منتديات أنيدرا الدراما الكورية و اليابانية



الملاحظات

جمال و أناقة كل ماهو متخصص بمظهرك وجمالك

موضوع مغلق
 
أدوات الموضوع انواع عرض الموضوع
  #1  
قديم 09-12-2011, 05:43 PM
الصورة الرمزية мαчоÖοѕн ..-
мαчоÖοѕн ..- мαчоÖοѕн ..- غير متصل
أنيدراوي فعال
 
معلومات إضافية
الانتساب : Jun 2011
رقم العضوية : 100892
المشاركات : 448
   الجنس: الجنس: Female
  علم الدولة: علم الدولة Saudi Arabia
Impo جميع مشاكل الشعر وحلولها

جميع مشاكل الشعر وحلولها


لإزالة كل الأعلانات، سجل الآن في منتديات أنيدرا


طبعا مافيه مخلوقة بالهدنيا الا ولها مشكلة مع شعرها اما يكون متقصف او خشن او اي شئ ثااني

طبعا انا ما قد شفت بهالقسم موضوع زي كداا

قلت فرصتك اشحطي موضوع لهنا واتمنى انكم تستفيدون ويتثبت الموضوع ولاتنسون التقييم والردود

يالله نبدا بسم الله الرحمن الرحيم

راح نبدأ اللطش لحد يرد



الموضوع الأصلي : جميع مشاكل الشعر وحلولها || الكاتب : мαчоÖοѕн ..- || المصدر : منتديات أنيدرا


قديم 09-12-2011, 05:48 PM   رقم المشاركة : 2
мαчоÖοѕн ..-
أنيدراوي فعال
 
الصورة الرمزية мαчоÖοѕн ..-





معلومات إضافية
  النقاط : 48505
  الجنس: الجنس: Female
  علم الدولة: علم الدولة Saudi Arabia
  الحالة :мαчоÖοѕн ..- غير متصل
My SMS لاا احب ان ازعج احد من ارادني سيجُدني ♪♡♡♡     


Exclamationpoint رد: جميع مشاكل الشعر وحلولها

رد: جميع مشاكل الشعر وحلولها,أنيدرا



Back

رد: جميع مشاكل الشعر وحلولها,أنيدرا


لازم تعرفي إن الشعرة تتكون من جزأين أساسيين هما:

1. جذر الشعر

وده بيكون مزروع داخل الجلد في جيب شعري دهني، وفي قاعدته بتوجد بصيلة الشعر اللي تعد الجزء الحي من الشعرة التي تتتغذى عبر الأوعية الدموية، ولكل جذر غدة دهنية بتفرز مادة بتقوم بترطيب الشعر وإحاطته بغلاف رقيق لحمايته.

2. ساق الشعر

وده الجزء البارز من الشعرة، وبيتألف من حزمة ألياف لينة بتحيط بها طبقة قرنية واقية، وبتتأثر الطبقة دي بالمؤثرات الخارجية، زي الغسيل والشامبو وأدوات التجفيف وصبغات الشعر كمان. والطبقة القرنية دي بتتكون من مادة بروتينية تعرف بـ"الكيراتين" بتفرزها خلايا موجودة داخل بصيلة الشعر.

تركيب فروة الرأس

ودي طبعا لازم تفهمي تكوينها هي كمان لأنها الوعاء اللي موجود فيه الشعر، بتتكون فروة الرأس من طبقة جلدية سميكة بتحتوي على العديد من البصيلات الشعرية بالإضافة للغدد الجلدية والدهنية اللي بتفرز طبقة دهنية بتدي الشعر لمعانه، وتتمتع فروة الرأس بشبكة غزيرة من الأوعية الدموية اللي بتوصل الغذا والأكسجين لبصيلات الشعر والغدد المحيطة به.

آخر حاجة مفروض تعرفيها إن عدد الشعر في الجسم عامة حوالي 5 مليون شعرة منها مليون بس في شعر الرأس والوجه. ودلوقتي بقى نروح نعرف أنواع الشعر.

أنواع الشعر

طبعا كلكم عارفين إن الشعر بيتقسم لـ3 أنواع، العادي والدهني والجاف ولكل نوع من دول مزاياه وعيوبه... ونبدأ بالعادي..

الشعر العادي

النوع ده من الشعر بيحاط بطبقة معتدلة من الدهون -يعني لا دهون كتيرة ولا دهون قليلة- علشان كده هو سهل في العناية بيه يعني مش محتاج لمجهود كبير منك، لكن خلي بالك لو أهملتيه ممكن يتحول لشعر دهني ولو زودتِ العناية بيه عن اللازم ممكن يتحول لجاف... ماتندهشيش؛ أصلك لو ما غسلتيهوش واهتميتِ بيه بالمستحضرات الخاصة بيه ممكن نسبة الدهون تزيد فيه وتحوله لدهني ولو اهتميتِ بيه زيادة عن اللزوم وخاصة بغسله ممكن يبطل إفراز الدهون بتاعته وبالتالي يتحول لجاف.

الشعر الجاف

كتير بيفتكروا إن الشعر الجاف مافيهوش غدد دهنية وده مش صح.. هو فيه بس بكميات محدودة وكمان نشاطها في إفراز الدهون محدود، وده بيؤدي لعدم وصول قدر كافٍ من الزيوت للشعر وعلشان كده بيبقى جاف، وبيكاد يخلو الشعر الجاف من قشر الشعر، ودي تقريبا هي ميزته الوحيدة. والعناية بالشعر الجاف بتكمن في إمداده دايما بالزيوت الطبيعية .

الشعر الدهني

بتلاقي فى الشعر الدهني إن فروة الرأس فيها زيادة شوية في إفراز الدهون نتيجة لزيادة نشاط الغدد الدهنية فيهاـ وغالبا ما بتلاقي فى الشعر ده نسبة عالية من قشر الشعرـ وعيب الشعر ده الأساسي إنه سريع التعرض للاتساخ علشان كده بيحتاج منك إلى عناية مستمرة.

قشر الشعر

إيه هو قشر الشعر؟

طبعا قبل ما نعرف سبب الحاجة إيه أو ازاي إننا نقضي عليها، محتاجين إننا نتعرف عليها الأول ونعرف إيه هي.. قشر الشعر بيسمى علميا باسم (التهاب الجلد الزهمي) وهو عبارة عن قشور بيضاء أو صفراء من الجلد الميت وإصابتها بتسبب حدوث هرش مستمر في فروة الرأس.

وأحيانا بيكتر هذا القشر لدرجة إنه يمتد إلى الحواجب والرموش والأذنين والأنف والرقبة وممكن إنه يسبب احمراراً بالجلد في هذه الأماكن. كمان لازم تعرفي حاجة مهمة قوي وهي إن فروة الرأس دي زيها زي باقي جلد الجسم بتتخلص دائماً من الخلايا الميتة وتستبدلها بغيرها من الخلايا الجديدة، وفي العملية دي بيبقى الجلد محتفظ بمظهره العادي، ولكن لما العملية دي تزيد شوية بطريقة شاذة يظهر قشر الشعر.

أنواع قشر الشعر

فيه نوعين لقشر الشعر:

النوع الأول: وبيسمى القشرة الجافة وبيكون على شكل قشيرات بيضاء متناثرة على جلد الرأس.

النوع الثاني: وبيسمى القشرة الدهنية وهو ناتج عن زيادة إفرازات المواد الدهنية في فروة الرأس والنوع ده بيكون محتاج للعلاج لأن القشور دي بيبقى صعب قوي إزالتها.

بتختلف أسباب الإصابة بقشر الشعر من شخص إلى الآخر بس، على العموم ممكن نقول إن السبب قد يرجع إلى أحد أو مجموعة العوامل الإتية:

1- الإصراف في تسريح الشعر زيادة عن اللزوم خاصة إذا كان التسريح ده بيتم بعنف، لأن بكده بتحكّي فروة الرأس بشدة وبالتالي بتساعديها على إنها تفرز القشور.

2- زيادة إفراز الدهون بفروة الرأس اللي بيكون بسبب نشاط الغدد الدهنية الموجود بها وهذه الزيادة قد يكون سببها نفسي نتيجة التعرض لضغط عصبي.

3- الإفراط في استخدام السشوار على الفاضي والمليان وده لأن كتر استخدام السشوار قد يكون سببا في جعل الشعر وفروة الرأس ضعيفة قوي وبالتالي الإصابة بقشر الشعر.

4 – الإفراط في استخدام كريمات الشعر والجيل لأن المواد دي كلها بتلتصق في الشعر وبالتالي بتقوم بإزالة الطبقة العازلة الموجودة وبالتالي بيسهل الإصابة بقشر الشعر نتيجة عدم الرعاية والاهتمام.

5- التقلبات الجوية ممكن كمان إنها تؤدي إلى قشر الشعر علشان كده بتلاقي إن قشر الشعر بيكتر في فصل الشتاء، وده بسبب إن الشعر في الفترة دي بيتأثر بجفاف الجو وبيكون هو كمان جاف.. وبكده بتكون الفرصة مناسبة لقشر الشعر.

فيه كام نصيحة كده ممكن إنك تحاولي إنك تعمليها علشان تتخلصي نهائيا من قشر الشعر، وتتجنبي الإصابة به نهائيا وهي:

1- احرصي على تدليك فروة الرأس قبل النوم بكمية كافية من زيت الزيتون أو زيت اللوز أو زيت الصبار، وبعد كده لفي شعرك وفي الصباح اغسليه بالماء الدافئ. حاولي إنك تكرري هذه العملية يوميا لغاية ما تلاقي إن القشرة بدأت تنتهي تماما.

2- ياريت إنك تتجنبي تماما الإيشاربات المصنوعة من مادة النايلون أو البوليستر لأن النوع ده من الأقشمة ممكن يؤدي لظهور بعض أنواع من الحساسية في فروة الرأس أو تكوين طبقة سميكة من القشرة على فروة الرأس أو قد تصيبك -لا قدر الله- بنحول الشعر خاصة لو كان شعرك بيتميز إنه خفيف من الأمام. علشان كده لو محجبة ياريت إنك تلبسي الحجاب المصنوع من الأقمشة القطنية..

3- في بعض الصيدليات بيوجد غسول طبي بيحتوي على مادة الكبريت اللي ممكن إنك تتدلكي بيها الشعر ثم يغسل بعدها بشامبو مخصوص للقشر، وهو متوافر بالصيدليات أيضا.. ويكرر استخدام هذا الغسول مرة كل أسبوع حتى تتخلصي من القشر نهائيا.

4- استخدمي نوع شامبو مناسب لنوع شعرك وضد القشرة بس خلّي بالك إنك تشطفي شعرك بالراحة في كل مرة تغسليه فيها علشان لو شطفتيه بعنف ممكن إنك بكده تزودي في إفراز القشرة.

5- ياريت تتجنبي استخدام السشوار على الفاضي والمليان خاصة في الفترة اللي بيكون فيها شعرك جاف وفيه قشرة كتير، لأن ده ممكن إنه يخلي فروة شعرك أضعف؛ علشان كده ولو لازم قوي إنك تستخدمي السشوار يبقى مرة في الشهر.

6- يا سلام بقى لو جربتِ إنك تشطفي شعرك بشوية خل بعد استخدام الشامبو وده لأن الخل بيساعد على التخلص من قشرة الشعر.

7- ياريت لو كنتِ بتعاني من القشرة إنك تستخدمي مشط خشب ويكون خاص بيكِ لوحدك علشان ماينتشرش قشر الشعر عند شخص آخر استعمل هذا المشط.

8- بعد تسريح الشعر ياريت إنك تغسلي المشط بماء جاري بس تكون المية سخنة.

*******************

وصفات سهله

دي شوية وصفات ممكن إنك تجربيها بجانب النصايح علشان تتخلصي من قشر الشعر بطريقة طبيعية، وعلى فكرة الوصفات دي مش بس بتساعد على التخلص من قشر الشعر، لأ دي كمان بترجع لشعرك حيويته ولمعانه اللي ممكن إنه يفقدهم بسبب قشر الشعر. بس كل الحكاية عايزة منك شوية صبر وعناية متتابعة لفترة معينة..

خلاصة الصبار

استخدمي خلاصة الصبار في تدليك فروة الرأس لمدة 15 دقيقة مرتين في الأسبوع، وبعد كده اغسلي شعرك.
وتكرار استخدام خلاصة الصبار هيقضي على القشرة ويمنع ظهورها تماما، ده بالإضافة إلى إنه بيساعد على نمو الشعر.


خل التفاح

ما عليكِ غير إنك تحضري خل التفاح، ودفيه عن طريق إنك تضعي الزجاجة اللي فيها خل التفاح في مية سخنة وبعد كده اشطفي بيه شعرك واتركيه لمدة ساعة وبعد كده اشطفي شعرك بالماء الدافئ.
كرري العملية دي مرة كل أسبوع وكمان ممكن إنك تستمري فيها حتى بعد اختفاء قشر الشعر لأن خل التفاح بيعطي للشعر رائحة حلوة.


السفرجل

والسفرجل ده بقى فاكهة مهمة قوي في القضاء على قشر الشعر.

تاخدي ملء معلقة صغيرة من مسحوق بذور ثمار السفرجل وحطيها في كوب مية باردة وغطيها لمدة 24 ساعة، بعد كده خدي المية بعد ما تصفيها وافركي بيها فروة الرأس لمدة نصف ساعة.. كرري هذه العملية يوميا عند الذهاب إلى النوم لمدة شهر، بس خلي بالك إن المنقوع ده يكون طازج يعني اليوم بيومه.

عرقسوس

من المعروف إن العرقسوس بيحتوي على مادة "الجليسريزين" والمادة دي معروفة بتقليلها للإفرازات الزيتية من فروة الرأس وطبعا إنت عارفة إن المحافظة على نسبة الإفرازات الدهنية منخفضة تؤدي إلى السيطرة على قشرة الرأس.

وطريقتها سهلة خالص.. كل اللي عليكِ إنك تاخدي شوية من مسحوق العرقسوس وتحطيها في حوالي مقدار لتر من خل التفاح في زجاجة مغطاة واستخدميه كغسول للشعر مرة واحدة في اليوم وهتشوفي النتيجة.

ودي كانت شوية نصايح للقضاء على القشرة، بس لو النصايح دي ماجابتش نتيجة ياريت إنك تستشيري دكتور أمراض جلدية.
رد: جميع مشاكل الشعر وحلولها,أنيدرا

لحد يرد BRB




 
قديم 09-12-2011, 05:50 PM   رقم المشاركة : 3
мαчоÖοѕн ..-
أنيدراوي فعال
 
الصورة الرمزية мαчоÖοѕн ..-





معلومات إضافية
  النقاط : 48505
  الجنس: الجنس: Female
  علم الدولة: علم الدولة Saudi Arabia
  الحالة :мαчоÖοѕн ..- غير متصل
My SMS لاا احب ان ازعج احد من ارادني سيجُدني ♪♡♡♡     


Icon Mos رد: جميع مشاكل الشعر وحلولها

رد: جميع مشاكل الشعر وحلولها,أنيدرا


Back

رد: جميع مشاكل الشعر وحلولها,أنيدرا

تساقط الشعر

ولأننا عارفين إن المشكلة دي بتهم كل بنت وممكن إنها تسبب لها ضيق، خاصة وهي بتغسل شعرها أو بتسرحه وتلاقيه بيقع، وخاصة كمان لو كان بيقع بشكل كبير.. وعارفين إن ده بيكبر عندها شعور الخوف لأن طبعا مافيش بنت مابتحبش إن شعرها يكون كثيف وصحي..



معدل تساقط الشعر

يعتبر تساقط ما يتراوح بين 50 و100 شعرة في اليوم هو الحدود الطبيعية لتساقط الشعر، وعند تساقط شعرة واحدة تحل محلها شعرة أخرى جديدة من نفس بويصلة الشعر الواقعة مباشرة تحت سطح الجلد.

لكن الخوف كله بيكمن في البصيلات الشعرية لأن البصيلات دي لا تتشكل خلال فترة حياة الإنسان. ينمو شعر الرأس بمعدل سنتيمتر واحد أو نصف بوصة تقريبا في الشهر الواحد في طول كل شعرة. ولكن مع مرور الوقت تتضاءل نسبة نمو الشعر الجديد عند الإنسان وتتضاءل تدريجيا كمية الشعر في الرأس.


بيتكون الشعر من إيه؟

بيتكون الشعر بصفة أساسية من بروتين "الكرتين" والمادة دي هي نفس المادة الموجودة في أظافر اليدين والقدمين، ومن الضروري وعلشان تحافظي على المادة إنك تتناولي كمية كافية من البروتين للمحافظة على نمو الشعر الطبيعي، ويتوفر البروتين في اللحوم والدجاج والسمك والبيض واللبن الحليب والجبن وفول الصويا والحبوب والمكسرات..

معلش كان لازم في الأول شوية التعريفات دي علشان نقدر بعد كده نكمل إلى النهاية ونشوف إيه هي الأسباب اللي بتخلي الشعر يقع، وكمان إيه هو العلاج.

اسباب تساقط الشعر

ده سؤال مهم قويأ سألتيه لنفسك خاصة لما تيجي تسرحي شعرك وتلاقيه بيقع كتير قوي، وتقولي ليه؟ ده أنا مافيش حد بيهتم بشعره قدي، بس في الحقيقة إن فيه حاجات ممكن تكوني مش واخدة بالك منها وهي دي اللي بتخلي شعرك يقع والحاجات دي هي...

شوفي بنفسك:

أولا: نقص الفيتامينات..



كتير مننا بيعتقد إن العناية بالشعر بتقتصر على الزيوت والكريمات اللي بنحطها عليه، لكن في الحقيقة إن الشعر زيه زي باقي جسمنا محتاج للغذاء الصحي المفيد اللي متمثل في الفيتامينات والبروتينات..

وعلشان كده ياريت إنك تحرصي في غذائك على الغذاء الصحي المفيد اللي يكون بيحتوي على جميع العناصر الغذائية زي اللحوم والدجاج والسمك والبيض واللبن الحليب والجبن وفول الصويا والحبوب والمكسرات.


ثانيا : الحمل

وأثناء الحمل بيحدث تساقط لشعر الرأس بشكل مش طبيعي خاصة بعد الشهر الرابع وذلك لأن نسبة كبيرة من بصيلات الشعر تدخل في مرحلة الراحة أو الخمول وبالتالي تقل نسبة الشعر النامي وسبب ذلك قد يكون فقر الدم أو التوترات العصبية أو بسبب زيادة إفرازات الغدة الدرقية.

ويسقط الشعر أيضا عند التعرض لضغط عصبي شديد قد يؤدي إلى حدوث اضطربات في هرمونات الجسم.


ثالثا: تناول بعض الأدوية..



مثل تناول حبوب منع الحمل لفترة طويلة بيؤدي إلى تساقط الشعر وذلك نتيجة لتأثير الهرمونات اللي بتحتوي عليها هذه الحبوب، والنوع ده من التساقط بيكون تساقط مؤقت إذ أنه يختفي وتعاود البصيلات نشاطها السابق وتعوض الشعر المتساقط وذلك بعد التوقف عن استعمال هذه الحبوب. كمان الأدوية -والعياذ بالله- الخاصة بالسرطان بتؤدي إلى تساقط الشعر بشكل كبير وده لأن الأدوية دي بتجعل الشعر هش وضعيف ويتساقط.


رابعا: اتباع ريجيم قاسي..



قد يكون السبب في تساقط الشعر هو اتباع نظام غذائي قاسي وذلك لأنه بيأثر على نشاط بصيلات الشعر، علشان كده حاولي وإنتِ بتتبعي نظام الريجيم إنك ماتقسيش على نفسك قوي وحاولي إنك تتناولي الفاكهة والخضروات والخضار والبروتينات الضرورية لبناء الجسم والمحافظة على حيويته.


خامسا: الإصابة ببعض الأمراض..

ممكن يكون الإصابة ببعض الأمراض -لا قدر الله- سببا من أسباب سقوط الشعر وطبعا هتسألي وتقولي الأمراض دي زي إيه؟ زي مثلا: "أمراض الغدة الدرقية" وده نتيجة زيادة إفراز الغدة الدرقية أو العكس بتكون نتيجة نقص إفراز الغدة الدرقية وده علاجه هو إنك تاخدي العلاج المناسب للغدة الدرقية.


سادسا: استخدام السشوار..



استخدام السشوار بصورة دائمة والتعرض للحرارة الزائدة بيؤدي لتقصف الشعر وفقدانه اللمعان وبالتالي تعرضه للسقوط.


سابعا: لف الشعر..



لف الشعر كمان من الأسباب اللي بتؤدي إلى سقوط الشعر خاصة لو إنتِ بتستخدمي أنواع مصنوعة من المعدن، كمان لف الشعر لفترات طويلة بيجهد البصيلات لأنك بتشدي شعرك قوي وبالتالي يؤدي إلى تساقط الشعر.


ثامنا: تسريح الشعر..



طبعاإن لتسريح الشعر أصول( هقول عليها انا شاء الله ) .. كمان ياريت إنك تبعدي عن شد الشعر بطريقة جامدة أثناء التسريح، وكمان ياريت إنك تبعدي عن التسريحات المعقدة زي الضفيرة وذيل الحصان لأنها هي كمان بتساعد على زيادة سقوط الشعر.


تاسعا: فرد أو تمويج الشعر..

كتير بيلجأ إلى عملية فرد الشعر أو تمويج الشعر من غير ما يعرف إن العملية دي لها تأثير ضار على الشعر.. لأنها بتؤدي إلى سقوط الشعر لفترات قد تكون طويلة وده لأن استخدام مواد كيمائية في عملية الفرد أو التمويج بتحلل الروابط الموجود بين أجزاء الشعر فتصبح الشعرة ضعيفة جدا.

وعلى فكرة عملية فرد الشعر أو تمويجه لا يؤدي إلى تساقط الشعر فحسب بل قد يُؤذي فروة الرأس أيضا.


عاشرا: الصبغة..



كمان استخدام أنواع من صبغات الشعر المصنوعة من مواد كيمائية لأنها بتؤدي إلى فقدان لمعان الشعر وتقصفه وبالتالي سقوطه.

دي بقى مجموعة من الوصفات اللي بتساعد في علاج تساقط الشعر.. إنتِ اختاري اللي يعجبك


وصفة الزعتر



المكونات:

نبات الزعتر
ماء بارد

الطريقة:

يطحن نبات الزعتر لغاية ما يبقى ناعم جداً وبعد كده تاخدي منه ملء معلقة كبيرة وحطيها في ملء كوب ماء بارد عادي، وغطيها وسيبيه لمدة يوم ثم صفي المية من التفل واستخدمي المية دي في تدليك فروة الرأس بس بلطف، كرري هذه العملية كل يوم قبل النوم لمدة شهر.



وصفة عصير الفجل



المكونات:

فجل
زيت خروع

الطريقة:

دي طبعا مافيش أسهل منها وهي عبارة عن إنك تفرمي الفجل في الخلاط وبعد كده تاخدي العصير ده وتمزجي معاه كمية قليلة من زيت الخروع وادهني بيه فروة رأسك واستمري في استعمال الوصفة دي كل يوم لمدة شهر.
والوصفة دي فايدتها إنها بتساعد على إنبات الشعر المتساقط.



وصفة الزنجبيل وزيت السمسم



المكونات:

زنجبيل
زيت سمسم
عصير ليمون

الطريقة:

هاتي زنجبيل طازج وقشريه واعصريه وبعد كده خدي منه معلقة أو معلقتين واخلطيها مع ثلاث ملاعق كبيرة من زيت السمسم مع نصف معلقة صغيرة من عصير الليمون وامزجيها مع بعض جيدا، وبعد كده دلكي بيها فروة شعرك، كرري هذه العملية حوالي ثلاث مرات في الأسبوع لمدة شهرين.



وصفة الزيت الثلاثي



ودي عبارة عن مجموعة من الزيوت اللي معروفة باسم الزيت الثلاثي

المكونات:

زيت الخروع
زيت اللوز المر
زيت الزيتون

الطريقة:

امزجي مقدارا متساويا من زيت الخروع واللوز المر والزيتون مع بعض داخل زجاجة، وبعد كده خدي شوية من مجموعة الزيوت دي ودلكي بيها فروة رأسك لمدة عشر دقائق قبل النوم، وبعد كده سرحي شعرك بمشط ذي أسنان متسعة، وبعد كده غطي شعرك بإيشارب مصنوع من القطن لغاية الصبح، وبعد كده لكِ الحرية إن إنت تغسلي شعرك بنوع شامبو مناسب إو إنك تسيبيه من غير غسيل.

والوصفة دي ميزتها إنها بتقوي الشعر من جذوره وتمنع تساقطه وكمان بتمنع ظهور القشرة، ولو فيه قشرة بتشيلها، كرري هذه الوصفة لمدة شهر، وبعد كده في الشهر التاني استمري في استخدام نفس الوصفة بس بدل كل يوم خليها يوم ويوم، وبعد كده كرري العملية دي مرة كل شهر.



وصفة إنما إيه

الوصفة دي بقى إيه.. مافيش كده، وده لأن - زي ما إنتِ عارفة - السبب الأساسي في تساقط الشعر هو نقص في المواد الغذائية وخاصة فيتامين (أ) فالوصفة دي مخصوص لكده، وده لأن الجرجير والجزر والخيار بيحتووا على فيتامين (أ)..

مكوناتها:

خيار
جزر
جرجير

الطريقة:

والوصفة دي مش هتحتاج منك غير إنك تاكلي كل يوم خيارة وجزراية بقشرها لأن القشر ده هو اللي فيه الفيتامين، ونصف حزمة جرجير.

وعلى فكرة الوصفة دي لو استخدمتيها مع وصفة الزيت الثلاثي هتجيب نتيجة إنما إيه.

بعد ما عرفنا الأضرار اللي ممكن تصيب الشعر من استخدام الصبغة
دلوقتى ممكن تعرفي ازاي إنك تلوني شعرك بطريقة طبيعية وآمنة..

رد: جميع مشاكل الشعر وحلولها,أنيدرا

طبعا مافيش أحسن من الحنة اللي تقوم بالمهمة الخطيرة دي، وده لأن الحنة معروفة من زمان قوي إنها بتستخدم في تلوين الشعر، ده بالإضافة إلى إنها بتساعد في تغذية الشعر وعلاج مشاكل كتيييير قوي للشعر خاصة الشعر الدهني، وده لأن الحنة بتساعد على تخفيف نسبة الدهون الموجودة فيه ولإنها بتحتوي على مواد قابضة تقاوم زيادة إفراز الدهون.. الحنةكمان بتساعد في علاج قشر الشعر والتهاب فروة الرأس وبتساعد على التقليل من سقوط الشعر، بالإضافة إلى أنها بتحتوي على مواد مطهرة بتعمل على تنقية فروة الرأس من الميكروبات والطفيليات اللي ممكن إنها تصيب فروة الرأس..

وعلشان كده بنلاقيها من أحسن الحاجات الطبيعية اللي ممكن إنك تستخدميها في تغذية شعرك، ده بالإضافة إلى إنك تستخدميها للحصول على لون جميل مناسب لشعرك بعيدا عن أضرار الصبغة اللي احنا اتفقنا عليها..

يعني بكده يبقى إنت ضربتِ عصفورين بحجر واحد؛ عملتِ اللوك الجديد لشعرك وكمان استفدتِ من فوائد الحنة في علاج المشكلات اللي ممكن إنها تصيب شعرك..

يلا بقى نحضر للحنة

فيه كام حاجة كده مهمة قوي لازم إنك تاخدي بالك منها وإنت بتحضري لعمل الحنة على شعرك وده علشان الحنة تجيب النتيجة اللي إنتِ عايزاها من غير تعب ومشاكل ممكن إنك تتعرضي ليها.. يلاّ عايزة تعرفي ازاي تعالي نحضر مع بعض في كام خطوة بسرعة.

1. ياريت إن شعرك يكون نظيف تماما ويستحسن إنك تغسلي شعرك كويس قبل استخدام الحنة وده علشان تتخلصي من أي تأثير للغبار والأتربة على شعرك وكمان للتخلص من أي تأثير للزيوت على شعرك علشان تطلع النتيجة اللي إنتِ عايزاها وتستفيد فروة شعرك وشعرك استفادة تامة من الحنة ويكتسب شعرك اللون اللي إنتِ عايزاه.



2- حاولي إنك ماتسبيش الحنة على شعرك أكتر من 4 إلى 6 ساعات وده طبعا علشان الحنة ماتنشفش على شعرك زيادة عن اللزوم وبالتالي تعرض شعرك إلى التقصف عند غسله.

3- علشان تضمني إنك هتحطي الحنة بطريقة متساوية ياريت إنك تقسمي شعرك إلى قسمين أو أربعة أقسام.

4- وإنتِ بتحطي الحنة ياريت إنك تحطيها من جذور فروة الرأس وصولا إلى الأطراف، كمان حطي الحنة على شعرك بمقدار ملعقتين في وسط رأسك وبعد كده دلكيها بأصابع يدك.

5- بعد كده ارفعي خصلة من شعرك بواسطة أصابع يدك الشمال وحطي فيها بواسطة المعلقة قليلاً من الحنة ودلكي بيها فروة رأسك، وبعد كده كملي على باقي الخصلات بنفس الطريقة لغاية ما تغطي الحنة منطقة الرأس كلها.

6- سرحي شعرك باستخدام صوابع إيديكِ علشان تتأكدي إن الحنة غطت جميع جذور شعرك.

7- ممكن كمان إنك تميلي رأسك للأمام علشان تحطي الحنة على نهاية رأسك ودلكيها جيداً.

8- لفي شعرك على رأسك على شكل طاقية وتدلكي الشعر بيدك حتى يتشبع الشعر جيداً بالحنة.

9- غطي شعرك ببونيه للشعرك وسبيه لمدة ساعة حتى تتفاعل الحنة مع شعرك وبعد كده شيلي البونيه من على شعرك وده علشان تسمحي للهواء إنه ينشف الحنة اللي على شعرك.

رد: جميع مشاكل الشعر وحلولها,أنيدرا

10- اوعي تنسي إنك تحطي قطعة من القطن حول البونيه في المناطقة الآتية: جبهة رأسك من الأمام وخلف الأذنين وعلى منطقة الرقبة من الخلف حتى لا يتسرب سائل الحنة إلى الملابس أو إلى جلد الجسم ويغير لونه.

11- بعد كده سيبي الحنة المدة اللي إنتِ عايزاها بس خلي بالك إنها ماتزيدش عن 6 ساعات.

12- بعد مرور الوقت اللي إنتِ عايزه ممكن إنك تغسلي شعرك جيدا تحت ماء جاري مع تدليك لفروة الرأس جيدا للتخلص من جميع ذرات الحناء وبعد كده تغسليه.

13-ياريت وإنتِ بتغسلي شعرك من الحنة إنك ماتستخدميش الشامبو واكتفي فقط بغسله بالبلسم وتاني يوم ممكن إنك تغسليه بالشامبو وده علشان لون الحنة يثبت على شعرك.

14- استخدمي مشط ذا أسنان واسعة لتسريح شعرك علشان تتأكدي إن مافيش أي بقايا للحنة على شعرك.

15- لا تقومي بعمل حمام زيت لشعرك في نفس اليوم اللي عملتِ فيه الحنة لكن اتركيه لليوم الثاني وعلى فكرة من الضروري قوي لأصحاب الشعر الجاف إنهم يعملوا حمام الزيت تاني يوم، وعلى فكرة أفضل الزيوت المستخدمة في عمل حمام الزيت بعد الحنة هو زيت جوز الهند.

خلّي بالك

في شوية نقط مهمة قوي ياريت إنك تخلّي بالك منها وإنتِ بتعملي الحنة علشان تطلع النتيجة اللي إنت عايزاها في الآخر وهي:

1- خلّي بالك من المقادير... مقدار المية السخنة اللي هتستعمليها يجب إنه يكون مقدار مناسب يجعل خليط الحنة متماسك ومش سائل.

2- كمان خلّي بالك وإنتِ بتحطي الحنة على شعرك إنك ماتمسكيش الحنة بإيدك ياريت إنك تستخدمي جوانتي بلاستيك وده علشان لون إيدك مايتغيرش.

3-لو كان شعرك جاف ياريت إنك تقللي من كمية الخل اللي هتحطيها على الحنة يعني يكفي معلقة واحدة من الخل وتضيفي 3 معالق من زيت الذرة.

4- لو عايزة تثبتي لون الحنة على شعرك لفترة أطول ممكن إنك تغلي قشور البرتقال والليمون مع الماء الساخن المستخدم في العجن.

5- فيه مشكلة ممكن إنها تقابلك بعد ما تعملي الحنة وهي إن لون الحنة مش باين في شعرك وده ممكن يحصل لو لون شعرك غامق... بس ولا يهمك إنتِ ممكن تقومي بتفتيح شعرك باستخدام الليمون وده عن طريق إنك تشطفي شعرك بالليمون المركز وبعد كده تغسلي شعرك بالماء الفاتر.. وعندما يفتح.. استخدمي الحناء وهتشوفي النتيجة بنفسك..

بس خلّي بالك لو شعرك جاف ياريت إنك ما تعمليش عملية التفتيح دي.

رد: جميع مشاكل الشعر وحلولها,أنيدرا

لحد يرد BRB

رد: جميع مشاكل الشعر وحلولها,أنيدرا



 
قديم 09-12-2011, 05:53 PM   رقم المشاركة : 4
мαчоÖοѕн ..-
أنيدراوي فعال
 
الصورة الرمزية мαчоÖοѕн ..-





معلومات إضافية
  النقاط : 48505
  الجنس: الجنس: Female
  علم الدولة: علم الدولة Saudi Arabia
  الحالة :мαчоÖοѕн ..- غير متصل
My SMS لاا احب ان ازعج احد من ارادني سيجُدني ♪♡♡♡     


Icon (62) رد: جميع مشاكل الشعر وحلولها


Back


رد: جميع مشاكل الشعر وحلولها,أنيدرا



بعد ما حضرنا للحنة مع بعض تعالوا بقى نشوف ازاي الحنة الطبيعية ممكن إنها تعمل مفعول الصبغة بس من غير ما تؤذي شعرك ده غير إنها كمان هتساعد على جمال وتعومة شعرك..


طريقة التحضير


رد: جميع مشاكل الشعر وحلولها,أنيدرا


اخلطي كل المكونات مع بعضها ( مكونات الحنه ) ما عدا عصير الليمون وسيبها لمدة 3 ساعات في طبق بلاسيتك اللي فيه عجينة الحنة وده علشان المكونات دي كلها تتخمر مع بعضها البعض، بعد كده ضيفي عصير الليمون بعد كده حطيها على شعرك من ساعة إلى ثلاث ساعات على حسب درجة اللون اللي إنتِ عايزاه، يعني لو عايزاه أحمر ناري مثلا يبقى سيبيها 6 ساعات.


وخلي بالك إن طريقة التحضير ثابتة في كل مرة واللي بيختلف المكونات على حسب النتيجة اللي إنتِ عايزاها ودي بقى مكونات الحنة على حسب اللون اللي إنتِ عايزاه.



شعر أحمر



المكونات:


1- عشر ملاعق كبيرة حناء.
2- عصير ليمونة.
3-كوباية كركديه.
4- كوباية مية سخنة.
5- ثلاث ملاعق قشر الرمان المجفف.
6- كوباية من خل التفاح أو الخل العادي.






شعر أشقر


رد: جميع مشاكل الشعر وحلولها,أنيدرا


المكونات:


1- عشر ملاعق كبيرة حناء.
2- عصير ليمونتين.
3-ثلاث ملاعق كركم.
4- مقدار مناسب من الماء الساخن.
5- ملعقة كبيرة من خل التفاح أو الخل العادي.





شعر بني محمر


رد: جميع مشاكل الشعر وحلولها,أنيدرا


المكونات:


1-عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4- ثلاث ملاعق قشور باذنجان مغلية.
5- مقدار مناسب من الماء الساخن.





لشعر بلون الشيوكولاتة



المكونات:


1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4- ثلاث ملاعق من بودرة الكاكاو.
5- مقدار مناسب من الماء الساخن.




لشعر كستنائي



المكونات:


1- عشر ملاعق كبيرة حناء.
2- عصير ليمونة.
3- ثلاث ملاعق من خل التفاح أو الخل العادي.
4-كوب مغلي من البابونج.
5- مقدار مناسب من الماء الساخن.





للشعر النحاسى



المكونات:


1- عشر ملاعق كبيرة حناء.
2- عصير ليمونة.
3-زجاجة سفن أب صغيرة.
4- مقدار مناسب من الماء الساخن.





لشعر بلون دم الغزال



المكونات:


1- 10 ملاعق كبيرة حناء.
2- عصير ليمونة.
3-كوبان من محلول دم الغزال عبارة عن (ملعقة كبيرة من بودرة دم الغزال في كل كوب ماء)
4- مقدار مناسب من الماء الساخن.
5- كوب من خل التفاح (أو الخل العادي).





( لو شعرك فاتح وعايزة تغمقيه )



المكونات:


1- نصف فنجان حنة حمراء.
2- نصف فنجان حنة سوداء.
3- فنجان من أوراق عشب البابونج مطحونة.
4- مية سخنة.



الطريقة:


اخلطي المكونات دي كلها مع بعضها وسييها نصف ساعة لغاية ما تتخمر وبعد كده حطيها على شعرك من ساعة إلى ثلاث ساعات أو أكتر على حسب درجة التفتيح اللي إنتِ عايزاها.


رد: جميع مشاكل الشعر وحلولها,أنيدرا


طبعا أول خطوة من خطوات العناية بالشعر هو حمام الزيت و فوايده كتيرة قوووووي اللي منها إنه بيعوض الشعر اللمعان والحيوية اللي ممكن إنه يفقدهم نتيجة غسيل الشعر، ده غير إنه بيعمل على تنشيط الدورة الدموية وكمان زيادة نمو الشعر.


الموضوع مش محتاج منك وقت ولا جهد ولا هيكلفك حاجة خالص، كل الحكاية من 10 لـ20 دقيقة قبل غسيل الشعر. وفي حمام الزيوت الطبيعية ده ممكن تستخدمي زيت الصبار وزيت الخروع وزيت الزيتون وكمان زيت اللوز مع بعض أو كل نوع من دول لوحده..



طريقة عمل حمام الزيت


فيه أكتر من طريقة لعمل حمام الزيت؛ طريقة قصيرة وطريقة طويلة شويتين.. اختاري الطريقة اللي إنت عاوزاها.. يعني لو عاوزة حاجة بسرعة ممكن تختاري الأولى، ولو عاوزة تعالجي الشعرة ممكن تختاري التانية..


الطريقة الأولى


الخطوة الأولى:
قسمي شعرك لأربع أجزاء.



الخطوة التانية:
حطي الزيت على فروة رأسك ولغاية أطراف شعرك وخلي كل قسم لوحـده حتى نهاية الرأس.



الخطوة التالتة:
اعملي مساج خفيف لفروة الرأس علشان تتأكدي من وصول الزيت لجميع أجزاء أم الشعر.



الخطوة الرابعة:
غطي شعرك ببونيه الشعر لمدة عشرين دقيقة.



الخطوة الخامسة:
ودي آخر خطوة وهي إنك تغسلي شعرك بالمية الفاترة وبعد كده بشامبو وبلسم مناسب لنوع شعرك.





الطريقة الثانية


الخطوة الأولى:
قبل ما تبدئي في عمل حمام الزيت دلكي فروة رأسك بأصابع إيدك.



الخطو ة التانية:
سخني الزيت الموجود عندك عن طريق وضع زجاجة الزيت في إناء به ماء مغلي وحطي الزيت على رأسك.



الخطوة الثالتة:
هاتي فوطة مبلولة بالمية السخنة واعصريها كويس ولفي بيها شعرك.



الخطوة الخامسة:
سيبيه على رأسك لمدة أربع ساعات وبعد كده اغسلي شعرك بالشامبو والبلسم المناسب.



بعد ما عملنا الخطوة الأولى وهي حمام الزيت تعالي نكمل مع بعض باقي الخطوات.. الخطوة التانية وهي غسيله لأن عملية الغسيل دي مهمة قوي لأنها بتنظف الشعر وبتشيل الأتربة والدهون والتلوث اللي بتعاني منه الشعرة..
ودي بسيطه خالص إنتة تتبعي الخطوات اللي جاية وإنت بتغسلي شعرك وهتشوفي بنفسك الفرق بعد ما تغسليه لأنك هتلاقيه بيلمع وناعم ومتألق..




1- احرصي قبل غسيل الشعر على إنك تدلكيه وتسرحيه بالفرشة بلطف في جميع الاتجاهات عن طريق إنك توطي براسك للأمام وتمشطيه وبعدين ترجعيه للخلف وتسرحيه بلطف... والعملية دي من أحسن الطرق لتنشيط الدورة الدموية في فروة الرأس وكمان بتساعد على نمو أفضل للشعر.


2- اغسلي شعرك بالمية تحت الدوش ورأسك مرفوعة في اتجاه جذور الشعر.


3- بعد ما تختاري الشامبو المناسب لطبيعة شعرك ضعي كمية قليلة منه في يدك وبلليه بالماء وحطيه على قمة رأسك وابدئي بالفرك بلطف بأصابع يديك من غير استخدام الأظافر علشان ماتخدشيش فروة الرأس.. وابدئي من الجهة الأمامية من شعرك وصولا لرقبتك.


4- ابعدي تماما عن فكرة إنك تغسلي شعرك بالمية السخنة وده لأن المية السخنة بتفقد لمعان وبريق الشعر، وبالتالي فإن أنسب مية مناسبة لشطف الشعر هي المية الفاترة. في النهاية خالص اوعي تنسي إنك تشطفيه بالمية الباردة وده لأن المية الباردة بتساعد على إغلاق مسام الشعر وبالتالي الحصول على لمعان أكتر للشعر.


5- اعصري شعرك من المية وده عن طريق الضغط عليه باليدين بلطف.



6- حطي البلسم الملطف على شعرك وسيبيه لمدة 5 دقائق وبعدين اغسليه جيدا.


7- دلكي شعرك بكمية قليلة من كريم الشعر اللي إنتِ بتستخدميه ونصيحة افرديه على إيديك الأول قبل ما تحطيه على شعرك.


8- -لو عايزة لمعان أكتر وأكتر ممكن إنك تضيفي فى الشطفة الأخيرة شوية خل بس تخففيه بالمية بنسبة معلقة لكل لتر مية.


9- آخر همسة في ودنك ماتغسليش شعرك كتير يعني بحد أقصى مرتين في الأسبوع لأن الدهون اللي بتكون في شعرك دي مش كلها دهون ضارة، لأ فيه منها دهون شعرك محتاجها وهي دي اللي بتغذي شعرك وتعتني بيه.


وبكده هتلاقي إن عملية غسيل شعرك تمت بمنتهى السهولة وهتلاقي النتيجة اللي إنتِ عايزاها.. وننتقل على تسريح الشعر.

رد: جميع مشاكل الشعر وحلولها,أنيدرا

لحد يرد BRB

رد: جميع مشاكل الشعر وحلولها,أنيدرا




 
قديم 09-12-2011, 05:56 PM   رقم المشاركة : 5
мαчоÖοѕн ..-
أنيدراوي فعال
 
الصورة الرمزية мαчоÖοѕн ..-





معلومات إضافية
  النقاط : 48505
  الجنس: الجنس: Female
  علم الدولة: علم الدولة Saudi Arabia
  الحالة :мαчоÖοѕн ..- غير متصل
My SMS لاا احب ان ازعج احد من ارادني سيجُدني ♪♡♡♡     


Icon (20) رد: جميع مشاكل الشعر وحلولها

رد: جميع مشاكل الشعر وحلولها,أنيدرا

Back

رد: جميع مشاكل الشعر وحلولها,أنيدرا

اصول التسريح

بعد الغسيل بييجي تسريح الشعر وفيه ناس تسريح الشعر عندها متعة وناس تانيين بيبقوا كأنهم داخلين معركة حربية مع الشعر على الرغم من إن العملية دي سهلة خالص...

1- ارفعي شعار لا للقسوة مع شعرك وده بإنك ماتستخدميش فرشة للشعر أو مشط بأسنان رفيعة. لازم تكون أسنان المشط واسعة وكمان ياريت إنه يكون مصنوع من الخشب لأن المشط المصنوع من البلاستيك بيعمل شحنات كهربائية أثناء التسريح وده بيؤدي لتقصف شعرك.

2- اعملي خطة وإنت بتسرحي شعرك بإنك تبدئي في تمشيط الشعر بداية من الأطراف لتخليص التشابك ثم من الجذور نحو الأطراف مرة أخرى.

3- آخر حاجة إنك تخلّي بالك إنك ماتسرحيش شعرك وهو مبلول وده علشان الشعر المبلول بيكون شديد الحساسية وضعيف جدا جدا وبالتالي بيسهل تقصفه، علشان كده حاولي إنك تسيبي شعرك لغاية ما يقرب ينشف وبعد كده سرحيه.

4- اوعي تعملي تسريحة في شعرك معقدة وهو مبلول لأنك كده بمنتهى البساطة بتقطعيه وهو في أضعف حالاته.

شامبوهات من صنع إيديك

شامبو للشعر الدهني

المكونات:
قشرة ثمرة ليمونة وبرتقالة وجريب فروت.
1 لتر ماء مغلي.
6 معالق كبيرة صابون مبشور من (زيت الزيتون).
2 معلقة كبيرة عصير ليمون.
2 معلقة كبيرة عصير برتقال.
2 معلقة كبيرة عصير جريب فروت.
2 معلقة كبيرة خل التفاح (أو خل أبيض).


الطريقة:
قطعي القشر إلى أجزاء صغيرة قوي وبعد كده حطيه في الماء المغلي ويُقلّب وسبيه لمدة ساعتين، وبعد كده صفي الماء وضيفي إليه الصابون.


يوضع هذا الخليط في إناء ويوضع على نار هادئة مع التقليب لغاية ما تلاقي الصابون داب تماماً، ثم تضاف العصائر مع التقليب.. بعد ذلك يُترك هذا السائل لمدة 24 ساعة وبكده تكوني عملتِ شامبو مناسب للشعر الدهني بس خلّي بالك إنك ترجي الزجاجة قوي قبل الاستعمال.

والشامبو ده مناسب للشعر الدهني لأنه بيساعد على إزالة الدهون الزائدة منه.. علشان كده بننصح صاحبة الشعر الدهني إنها تستخدم هذا الشامبو مرة واحدة في الأسبوع مع مراعاة شطفه جيدا بالماء البارد أكتر من مرة.

شامبو البيض للشعر الجاف

المكونات :
بيضة واحدة.
2|1 فنجان مية دافية.


الطريقة:
اضربي البيض الني واخلطيه جيداً بالماء الدافئ. افردي الخليط على الشعر خصلة.. خصلة، والبسي بونيه بلاستيك للشعر لمدة 5 دقائق وبعدين اشطفيه بعدها بالمية الفاترة واستعملي الشامبو مرة أو مرتين في الشهر.


شامبو ماء الورد للشعر العادي

المكونات:
2 معلقة كبيرة خل أبيض.
2 معلقة صغيره ماء ورد.
2 بيضة.


الطريقة:
اخلطي المكونات السابقة كلها مع بعضها، بعد كده حطيها على شعرك لمدة ربع ساعة وبعدين اغسلي شعرك بالمية.


رد: جميع مشاكل الشعر وحلولها,أنيدرا


لحد يرد BRB

رد: جميع مشاكل الشعر وحلولها,أنيدرا



 
موضوع مغلق

الكلمات الدلالية (Tags)
مشاكل, الشعر, جميع, وحلولها


تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 02:21 PM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا