قبل كم يوم وأنا أحوس في التن لقيت أكلة حلووه عجبتني+قليلة سعرات حرارية<<للناس المحافظه ع وزنها أو اللي تسوي دايت ..
المهم إني صرت كل شوي أسويها يعني من عرفتها وأنا يوميا أسويها لأنها لذيذه وبنفس الوقت مفيده ومافيها دهون مضره ..
نبدأ بالمقادير ..
علبة روب قليل أو خالي الدسم سلطه أو خضار مقطع<<حسب الرغبه ملعقة كمون رشة فلفل رشة ملح ملعقة خردل ليمونه واذا تحبين ملعقة مايونيز لايت خبز توست <<يفضل بر أو نخالة دجاج بدون جلد وعضم(مثلا دجاج برجر)
الطريقة
أول شي تجيبين الدجاج وتحطينه ع الشوايه أو تحمرينه على النار لحد مايستوي وتقطعينه قطع صغيره وتحطينه في الصحن وبعدها تاخذين السلطه أو الخضار وتحطينهم فوق الدجاج وتخلطينهم. بعدها تاخذين الخبر وتحمرينه على التار لحد مايصير يقرمش وبعدها تقطعينه وتحطينه مع باقي المقادير. تجيبين صحن ثاني وتحطين فيه علبة الروب +باقي المقادير وتخلطينهم مع بعض وتصبين الخليط فوق السلطه والدجاج. صدقوني الأكله مرررره لذييذه وتقدريين تزيدين بالمقادير على حسب اللي يعجبك بالاضافه لإنها تشبع ولاتزيد الوزن جربووها بتعجبكم. إذا عجبتكم الأكله أبي أشوف ردودكم ولاتنسوون التقييم