منتديات أنيدرا الدراما الكورية و اليابانية



الملاحظات

ملتقى الابداع الادبي أشعار ، خواطر ، كتابات أقلامكم .. كل هذا بمساحة الإبداع! يمنــع وضــع المواضــيع المنقولــة

إضافة رد
 
أدوات الموضوع انواع عرض الموضوع
  #1  
قديم 23-05-2009, 07:42 AM
الصورة الرمزية dala3
dala3 dala3 غير متصل
أنيدراوي جديد
 
معلومات إضافية
الانتساب : Jun 2007
رقم العضوية : 1274
المشاركات : 61
 
  علم الدولة: علم الدولة Saudi Arabia
Exll نحن والدراما الاسيويه ما ذا عن : الكوريين والدراما العربيه؟؟؟

نحن والدراما الاسيويه ما ذا عن : الكوريين والدراما العربيه؟؟؟


لإزالة كل الأعلانات، سجل الآن في منتديات أنيدرا



السلام عليكم

بما اننا محبي الدراما الاسيويه مجتمعين في هالمنتدى الرائع

((وبما انى اول مره اكتب موضوع هنا صصصص لااحد يسمعنى ))

كنت قاعده افكر في فكره اشغلت تفكيري وما قدرت امنع نفسي عن عدم كتابتها ومناقشة ارائكم فيها

بسبب متابعة الدراما الاسيويه و عشقنا لها صار عندنا ثقافه يابانيه وكوريه

صرنا نعرف عاداتهم, طريقة اكلهم , ايش الاشياء اللي يحبونها
اغلب الكلمات المهمه في لغاتهم نحفظها ونرددها
صرتي اذا شفتي صديقتك بالجامعه قلتي لها اوهايوا وتودعينها بسيونارا
بعد ما كانت هاي وباي اللي ودعناها
واذا صقع كتفك بوحده بالغلط صرنا نقول ميانيه

واذا بتشكرينها قلتي لها كومساميدا او اريجاتوا كوزايماس

صرنا حركات وكشخه واهم شي اذا شفنا عيون ممططه يحكي نقدر نعرف هل هو كورى والا ياباني والا صيني والا تايوانى بعد ما كان كل اللي عيونهم ممططه اسمهم صيني (( سوري عالعيون الممططه بس ما ادري كيف اعبر ))

بعد المقدمه الطويله العريضه هذي ((اللي ادري انها مااااصله ومالها داعي ))

باقولكم قصه صارت معي
الصيف الماضي رحت ادرس اللغه في معهد في بريطانيا , بعد ما دخلت الصف
كان معي بالقروب 3 كوريات واثنين كوريين ومن اليابان بنت ورجال (( واااااااااي تشققت من الوناسه
ما اقدر اتحمل شي اكثر من طاقتي ))
<<< طبعا الاخت ما صدقت الكلاس يخلص عشان تنخلهم وتسولف معهم طبعا عطونى الوسام الذهبي في الدراما وخاصه الكوريين

و اكتشفت اني تابعت دراما وافلام هم ماقد شافوها , قلت لهم اسماء ممثلين هم ما يعرفونهم اصلا

في وحده من الكوريات ما كانت تتكلم معي بحريه اول الوقت وما كنت اعرف ليش

لكن الصدمه انى بعد ما رجعت البلد لقيتها مرسله لي ايميل تقول انا كنت مرره مفتشله منك لانك تعرفين عنى بلادي اشياء وانا ما اعرف ولا شي عن بلدك

ووحده ثانيه ارسلت تسالنى من وين اقدر الاقي دراما سعوديه او عربيه عشان نفسي اتعرف على ثقافتكم (( ذي بصراحه ورطتني))

ومن وقتها وانا افكر بالموضوع

الدراما اليابانيه والكوريه ما كنا بنفكر نشوفها او نتابعها لو ما كانوا هم انفسهم ترجموها للانجليزيه
وبما انها مترجمه عالاقل واحد حاول يحملها ويجرب يشوفها
اتحدى واحد تابع هالمسلسلات وما يعرف يقول لي شي عن عاداتهم
مثل ايش هي وجبتهم الرئيسيه ايش هو فطورهم
التقاليد والاعراف الدينيه حقتهم
الاشياء اللي يسوونها وقت ما يموت لهم ميت
واشياء ثانيه مثل طبيعة مجتمعهم و طريقة معيشتهم ......الخ
(( الشي اللي تفاجات منه انه حتى هم عندهم الشباب اللي يلعبون عالبنات الى ان تحمل ويتركها وكيف انه هالشي غير مقبول عندهم ))

ولو فكرتو فيها من جهتهم شوي باسالكم ؟؟

كم كوري او ياباني يعرف ان الوجبه الرئيسيه عن الخليج هي الكبسه ؟؟؟
كم واحد يعرف عاداتنا في التبني ؟؟
او في الزواج ؟؟ او عند الوفاة ؟؟
كم واحد يعرف كيف نصلي ؟؟ واننا ما ننحنى ونسجد لغير الله ؟؟

اعتقد ان هالشي مو بس من ناحيه ثقافيه فقط الفائده بتكون كبيره من كل النواحي
يكفي ان الاعلام يشوه سمعه العرب والمسلمين

تخيلوا الشي الوحيد اللي كانو يعرفونه قالولي انتم في بلدكم تلبسون الشادو (( اللي هو الحجاب حق افغانستان )) ؟؟؟

لذلك يا حبايبي لازم احنا نتلحلح شوي ونترجم المسلسلات العربيه للانجليزيه حتى لو كانت مجرد ملفات ترجمه بدون لصق
لازم نحاول ننشر ثقافتنا زي ما هم قاعدين ينشرونها لنا
قلت مارح اظلم العرب قبل ما اكتب هالموضوع فبحثت و حاولت ادور مسلسلات عربيه مترجمه للانجليزيه لكنى للاسف مالقيت شيء للتحميل


بصراحه افكر بعمل مدونه باللغه الانجليزيه للتعريف بالمسلسلات العربيه حتى لوكانت على شكل تقرير مبدايا لتحديد المسلسلات المناسبه للترجمه
ااااااااااااسفه جدا عالاطاله (( ماتحسين انك طولتيها وهي قصيره ))

اتمنى اسمع ارائكم بهالخصوص لان فعلا الفكره داخله بمزاجي بقوه
لاني احس احنا العرب قاعدين نتعلم اي ثقافه تجينا ونندمج معها بداية من الامريكي للهندي والمكسيكي والكوري واليابانى والتايوانى والصيني والتركي ما ادري وش بيجينا عقب ذا كله

لكن ما اتوقع ولا واحد منهم تاثر بالثقافه العربيه ايا كانت خليجيه او مصريه او سوريه ... الخ

بالتاكيد استقبل الانتقادات بصدر رحب (( اول نقد بيكون تكفين من زين مسلسلاتنا اللي بتعجب الكوريين صح لكن لو دورنا شوي بنلاقي اشياء حلوه خصوصا من المسلسلات القديمه شوي لا ن الجديده اغلبها ضرب وهواش ))

اسفه عالاطالة .. وشكرا

salaaaaaaaaaaaaaaaaaaaaaaaaaam

الموضوع الأصلي : نحن والدراما الاسيويه ما ذا عن : الكوريين والدراما العربيه؟؟؟ || الكاتب : dala3 || المصدر : منتديات أنيدرا


رد مع اقتباس
قديم 23-05-2009, 02:47 PM   رقم المشاركة : 2
ERI
إيلي تشان
 
الصورة الرمزية ERI





معلومات إضافية
  النقاط : 786
  الجنس: الجنس: Female
  علم الدولة: علم الدولة Saudi Arabia
  الحالة :ERI غير متصل
My SMS إلى بنات نادي كاتتون T-T اشتقت لكم (لنبقى على تواصل دائم أحبتي ^_^ أحبكم)


أوسمتي

هاااااي دالا
ياحليلهم الاسيوين مايدرون ان احنا نعرفهم اكثر من نفسهم خخخخخخخخخخ
ومثل ماقلتي اول كنا بس نشوف عيون ممطوطو نقول صيني خخخخخخخخ
الحين خواتي اذا شافوا عيون ممطوطة يقولون صيني او ياباني او كوري
بس انا اعرفهم كان يابانين او صينين او كورين خخخخخخخخخ
وانا مثلج قبل مااعرف الاسيوين كنت احسب حياتهم فوضة وكلها لعب
كل احسب انهم كلهم متوحشين ويغتصبون النساء
وأول ماتعرفت على فرقة يابانية ماكنت احبهم
لأن مثل ماقلت كنت احسبهم كل مع حريم وهالخرابيط
بس تالي ياحليلهم حبيييييييييييتهم
وادمنت عليهم ومااقدر اعيش من غيرهم خخخخخخخخخ
وعلى الدراما الخليجية مثل ماقلتي هالايام كلها مالها داعي
كل هواش ومشاكل ومخدرات ووحدة فقيرة متعذبة مع زوجها
اما الدرامات اللي قبل حلويييييييييييييييييين خاصة "أبي وأمي مع التحية"
وفي قناة كويتية تترجم المسلسلات للانجليزية
شكرا على الموضوع




  رد مع اقتباس
قديم 23-05-2009, 02:48 PM   رقم المشاركة : 3
ملاك البشر
أنيدراوي مجتهد
 
الصورة الرمزية ملاك البشر





معلومات إضافية
  النقاط : 10
  الجنس: الجنس: female
  علم الدولة: علم الدولة Jordan
  الحالة :ملاك البشر غير متصل
My SMS !!!قلبي مثل قبري ما يسكنه 2 Kim Je Kyo 김제 교 << اسمي بالكوري


احبببببببببببببببببببببببببببببببببببببببك يا دلع

وااااااااااااااااه فديتك بس انتي ومواضيعك من جد مبدععععععععععه واي مساعده رح اقدمها لك بس يا ريت بعد 7/5 لما اخلص امتحانات

يمكن الكوريين يعرفون عننا ويتزوجونا<<< انطمي بس





 
التوقيع
,أنيدرا
+
جوودي المشخطه
=
,أنيدرا
اعرفكم ع بنوتاتي كيووت مو ؟؟ <<< طالعاتلابوهن وامهن
##
اعلن رسمياً خققاني لاوباتي كيموووووووووو
آخر مواضيعي

يا بنت الأسمين<< من أبداعاتي
ترقيمي لشب كوررري << جوناااااااااان
شب كوري سعودي اردني <<كوكتيل
باركولي << اهئ
اماااااانة ادخلو << والامانة غالييييية

 
  رد مع اقتباس
قديم 23-05-2009, 02:50 PM   رقم المشاركة : 4
JnOoOoN
keesa-chan
 
الصورة الرمزية JnOoOoN





معلومات إضافية
  النقاط : 671
  الجنس: الجنس: Female
  علم الدولة: علم الدولة Saudi Arabia
  الحالة :JnOoOoN غير متصل
My SMS Only JIN


أوسمتي

omg
نترجم الدراما العربية ؟!!!!!!!!!!!!!!!!!

.
.
.

لي بآآآآكـ~
بروح اريح دوبي رجعت وارجع ارد على موضوعك
هعـ

*تعديل*

لأ الحين من جد OMG

مو معقوله اول مرة اكتشف إني حجزت في موضوع وماعدلته !!!!!!!!!!!!!!!!!
>>> مصدومه من نفسها
هونتوني غوميننآسآيي والله آسفه

جيت برد على الموضوع بس حسيت إني قريته من قبل
وإلا اشوف حجزي الغبي هذا
تهئ

آسفه والله

ايوااا

ليش مانترجم دراماتنا العربيه ؟!!

تقدرون تسمونها درامات هذي ؟!
هذي مسخره مو عمل درامي

ليش الشباب العربي كلهم انجذبوا للأفلام الامريكيه والدرامات الآسيوية
وفي الفتره الآخيره صاروا قليل جدا الي يتابعون درامات عربيه
وحتى لما نتابعها نقعد ننتقد ونتمصخر عليها بدل مانستمتع بها زي الاعمال الاجنبيه

الدرامات العربيه لا تحكي الواقع بــ أمانه
ولا هي اصلا واقعيه
أي نعم يمكن قصه الدراما اصلا واقعيه والمشاكل الي فيها هي مشاكل مجتمعنا
>>> مو دايما .. احيانا يجيبون مشاكل مادري من فين اخترعوها !!

بس مايناقشونها بأمانه .. ولا يمثلونها بأمانه
التمثيل نشوفه كأنه تمثيل فعلا .. والمفروض إن التمثيل تشوفينه كأنك تشوفين احداث واقعيه

وصراحه
ماعندي استعداد اصدّر مثل هذي الاعمال للعالم
بالصريح ... اخجل من ذلك !!

وقسم بالله شيء يعور القلب لما الواحد يحس إنه يخجل يوري انتاجه للعالم
بس الدرامات عندنا مستواها واطي بشكل فضيع

ولا أعمم
عندنا الكاتبة وداد الكواري
جميع قصصها واقعيه ومؤثره .. ويتم تمثيلها وإنتاجها بواقعيه ايضا !!

اما بقيه الدرامات ...
لا اقول إن الدرامات الاجنبيه لا تخلوا من المبالغه واحيانا اخرى التبسط بشدة

ولكن كل دراماتهم لو لاحظتوا ... للشباب
ابطالها شباب وشابات .. والبقيه من الكبار يأخذون الادوار الجانبيه والمساعده
بينما نحن .......
عندنا نجوم الشاشه الكبار مستحلين البطولات
والشباب مجرد مساعدين في مغامرات عاطفيه صغيره على جانبي الاحداث

آآآآآآآآهـ~ كتبت كثير عن الدرامات العربيه
بس ماعليه .. جلد الذات ينفع احيانا

عموما
الفكره نفسها رائعة
بجد رائعة

تتخيلون لو قدرنا نصدّر انتاجات العالم العربي للعالم وصاروا الناس من مختلف البلدان يتابعونها
يعرفون عاداتنا وتقاليدنا .. ويصححون كثير من المفاهيم الخاطئة عننا

مع إن المسلسلات العربيه هذي الي الحين لو صدرناها بتشوه الصوره اكثر

بنطلع مجتمعات ماتهتم إلا بالفلوس والورث والشركات
طول الوقت بالماكياج والسيارات والطلعات
قلوبنا قاسيه ومشاكل على طول

وإلى آخره

بس اتمنى بجد
لو يوم من الأيام .. نحصل دراما عربيه .. جديره بالترجمه
صدقوني أنا اول وحده بتحصلوني رافعه يدي عشان اشترك في التوقيت أو الترجمه أو الانتاج

مشكوره على طرح الموضوع
لا عدمناااك





  رد مع اقتباس
قديم 24-05-2009, 01:28 AM   رقم المشاركة : 5
أنيييدرة
أنيدراوي جديد





معلومات إضافية
  النقاط : 10
  الجنس: الجنس: female
  علم الدولة: علم الدولة Saudi Arabia
  الحالة :أنيييدرة غير متصل
My SMS


السلام عليكم
صادقة يا حلوة
بس مافيه دراما حلوة ممكن تترجم لهم لو ترجمتي من الموجود اللحين أكيد بياخذون فكرة سيئة جدا عن العرب
لأن الموجود كله ما يجيب إلا السلبيات نادر جدا لو جابو الايجابيات .




  رد مع اقتباس
إضافة رد

الكلمات الدلالية (Tags)
الاسيويه, الدراما, العربيه؟؟؟, الكوريين, والدراما

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 07:30 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2021, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا