~Our .. Dairy! ~ baby-face & mystery_m ~

[mystery_m]

السلام عليكم

اليوم الاحد و أول ايام الاسبوع >>طبعاً الكل ماله نفس لشيء ههع

بـٍس اليوم انا وبيبي بغينا نغير المود شوي ..!

يلسنا انسـوي نستهبل بطريقة مـا >>ماعرفت اشرحها يعني نسوي حركاااات يهاآآآآآآآل >>الملل وماذا يفعل هع

أول 3 حصص مرن كأنهم 3 سنوات و كنا انا وبيبي في سباآآآت عميييق هع

وعقب هـالثلاث حصص الدسمة يآآآآآآآآ وقت البريك و طـآآآآر الرقاد و بعد البرك كان علينا تاريخ فأنا وبيبي فيس نحاول و بكل القوه انه الابلة ادرسنا في الصف الخارجي وقالت انه بتشوف الاغلبيه وين يبا يدرس



هذه صورة الصف الخارجي يوم يكون الجو حلوو نسير ندرس هناك هع

وهيكاااااااااا >>نسيت الباقي


بيبي فيس كملي الباجي هآآآآآع

[~baby-faceّّ~]

ااه تعباانه ونسيت ههههه

[mystery_m]

اليوم الثلاثاء رابحهـ المدرسه وانا مالي ابداً مزاج و معصبة بدون اي سبب
و لقييت بيبي فيس معصبه بعد و مالها مزاج لشــي

مرت الحصة الاولي و بعدين الحصة الثانية كـآآن علينا رياآآضة و الابلة راحت و يعني صار عندنا فراغ بس من نذالة الادراة ما يريدون حد يتجول في المدرسة جآآن يخلوون عندنا الأخصائية


عاد من عرفنا انا وبيبي انه الاخصائية في صفنا ما بغينا نحدر الصف قلنا نيلس نحوط في المدرسة ومحد دورنا قلنا خلاص يعني ما يبونا هآآآآآآع

و بعدين خلصت الحصة الثانيه بدت الحصة الثالثة وبعد فراغ وناآآسة كان

بعدين الحصة الرابعه كانت احياء و بعدها فراغ بس يا فرحة ما اكتملت عكرولنا مزاجنا انا وبيبي

السبب لان الأخصائية النذلة مسكتنا انا وبيبي و قالت و ين كنتوا في الحصة الثانية

قالنالها ابلة ما نعرف نسينا
وانهزبنا شوي وقالت سيرن وقعن تعهد عند الاخصائية الثانيه نحن طنشنا الموضوع لانه كيف انسير بريلنا للهلاك يعني نروح عند الاخصائية و انقولها لو سمحتي ابلة خلينا انوقع تعهد !!!!!!!!!
فالاخصائية النذلة شافت انه ما دخلنا عند الاخصائية مالت التعهداآآت جآآن اتقوووووول "ليش ما دشيتوا" ..قالنالها انا وبيبي بنشاور المديرة اول وعقب اذا قالت نوقع تعهد بنوقع

يعني هالأنسانة كنت بجتلها اليوم بس مسكت اعصابي ما اتفاهمت ويانا ولا شي و حرضت الكل ضدنا

عاد في طريقنا لمكتب المديرة وماسكين ضحكتنا لأن حسينا بالغباء و السخافة ..وشفنا الوكيلة والا ابلة الجغرافيا يالسيين يناقشون موضوع ما فما حبينا نقاطعهم و رحنا سسيييدة مكتب المديرة جآن تقوولللنا الوكيلة "لحظة وين سايرين ؟!"
قلنالها نباا المديرة قالت شو تبون فيها قالنالها نبا نكلمها في موضوع

قالت "ما يصير تكلموني؟" قالنالها لااااا نحن نبا نكلم الوكيلة وفجأة انفجرنا انا وبيبي فيس من الضحك و السبب الله اعلم

من ضحكتنا حست الوكيلة ان السالفه فيها انه و أصرت انه انقوللها
قلت الها لآآآآآآآآآآآآآ والف لا لا و لآآآآآآآ نحن نبا انكلم المديرة و بعدين ابلة الجغرافيا ادخلت في الموضوع وقالت انه انقوللها السالفه

وانا مصرة ما اقول لهالكائن شي لانها بتسويها مصيبة و قلت الها ابلة ما اقدر اقولج انتي ولا مرة و قفتي ويانا انتي كله توقفين ضدنا
قالت "لأأأ بوقف معاكم قولولي شو السالفة" و قلنالها .. ونحن بعدنا يالسين انقوللها فجأة دخلت الأخصائية النذلة وقالت" انتو ما رحتو توقعين تعهد" ودخلت في الموضوع وخربت علينا

ويلست الوكيلة تهزءنا ونحن حسينا بالضلم ما غلطنا في شي بيبي فيس كانت ماسكة ضحكتها وأطالع الوكيلة و ابداً مب مركزة وياها وانا منزلة راسي و اضحك >>والله كان الموقف غبي و يضحك واااااايد لانهم مكبرين السالفه ع الفاضي شكلهم عندهم اوراق وايدة و يبون حد يوقع عليها

طلعنا من مكتب الوكيلة ونحن ما نعرف شو كانت تقول بس كانت معصبة وتهزءنا و ميتيييين من الضحك و يلسنا نضحك مثل السكرانين لين ما وصلنا مكتب صاحبة التعهدات

و تشوفنا نضحك و "تقولنا شو فيكم" .. نقوللها ابلة ممكن ورقة تعهد نوقعها >>شو هالغبااء

و دخلت الخصائية الي سبب المشكلة و قالت وقعيهم تعهد بسبب عدم حضور الحصص

وانا اضحك واقول لأخصائية سويتي فيها عدم حضور لحصص و هي كانت حصة فراغ وانتي تناوبينهااا هااااااااا

وقفنا انا وبيبي فيس ضحك و قعنا التعهد وطلعنا مرة ثانية نضحك

ونشوف جماعة من صفنا ينادونا يبونا نيلس وياهم ونحن نضحك و نصرخ عليهم في نفس الوقت>>كنا مضطربين كنا نضحك على الشي التافهه الي وقعنا عليه تعهد وكنا معصبين ع اسلوب الإدراة الوقح

وما كان النا مزاج نيلس ويا طلاب الصف انعزلنا عنهم و يلسنا نخطط لإنتقام منهم بس بشكل سلمي وو صل تخطيطنا بأخذ اصوات الاغلبية الي معارضين على الوكيلة >>طبعاً محد يحب الوكيلة و قررنا نراسل ورزراة التربية و التعليم لان طفح الكيل مع ادارة مدرستنا و نبا حل وياهم

سكتنالهم واااااااايد بس هالمرة ابداً ما بنسكت

والآآآن انا اراسل ادرايين في منطقة الشارقة التعليمية نطالب بنقل الوكيلة الجديدة و ارجاع المديرة السابقة و الإدارة السابقه لأنه طفح الكيل الكل ضدنا

[~baby-faceّّ~]

السلام عليكم ورحمة الله وبركاته ..~

اظني قرييتو الساآآآلفة ..!~

والسالفة أسخف من اي شيء سخيف في الدنيا ~

والله أنها ما ترزا السالفة عشان انوقع تعهد ..~

ردت فعل سخيييفة من الإدارة .. ~

أوكيه .. شردناآ.. شو صار بالدنياآ..لا السماء طاحت ولا الارض إنشقت ..لإنا شردنآآ~

وبعد محد واقف معانآ .. ولا حد معترض ع هذا النظام (الخايس)

يعني عندكم أوراق زاايدة .. ما لقيتوا أي حد غيرنا نحن عشان انوقع التعهد ~

والمشكلة أن في أبلة معانا .. شافت أن سالفة التعهد .. غلط ..~ وحتى لو سوينا اللي سوينها مااا يرزاآ أبداًً .. المشكلة إنها أبلة الرياضيات .. صدمتكم صح !!!

أوكيه أتمنى من اللي يقرأ ..يقووول رايه اللي سويناه صح ولا .. و شو يرزاآ أن نوقع تعهد ...

[BaNoTa91]

انااااا حبيت فكرة هاليومياااات ،، بس لله الحمد انااااا طالبه جامعيه و لست طالبه مدرسيه السنه الماضيه اتخرجت الحمدالله

انا درست فنفس المدرسه الي يدرسون فيهااااا baby-face & mystery_m >> بس صراااااحه هاي المدرسه تيب المرض ،، والله مدرسه معقده واااااااااااااااااااااااااااااااايد ،، ع كل شي مخاااالفات حتى ع البودره

لا و بعد اتوقيع ع التعهدااااات ببلاش ،، أنا كنت طالبه هاديه و مليون توقيع و قعوني و الله ع التاخير الخمس دقايق<<< نفس هذا يوقفولناااا ،، والله هالمدرسه مب شي
بس شكله baby-face & mystery_m مب متعودين ع الاسلوب الخشن فالتعامل ،، شكله مدرسة (.....) أقول و لا ما اقول >> معودتكم ع الهدوء و الاسلوب الراقي ،، بس شكله أبله ( .......)>>> الوكيله مراوتنكم الويل والله كل ما اسمع قوانينها اضحكــ شوهاااا ،، عنبو اضني بيكتبون مدرسه ...... العسكريه