قصه تيس رومنسي

[Angel of mercy]

كان فيه تيس من التيوس اسمه ( قرنبع )..

تخرج من الكلية الوطنية لتربية التيوس الداجنة ...

والأحلى أن تقديره كــــان : مقبول ..

ما صدق خبر بالنجاح فعلى طول

اخذ الشهادة .. وطار فيها لبيت عمه ( أبو جميله ) ...

فرحان وفـي نفس الوقت زعلان ..

فرحان لأنه ناجح .. و زعلان لأنه سيقابل عمه ....

أول ما وصل للحضيرة ...

جلس يدور عليها ... ( ليه يدووور ) ....

أكيد يدور الجرس ...
سمعت العنزة جميله صوت ولد عمها ..

طلعت له .. وهي مستحيه ..

وحاطه فوق رأسها جلال ..

يوم شافها صار وجهه .. برتقالي من الخجل ..

وقال لها .. إمبااااااع بااااع ..

ابتسمت له بابتسامه كبيره

وقالت ( هاها ها ) الله يرجك توني بأقولها ..

نزل ( قرنبع ) من فوق البلكه ..

اللي كان حاطها ... لأنه ما يطول الجرس ( قزوم ) ...

وقرب عند (جميله ) وأعطاها الشهادة..

ومن الدلاخة والرفاله .. أكلت العنزة جميله الشهادة

قال قرنبع : يقطع شيطانك يا عنزة ... يا متنحة ...

قالت جميله : عن الغلط .....

عاد ترى بأزعل بعدين أهون عن الخطبة

والمشكلة الثانية : وهو يكلمها .. ( وصل عمه أبو جميله )

يوم جاء (قرنبع ) يحب رأس عمه .. ويرفسه على أذنه ...

قال عمه : وش عندك واقف مع بنتي ؟؟...

قال :لاتفهمني غلط ياعمي!!

أنا نجحت وجاي اتقدم لبنتك ..

قال عمه : نجحت ؟ ... وين الشهادة ؟

قال قرنبع : هاه فـي بطن بنتك المتنحة يا عمي

قال عمه : يلوموني بخفة دمك يا ولد اخوي ...

يا لله انقلع ..

وإذا جبت الشهادة أزوجك بنتي ..

راح التيس قرنبع وهو يدعي على العنزة جميله ..

وفي اليوم الثاني ...

كان قرنبع جالس على البحر .. ويفكر ..

فجأة نزلت دمعته <<( الولد رومانسي )

وفـي نفس الوقت ..

وصل عمه ..

شاف الدموع أربع أربع

قال : سلامات يا ولد اخوي ....

عسى أبوك ما أندعس ولا توطته تريلا ؟ ( تفاءلوا عليه )

قال : أحبها ياعمي ......تهيئ تهيئ.....أمباااااااااااااع.......أمباااااااع

قال : إيه .. الحين فهمت ...

أنا موافق بس بشرط !

قال : والله يا عمي موافق ؟ قل اللي تبي ..
قال : شرطي أنك ماتفصل بنتي من وظيفتها<<مثقفه الاخت

وتفتح لها عشه لحالها ...

ولا تزعلها ولا ترفسها ...

قال قرنبع : مواااافق

ويطير قرنبع من الفرحه ...

ويروح الحلاق يجهز نفسه ...
ويحدد شنبه ويسوي له حمام مغربي

وفي ليلة الزواج ...

جاءتهم عنزة حقوووووووودة وحاستهم ..

أول ما جلست .. صارت تمقل ( تناظر ) بالعروس .. والعريس ..

قالت : مايصيررررر.. بأعلى صوتها ..

يوم وقفوا الطقاقات عن الطق ..

قالت العجوز : الزواج هذا باطل باطل باطل

قالوا : ليه ...

قالت : لأني مرضعتهم أثنينهم .. يعني هم اخوااان .. فهمتوا <<مسكين على قلبي

سوتها عجوز قريح ....

ويركض التيس ( قرنبع ) للدائري يبي ينتحر ..

وأول ما شاف ونيت ( كداد ) نط في الصندوق ..

وقال للسواق : الله يرحم والديك اقرب مسلخ .. لا ابوها حاله

يكسر الخاطر



أنشالله عجبتكم قصه التيس و حبيبته جميله
أنتظر الردود بسررررعه
جــانا

الموضوع الأصلي : قصه تيس رومنسي || الكاتب : Angel of mercy || المصدر : منتديات أنيدرا