تــقرير عــن True Tears " الدموع الحقيقيه" ~

[kenshin*]

تــقرير عــن True Tears " الدموع الحقيقيه" ~

Tweet

لإزالة كل الأعلانات، سجل الآن في منتديات أنيدرا

أهلين حبايبي من سنة جدي ماسويت تقرير في هاذا القسم النعومي جدا وحبيت اقدم لكم تقريري لليوم عن true tears هاذا الأنمي الرائع والمليء بالأحاسيس فهيا معا لنكتشفه وبدأنا****



السلام عليكم ورحمه الله وبركاته ..
اليوم حبيت اكتب لكم عن انمي رائع جدا ! واللي ادهش الكثيرين ..احداثــه حلوهـ
ومميـــزه جدا * وهو من احلى الانميات اللي شفتهــآ بحيــآتي ..


True Tears



معلومات عن الانمي :
اسمه: True Tears " الدموع الحقيقيه" ..
عدد حلقاته : 13 حلقــه ..
نوع المسلسل : درامي* رومنسي * مدرسي * كوميدي..
مده الحلقه : 24 دقيــقـه
الاعمار المناسبه : فــوق 13 سنــه ..
سنة الانتاج وبثها: 4 كانون الثاني 2008، إلى 29 آذار 2008
...

القــصه : ..
الانمي كله يتكلم عن واحد اسمه شينتشيرو .. كان لـ ابو شينتشيرو "ناكاجامي" صديق اســمه يواسا .. وعندهـ
بنت اسمها هيرومي ..للاسف ابو هيرومي مات ..فقرر ابو انه يخليها ببيتــه ..
خوينا شينتشيرو كان صديق الطفوله لهيرومي ويحبها من يوم ماكانت صغيرهـ ودايم يحب يشوف ضحكتها (خخخ حب بزران) بس هي من يوم ..مات ابوها وهي ماابتسمت ولاضحكت ....وعاد هو زعلان يقول ليه هيرومي ماتعطيني وجه ولاتحبني ولاتبادلني الحب ومدري ايش وخرابيط بزران ..هاذا غير الضغط اللي عايشه بسبه عايلته اللي مخلينه عصبا عنه يرقص الرقص التقليدي اليابااني اللي مايطيقـه ..
كانت ايام شينتشيرو عااديه مرهـ .. بس في يوم التقى ببنت اسمها نوي طاحت عليه من فوق شجرهـ والله مدري كيف طلعت المهم ..وعاد هو حسبها انها تجيب النحس ..وهاذا كله بسبه الاشاعات اللي قايلين عنها الطلاب انها منحوس و انها تقدر تخلي حياتك تعيسه ..الخ
عند نوي سر عجييب ومحد داري عنه ابدا .. ياترى وشو هالسر الخطيير ؟ وكيف راح تحله هي و شينتشيرو ؟
احدااث رائــعه ومشوقــه لاتفوتون متابعــه هاذا الانمــي الممتع !
<<< بالله وش رايكم باالشرح الخطير
...

الشخصــيآت ..
This image has been resized. Click this bar to view the full image. The original image is sized 704x396.

اسمها: شينتشيرو ناكاجامي
لون العيون : اسود
لون البشرهـ : حنطي
المرحله الدراسيــه : ثــآنوي..
شينتشيرو واحد طيووب ومتواضع ..يحب الرسم بدرجه كبييره بس محد معطيه وجه ومحد يهتم بموهبته هاذي
داايم امه معترضه على رسمه وتقول دايم ماله فايده .. يحب هيرومي من يوم ماكانو صغار بس هيرومي ماتعطيه وجه
فجااء له احبااط .. تغيرت حياته يوم التقى بوحده اسمها نوي واللي كان متضايق منها كثيير وانها كانت متلصقه فيه
عندهـ مياكيتشي وايكو هذولا اصحاابه ودايم يجلس معاهم ..ويضحك معاهم .. راح يصيير له اشيااء ماراح يتوقعها ابدا

اسمه : مياكيتشي نوبوسي
لون العيون :رمادي
لون البشرهـ : حنطي
المرحله الدراسيه : ثانوي ..
هاذا صديق شينتشيرو الروح باالروح مره مرح وعليه حركات يفطسك ضحك ..وداايم يفضفض لصاحبه... يحب ايكو من كل قلبــه ..
وهو مستعد يسوي لها أي علشان يفرحها ..بس انه تأثر واخذ في خاطره يوم عرف انها تحب مياكيتشي بس هاذا مامنعه من حبها واستمر معاها >>> يااقلبي عليه
.. كل هاذا لانه يحبها بس هي هبله وخبله ماتستاهل >> خخخخ اعذروني خلني اطلع حرتي قهرتني والله ..


اسمه : ايسوروجي جون
لون العيون :اخضر
لون البشرهـ : بيضاء
المرحله الدراسيه : ثآنوي ..بس هو بمدرسه ثانيه ..
هو اخو نوي ..يحب اخته ويبي يسعدها بأي طريقه وهو دايم يفهمها ويفهم مشاعرها و صار يعتني فيها بعد مات ابوه وجدته .. امه طول الوقت تشتغل برى البيت .. يعي اغلبيه الوقت تقعد لوحدهآ .. ايسوروجي واحد خققققه وبااااارد لدرجه محد يتوقعها وغير مبالي .. كل البنات طايحات عليه .. هو لاعب كره سله .. ورقمه 6 واي بنت تتمناه يخرج معاها .. هو مايطيق هيرومي ولايبي وجهها بس انه اتفق مع شينتشيرو انه يخرج معاها ..على انه يخرج مع اخته نوي .. لانه عارف ان اخته تحبه .... اعجبني بعدين يوم قال لهيرومي انه ماحبها طول ماهو يخرج معاها ..خخخخخ اعطاها في وجهها مافي اسلوب ..

اسمها : نوي ايسوروجي
لون العيو : اخضر
لون البشرهـ : بيضاء
المرحله الدراسيه : ثانوي ..
انساانه كلها مرح وحيويه و طيووبه * بريئه .. حبووبه لدرجه ماتتوقعونها ..ودايم السعاده ماتفارقها ..هي اكثر شخصيه اعجبتني في المسلسل ..تحسونها اسعد انسانه ..بس باالحقيقه هي عكس كذه .. في ماضيها قبل ماتموت جدتها كانت دايم تبكي ..فقالت لها جدتها انها اذا ماتت راح تاخذ دموعها وماراح تبكي ابدا ..عندها اشياء غريبه .. دايم هي تحب ديك ..
ودايم تحسبه انه يبي يطيير زي ماهي تتمنى انه اتطيير في السماء بعدين راح تلتقي بـ شينتشيرو وشوي شوي تعجب فيه
وتحس انها بدأت تحبـــه ..

الاسم : هيرومي يواسا
لون العيون :زرقاء
لون البشرهـ : بيضاء
المرحله الدراسيه : ثآنوي ..
هي صديقه شينتشيرو من يوم ماكانت صغييره .. بعد مامات ابوها ماصارت تبتسم مثل اول ودايم وجهها عابس وداايم تكوووون هاديه مالها صووت .. وهي مؤدبه مع العائله ..بس هي ماسلمت معامله ام شينتشيرو دايم تتأمر عليها .. كانت تحب الثلج بس بعدين كرهته تحب اللاعب ايسوروجي بعد ما قابلته .. عندها صديقه ودايم تجلس معاها اسمها تومويا ...


اسمها : ايكو اندو
لون العيون :احمر
لون البشرهـ :سمراء
المرحله الدراسيه : ثانوي .. بس في مدرسه ثانيه عن باقي الشخصيات ..
طيبه وخجووله وقصيره خخخخخخخ وهي اكبر من شينتشيرو بسنه ودايم يعايرونها بقصرها بس هي تنطشهم.. عند عايلتها متجر وهي دايم تساعدهم ..تحب شينتشيرو واعترفت له ..بس هو ماكان يبيها وصدها ..بعدين استحت على عمرها وقامت في الاخير حبت مياكيتشي وعرفت ان الرياح تجري بمالاتشتهي السفن ..
...
صور للمسلسل : .



أضغط هنا لتكبير الصورة , مقاس الصورة الأصلي 1000x1022 وحجمها 325KB.
أضغط هنا لتكبير الصورة , مقاس الصورة الأصلي 1280x1024 وحجمها 472KB.
أضغط هنا لتكبير الصورة , مقاس الصورة الأصلي 1400x948 وحجمها 460KB.
...
تقييمي الشخصي: .
بصراحه هالانمي كله على بعضه حلو .. قصه رائعه وواقعيه بعيدا عن الخيال .. واحلى مافيها انها نظيفه ولها معنى وهدفالشخصيات رائعه جدا والرسم مررره يجنن ومتقن !والاصــوات منــآسبه تمــآمـآ لشخصيـآت المسلسل !يعني راح اعطيهم 10/10 بكل جداارهـ !

الختام : أتمنى عجبكم الموضوع ياحلوين بس أبغى ردود ولا ياويلكم هههههه يالله سلام::::kenshin*

الموضوع الأصلي : تــقرير عــن True Tears " الدموع الحقيقيه" ~ || الكاتب : kenshin* || المصدر : منتديات أنيدرا

[بينو]

واااااااااااااااااااااااااااااااااااااااو

روووووووووووعه

كثير حلووه هاي الانمي أبي أشوفها

ما شاء الله عليج تسلم الايادي خيتوه

و ان شاء الله ما ننحرم من مواضيعك الرووعه دوووم

تقبلي مروري تحياتي لج
^ــــــــــــــــــــــــــــــ^

[kenshin*]

تسلمين ياعمري أسيرة منورة ياقمر شكرا على الرد الجميل الرائع مثلك ياقمر سيووووووووو))))

[colors^_^]

يسلمو الانمي مرررة رووعه
والاسلوب في رواية القصة يضحك ويخلي الواحد يتحمس ويشوف الانمي

[kenshin*]

نورتوا الموضوع حبايب قلبييييييييييييييي شكرا جزيلا أحبكم كلكم ماقصرتوا))))))))))))))