السلام عليكم
ماعرف للمقدمات عشان كذا ابدخل بالموضوع على طول
//
//
قناه الــ JYJ الرسمية باليوتيوب سوت مسابقة وطلبت من الفانز يسون
مقطع فيديو باي شكل من الاشكال ويقولون فيه ليه هم المعجبين رقم 1
للجي واي جي !
اللي فهمناه من المشاركين انه اختيار الفائز راح يكون عن طريق الثلاثة
ولذلك حبينا حنا الفانز العربي نشترك لو بشي بسيط عشان نقول ليه حنا
المعجبين رقم 1 لهم .. ليه حبيناهم وتابعناهم من بين كل الناس وليه
اخترنا ذولا الثلاثة عشان نصير لهم فانز مخلص ..
وبما انه فيه اشاعات انه بيتم اختيار الفيديو الفائز من الثلاثة قررنا
نشارك باسم الفانز العربي :$ حتى لو مافزنا اهم شي الثلاثة يشوفون
الفيديو ويعرفون اننا ندعمهم طوال الوقت ..
طبعاً المجال مفتوح لاي احد يبي يشارك بالفيديو .. بس حنا نبي مشاركتنا
تكون مميزه شوي حتى لو خرجنا عن الثيم الاساسي للفيديو اللي يبون !
صح مانقدر نشارك بحريه مثل الفانز الاجنبي بالرقص والصور وغيره لكن
نقدر نبدع اكثر منهم ! عشان كذا نبي نطلع حماسنا وابداعنا وننفذه
باللي نقدر عليه ..
المطلوب انكم تصورون لنا كل واحد يرسل صوره او اكثر ، مانبي تكتبون
رسايل عاديه او غيره لا نبي افكار مميزه وكوميدية ، تريقة بالثلاثة
وباللي يقولونه او يسونه .. مثل :
* تجيبون قطوتكم وتركبونها بالسير وتصورونها مثل العبيط جيجونغ
* تخلون اي بزر يحط وجهه قدام وجه القطوه وتحتهم دفتر وتصورونهم
* ترسمون جيجونغ وميكي "السول ميت " وهم حاضرين حفل جنسو وجالسين
ورا الجمهور ومو شايفين الا راس جنسو طول المسرحيه
* تكتبون على دفتر اي كانت ستودي بيكوز ماي كات سيت اون ماي بوك
وتصورون القطوه وهي جالسه على الدفتر
* تشكلون بالحلاو اسمائهم او الــ JYJ
* ترسمون على ظهر بزر تاتوات كثيرة مثل الاخ جيجونغ ماسوا وقلب ظهرة
لوحه فنيه
* تكتبون على صدر بزر بالاسود مكان تاتو السول ميت الويز كيب ذا فيث
من الأخير نبي اشياء مميزة سواء رسومات او تصاميم او تصوير شخصي
لأطفال وغيره او مقاطع صوت تغنون بنفسكم او أطفالكم لو مقاطع صغيره
من الاغاني ، نبي ابداع عشان نسوي شي مميز بين الاجانب :$ ..
واذا فكرتوا فيها بتلاقون افكار كثيرة .. حنا بس جالسين نرتب للمشروع
ونسولف طلعنا افكار للليل ..
واي احد عنده فكرة بس حاس انها بسيطة
او مايقدر ينفذها يقولها او يرسلها لنا اكيد فيه غيره يقدر يسويها ..
اهم شي تذكروا مواقفهم الهبلا وسواليفهم او عياراتهم وحاولوا تصورونها او تجسدونها
بالرسم او بالتصوير او غيره ..
|| الشروط ||
* ياليت ماتجيبون اي سيرة لدبسك او الفرقة ككل ، كلنا نحبهم ونبيهم بس
بيكون كذا مخالف لفكرة الفيديو
ونخاف يمنعون انه ينعرض
* الكتابه وغيره تكون انجلش .. اذا حابين تكتبون بالعربي برضو مو مشكله
بس الاساس انجلش عشان يفهمونا
* يتسلم لنا الشغل قبل 12 الليل بكرا .. للأسف انه الفيديوات ماراح يستلمون
اي شي بعد 4 نوفمبر ومافيه وقت
!!
بعد ماترسلون لنا الصور وغيره راح نضبط الفيديو ونطلعه بشكل حلو ، وننشرة
حتى لو ماحطوه بالقناة بننشره بطرقنا الخاصه ان شاء الله XD ..
ياليت ترسلون شغلكم على ايميل القروب :
bluefaithfansub@gmail.com
وتذكروا ان الفيديو يمكن يشوفونه الـ جي واي جي
//
//
مشروع الفانز العرب للـ jyj اخر موعد بكرا
العرض الشجري