منتديات أنيدرا الدراما الكورية و اليابانية



الملاحظات

الدراما اليابانية الدراما اليابانية : نقاشات - مسلسلات - افلام - آخر أخبار الدراما في اليابان.

إضافة رد
 
أدوات الموضوع انواع عرض الموضوع
  #1  
قديم 03-12-2008, 01:16 AM
الصورة الرمزية :: SKY ::
:: SKY :: :: SKY :: غير متصل
أنيدراوي مبدع
 
معلومات إضافية
الانتساب : Jul 2008
رقم العضوية : 35294
المشاركات : 1,159
   الجنس: الجنس: female
  علم الدولة: علم الدولة Saudi Arabia
Exll مــوضــوع نقــآش + حلقــات درامــا Arashi & Me

مــوضــوع نقــآش + حلقــات درامــا Arashi & Me


لإزالة كل الأعلانات، سجل الآن في منتديات أنيدرا

أحم أحم

صبحكم الله بالخير ..

أحس أني مسويه شيء كبير << أهاا بس ..

الموهم نخش دوغري بالسالفه .. مالنا ومال الهذره الطويله << علمي روحتس


هذي دراما من وحي الخيال يعني اقصى حد بخيالك استخدميه زي ما سويت انا وباقي الشله


باختصار هذي دراما احنا ابطالها واراشي معنا << يعني بالعامي سوينا مسلسل معهم مــوضــوع نقــآش + حلقــات درامــا Arashi & Me,أنيدرا



أحم احم


بسم الله



شـــــــــــــــلـة


مــوضــوع نقــآش + حلقــات درامــا Arashi & Me,أنيدرا Arashi For Faslaaaaaaaat مــوضــوع نقــآش + حلقــات درامــا Arashi & Me,أنيدرا




يقدمـــــــــــــــون



درامـــــــــــــــا








تقرير مبسط عن الدراما




اسم الدراما بالانجليزي: Arashi & Me

إسم الدراما بالعربي: أنا واراشي


سنة الانتاج:2008


قناة العرض: A4D-TV


وقت العرض: يومي


المؤلف: SKY


تعديلات واضافات : Summer Rain , SoSo , Lule مــوضــوع نقــآش + حلقــات درامــا Arashi & Me,أنيدرا


اعداد بانرات المصممه الخطيره:SOSO مــوضــوع نقــآش + حلقــات درامــا Arashi & Me,أنيدرا


نوع الدراما: كوميدي-اكشن - عربجه نوعا ما


مــوضــوع نقــآش + حلقــات درامــا Arashi & Me,أنيدرا
قصة الدراما:
دراما كوميدية من الدرجة الاولى..تجري احداثها في اليابان..


تحكي عن قصة بنات مهسترات.. اسرتهم الخقة على فرقة يابانية سحرت العالم بأداءها المنقطع النظير


وكلهم تجمعهم رابطة اخوية قبل كل شيئ..واراشية تعذيبية في نفس الوقت


..يقررون انهم يسافرون الى اليابان باي وسيلة..وما لقو الا اكمال دراستهم الجامعية


في اليابان من اجل سد حلوق اهلهم .. يصادفون كثير من المغامرات الخاقوقية و العديد من المشاكل


والوهقات..وخصوصا عندما يطيحون في ايدي الياكوزا بالرغم من صغرهم وخبالهم


وهم اصلا ماحسبوا حساب لهالمأزق العنيف..فهل سيستطيعون التصدّي للعصابة؟


..وتحقيق احلامهم الخنفشارية ؟...هذا ما ستكشفه لكم الحلقات..تابعونا وانتو الربحاناين <<ماتسوي دعاية !!..


مــوضــوع نقــآش + حلقــات درامــا Arashi & Me,أنيدرا
الممثليـــــــــــــن ..














مــوضــوع نقــآش + حلقــات درامــا Arashi & Me,أنيدرا









وقريبا بتنزل الحلقه الأولى ..


مقاطع من الحلقه الأولى :




موو : وش فيك بسم الله عليك ..
لولي : شوفوا أنا قررت وما علي من أحد واللي بيلحقني حياه الله ..
سوسو : خرفت البنت وش فيك أنتي ..
لولي : ما خرفت .. أنا قرررت بروح اليابان اليوم قبل بكرا مع موو




جون : تتوقع الطيارة واصله ..؟؟
نينو يقلب مجله : مدري بس اتوقع على وصول ..
جون : شف في رحله وصلت ..
نينو : إيه مب لنا ..
جون : وانت وش دراك متنح في ذا المجله تقل بتاكلها




فلون : الحين كم توقعاتكم ونوصل ؟
نتوو : راح كثير .. ان شاء الله على الصبح بنوصل
رحينو : متى يجي الصبح !!





...........: فكيني بمووت ..
موو : فكيه بيموت الولد
سكاي : لييش يدف خليه يشوف دربه المره الجايه
موو : اصبر .. تشبه أحد اعرفه ..




شو : وش اللي وشوو .. تعال لا تأخر
ايبا ترك شو .. وكان جنبه ناس واقفين عرفوهـ على طول !!
شو : الو .. الو .. ألو وين رحت ....
طوط ... طوط .. طوط




لولي : يمـــــــــــــــه وتمسك كيرا
كيرا : وش فيك ؟؟
لولي : الزباله تهرج(تتكلم) .. << تكرمون طبعا
كيرا : بسم الله عليك .. فيه زباله بالدنيا تهرج
لولي : ما تدرين يمكن زبايل اليابان تهرج




وان شاء الله عجبكم التقرير وقصة الدراما وتتحمسون معنا


أي استفسار رأي فكره راسلونا .. فنحن نسعى لتحقيق الحلم << متأثره بالحيل وعايشه الدور


مــوضــوع نقــآش + حلقــات درامــا Arashi & Me,أنيدرا
اعداد التقريرالخطيرة:Summer Rain .. مــوضــوع نقــآش + حلقــات درامــا Arashi & Me,أنيدرا


وجيبوا القهوهـ والحلا والشاهي والموالح


ولا مانع للي يبي كراث وخبز


وسنتروا هنا وشاهدوا الدراما



وحتى لو ما عجبتكم الدراما وقلتوا تجيب البلا والمرض .. بس نبغى التعليقات


لأننا حاطينها نتونس ونعلق عليها في الأجازهـ


يعني مجرد هبال وصرقعه


وأكررر الغومينه للأعضاء اللي رجعوا مــوضــوع نقــآش + حلقــات درامــا Arashi & Me,أنيدرا .. << للحين ضايق صدرها ..!!



ومينا زي ما قلت اللي بخاطرها شيء تراسلني وتقولي ولو تبغى مساعده تقولي

<< تكفوون تفاعلوا


أحس يديني تكسروا من التلوين والكتب ونسخ الروابط واللصق << للحين ما طلعتي


ومبــــــــروكـ عليكم الأجـــــــازة


<< أحلى شيئ قلته في ذا الرد إجازة


مــوضــوع نقــآش + حلقــات درامــا Arashi & Me,أنيدرا
جـــانــا


ومحـــــــــــــــدش يرد لأني بحط البارت في الرد الثاني بليز مينا

الموضوع الأصلي : مــوضــوع نقــآش + حلقــات درامــا Arashi & Me || الكاتب : :: SKY :: || المصدر : منتديات أنيدرا


رد مع اقتباس
قديم 03-12-2008, 02:04 AM   رقم المشاركة : 2
ٍSoSo
أنيدراوي مبدع
 
الصورة الرمزية ٍSoSo





معلومات إضافية
  النقاط : 10
  الجنس: الجنس: female
  علم الدولة: علم الدولة Saudi Arabia
  الحالة :ٍSoSo غير متصل
My SMS سبحان الله وبحمده...سبحان الله العظيــم


,أنيدرا
أحيانا تحلمين بأشياء ممكن أنك تسوينها وتحاولين باستطاعتك أنك تحققينها...
وأشياء مستحيل يخطر على بالك أنك تسوينها .....
أو بمعنى أصح تحذفينها من القاموس أنها تتحقق ...

بس فيه بنات كانت حياتهم كلها أنهم يحققون اللي ببالهم....
ويسوونه ....
ما عدا شيء واحد استحالوا على أنفسهم انه يتحقق لأنه شيء بعيد عن الواقع ..!!!!!!!
لكن فجأة يلقون الفرصه قدامهم وكأنها تقول تحقق اللي في بالكم.....
السؤال .. هل بيقدرون يسوونه.... ؟؟
وكيف بيتصرفون مع اهلهم .....؟؟
وإلا يعقلون ويجلسون ببيوتهم .. ؟؟

بنشوف وش يصير لخوياتنا العربجيات الخطيرات ..
,أنيدرا



الساعه 3 العصر بتوقيتالسعوديهـ. ......
وحده منسدحه على السرير وداخله بأعماق النوم ولا تدري عن الدنيا....
الظاهر لو بينفجر البيت ما درت عنه .. بس شيء وحيد ممكن يقومها....؟؟؟!!!!
جوالها اذا رن وخصوصا اذا صار المتصل خوياتها بالنادي ....
ويدق الجوال والنغمه كانت أغنية أراشي AR.A.SHI
والجوال يغني بأقوى شيء.. ولما جاء مقطع آراشي آراشي فور دريم << نقزت الأخت...
تقل كنغر ومع الشوشه اللي متهاوش فيها 600 قطو << أكيد عرفتوها ..

ردت : آلو
..... : ووووجع أنتي طاعون مب نوم اللي فيك ..!!
سكــاي : يختي غصب علي مب بيدي .. أحمدي ربك أني رديت << وإلا ناويه تكملين
مطر : أهاا بس .. وينك الحين ؟؟
سكــاي : بفراشي ..
مطر : لييت من يكفخك بكف... أمشي تعالي كلنا متجمعين في شي صار ..
سكــاي :طيب خمس دقايق وأنا عندكم ..
وتقمز الأخت وتربط الشوشه وتغير الثياب وتطلع << كل شيء بعربجه !!
وبعد عشر دقايق توصل ..
سكــاي : سلاااااااااااام على الربع !!
البنات : .........................
سكــاي : أقول سلااااااااااااااام
وتكلم نفسها (( هذولي وش متنحين فيه ))
وتنط عندهم : وش تناظرون ؟؟
العالم خاقه
سوسو : يا لبيييييييييييييييه شفتوا سمعتوا كلكم .. لا لا بعيدها مرهـ ثانيه
لولي : لا حوووووووووول .. خلاص درينا درينا والله زينه
مطر : ما عليك منها عيديها .. يا حلوهــــــا من فمه تجننن
سكــاي :سلامات وشو اللي يا حلوها وروني ..
سوسو : بسم الله من وين طلعتي ؟؟
سكــاي :صح النوم .. لي ساعه أسلم ماحد يرد ..
لولي : جابك الله أقعدي معي من اليوم هذولي بس يعيدون ذا اللقطه اللي حومت تسبدي منها
سكــاي :طيب وشـــــــــــي ؟؟
سوسو وحاطه أيدينها على وجهها : (( القــــامبتي أم بحه حقت جون ))
سكــاي : لا لا ما سمعتها سمعوني ..
وتسمــــــع المقطع ويفصلون كلهم من جديد .. << ما عدا لولي شبكت السماعات وجلست تسمع اغاني

وبعد هالفصلات....

سكــاي :أقول الحين تقولين لي البنات متجمعين وفيه شيء كبير صار وش السالفه ..
سوسو : ايه صح .. موو بتسافر لليابان !!
سكــاي :وشووووووووووو ؟؟ صااادقييين ..
مطر : ايه أجل بنكذب ..!!
لولي : يا حظها .. ياليت من صفطني ودخلني معها
وتدخل كيرا وميزو وموو: سلاااااااااام
الباقي : وعليكم السلام ..
كيرا : زينتوا القهوهـ ..؟ جايبه حلاو السوبر كله ..
البنات يناظرون فاصلين على القامبتي ونسو يزينون القهوهـ....
موو : شفيكم تناظرون ؟؟
لولي : نسيناها ..
كيرا : مالت على خششكم واللي يقولكم زينوا قهوهـ .. متى باكل حلاوي يعني ؟؟ << كل(ن) على همه سرى
ميزو: فاااصلييين مااينشره عليكم
سوسو : خلاص خلاص لا تفقعون روسنا الحين نزين ..
سكــاي : موووو مبرووك الروحة وشلون .. وكيف ؟؟ تعالي قولي لي ..

وهذا برنامج الأراشيات اليومي ..

كل يوم يفتتحونها بفصلات جديده ويخقون وينقهرون وتنتهي الليله كل وحده ببيتها بس ذا اليوم انتهى
بأنه صديقتهم بتسافر ..
ويوم الخميس كالعادهـ متجمعين ..
ويسولفون بآخر الفصلات والخقات .. بس وحدهـ منهم بعالم ثاني
وفجأه تقوم .. طرطن << هذي الموسيقى الحماسيه اللي في الأفلام<< يقلنها حركه حماسيه
موو : وش فيك بسم الله عليك ..
لولي : شوفوا أنا قررت وما علي من أحد واللي بيلحقني حياه الله ..
سوسو : خرفت البنت وش فيك أنتي ..
لولي : ما خرفت .. أنا قرررت بروح اليابان اليوم قبل بكرا مع موو
مطر : ههههههههههههههه الله يقطع ماوك .. وشلون بتروحين ؟؟
لولي : قلت لأهلي أمس ويعني حبتين ويوافقون .. مع اني ما توقعت بس انهبلت
ميزو: خيييير خيااانه ولييييش ماقلتي لي انشب بحلق اهلي انا بعد
لولي: مني مصدددقه وحاالتي لله وتبيني ادق عليكم زيين اني ذكرت
سكــاي :أبي أروح معك .. !!
كيرا : شوفوا الثانيه صدقت بعد .. يا هوووووو أنتي وياااااااها وين تحسبون انفسكم
سكــاي :لا ما خرفنا بس نقدر نخطط ونهايط ونروح لليابان
كيرا : وكيف بالله ؟
لولي : قولوا نبي ندرس زي موو..
مطر : لاااااا بايخه ننكشف بسرعه ونجي مسحوبين من روسنا
ميزو: الاااا الااااا ماافي الا هي دراسه برا وووبس
سكــاي ترد على مطور : عاادي يسحبونك وكم طراق وتنتهي السالفه << ما عندها مشكله
مطر : مب شينه بس مدري .. وأنتي سوسو ؟
سوسو :قداااااااااااااااااااام .. ما عندي مشكله .. نوسع صدورنا يختي عطلنا وحامت كبودنا
موو : يالله أجل .. كل وحدهـ .. طيران على بيتها وتنشب بأهلها
كيرا : صادقين للحين وإلا تمزحون ؟؟
لولي : لا نلعب .. إيه صادقين ولازم نخطط حبه حبه
سوسو : أجل مطر دقي على البنات وافتحي المايك وبنتكلم معاهم ونخطط...

وخططوا الأراشيات لكل شيء....

وكل وحدهـ جابت موافقة أهلها بموت العذابين .. بس بقى الأستعداد للسفر...
طبعا كل وحدهـ مسكوها اهلها ولا تسوين ولا تحطين ولا تزينين..
من الجامعه للبيت ومن البيت للجامعه ولا تعتبين الباب<< نصيحه رئيسيه..

وبيوم السفر بمطار الملك خالد الدولي ....

سوسو : بنات مصدقين أننا بنسافر .. للحين ما صدقت
كيرا : وأنا بعد .. للحين جالسه اجمع براسي شلون وافقوا أهلي صح أني سويت المستحيل لين وافقوا وتعبت معهم بس للحين مب مصدقه..
لولي : وأخيرا بيتحقق الحلم...
موو : اليــــــابـــــــــــان ما اصدق...
مطر : بنات تراني كلمت الشله الباقيه وخلاص بيلاقوننا بمطار طوكيو هناك...
سكــاي : أجل وش نسوي هنا أمشوا .. تراني أحس أني ما أحس من الوناسه..

وأعلنت الرحله وركبــوا الطيارة !!

المقاعد كانت كالآتي ..
سوسو .. مــطر
لولي .. كـــيرا
سكــاي .. مــوو .. ميزو <<المقاعد اللي بالوسط
لولي : أووف أحس الوقت طويل ..
كيرا : بالحيييل احس حامت كبدي << أكيد مب طيارة الرياض جده
أما مووو تندمت أنها قعدت جنب سكاي .. مسكت المخدهـ ونامت
موو حاطه السماعات وتسمع ميوزك او تسولف مع ميزو لان سكاي بالوسط ....
والسوالف تصير صعبه عشان المزيونه النايمه ...

في الجهه المقابله .. الشله الباقيه في اطيارة متجهين لمطار طوكيو
رحينو : نتووو .. مب مصدقه أنه هذي طيارة طوكيو
نتوو : ولا أنا .. بس تعالي الحين هناك ما نعرف أحد ولا أحد يعرفنا وش بنسوي
رحينو : يحلها حلال .. الحين خلينا نوصل ويصير خير .. وأكيد البنات مجهزين كل شيء
فلون : الحين كم توقعاتكم ونوصل ؟
نتوو : راح كثير .. ان شاء الله على الصبح بنوصل
رحينو : متى يجي الصبح !!
,أنيدرا

[[[[[[[[[[[[[[[[[[[[ فـــــــــــــــــــــــــاصـــل ]]]]]]]]]]]]]]]]]]]]]]]]

هذا المسلسل برعاية :

بامبرز << خـــم المخــدهـ ولا تخاف على بزارينك ..!!
فيمتو << أفضل مشروب لخشـــه حمرا
رز أبو كاس << أبلع إلى باتسر ما تشبع !!




  رد مع اقتباس
قديم 03-12-2008, 02:09 AM   رقم المشاركة : 3
ٍSoSo
أنيدراوي مبدع
 
الصورة الرمزية ٍSoSo





معلومات إضافية
  النقاط : 10
  الجنس: الجنس: female
  علم الدولة: علم الدولة Saudi Arabia
  الحالة :ٍSoSo غير متصل
My SMS سبحان الله وبحمده...سبحان الله العظيــم


[[[[[[[[[[[[[[[[[[[ عــــــدنــــــــــــا ]]]]]]]]]]]]]]]]]]]
^^
حشى سبيس تون

,أنيدرا
موو : سكاي الدبه قوومي وصلنا ..
سكــاي حاضنه الكرسي نومه : يمه اصبري شوي ..
موو : الله يفشل العدوو سكاي قومي وصلنا طوكيو ..
سكــاي :هااااااا .. وش طوكيو .. متى رحنا .. وشلون ؟ << غارقة في النوم ما تدري عن شيء
موو : لا حوووول مب وقتك الحين قدامي .. ميزو خذي اغراضك لاتنسينها
ميزو: ايييه كلها بشنطتي لاتخافين
وينزلون من الطيارة كلهم
سوسو : كل وحده تجيب العفش حقها ....
ونتلاقى عند البوابه الرئيسيه للمطار ولا تحركون عنها فاهمين لأن الشله الباقيه بيصيرون هناك.....
مب كل وحده تفق خشتها وتضيعوون...ونبلش بكم...
كيرا : طيب لو ضعنا .. ؟؟ << مذرقه
ميزو: طاااع هذي نضييع تفائلوا بالخييير ياابت
سوسو : ما راح نضيع ان شاء الله بس اسمعوا خلوكم عند الباب الرئيسي...
الباقي : طيب
في المطــــــــــــــــــــــــــــار ..,,..

جون : تتوقع الطيارة واصله ..؟؟
نينو يقلب مجله : مدري بس اتوقع على وصول ..
جون : شف في رحله وصلت ..
نينو: إيه مب لنا ..
جون : وانت وش دراك متنح في ذا المجله تقل بتاكلها
نينو : لا ما تنحت بس أغلبها عرب ما تشوف اللي يمشون ..
جون : ايه والله .. بس ليته يعجل علينا اذا وصل ما يجلس مفهي ونروح فيها ورانا شغل
نينو: لا ما عليك مضبطه قايل له قبل يركب الطيارة انتبه تكب العفش لاحد يعرفك ولا تعرف أحد
جون : زين صرت سنع للمرة الاولى ..!! << يا نذله يحب ينرفز
نينو : يا كرهي لك لا نرفزت الواحد ..... أصلا من يومي سنع
جون : أهاا بس .. معك دوميوجي (( ويضحك ضحكة دوميوجي لا نرفز احد ))
نينو : أقوول شف مناك وانت ساكت .. مب هذي رحلة الريدا
جون : إلا هذي هي ..
نينو : اين أنت يا اونو أخرج بسرعه وخلصنا
أما بناتنا الجميلات البطات تفرقوا يدورون عفشهم ..
وطول الوقت سكاي تثاااااااوب ومووو تدور.. ولمحوا شناطهم جايه من بعيد...
ويلقطون الشنط << طبعا عرابجه الشنطه كانت شنطة سبورت...
وتمشي سكــاي ونصها نووم ومع الزحمه طاحت شنطة اليد حقتها..
ونزلت بتجيبها ويجي اللي يصقع بالشنطه ويمشي ولا كأنه سوى شيء ..
سكــاي :والله ما أخليك << تدور شيء ما غدا له << النجداوي بيفهمه !!
موو : هيه .. انتي وين رايحه ؟!
وتلحقه وتمسكه : وين رايح يا أبو الشباب ..
وكان الأخ متغطي كله بشال حتى وجهه وعيونه لابس نظارة شمسيه
سكــاي : وش عندك تدف الناس .. ؟؟
ويأشر لها وخري
سكــاي :عفوا أخوي أطرم؟ << وش دخلك !!
وبرضو يرجع يأشر لها
وتفتح الشال وتمسكه مع الرقبه << مستقويه البنت : وش قصتك تأشر لي من اليوم ؟؟
........... : أنتي وش تبين من الحياة لاحقتني يختي آسف ما دريت وطيحتك
موو جلست متنحه
وسكــاي ماسكه فيه وتهاوش < < احد قايل لها أنها فلاويه ..
...........: فكيني بمووت ..
موو : فكيه بيموت الولد
سكــاي : لييش يدف خليه يشوف دربه المره الجايه
موو : اصبر .. تشبه أحد اعرفه ..
...............: لا ما اعرف أحد ولاحد يعرفني ويرجع يتلطم بالشال (( والتفت بجهتهم ))
موو : إلا وقسم تشبه أحد ببالي
..........: لا تتخيلين !!
سكــاي : طيب لا تنافخ علينا ؟ << هذي من اليوم قالبتها هوشهـ
(( والله بلشه )) : على العموم آسفين وحصل خير
موو : لا عاادي حنا اللي آسفين
......... : يالله فمان الله
سكــاي :فمان الله ..(( وتلتفت على موو )) وش فيه ذا كنه مب طبيعي ..
موو للحين مب مستوعبه : أونـــو ساتوشي يشبه هذا صح !!
سكــاي : إيه إلا يشبه له .. لا يصير هو
موو : إلا إلا هوو .. أمشي أمشي .. مع وين راح
سكــاي : تعالي تعالي هنا هنا << وركض بالمطار والعالم متنحين فيهم...
,أنيدرا

يــتبع....



  رد مع اقتباس
قديم 03-12-2008, 02:10 AM   رقم المشاركة : 4
ٍSoSo
أنيدراوي مبدع
 
الصورة الرمزية ٍSoSo





معلومات إضافية
  النقاط : 10
  الجنس: الجنس: female
  علم الدولة: علم الدولة Saudi Arabia
  الحالة :ٍSoSo غير متصل
My SMS سبحان الله وبحمده...سبحان الله العظيــم


في صالة القدوومـ ..

نينو : جون شف شف ذا اللي جاء كنه ريدا صح ؟؟
جون : الا الا هذا هو .. كأنه ملحوق وإلا فيه شيء
نينو : ريدا .. سلامات وش فيك (( ويضحك )) هههههههه تنكرك عجيب صاير عربجي
أونو : تكفى يالراقي ارحمنا. .. قدامي أقول يبي لك كم كف وبعدين اعلمك وش فيني << خاربه الاخلاق
ويطلعون من المطار وعلى السيارة على طول ..

نرجع للمطــــــــــــار ,,..,,

موو : سكــاي .. سكــاي .. لقيتيه ؟؟
سكــاي : لا للأسف.. طيب أفرضي طلع واحد يشبه له
موو : لا متأكدهـ هو .. يا خبلي ما عرفتك يا اونو
سكــاي : لا ان شاء الله شبييهه ما اتوقع هو لو طلع هو بنفجر قهر
مو : سكــاي خلينا ندور ثاني .. خلاص مسكت معي بشوفه ثاني مره بتأكد انه هو
سكــاي : موو .. أقولك مب هو وبعدين وش جاب لجاب أونو رزه ويخقق وهذا عربجي مدري وش يبي ..
موو : والله مدري عنك .. أمشي تأخرنا على البنات..
ولما طلعوا برا ..
سوسو : بدري .. وين الناس ؟؟
سكــاي :هااا .. وش نزين تونا نلقى شناطناا !! << مهايطيه
رحينو : سكايو ومووو المخبل .. أخباركم ؟؟ وعلومكم ؟؟ << رايقه
ميزوو : رحينو مب وقت سلام أصبرو خلونا نروح للسكن
كيرا : وين بنسكن؟ .. !!
سوسو : ايه صح نسيت السكن ..
مطر : وش نسوي ؟؟
نتوو : والله البلشه فيني نووم وتعبانه
لولي : خلونا ندور فندق ونرتاح لييين يحلها ربي أمشوا
في السيارة الجنتل الخطيره اللي مب بس راعينها يخققون حتى هي تخقق << السيارة
نينو : ايه ما قلت لي وش السالفه ؟؟
أونو : المفروض أني جاي بدري بس لو أني ما تنكرت وما سمعت كلامك كان وصلت لكم
جون : افااا .. وش السالفه ؟؟
أونو : يا اخوي ذا قالي غطي روحك لا أحد يعرفك عشان ما يكشفونك الفانز بالطيارة وإلا بمكان
هنا وإلا هنا .. واغطي روحي بكل شيء ودفيت بالمطار بنت وتهاوشت معها ...
نينو : أوووف .. بنت ووش زينت لك ؟؟
أونو : لا تذكرني .. الظاهر أحد قايل لها أنتي قويه .. قومت الدنيا وقعدتها بس زين خويتها
معها وقفتها .. وخلصنا الموقف .. بس بالنهايه لحقوني مدري وش يبون بس انحشت بسرعه
جون : زين ما سويت ... لا تعطي أحد وجه .. ولو أنا مكانك عطيتها طراق << أشوى انك مب انت
أونو : صاحي انت .. تبي أتمشكل مع العالم في المطار واروح فيها
نينو : اي والله صح .. زين يا رجال مرت سليمه
أما اراشيتنا العربجيات حجزو بفندق .. عشان يرتاحون ويطلعون يدورون سكن ..
وبينما العالم نايمه بعد دوخة السفر إلا ثنتين
كيرا : لولي فيك نوم ؟؟
لولي : لا ليه ؟
كيرا : ودي أطلع أتمشى ..!!
لولي : مب شينه أمشي ..
كيرا : بس ما نبي بعيد .. ندور حول الفندق ..
لولي : أكييد أصلا ما نقدر نبعد نضيع
وفي شارع ..................... << ما اعرف اسماء شوارعهم ....
كان فيه واحد يتمشى ....
وفجأةيرن جواله (( نغمة كيتو دايجوبو )) << توسع الصدر ..
آيبا : ألوو
شو : الوين .. وينك ؟؟
آيبا : طالع أتمشى عقب ذا التدريب ..
شو : يالخاين ولا تقولي ..
آيبا :أهاا بس .. قلت لك قبل التدريب قلت عندي شغل بسويه
شو : أيه هذاني رايح له بالطريق .. على العموم لا تأخر العصر ترى عندنا تدريب ثاني
آيبا : وشوووووووووو (( ويلتفت ويطيح الكاب حقه )) << طاقيه طربوش قبعه اللي تسمونه
شو : وش اللي وشوو .. تعال لا تأخر
آيبا ترك شو .. وكان جنبه ناس واقفين عرفوهـ على طول << ترى مب حنا !!
شو : الو .. الو .. ألو وين رحت ....
طوط ... طوط .. طوط
أما لولي وكيرا جلسوا يدورون ولقوا محل يبيع أكلات يابانيه ..
كيرا : لولي خلينا ندخل نشوف حوسااتهم
لولي : لا تكفين ما ودي تقلب تسبدي
كيرا : أقول قدامي أمشي
ويدخلون وتفرجوا لييييييين ما قلبت اتسبدهم .. وحلف اللي يبيع ما يطلعون إلا هم شارين شيء...
لولي : والله نشبه وش يبي ذا ؟؟
كيرا : خوذيه ونرميه اذا طلعنا
لولي أخذته وطلعوا من المحل
لولي : الله يقرفه وش ذا الأكل ..
كيرا :بذوق !!
لولي : صادقه
كيرا : أيه تتحديني !!
لولي : إيه
وتذوق وكان طعمه شين ..
كيرا : تكرم النعمه وش ذا القرف ..
لولي : ماحد قالك ذوقي تستااهلين
بالجهه المقابله واحد يلاحقونه مجموعة ناس طاحوا فيه
ويدخل بشارع نهايته مسدود .. وبلش لقى قدامه زباله كبيره دخل فيها
ويمرون لولي و كيرا
لولي : هذي زباله برمي ذا بلشت فيه ..
كيرا : يالله امشي
والنذله لولي ما رمت الصحن بالكامل .. تكبه كب (( حبه حبه )) << يعني اللي فيه راح وطي
ولا شعوريا سمعت صوت : آآآآآآآآآح
لولي : يمـــــــــــــــه وتمسك كيرا
كيرا :وش فيك ؟؟
لولي : الزباله تهرج(تتكلم) ..
كيرا :بسم الله عليك .. فيه زباله بالدنيا تهرج
لولي : ما تدرين يمكن زبايل اليابان تهرج
كيرا : ايه والله صح .. !! << صدقت الثانيه
اللي بوسط الزباله ما قدر يمسك نفسه : هههههههههههههههههههههههه
لولي : بعد تضحك .. ما بقى إلا هي زباله وتضحك علينا
كيرا : اوريك فيها .. !! (( وترجفه برجله ))
لولي : كـــفو والله << اللي يشوفها ماسكه مجرم
ويطلع الولد من الزباله ..
............... : أجل زبايل اليابان تهرج !!
ر بسم الله الرحمن الرحيم .. الله يرجك قل آمين
............... : آمين
كيرا : الحين أنت مسوي فيها يعني تخوفنا ترى ما خفنا << مهايطيه 2
............... : أما ما خفتي كثري منه .. معك منديل ؟؟
ر إيه أنا معي .. أمسك مع انك ما تستاهل ..
ويمسح وجهه ويلتفت عليهم
............... : وش فيكم بسم الله متنحين(مبرقين عيونكم) !!
لولي : لا ولا شيء
كيرا : سلامتك طال عمرك
............... :مشكورين
لولي : يا اخوي وجهك مشبهين عليه!!
............... : أشباهي كثير ..<< يرقعها
لولي : وش تسوي بوسط زباله .. ؟؟
............... :فيه واحد نشبه .. جلس يلاحقني وما لقيت إلا ذا الزباله تخبيت فيها
كيرا : يا عرزدي .. وحضنت الزباله تتخبى فيها ..<< كأنها فصلت
............... :مافي الا هي وش اسوي ..يالله وراي اشغال بروح الحين
لولي : فمان الله ..
كيرا : فرصه سعيده << خاقه
لولي : كأنك خقيتي ..
كيرا : هاااااا .. لا لا ما خقيت تتخيلين .. أمشي نرجع ..
ويرجعون للفندق....
لولي حست بشيء بذا اللي قدامها قبل شوي .. ولقو خوياتهم صاحيات ..
مطر : يا نااااااااااااااس جوعانه .. بطني يقرقر
سوسو : من قلب أمشوا نطلع ناكل
رحينو : وندور سكن
ويطلعون من جديد ..
وبعد ما بلعوا ..
نتوو : يالله بنات وين بنسكن ..
فلوون : يبغالنا كتيب ارشاد وإلا مرشد ما نعرف شيء هنا
ميزوو : انا معي واحد ..
سوسو : هاتيه خليني أشووف

بوقت التدريب ..

شو : ايه ما قلت لي وش قصتك اليوم عطيتني طاف .. ولا رديت علي
ايبا : شافوني ناس وجلسوا يلاحقوني وركضت وصكيتها بوجهك
شو : أووف ووش سويت ..
ايبا : انخشيت بزباله
شو : ههههههههههههههههههههههههههههههه الله يرجك زباله
ايبا : ما لقيت غيره .. وزود الطين بله .. بنتين جو يرمون أكلهم فوقي
شو : هههههههههههههههههههههههههههههههه تخيلت الموقف
ايبا : جعلك تطيح فيه مثلي ..
شو : لا أنا آخذ حذري بكل موقف << إيه نشوف آخذ حذري
ايبا : ايه هين بس ..

شلة اراشي جلسوا طول اليومـ لف ودوران وضاعوا لين ما قالوا بس ..

مطر : ياربيه .. رجولي تكسرت من المشي وراسي يعورني من الدوران
موو : وأنا مثلك .. شوفوا ما ينفع كلنا نطلع لازم ثنتين ثنتين
كيرا : خلاص بكرا نبدا .. اليوم تعبنا بنرجع للفندق
وأول ما رجعوا ناموا بفرشهم و على طول .. كأنهم ما ناموا لهم ثلاث ايام ...
,أنيدرا
تمـــــــــت الحلقه الاولى....
,أنيدرا



  رد مع اقتباس
قديم 03-12-2008, 02:14 AM   رقم المشاركة : 5
MaTsu - ChaN
أنيدراوي مبدع
 
الصورة الرمزية MaTsu - ChaN





معلومات إضافية
  النقاط : 15
  الجنس: الجنس: female
  علم الدولة: علم الدولة Saudi Arabia
  الحالة :MaTsu - ChaN غير متصل
My SMS استغفر الله ~


الله ~

سكَآيُـوو ~ سكَآيُـوو ~ فُـوور دريم !!

يآ بنت مآ شآء الله عليكِ أسلووبك للحين حمَآس و خطآرهـ و فللله ~
تحمست مَع الموآقف الهستيرية ~

أول شي الريدآ ..
يآ هُـوو توهق بالقووة معك سكـآي و انتي مآ عندك لعب على طوول خنآقة تعيشين



و كله كُووم و الزبَآلة اللي تسُوولف لآ و تضحك و تتمصخر بعَد ..
بآ لبى قلبَه آيبآ الدُّوووب .. ثآني وآحِد يتووهق ~


أوومَآ جُـوون !!
وش طرَآق !! وش فيه قلب عربجي <_< .. أتذكر دوميُووجي <~ قلـووووب لين اليآبَآن


تحمّست للحلقة الجَآيَة مبين من الحوآرآت و شكله الدور جَآي لشُـوو
نشووف من بتوهقَه الحين ~


و بانتظـآر الحلقة الثآنيَة بفآرغ الصبر ~ صآنكيُوو مؤلفتنآ صكآيُوو ~

يآ ربع التذآكر استعدُّوا جبنآ درآزن جديدَة للحلقة الثآنية اللي بآيعَة الرآتب لآ تجي <~ أمحق إدآرة XDD




  رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 01:33 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2018, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا