[الدراما اليابانية]يسرنا ان نقدم لكم فلم..~{Closed Note}~ .. بترجمته العربية ..
بسم الله الرحمن الرحيم السلام عليكم و رحمة الله و بركاته
كيف الحال .. اخباركم .
اوكي بصراحة انا عن نفسي مااعرف اكتب مقدمات و خرابيط زايدة ..
بس راح احاول و اجرب على راسكم ..
Closed Note
من جد من جد استمتعت و انا اترجم فيه
صحيح واجهتنا مشاكل ..
و منها جهازي المسكين دخل العناية المركزة
و تخيلو من فلاحتي ماكوونت حفضت الشغل في مكان تاني
عشت فلم رعب حقيقي ..
الله لا يخلي اي مترجم يكون في موقفي دا ><
طفشتو صح ..!
اوكي .. كلام كتير..كلام كتير ..
الحلوين اللي بدهم التقرير و يكونو مو عارفين الفلم من زمان ..
من لا يشكر الناس لا يشكر الله
في ناس كتيير ساعدوني بصارحة معنويا و كوول شي ..
اللي بيسمعني يقول مشروع مافي اضخم منو مشو حالكم ><
اول شي بشكر ANGELINA
صحيح هيا من القروب اللي مافيه غيري انا و هيا
بس من جد صبرت عليا ..
يعني انا بصراحة اتلكعت لكاعة جامدة في التدقيق و الإنتاج و الرفع
و هيا ياقلبي عليها تندب حضها ..
بعدين فارس اللؤلؤ ..
من جد دا انسان خطيير ..
ساعدني كتير في حكاية الإنتاج ..
وحدة تانية مررة كيوت اللي هيا Yuki
مررة دوووووق ماشالله ..
و من جد شكرا لييك كتيير يوكي ..
كمان soso cute
وmy tego
و bobo
و sed222
و طبعا باقي الأعضاء الحلوين و اللي راح يردو على الموضوع ><
....
اسمعوني يا قماري ..
صراحة مررة محتاجين تشجيعاتكم الحلوة ..
فياليت ماتبخلو علينا ..
يعني من جد تعبنا في حكاية الترجمة و الرفع اكتر شي
مو ماشاالله شركة المواشي حقنا السرعة ولا اروع
و ابدا ما تفصل عليك و انتا في نهاااية الرفع..
صدقني مررة ماتنقهر و تقول خلاص عنو ماني مكمل ابدا ولا شي من دا كوولو ><
كلامي كتير ..!
المشكلة ماني عارفة كيف انهي الهرج دا ><
ايوة مابنسى ..
مابدنا احد ينقل الا بإدن ..
و انشاالله نلقاكم في درامات و افلام جديدة ..
ملاحضة..:/
ان كان في شي مو مزبوط
غلط او شي زي كدا..
ياليت لو تكلمونا ..
جل من لا يسهو
سلآلآموكآآآآ
تعديل ..:/
شفت المشاهدة اكتر من الردوود ..
صحيح ميرسي كتيير لكل اللي رد و نقدر دا الشي بس التانين مالهم عدر