نقاش دراما nagase tomoya "karei naru spy "

[منولة]

بسم الله الرحمن الرحيم

اليوم حبيت افتتح موضوع نقاش دراما nagaseالجديدة الي نزلت امس او بمعنى ادق قبل امس 18\7

طبعا انا شفت الحلقة راو وما فهمت ولا شيء وهذا الطبيعي

بس عموما للحين ما دخلت بجو المسلسل .. يمكن لأنه بدون ترجمة

بانتظار الترجمة الانجليزية لعل وعسى نفهم منها شيء

تعليقي,,

nagaseمبدع كعادته .. يمكن البعض يظن ان ابداعه بدأ من مسلسل my bossلكن الاغلبية مننا ما تابع

مسلسلاته القديمة لأنها غالبا مترجمة للانجليزي ,, أظن أنه من أكثر ممثلين اليابان مهارة

ويستحق الثناء اكثر من بعض الممثلين الي عندنا لهم معجبين كثار وللأسف تمثيلهم في بعض الأحيان ماله معنى

وعلى رغم انه دايم عبيط وشكله بالمسلسل هذا تابع طريق العباطة إلا انه بدور التراجيديا مافي أحسن منه

ما قد مرة شفته يبجي وما بجيت
ياليت نشوف له بهالمسلسل دور صعب يظهر مهارته

المسلسل,,

انتقادي انه دايما يستمد قوته من قلادة الصليب الي عطته له أمه ,, بس باللقطة الي يتذكر فيها أمه

ما فهمت .. هل هي راحت وتركته .. ولا راحت وما رجعت بسبب حادث معين

لأني شفتها ماسكة جنطتها بقوة واتوقع هذي معناها انها تخلت عنه ,, وكأنها بتسافر لمكان معين

الشخصية مثل ما انذكر بالقصة انه نصاب قضى حياته بالسجن وقرروا الحكومة انهم يفرجون عنه بشرط العمل عندهم

طبعا هم شكلهم مو واثقين فيه عشان جذي قاعد يراقبونه بكل مكان .. ومجننيه ..

الي يضحك

المقارنة بين جيمس بوند الانجليزي والجاسوس الياباني .. ان جيمس كانوا يعطونه اكشخ السيارات وهي BMW

اما المقرود بطلنا فالي عطوه هو قاري (دراجة هوائية) ومسكننيه بمكان الله لا يوريكم

يموت من الضحك .. وحاطين له بالغرفة مليون كاميرة مراقبة ,,

القضية الأولى .. لوع جبدي المجرم الارهابي ,, شكله حده مقررف يمكن من زود كريم الاساس الي حاطين له
والبطلة الي وياه لبسها مو لايق .. خصوصا يوم لبست الاحمر مادري وين رايحة على هاللبس

بس يوم شفتها .. واااااااااااو قلت شكله تومويا بيخلي ايبا ويحط عينه عليها

وأنا ودي اسأل سؤال .. المخرجين ليش يومنهم دايم يبهدلون بــ nagase

شكلهم خايفين على مشاعر البنات خصوصا انه اخيرا خله ستايله الي طلع فيه من سنتين ورجع لستايل مشابه لستايل my boss( بس تصدقون مبين عليه الكبر )

وطبعا أكيد في كثيرين الي شافوا الحلقة .. اذكر يوم حملتها كان فيه 1100 نظراء وملقمين 600 >> ياخوفي كلهم من اليابان

فالي فهم من التعليقات الي قالوها وقصة المهمة يعلمنا الله يجزاه خير

سؤال مهم قبل ما انسى ::

في بالحلقة لو شفتوها السيارة الي انفجرت الي كان فيها قنبلة

تحت قفص الطيور .. لاحظتوا ان الي كان يسوق السيارة

مو ياباني .. وشكله عربي بعد ..!!

انا يوم شفته توقعته أفغاني وغير جذي له لحية

ولفة الارهابي للعمامة غريبة بعد .. أحد منكم عنده تفسير ؟

لا يكونون يذمون فينا واحنا ما ندري

*ملاحظة: التعليق على الحلقة الثانية بالرد 22

الموضوع الأصلي : نقاش دراما nagase tomoya "karei naru spy " || الكاتب : منولة || المصدر : منتديات أنيدرا