اهلا بكم أعزائي ^_^
تذكرت قصة قديمة شوي ..
قبل حوالي سنة او أقل قليلا .. دخل واحد من الاصدقاء لموضوع بيه صور ..
كان متوقع انها من تصويري ^_^
وعدته باني أنزل صور من تصويري عشانه .. بس كسلت .. و ما تذكرت إلا اليوم ( كذاب هو متذكر من يومها .. بس مكسل ) ..
المهم .. عدلت على صورتين من الصور .. و بعد كده كسلت اعدل الباقيات ^_^
نبدأ بالصور :
هذه واحدة من الصور المعدلة ^_^
اتذكر صورتها السنة الماضية .. ببداية شهر 9 .. أول اسبوع بالدراسة ..
اعطونا محاضرة باول يوم .. و قلت انام الظهر و اذاكرها بالليل ..
بالليل الكهرباء قطعت ..
و قلت اذاكر على ضوء مصباح النيون المشحون .. و قعدت اذاكر لحد ما فرغ الشحن ..
قلت بكمل على ضوء الشموع ..
بس لما ولعت الشمعة .. عجبني شكل المكان على ضوء الشمعة و اخذت كم صورة ..
هذه واحدة منهم (اللي فوق ^_^)
هذه تاني صورة :
هذه صورتها بالكلية .. و بالصدفة ..
واحد من الشباب كان مشتري نقال جديد .. و كان يوريه لي ..
قلت اجرب التصوير .. و اخذت صورة لاول شيء قدامي ..
و طلعت الصورة حلوة فأخذتها منه ^_^
-- شكرا لsaya على مساعدتها بخصوص الفرش ^_^ --
نفس الصورة اللي قبلها .. بس بدون فرش ..
^_^
هذه قطتنا اللي وعدت نوري باني باجيب صورتها ^_^
نسميها توتو الرابع عشر ^_^
او على الاقل اخواني الصغار يسموها كده ..
و عندهم قانون حلو ..
انه اي قط يجينا لازم يتسمى توتو ^_^
يعني هذا القط رقم كم ما ادري اللي اسمه توتو ..
علما باننا نربي قطط من ما انا كنت بصف ثاني ابتدائي .. و حاليا انا بالجامعة !!
و للاسف اعمار القطط قصيرة .. لسبب مجهول ^_^
هذه وردة ( طبعًا ^_^) ..
اتذكر كنت طالع الكلية الظهر .. و مريت من جنبها ..
و كان النقال بجيبي .. فقلت ليش ما اصورها !؟؟
و صورت كذا شيء معاها ..
لكن وصلت المحاضرة متأخر .. و احم احم .. اضطريت اذاكر المحاضرة لوحدي
انتهت الصور (مش بالضبط لانه في مجلد بيه خرابيط من هذا النوع .. بس هذا اللي اريد انزله حاليًا ^_^)
ان شاء الله تكون عجبتكم ^_^
الموضوع الأصلي :
---{صور قديمة .. من تصويري}--- || الكاتب :
Mr_Misery || المصدر :
منتديات أنيدرا