالد من غرفة وجدان وهو متحسف من انه هزأ اخته بس هذا هو احسن حل ... وجدان قفلت باب الغرفة و رمت نفسها على السرير تصيح
طلعت مذكراتها من تحت المخدة وفتحتها على صفحة فاضية وبدت تكتب [ اليوم جاء اخوي واستانست لجيته بس على كثر ما استانست على كثر ما جرحني وكدر خاطري,,, اخوي واحبه لكن ليش لازم يحرمني] بعدين فتحت صفحة جديدة وكتبت [ قلبي ليش تعذبني اختار واحد وريحني ليش لازم تشغلني {نــايــف والا هــيــديــكي؟!} ] بعدين رجعت مذكراتها تحت المخدة ودموعها على خدها
دق جوال وجدان وردت بصوت واطي وحزين : الو
.....: الو وجدان
وجدان : نـ .. نـايف؟!
نايف : وجدان انتي تبكين؟!
وجدان وهي تمسح دموعها وبصوت متوتر: لا بس انا مزكمة شوي . شلون عرفت رقمي؟!
نايف : سلامات ماتشوفين شر. انا اخذت رقمك من جوال ريم بدون ماتدري
وجدان وهي مو مرتاحة : الله يسلمك الشر مايجيك
نايف حس بان وجدان مو مرتاحة : انا آسف اذا كنت فاجأتك بس ما قدرت, اشتقت لك
وجـدان سكتت وقعدت تفكر باللي نايف يقوله, هو يحبها مشتاق لها طيب ليش تحب هيديكي مع نايف
نايف : الوو، وجدان؟
وجدان : هنا اممم نايف في احد معي بالخط الثاني اخاف يكون خالد
نايف : خلاص انا بس حبيت اتطمن عليك واقول لك اني انا احـبـك
وجدان قلبها بدا يدق بسررعة لما قال لها انه يحبها وسكر السماعة,, وجدان ردت على الخط الثاني بس ماكان خالد
وجدان : الو؟
هيديكي : وجدان ؟ كلمت اتطمن عليك خفت اخوك سوا فيك شي لاني شفته يدخل البيت معصب
وخفت ادخل يسوي لك شي اكبر
وجدان ابتسمت بس اختفت الابتسامة بسررعة: خالد بيسحب اوراقي من المدرسة
هيديكي : من جده؟
وجدان : ايه اصلا خالد مايحب كذا ابد
هيديكي : وجدان تعالي عند الدريشة (الشباك)
وجدان مشت بخطوات ثقيلة للدريشة وفتحت الستارة وشافت هيديكي تحت يبتسم لها
هيديكي : وجدان وش رايك تنزلين اوديك مكان حلووو
وجدان : هههه هيديكي انت الظااهر نسيت خالد ، تبغاه يذبحني
هيديكي : قولي له رحت انام عند ميتشيرو
وجدان : عاد كانه بيتفهم ، بيوريني شغلي ويمكن بعد يموتني
هيديكي : طيب فكري بشي ,لازم اوديك اليوم
وجدان : ليش اليوم بالذات
هيديكي: مفاجأة
وجدان : امممم طيب احط مخدات وانزل لك
هيديكي: لا ، طيب افرضي عرف يمكن يذبحك . انا عندي فكرة
وجدان: وشو؟؟
هيديكي: وش رايك ميتشيرو تكون مكانك (ميتشيرو ووجدان يتشابهون من ورا + شعورهم نفس الشي بعد ما ميتشيرو صبغت شعررها)
وجدان : صح بس تخيل لو اخوي كلمها او شي
هيديكي: لا ما اتوقع اذا سوت نفسها نايمة. وذا غطت نفسها وطلعت جزء من شعرها بتكون تشبهك مررة بس لا تتكلم
وجدان : ههههه كل هذا عشان اطلع معك؟
هيديكي لف وجهه (يعني صارت وجدان تشوف ظهره)
وجدان : هههه طيب دقايق اكلم ميتشيرو
كلمت وجدان ميتشيرو وقالت لها ان اخوها جاا اليوم والسالفة كاملة
وجدان : يلا ميتشيرو احتاج مساعدتك
ميتشيرو : بس اخاف ننكشف وبعدين اختاري {نايف والا هيديكي؟!}
وجدان : لا لاتخافين ماراح ننكشف وبعدين انا بسوي كذا عشان اتاكد من مشاعري
ميتشيرو جت لبيت وجدان وكان خالد لسى ماجا ولبست ملابس وجدان ونامت بفراشها
وجدان طلعت مع هيديكي وركبت معه بالسيارة حقته
هيديكي: بوريك شي حلووو
وجدان : وشو قول لي؟ ترا تحمست
هيديكي : اللحين تعرفين
وجدان كانت بتموت من البرد بس ماقالت شي ، هيديكي كان بياخذ جواله من الدرج وبالغلط لمس يد وجدان ولقاها متجمدة
هيديكي: وجدان, انتي بردانة ؟ ليش ماقلتي لي؟
وجدان: لا انا مو بردانة مررة
هيديكي : استحملي, شوي ونوصل
ووصلت وجدان وهيديكي لحديقة حلوووة باوساكا وازهار الساكورا (الكرز) بكل مكان
والهدوء وضوء القمر
وجدان عجبتها الحديقة وماصدقت عيونها : وااوووالمكان يجنن بس وش معنى اليوم بالذات ؟
هيديكي : لاني حسيت انه احسن يوم اجيبك هنا ولان القمر بدر
وجدان ابتسمت وراحت عند ازهار الساكورا وقعدت تحت شجرة من اشجار الساكورا القريبة وسندت نفسها عليها
وقعدت تتأمل القمر
هيديكي راح يجيب شي دافي يشربونه وهو بالطريق للبقالة قعد يفكر(وجدان بدت تحبني؟ والا للحين تفكر بنايف؟ طيب هي للحين مشوشة والا قررت؟)
وصل هيديكي للبقالة الصغيرة وشراء حليبين بالقهوة واخذها بكيس ورجع للحديقة. اول مارجع لقى وجدان نايمة بمكانها
هيديكي قعد جنب وجدان : انتي ماتخافين على نفسك تنامين بمكان زي كذا ههههه
وجدان كانت نايمة وماتحس بشي
.............................
خالد رجع للبيت وهو معاه اوراق تسجيل وجدان بالمدرسة حقت السفارة وراح لغرفة وجدان
ميتشيرو نايمة بمكان وجدان, خالد جلس على حافة السرير
خالد: وجدان؟! صاحية –وكان بيفتح البطانية عنها- لكن ميتشيرو تمسكت بالبطانية وسوت نفسها تصيح
خالد: وجدان انا داري انك متضايقة اللحين لكن بعدين بتدرين اني ما سويت هذا الشي الا لمصلحتك
ميتشيرو ماهي فاهمة ولاشي وبنفس الوقت خايفة لاتنكشف , خالد قام من السرير : انا اخوك واحبك وما ابغى اي احد يضرك او يسيء بسمعتك وانا اعرفك عاقلة بس تغيرتي, وجدان حبيبتي انا اخاف عليك لانك اختي الصغيرة وما ابغى اي شي يضرك –بعدين قام خالد وحب ميتشيرو على راسها وهي متغطية بالبطانية وطبعا على باله وجدان-
..........
هيديكي قرب من وجدان اكثر وبدون مايحس بنفسه طبع بوسة على شفايف وجدان , بعدين بعد عنها وقعد يتاملها
هيديكي : وجدان انا بالبداية كنت ما احبك وحتى لما عطيتيني كف كنت ما احبك بس كنت ابغاك تحبيني لاني ما عمري انرفضت من احد بس بالنهاية حبيتك –اخذ هيديكي حليب بالقهوة من الكيس وفتحه- اول مافتح هيديكي علبة الحليب (كانها علبة ببسي او سفن ) وحطها على خد وجدان قامت
وجدان: هاه , حليب بالقهوة –قالتها وهي مبتسمة-
هيديكي: هههههه لو ادري ان هذا الشي اللي بيقومك كان فتحت العلبة وحطيتها على خدك من اول
وجدان : كت نايمة؟ ماحسيت بنفسي .. طولت وانا نايمة؟
هيديكي وهو مبتسم : ايه وايه وايه ..اجوبة اسالتك
وجدان غطت وجهها بيدينها: طولت ؟ كم يعني؟
هيديكي : تقريبا نص ساعة
وجدان مدت يدها للكيس واخت حليبها بالقهوة وفتحته بعدين شربت شوي وقعدت تتامل القمر ونزلت دمعة من عيونها
هيديكي شاف دمعة وجدان ومسحها بيده,, وجدان ابتسمت لهيديكي وقامت تمشي بالحديقة
هيديكي: وين رايحة؟!
وجدان : بمشي شوي
هيديكي ما عرف يلحقها والا يخليها لوحدها بعدين قال وهو متردد: خلاص اسبقيني وانا بجيك بعد خمس دقايق
وجدان ابتسمت له وراحت تمشي
وجدان وهي تمشي ما انتبهت للنزلة اللي قدامها وطاحت بس اشوا ما انتبه لها هيديكي
وجدان وهي طايحة بالارض لسى ما قامت: (انا وش قاعدة اسوي ليش طلعت مع هيديكي وقبل شوي الحلم اللي حلمته عنه, معقولة انا صرت احب هيديكي؟! طيب ونايف؟)
هيديكي سمع الطيحة وشاف وجدان بس سووا نفسه مايدري عشان ماتتفشل زيادة
هيديكي: (وش اسوي الحين؟ ما اعرف وش اسوي)
وجدان قامت ونفضت الغبار عن لبسها ومشت عند المراجيح وقعدت على وحدة منها وتتمرجح
..........................
ببيت وجدان~
خالد حط اوراق وجدان على تسريحتها وطلع
ميتشيرو فتحت البطانية عن وجهها : بغيت انكشف كله منك ياوجدان هذي اخر مرة بسوي شي زي كذا
...............
العنود وناصر فسخوا الملكة وسارة ارتاحت نفسيا بس العنود صار مايهمها شي
بالسعودية ~
الــــســـاعة 5 بالعصر~
ببيت أبو العنود~
العنود منسدحة على السرير وتكتب على اللاب بـ تويتر
"I can't get over him"
ما اقدر اتخطاه (انساه)
بعدين قامت واخذت كوب اللاتيه حقها من على التسريحة وشافت صورة لها هي والبندري وابتسمت لا شعوريا
العنود: (بي بي يا الخايسة وحشتيني شكلي بدق عليك)
العنود جت بتدق على البندري بس جوالها دق قبل لا تكلم اختها ،، العنود صنمت عند الاسم بعدين ردت
العنود: الووو يا الخايسة تو كنت بدق عليك ،، وينك ماتسالين عن اختك ولا شي
البندري: هههه هذا انا دقيت اسال عنك واسوولف معك، يختي ابغى اسمع صوتك من زمان عنه
العنود: بتسمعينه بخربط على راسك الين ما اطفش
البندري: ايه خلاص موافقة
العنود شربت شوي من اللاتيه : لا وبدون ماتوافقين بعد
البندري: هههههه ايه اسمعي تو ادق على امي ماترد،،، بقول لك شي
العنود حطت اللاتيه ووسعت عيونها: وشو؟؟!
البندري: انا حامل
العنود قامت تناقز : جد؟! مبروووووك ,, بنت والا ولد؟! وش بتسمونه؟!
البندري: هههههه شوي شوي علي خليني اجاوب , الله يبارك فيك,تؤام وللحين مانعرف بنات والا اولاد وماقررنا لسى بدري على التسمية
العنود: وناااسة تؤام بس ارحم الكبيرة
البندري: ليش ان شاء الله ,, اللي يسمعك يقول انك مرة متازمة ترا انا اللي كنت انتبه لك وكذا اذا تذكرين
العنود: ياربيه لازم يعني تجيبين السالفة وانا دايم اقول لك الخدم لازم يعتنون بالامراء
البندري : رجعنا لسالفة الامراء والخدم ,, الله يعين قلبي بس
العنود: انا مرة مستانسة اني بصير خالة حتى اني احس يمكن اصيح من الفرح والا اطلع اصرخ بالشارع
البندري: هبلة تسوينها
العنود: ههههه ايه عادي
البندري: عنودة انا شفت الـ.. تـ .
العنود: هاه شفتي وشو؟
البندري: شفت التنورة اللي قلت لك وشريتها
العنود: ايه هههه اهم شي جبتي لي والا؟
البندري: ايه اكيد جبت لك ومو بس التنورة الا اشياء كثيرة بتعجبك
العنودة :وناسة...متى يجي السبت
البندري: ياخبلة وراك دوام
العنود: وش عاد دوام ،كله يوم اسحب على الجامعة واللي جابها، هذي اختي حبيبتي بي بي اللي بتجي مو اي احد
البندري: هههههههه يعني وحشتك؟
العنود: والله فوق ماتتصورين
البندري: يلا انا بقفل واكلمك بالليل,, وراي تسليم بحث اللحين
العنود: الله يوفقك يلا انتظرك بالليل
البندري : يلا وياك وسلمي لي على امي وابوي ولاتنشرين خبر حملي اعرفك انا ههههه
العنود وهي تضحك: وش اسوي ما اقدر اخبي اي سر
البندري:ههههه وحشتيني ووحشني خبالك والله
العنود: والله انتي اللي وحشتيني ولاحقة لاحقة على الخبال ، يلا مع السلامة لاتتاخرين على موعد التسليم
البندري: يلا مع السلامة
العنود راحت تقول لامها وابوها عن البندري وقالت لنوال
رجعت العنود لغرفتها ورجعت للابتوبها وشافت رد على التويت حقها
"Yes U can b/c UR strong & because I know U… miss U big sis"
الا تقدرين لانك قوية ولاني اعرفك....وحشتيني يا اختي الكبيرة
العنود صنمت عند الكلام : يعني البندري قرت كلامي –ابتسمت وقالت بصوت اوطى وبنبرة تذمر- وبعدين انا مو اكبر منها بواجد بس الفرق بسيط
...................
بايـطــاليا~
البندري قفلت من العنود واخذت بحثها بتوديه للجامعة بس دخلت الغرفة بتاخذ شنطتها
راكان كان نايم لان اليوم محاضراته متاخرة,,حس بالبندري وهي تمد يدها بتاخذ الشنطة ومسك يدها وسحبها للسرير
راكان وهو مغمض عيونه ويبتسم: وين رايحة ؟
البندري: بحثي التسليم اليوم فكنت بوديه
راكان : ليش ماقومتيني اوديك
البندري: ماحبيت ازعجك وانت امس مانمت الا متاخر عشان بحث التخرج وغير كذا عندك محاضرات اليوم
راكان: ومين قال لك انك تزعجيني ...يلا عطيني بس 10 دقايق اخذ لي شور سريع واغير واروح اوديك
البندري تشققت ودعت ربها يحفظ لها راكان
............................
ببيت أبو ناصر~
ناصر كان يكلم سارة ...
نواف كان مع سمية يلعبون مصارعة <<سمية كل كم يوم تجي عن نواف او العكس
أمل كانت نايمة
ريم كانت تفكر بخالد وشلون تشوفه
نايف مسك جواله وشاف الوقت : اجل اكيد صارت 12 عندهم <<<كل واحد لاهي بحاله
.....................
باليابان ~
اوساكا~
الساعة 12 بالليل
هيديكي راح عن وجدان وقعد بالمرجيحة اللي جنبها
وجدان لفت عليه: صح نسيت اسالك
هيديكي: وشو؟!
وجدان: وش كنت تسوي بالمطار يوم انك قابلت اخوي
هيديكي: كنت رايح استقبل خالي بس ماجا ولما كلمت امي قالت انه جاي الاسبوع الجاي مب هذا ,,يعني رحت على الفاضي
وجدان كانت تفكر بس قطع حبل افكارها هيديكي لما سحبها مع يدها وقال لها: بسرعة بوريك شي
وجدان :هـ..هيديكي وين بتوديني؟
هيديكي : غمضي عيونك
وجدان: ها!! ليش ؟!
هيديكي وهو مبتسم: بس غمضيها
وجدان غمضت عيونها وهيديكي ماسك يدها يوديها للمكان اللي بيوريها اياه
هيديكي ترك يد وجدان وقال لها بصوت عالي : اوتانجوبي اوميديتو (عيد ميلاد سعيد)
وجدان فتحت عيونها وشافت بلونات مكتوب عليها عيدميلاد سعيد
وجدان فاتحة عيونها مندهشة وبنفس الوقت مستغربة: اا اممم هيديكي شلون عرفت انه عيدميلادي؟!
هيديكي: سر
وجدان ضحكت ضحكة خفيفة وبعدين راحت عند هيديكي وهي ترمش بعيونها: يعني ماراح تعلمني
هيديكي ضحك على حركة وجدان: مدري يمكن اقول لك بعدين
وجدان: طيب وين هديتي؟!
هيديكي وهو يضحك: بس هذي هي مافيه هدايا
وجدان عطت هديكي ظهرها : ما ابغى ابي هدية
هديكي لف وجدان عليه وطلع صندوق من جيبه : امزح معك هذي هديتك
وجدان فتحتها وهي متحمسة طلعت اسوارة فيها قلب وعليه من برا حرفها بالانجليزي ولما تفتح القلب فيه حرف هيديكي
هيديكي غمز لوجدان: هذا سرنا ، اي احد بيشوف الاسوارة بيقرا حرفك بس محد يدري وش بداخلها
وجدان ابتسمت وعطت هيديكي يلبسها اياها
هيديكي يلبس وجدان الاسوارة: تدرين ليش اخترت ان حرفي يكون داخل القلب
وجدان: ايه عشان محد يشوفه
هيديكي ناظر فيها ومسك القلب اللي بالاسوارة: لا، مو بس عشان كذا, عشان اكون بقلبك دايم
وجدان ناظرت بعيون هيديكي ووجها محترق من الحياء, هيديكي مسك يدها وكان بيقربها له بس وجدان رجعت على ورا
وجدان: الوقت اتاخر لازم ارجع البيت
هيديكي حس بخيبة امل لما وجدان قالت كذا: اجل اركبي اوصلك
وصلت وجدان للبيت وطلعت من الدريشة ورجعت لفراشها وميتشيرو راحت لبيتها (هيديكي وصلها)<< طبعا نزلت من الدريشة
بعدين وجدان اخذت جوالها تبغى تشوف الساعة كانت 1 ونص وشافت رسالتين فتحت الاولى
[otanjoubi omeditou يا هبلة] <<كانت الرسالة من سارة
وجدان قامت تضحك على الرسالة وبعدين افتحت الثانية
[اليوم زادعمرك سنة
محتار ويش أهديلك أنا
تبيعمري
تبي روحي
إنت بس تدلل و أطلب] نايف
هنا وجدان ماتدري ليش قامت تصيح وهي تقرا رسالة نايف وكان وقت الرسالة 12 بالضبط بتوقيت اليابان
ونامت وجدان وهي ماسكة جوالها ودموعها بعيونها
.................................................. ...........................................
.................................................. ................................
________________________
اسئلة البارت~
*رايكم موقف العنود وناصر ؟؟
* ووش رايكم بخالد وجدان على المدرسة المختلطة؟؟وهل معه حق؟؟
*وش رايكم بخطة هيديكي لما خلى ميتشيرو تجي مكان وجدان؟؟ <<الولد كانه حشش
*وجراء هيديكي لما وجدان كانت نايمة؟؟؟
*اخر شي وش رايكم بهدية هيديكي لوجدان وكلامه "عشان اكون بقلبك دايم"؟ <<عاد هذا المقطع وانا اقراه لبنت خالتي قبل لا اقول عشان اكون بقلبك هي قالتها وقامت تصيح تقول الكلب الحيوان اختي وبنت خالتي بس يتهاوشون وحدة تبغى وجدان مع نايف ووحدة تبيها مع هيديكي.. وانتم؟؟؟؟
رد: مـــذكرات وجدان (روايتي الاولى)
ربووشة شكرا على متابعتك لروايتي هههههه ولاتسهرين ترا جربت مانمت الانص ساعة بغى يغمى علي لا وكان اليوم اللي بنسافر فيه
~
؟؟؟
؟؟؟
؟؟وهل يحب العنود
؟؟؟
؟؟؟
هلا ربووشة شكرا على متابعتك اسفة طولت بس انسحب لابي وماكنا ببيتنا وززحمة
ة<<بررا
يعني حلوة الرواية صح؟؟!! صدق الشخصيات كثار<<كنت بزيدهم احس قلال 
اتمنى اني ما اكون طولت واتمنى يعجبكم
اختي وبنت خالتي بس يتهاوشون وحدة تبغى وجدان مع نايف ووحدة تبيها مع هيديكي.. وانتم؟؟؟؟
العرض العادي
