( مميز ) ح ــطني . . في ع ــيوؤنك وغ ــمض ..!! .. بقلم : الأميرهـ العيناوية

[s-angel]

المشاركة الأصلية كتبت بواسطة Miss T

اسفه عالرد المتاخر >>> بس وش اسوي بامي
المهم : البارت مرررره خوقاقي
ولا سلطان بس وافكاره الذكيه>>> خقيت
بس ليش ميثه حقوده كذا >>>> رافعه ضغطي
اه ولا خوله ومحمد شي ثاني تماما >>>> يدننون
سيف عاد خلوه على جنب >>>> هذا شي ثاني
كلمالها الرواية تسير احلى ... والبرتات يزيد الحماس فيها
الله يجزاكي خير ويفققك في حياتك الدينيه والدنيويه
اريقاتوا...

يا مرحبااااااا واللله

ههههههههههههههه عادي حياتي .. الام والابو أولا .. بعدين باقي الاشياء
هههههههه انتي الللي ادننين وقسسسسم

حتى انا قاهرتنيه هالميثه .. الله يهديها بس

امييييييييييييييين حبيبتي وياااااكم يارررررررررب

دوأتاشمشتي

الموضوع الأصلي : ( مميز ) ح ــطني . . في ع ــيوؤنك وغ ــمض ..!! .. بقلم : الأميرهـ العيناوية || الكاتب : s-angel || المصدر : منتديات أنيدرا

[УOҚO]

السلام عليكم ورحمة الله وبركاته
.........

وصلت متاخره ماحجزت بسرعه~

البارت يجننننننننن يسلمووو حياتووووووو

والمحاضره قال ابتسم قال خخخخخخخخ حلوه

ولا محمد يوم شاف خوله مره ثانية تجنن الولد~

وميثوه الله يستر منها شكلها ناوية على شر~

في انتظار البارت القادم على احر من الجمر~

يسلموووووووو والله يعطيك العافية~

...........
في امان الله

[s-angel]

البارت السابع


في نفس الوقت .. الشباب يوعانيين فالميلس ويبون يتغدوون .. سيف دق على أمه عسب تخلي البشاكيير يغرفن الغدى له ولربعه ..



سيف : أميييه فديييت رووحج ,, يوعان انا أبا غدى ..


أم خآلد : انزين فدييتك الغدى فالمطبخ .. خل البشاكير يغرفلك غدى


سيف : لييش انتي ويين ؟؟


أم خالد : انا ويا خالتك سرنا نزور حرمه مربي ..


سيف : هييه ماشاء الله شوو يابت ولد ولا بنت ؟؟


أم خالد : تووم ماشاء الله عليها ولد وبنت ..


سيف : هييه ماشاء الله .. وشوو سموهم ؟؟


أم خالد : والله بعدهم ياولدي .. توها إلا امس مربي ..


سيف : هييييييييه ,, انزيين ماقلتيلييه .. متى بيطلعونها ..؟؟


أم خالد توها انتبهت انه سيف يالس يتمصخر من الصبح ..


أم خالد : سود الله وييهك يالهررم .. تتمصخر فينيه وانا يحليليه على نياتيي يالسه اجاوبك ..


سيف : ههههههههههههههههههههههههههه فدييتها عيووزي والله .. اتمصخر ويااج يالغالييه ..


أم خالد : قووم عن ويهييه .. مب منك من اللي دازلك وييه ..


سيف : ويين أقووم أمييه الله يهداج .. انا اصلن مب جدامج ههههههههههههههههه


أم خالد : يلا يلا اقطع .. صدق انك مافييك مذهب ...


سكرت ام خالد عن ولدها .. وهي مب حاطه ف خاطرها علييه .. تعرفه وتعرف طبايعه .. هوو وأخته خوله يموتون فالسوالف والمصخره .. بينما سيف اللي كان ميت من الظحك .. قال حق ربعه انهم هم اللي بيغرفون الغدى لانه امه محد .. وقالهم خلونا نعيش جوا العزوبييه ههههه ..ماكان يدري انه اخته فالبيت .. لانه هو أول مادخل ماشاف سيارتها .. وكان حاط كل تفكيره انها فالجامعه .. لانه دوامها اليووم يخلص 5 العصر .. فأبداا ما حط ف باله .. ,, اتفقوا .. انه سيف يروح الدكان ايبلهم بيبسي .. ومحمد : يرتبلهم القعده اللي فالحديقه .. بينما عآمر يرووح المطبخ يغرف الغدى .. وطبعا مايحتاي يكون يدل .. لانه المطبخ مايضييع .. جدامهم المجاب والجدور ..المطبخ له باب من الفله وباب خاري الفله .. والشباب ياييين من الباب اللي خاري .. بينما البنات كانن داخلات المطبخ من الباب اللي داخل ..
قبل لا يدخل عامر المطبخ .. خولوه قالت حق جليثم انها تسمع صوت .. وقالتلها خلج فالمطبخ برووح اجوف يمكن سيفووه هذا .. طلعت خوله من المطبخ وراحت برا تبا تشوف شوو مصدر الصوت اللي سمعنه .. بينما تمت جليثم فالمطبخ .. وقصتها على ويها ملعوزتنها وهي تقطع الطماط .. ورافعه أكمامها .. جليثم بنيه جميله ماشاء الله عليها .. مع انها تحط ميكب وايد خفييف .. بس تطلع ماشاء الله علييها ..


دخل عآمر المطبخ وأول شي ما انتبه عليها .. ولا هي انتبهت علييه .. كانت مشغوله بالسلطه .. ويووم جبل يدورله صحن يحط فيه العيش شافها ..كانت ردت فعله كالتالي .. أول شي انصدم .. بعديين تم يدقق فيهااا .. عيبته البنت .. حسها بنووووووته بمعنى الكلمه .. وحب منظرها وهي تقطع ومتغربله ويا قصتها .. جذبت انتباهه بهدوئها .. ومره وحده تعصب .. وعلى شوو .. على الطمآط .. أبتسم .. حس ببرائتها .. حس انها صغيروونه وااايد .. وبين ماهوو يالس يحلل شخصيتها .. إلتفتت صوبه .. ولتقت عيونهم .. جليثم أول ما شافته .. حاولت تعدل شيلتها .. خلاف شافت أكمام كندورتها اللي مرفوعه وماعرفت شوو تسوي .. لانه ايدينها خايسه ..


عآمر : السمووحه الشيخه .. ماكنت ادري انه حد هنييه فالمطبخ ..


جليثم قالت ف خاطرها لايكون هذا أخو خولوه خآلد .. خيبه يالفشله ..
: لا بالحل أخويه .. أنت سمحلييه .. انا يايه ادرس ويا خولوه اختك .. وقرصنا بطونا وقلنا انيي نغرفلنا غدى ..


عآمر ماعرف شوو يالسه تخرربط جلييثم .. بعدين فهم انها تحسبته من هل البيت وعررف انها ربيعة خت سيف .. ظحك ف خاطره وكمل وياها ..
: هييه ماشاء الله انتي ربيعة اختيه ..


جليثم : هاااه .. هييه .. جليثم كانت وايد مستحييه .. وتقول ف خاطرها شوو التصرف الصحيح الحين .. اطلع واطبه .. لا فشله الريال يرمسني .. بس اخافه يقوول هاي ربيعتها ماتستحي يالسه ترمسنييه جني واحد من هلها .. يآوييلي ع الغميزه .. واااي خولوه محلات أخووج .. حسافه معررس .. بس ياخي مايشبها أحلى عنها .. هههههههه .. لو سمعتني بتجتلنييه ..


عآمر وهووو يررد يسئلهاا : الشيخه شفيييج أرمسج ؟؟


جليثم : هاااه هنييه ويااك .. شوو بغييت ؟؟!!


عآمر : أقول انتي تنبانيين أصغر عنها .. يعني انتن نفس العمرر ؟؟


جليثم : هييه انا وياها ربيعات من المدرسه .. ودخلنا الجامعه رباعه .. وان شاء الله بنتخصص رباعه ..


وعآمر يظحك ف خاطره .. والله انها بريييئه .. خخخخخخخخ .. وحليلها مصدقتنييه ..
عآمر : الله يوفقكم .. عيل الشيخه لوو ماعليج امرر .. غرفولنا الغدى وخلي البشاكيير أيبونه الحديقه .. نحن بنتغدى هناك ..


جليثم : ان شاء الله ..


طلع من المطبخ وخلاها ورااه .. ظحك من خاطرره علييها .. حس برائة الكوون كلها فييها .. دشت خاطره هالبنت .. ماشاف حد مثلها قبل .. اكثر شي عيبه فييها .. عيونها لا يمكن بياضها لا يمكن شعرها .. ماعرف شوو اللي عيبه فيها اكثرر .. بس اللي عرفه انه هالبنت أول بنت تجذب له انتباهه عقب فترره طوييله ..
ف نفس الوقت .. خوله كانت توها طالعه من الباب .. ويلست تطالع ماشافت حد برااا .. استغربت .. نزلت من دري الباب وسارت صوب الكراجات تشوف اذا حد ياي ولالا .. بس بعد ماشافت شي .. ردت صوب الفله وهي توها بدش .. شافت محمد توه طالع من الميلس وفإيده فراش .. وباقة ورد مالت ميلسهم ..
محمد فج عيوونه ع الاخرر وخولوه بعد .. ووبرائه قالتله ..
: أنت شوو تسوي هنيييه ؟؟


محمد : هااااه ... انا معزووم ع الغدى هنييه ..


خولوه تفشلت .. قالت ف خاطرها صدق اني ما استحي شوو بيقول عنييه الريال الحيين .. ويت تبا تدخل ..


محمد : خوله ..
بس هالمره ما عطته ظهرها .. بالعكس جبلت صوبه .. وطالعته بنظره تقوله آمررر يآبعد قلب ورووح خوله ..
: لبييه ..؟؟


محمد : لبيتي حاييه ان شاء الله .. اممممم .. خوله انا ماباج تفهمينيه غلط .. يعني انا يووم ارمسج وجي والله مب لاني ابا ألعب أو شي .. بس انتي تعيبينيه .. أقـ .. أقصصد .. يعني مادري لفتيليه انتباهييه .. اووه مب عارف ارمسج جي .. عطينيه الأمان وانا بقولج كل شي ..


خولوه وهي معقده حياتها : أماان .. ؟؟ أماان شوو ؟؟


محمد : انج ماتفهمينيه غلط .. وانج ماتعصبين من اللي بقوله ..؟؟


خولوه خافت .. قالت لا انا لازم أرووح شوو أسمعه شوو يبا يقوول فشله .. شوو يالسه اسووي انا .. خبله واقفه ويااه وارمسه .. لا وويين .. جدام باب الفله .. صدق اني ينييت .. اسير داخل ابركلييه ..
بطلت الباب وحطت أول رييل داخل البيت .. محمد هنييه حس انه هالفررصه يمكن ما تكرر مره ثانيه .. مستحييل يقدر يشوفها ف ظرووف احسن عن هااي .. حس انه اذا ما نطق الحيين .. يمكن يندم بقيه عمرره .. وبكل تهوور وتسررع واستهتاار قالها
: أحبج ..


خولوه سمعت الكلمة وتجمدت في مكانها .. تيبسن ريولها .. ماقدرت تتحرك .. شوو قال ؟؟ شوو قال ماسمعته ؟؟ .. أكييد اتوهم أنا ..؟؟ لا لا سمعته قال أحببج .. يااااااااي يحبني .. شرات ما انا أحبه .. لا يمكن يبا يقص علييه .. مابصدقه ..


محمد ما تريا جوابها .. وكمل .. : من أول مرره شفتج فييها .. وانتي هزيتينيه هززز .. عرفت معنى الشوق .. والوله .. كنت ايي هنيه كل يومين بس لاني اتمنى اشووفج .. اتمنى القدر يجمعني فييج .. أقووم أفكرر فييج .. انام أحلم فييج .. أشتاقلج 24 ساعه .. حتى وانتي جدامي الحيين بعدني اشتاقلج .. خاطريه اشووفج .. أسمع صوتج .. خاطريه أكوون ويااج ..
قال كل الكلام اللي حبسه ف صدره من أول ماشافها ,, من أول ما تحرركت مشاعره ناحيتها .. قالها وهوو مب عارف هيي تحبه .. ولا هوو مايعنيلها شي اصلن ..


خولوه ذابت من كلامه .. تمنت تختفي هاييج الساعه .. حست بإحرااااااااااااج .. ماعرفت شوو تسوي .. غير انها تدش داخل وتسكر الباب وراها .. تساندت على الباب .. وحطت ايدها على قلبها .. وبإيدها الثانييه تهووي على وييها .. اللي استوى أحمممممررر من المستحى ,, كانت مسانسه بكلامه وااايد .. كان خاطرها تقوله وانا أحبك بعد .. واشتاقلك بعد .. بس مستحيييل تسوي هالشي .. وماقدرت تتحرك من مكانها .. لين شافت جلييثم يايه تربع صوبها .. وبجعبتها كلام واايد ..


جليثم : خولوه لحقي لحقي .. أخووج خالد دخل عليه فالمطبخ واااي يالفشله بغييت أموووت من المستحى .


خوله : أي خالد ..؟؟ خالد محد فالبيت ..


جليثم : والله العظييم انه موجود توه دخل عنديه المطبخ .. حتى تم يتخبرني عنج وجي ..


خوله : اقوولج خالد محد سيارته محد ..


جليثم : خولووه شوو يعني الي شفته يني ؟؟ لا وبعد قالي هاتولنا الغدى فالحديقه ..


خوله : ايييه يالخبله هاذا مب أخوييه خالد .. اقوولج خالد محد ..


جليثم : قولي والله خيييييييييييييييبه يالفشله .. خولوه دخيلج قولي انج تمزحيين ..


خولوه قالتلها اوكي خلينا نتأكد .. طلعت تيلفونها ودورت فالصور ولقت صورة خالد .. راوتها جليثم وقالتلها هذا اللي شفتيه ؟؟

جليثم قالتلها لا ..


: عيل اللي دخل علييج مب خالد .. صبري انزيين هذا ..؟؟


جليثم : لا هذا اخوج سيف اعرفه شايفتنه هذاك اليووم .. خييبه خولوه عيل منووه هاذا ؟؟


خولوه : اكييد واحد من ربع سيف .. لانه انا توني شفت محمد براا ..


جليثم : شوووووووووووووووو ؟؟ كيف ؟؟ ووين ؟؟ ومتى ؟؟ شوو استوى ؟؟ شي قالج ؟؟


خوله : حشى شوي شوي صبري بخببرج .. وخبرت خوله جليثم السالفه .


جليثم تشبك صبوعها ف بعض : اللللللللللللللللللللله .. يآويلي على الحب وسنييينه .. يآويليه ع الرومنسييه .. يحضج .. ليت واحد يقولييه هالرررمسه ..


خولوه : سكتي جليثم بروحييه ميته من المستحى ..


جليثم : انا اموت واعرف منوو اليي شفته ؟؟ حيوان واحد وبعده يقص علي ..


خوله : ههههههههههههههههههههه ,, مالت علييج وانتي مشيتي ويااه ..


جليثم : والله اردها فييه هالحركه وبيشوف ..


خولوه : اييه المينونه .. شوو بتسويين ؟؟


جليثم : انتي تعالي وياااييه .. انا بخبرج فالمطبخ ..


فالطررف الآخر .. فالحديقه .. عند الشباب ..


عآمر يااي وهوو مييت من الظحك .. بينما محمد كان متوتر وخيفان .. خاف خولوه تخبر عليه اخوها .. والله اني غبي .. يعني لازم اكوون جي صرييح وبهالسرعه .. ياوييليه من سيف ااذا درى .. بتكوون نهايتي على ايدينه ..


عآمر : ههههههههههههههه ههه هههه هههههههههههههههههههههههه والله انها فناااانه عيبتني ..
محمد سمع عامر شوو قال .. ترووع .. خاف انه عامر شاف خولوه وعيبته .. وعلى طوول قاله ..


: منووو هييه الفنانه الي عيبتك ؟؟


عآمر : مادري وحده شفتها فالمطبخ ..


محمد : ايييييه لايكوون وحده من خوات سيف ؟؟؟ .. سئله السؤال وكان ف قلبه يدعي انها ماتكوون هي .. كيف هوو وأخوه يحبون نفس البنت ..


عآمر : لا لا ما اظن .. هي ربيعت وحده من بناتهم .. اظن قالت اسمها خوله .. ويايه تدرس وياها ..


محمد وقلبببه آرتآآآآآآآآآآآآآآآح .. : هيييه ماشاء الله وخبرتك كل هالتفاصييل ؟؟


عآمر : لا يالغبي .. خخخخخخخخخخخ .. تحسبتني واحد من عيالهم .. يعني تحسبتني اخو ربيعتها .. وشكلها استحت ماترد علييه وانا طايحبها اسئله .. بس مزيوونه ياخي دشت خاطرييه ..


محمد : آآآآآآآآآه يا عآمر .. وخولوه ربيعتها .. سارقه قلبييه ..


عآمر : شوووووووووووووووو ؟؟ كييف .. خبرني خبرني شوو السالفه ..؟؟


محمد حس انه اخييرا لقى الشخص اللي يقدر يخبره عن اللي فقلبه بدون لا يخاف .. خبر اخوه السالفه من أولها ليين يوومهم هذا ...


عآمر : ماشاء الله ماشاء الله كل هاا استوى وماتخبرني .. ياويليه اخويه رومنسي وانا مادري ..


محمد : أي رومنسي .. محمد والله اخافها تخبرر سيف .. اكييد ببتحسبنيه اقص عليها ..


عآمر : لا ماظن .. يعني الحين البيت كله يعرف انه محمد ربيع



سيف .. مستحييل تخرب علاقتكم بشي هي مب متأكده منه ..


محمد : والله مادري ياعامر ..


عآمر : اسمع انا ارووم اساعدك تروح ترمسها .. بس انت تحبها .. ولا عايبتنك بس .. لانه حرام تعلق البنت فيك وانت مب متأكد من عمررك ..


محمد : واللله العظيييم أحبها عامر أحبها .. أفكر فيها كل الوقت .. اشتاقلها .. دووم اتخيلها تدخل علييه بكوب عصير وتظحكلييه ..


عآمر : هههههههههه يآويلييه على خوويه .. غرقآآآن وبالقووووو بعد ..


محمد : ليتك تحس باللي احسبه ..


عآمر : هههههههه عاد شعور حلوو ولا لا ؟؟


محمد : اي حلووو وهي مب عاطتنيه ويييه ..


عآمر : ههههههههههه عيل مابا احس هع ههههههههههههههه
ودخلت سيآره سيف .. وياا صووبهم ..


عآمر : بلاك بطييت جي ..؟؟


سيف : والله قبضني عبدالله ولد يرانا وماطاع يفجنييه .. ماشاء الله علييه سوالف..


عآمر : هيييه يحليله والله ..


سيف : طآآع منوو حاطلنا ورده فنص الطاوله .. ههههههههههه شوو تعيشوون الجووو


محمد : هههههههههههه هييه ياريااال .. خلنا نظبط عمارنا ههههههههههههه


سيف : عآمر وين الغدى ليش مايبته ..


عآمر : الحين محمد بيروح اييبه .. ولف صوبه وغمزله .. محمد مافهم شي ..


محمد : لا والله انا مرتب الطاوله ولا بشبرر .. رووح انت ييب الغدى ..


عآمر : رووح واسمع كلام أخووك العوود اللي يباا مصلحتك ..


محمد هنييه فهم شوو يقصد عآمر .. وبتسم لخوووه اللي حسسه انه مهتم فييه ويباله الخيير .. قالهم أوكي وترخص وراح صووب المطبخ .. ويلس سيف وعامر على الطاوله ويسولفون وهم يتريوون الغدى ..
راح محمد للمطبخ .. وقف عند الباب وااايييد .. كان يدعي فقلبه انه يلقاها هنااك .. ,, فالناحيه الثانيه .. جليثم حلفت ماتطلع من المطبخ .. قالت حق خولوه اكييد بيي يبا الغدى لأنى بطينا عليهم وهاذيج الساعه بردها فييه .. بطل الباب ودخل
جليثم كانت عاطتنه ظهرها و قاعده على الطاوله .. وتطالع خولوه اللي كانت مجابلتنه وتسوي عصيير .. حست خولوه بحركه .. ورفعت عيونها تطالع .. شافت محمد واقف ف ويها .. ماقدرت تخوز عيونها عنه .. حبه فقلبها كل يووم يكببر أكثر وأكثرررر .. وهووو ما خوز عيونه عنها .. جنهم كانوا يتكلموون بعيونهم .. جليثم انتبهت على خوله اللي كانت تطالع وراا .. وجبلت تطالع .. شافت شاب مايل لسمره .. عيونه وسآآع جسمه مايل لظعف أكثر .. طوييل .. كان جماله يلفت الانتبااه .. جليثم تخبلت عليييه محلاه منووو هاذا ؟؟ .. وليش خولوه يالسه جي تطالعه ؟؟ .. لفت جليثم صووب خوله وظربتها على ايدها .. وخولوه اللي كانت سرحانه ف عيون محمد صرخت وقالت
: آآآآآآآآي .. اييييييييه عورتينيه ..


جليثم بصوت خافت : منووو هاااه ؟؟


استحت خولوه ونزلت عيونها .. جليثم عرفت انه هاذا محمد .. بس شوو يايبنه ؟؟ .. مع انها ماتعرف هالشي صح ولا غلط .. سحبت عمرها وطلعت من المطبخ .. محمد قرررب من الطاوله وقال
: شحالج ..؟؟


خولوه ظحكت ماقدرت تمسك عمرها .. شوو شحالج ؟؟ .. عنبوه توه شايفنييه ماتخبرني عن حاليييه ..؟؟
وردت وهي تظحك ..: بخييير ..


محمد ارتاااح قلبه يووم شافها تظحك .. حس بسعااااده ماحس فيها من قبل .. وحس بأمان ..


محمد : لييش تظحكيين ؟؟


خولوه : هاااه .. لا سوري .. بالغلط .. يعني غصبن عنييه ..؟؟ .. خولوه تفشلت حست عمرها بدت تخبص ..


محمد : ههههههههههههههه .. ظحكي ظحكي خلينيه اشووف ظحكتج اللي تررد الرووح ..


استحت خولوه ونزلت راسها .. : آمررر شوو بغييت ؟؟


محمد : خولوتي .. واللللللللللله العظيييييييييييم اني ماجذبت عليييج فكلمه وحده والللللللللللله .. خولوتي لا تفهمينيه غلط .. خلينيه اقدر أقولج اللي فقلبي بدوون لا أخاف انج بتفهمينيه غلط ..


خولوه تبخررت من المستحى .. ماعرفت شوو تقوول .. وبدى ويهااا يحمرررر..


محمد : خولووتي ..


خولوه : احمممم .. لوو سمحت اسمييه خوله ..


محمد : ااسف .. ,,, ... حس بضييق .. خلاص هي ماتبانييه .. ليش شوو سويت انا .. كل ما احاول أقررب منها .. أحسها تبعدني عنها .. والله العظييم اني احبها وشارييها .. بس هذا مب ذنبها .. هي ماتقدر تجبر قلبها يحبني ..


خولوه حست انه تظايق .. وهي ماتباه يظايق .. بس حست انه هالشي غلطط .. اللي يسوييه غلط ..


خولوه : محمد ..


رفع راسه .. وحط عيونه ف عيونها .. وقالها : لبيييييييييه ؟؟


خولوه : لبييت حاي ان شاء الله .. أسمع بقولك .. أنا بنت عررب وناس .. ومارضى بالغلط ..


قاطعها محمد : بس والللللللللللله انا قصدي شررييف ..


خولوه : محمد اسمعني لين أخلص .. مشاعرك وصلت .. وانا الحين متأكده بعد انك ماتبا تلعب علييه ولا تبا تقص عليه .. بس اانا يا محمد من عايله محافظه .. ماتربيت اني ارمس ريال غرييب .. أو انييه اخذ واعطي وياااه .. انا اسفه اذا ظايقتبك أو جرحتك .. بس اانااا ماعرف شوو الصح وشوو الغلط ..


محمد وحس بظييقه اكثثثررر .. : يعني انتي ماتحبينيه .. وبالمختصر تقوليليه دور غيريه صح ؟؟


خولوه ماعرفت شوو تسوي .. ماعرفت شوو تقول .. حست عمرها بيين ناريين .. نار هلها الي ماتبا تخونهم او تشوه سمعتهم .. وبين محمد اللي دخل قلبها وعمرره ما غلط علييها .. ماعرفت شوو تقوول ماعرفت شوو تسوي .. آخر شي قررت تسمع لقلبها هالمرره .. لانها خافت انها تخسرر محمد .. رفعت عيونها وحطتهن فعيونه .. وقالتله ..
: محمد .. انت وااااااايد غااالي عليييه ..


محمد حسها يالسسه تواسسيه وتخفف عنه .. وقالها بكل قسوه ..
: انا مب محتاي شفقت حد .. رردج ووصل .. وانا بسوي اللي تبينه .. بس والله اني حبيتج من قلببه .. ولا فكررت انييه اغلط علييج او أأذييج واللله .. والله يسامحج .. وياا بيطلع من المطبخ .. حس انه بيختنق .. كل اللي سواه انه حبها بصدق ومن قلبه .. بس هي مابادلته هالحب .. تمنى انه ماشافها .. تمنى انه ماعرف سيف .. لانه لو ماعرف سيف .. مابيكون عرفها .. حس انه دمووع القهرر ف عيونه .. بس كبرياء الرجوله منعها انها تنزل .. وهوو فنص المطبخ قالتله .. وهي تمثل القووهـ
: واللله العظييم انت اللي فهمتني غلط .. محمد مافهمت يعني مافهمت .. قلتلك اني مب متعووده .. استحي ارمسك .. كييف بقوولك اللي فقلببه كييف ..؟؟


محمد جبل صوبها ..حس انه فهم هي شوو تبا تقول .. بس كان يباها هي ترمس : وشوو اللي فقلبج ..؟؟


خولوه سكتت شوي خلاف قالتله: انا ..... انا ياامحمد ...


عصب زياده .. حس انه هالطرريقه بتخليها تنطق .. جبل يبا يرووح صوب الباب .. بس سبقته هيي
: أحبببببك .. انا بعد أحبببك ..


انصدمت من عمرها فجت حلجها وهي مصدوومه ... اما محمد .. حسس الدنيا استوت كلها قلوووب .. حس بسعاده .. حس الكوون حلووو .. الحب حلووو .. كل شي حلووو .. بشووق ولهفه وحب جبل صوبها .. لقاها فاجه عيونها وحاطه ايدها على حلجها قرررب منها
وقالها : مابغيتي تقوليينها .. يعني كان لازم اسوي هالدراما كلها ..


خولوه ماقدرت حتى ترفع راسها وتشوفه .. قالتله
: يعني انت كنت تمثل علييه عسب اقولك هالكلمه ..


محمد ظحك هذييج الساعه تمنى صدق لو انها حلاله .. عشاان يلوي علييها ويظمها لصدررره بقووو .. حس بحبب كبييير لها يزييييد ويزيييد فقلبه ..


محمد : غصبن عنييه والله العظييم .. انتي اللي جبرتينيه ..


خولوه دزته وقالتله بكل قهرر قوم عنييه .. وربعت وطلعت من المطبخ ..


محمد ظحك عليها .. آآآآآآآآآآآه فدييت روحها ونصخها والارض اللي تمشي علييها ,, والام اللي يابتها .. فديتها وفدييت دلعها وبرائتها .. وفدييت الساعه اللي جمعتني فيييها ..


راح صووب المجاب وحطله غدى هوو وربعه وسار صوبهم .. طبعا سيف استبطااه .. بس عامر تدارك الموقف وقاله ماعلييه خله لا تسيرله يمكن هوو يسوي جي بالعاني عسب نحن نسيير .. ويووم ياا محمد .. طاحبه سيف وهد علييه هدد .. بس محمد ماهمه كلام حد هذاك اليووم .. كانت كلمة أحببك تررن فإذنه ..


سيف : عنبوه لوو بعدك انت اللي مسوي الغدى .. سااعه ساااااعه ..


محمد : ياخي احمد ربببك اني يبته .. والله مطبخكم يظييع .. مالقييت صحن عسب اغرف فييه العييش ..


عامر : إلا شخباره مطبخهم .. عيبك ولا لا ؟؟


محمد فهم على أخوووه .. : يالله ياعامرر .. ف حياتييه كلها ماشفت أحلى عن هالمطبخ ..


سيف ويعقد حياته : اوووووووونه .. حشى حسستني فندق فايف ستارز مب مطبخنا ..


ظحكوا علييه محمد وعامر .. تغدووو وكانوا مستانسيييييييييين .. محمد حس انه هاليوووم أحلى يووم ف حيااته كلهااا ..



بالباجر .. يوم الخميس .. الساعه 11 صباحا .. في بييت بوو موزهـ ,, وبالتحدييد .. ف غرفة جليثم ..


جليثم وسلامي قاعدات .. وجليثم تخبر ختها عن الاحداث اللي استوت امسس عند قووم خولوه ..


سلامي : يخساااااااااااااااره .. ليتني كنت هناااك حرام يفوتنييه هالأكشن ..


جليثم : ههههههههههههههههههههههههه مخبلج ..


سلامي : ولا بذمتج قالتله احبك .. خخخخخخخخخخخخخخخخ .. ياويليييه وقبل يووم نقولها قالت ماحبه انا .. اونها تستحي ..


جليثم : هييييييييييه ياخي انصدمت يووم قالتلي انها قالتله ..


سلامي : انزيين هي كيف كانت ؟؟ .. يعني خيفانه ولا شووو ؟؟


جليثم : أقوولج كانت مقطعه عمرها من الصياح .. أونه خييبه صدق ما استحي ومادري شووو ..


سلامي : ههههههههههههههه .. اشتغلت عندها النفس اللوامه .. انزيين انتي شوو قلتيلها ..


جليثم : والله انا قلتلها عادي .. انتي خبرتييه باللي فقلبج بس .. ماحس انه هالشي غلط ..


سلامي : هييه بس حطي عمررج مكانها بتقفطيين والله ...
وهن ف سوالفهن سمعن ظرابه برااا ..


سلامي : خييبه شوو مستوي ؟؟؟


جليثم : مادري خلينا نطلع ونشووف ..


ظهرن من الغرفه .. لقن أمهن هي وموزوه يظاربن ..


نهاية البارت السابع

[s-angel]

السلام عليكم والرحمه

السموحه ع تاخير البارت

كان المفروض امس احطه

بس امس كان اخر يوم فالامتحانات لي

وكانت امي مسافره العمره فكنت اودعها

ادعولها ترد بالسلامه

ان شاءلله البارت السابع يعيبكم

وانتظر ردودكم الحلوه

[УOҚO]

حجزززززززززززززززززززز

السلام عليكم ورحمة الله وبركاته
.............

أولا : الله يردلكم الماما بالسلامة ويتقبل منها ومنا صالح الاعمال~
........

ثانيا: آآآآآآآآآآآه عالبارت هذا صدق القادم دايما يكون افضل

آخيراااااااااا خولة قالت حق محمد اااااااااحبك~ المسكين انجن يوم سمعها~

ولا جليثم تحسب عامر اخو خولة خخ وقعدت تشرحله>اكيد في شي راج يصير بينهم

كالعادة استمتعت في القراءة بجد~

الله يعطيك العافية~

وفي انتظار البارت القادم بشوق

.........
في امان الله