وكيف الأجازه معكم ؟ >سؤال للي أجزوا بس
و أبشركم أني انضميت لكم .. المفرووض من زمان الله يجازي اللي كان السبب , بس الحمد الله انا احسن من غيري .. هع > ماتقصد وحده اسمها هاناابد أوه صح دعواتكم لهانا بالتوفيق واكل الدقيق > مشتهيه تتكفخ اليووم
بس قبل لا يجيني شي خلوني ابد في مدونتي
(قله النوم مشكله )
في اليووم اللي اداوم فيه من 7 الصباح الى 5 العصر يووم الثلاثاء
كنت معزومه في بيت خالي ..
العزيمه اللي طول الوقت وانا ماشيه كويس بس في الاخير خربتها
> ما اصير هيمي اذا مامشيت برا الطريق المستقيم شوي وانا اودع بنت خالي لاني بمشي البيت بدال ما اقول لهاا أكرمك الله قلت لهاا حياك الله !! ..
بس شوفو وش سويت > على بالها الحين
سويت نفسي اني مدري اني قلت ذي الكلمه وجلست القطها بكم كلمه وانا ابي بس اوصل للباب الخارجي بأسرع مايمكن ><"
الصراحه كويس انها بنت خالي مو اي احد
ياليتها وقفت على كذا !!..
في السياره كنت حاطه راسي على النافذه لان عدااد النوم حقي وصل لأقصى مايستطيع .. جميل انه ماانفجر
المهم برا السياره الجو يوحي لكم بالغبار شوي . جلست اطالع من النافذه وأشوف ذاك الكيس المرتفع فووق . بنفسي ياربي وش ذا الغبار اللي مطير ذا الكيس فوق
ما اهتميت ورجعت لجلستي الأوليه .. بعد فتره جلست نفس الشي اطالع من النافذه فأذا بي أشوف نفس الكيس مرتفع في السما
في نفسي من جديد !! مش صاحي ذا الكيس وش قصته بالضبط
ورجع لحالتي من جديد لاني في وقت مايسمح لي اني اهتم بالظواهر الخارقه .. او هذا اللي كنت افكر فيه
يووم قربت عند بيتنا عدلت جلستي ونفس الشي فريت راسي نحو النافذه السياره الصغيره لمحت شي سبب رده فعل اني ارجع بقوه لورا وكأني شايفه شبح
أخوي يقول لي : وش فيك .. أنا : لا.. بس هذا الك ... >الحمد الله اني ماكملت الكلمه لاني وانا اطالع على الشي اللي اشر عليه وكنت اتوقع انه كيس
شفته .. قمر.. طووول الوقت اللي كنت أشوف فيه كيس طلع قمر !!! ..
ماقلت لكم قله النووم مشكله
(والله أني من دفعه 2008 )
وأخيرا كليتنا الجميله >ايه هين
قررت تنزل أوراق التخصص عشان نتخصص مثل الناس اللي تتخصص من السنه الاولى وحنا ادرسي سنتين ويعدين يصير خير المهم انا اول ماقريت العنوان صرت اجري جريا الى المكان المنشوود
وصفيت اول وحده في الطابور> مشاء الله علي نظاميه
وبعد مامرت ساعه وانا واقفه انتظر فتحت الوكيله النافذه
وأول سؤال سألتني اياها
انت بأي دفعه 2008 ولا 2009
وانا بكل حماس وفرح قلت لها : دفعه 2009
قالت 2009 مش الحين يالا اللي بعدها
انا : لا يوووه والله اني بدفعه 2008 معليش من الحماس نسيت
> تمنيت بهذي الحظه ان أمي ماولدتني
بعدين طلعت لي ملف فيه اسماء البنات عشان ادور اسمي من بين مليوون طالبه ويزيد وأوقع لاني استلمت ورقه التخصص
وأجلس لكم ساعه ثانيه ادور أسمي لدرجه انها صارت تشك اني من دفعه 2008
والبنات اللي وراي واقفين كل مافريت الصفحه جات وحده شافت اسمهاا ووقعت
وبعد عناء طويل جدا لقيت اسمي > اخيرا
بعدين سألتها وين اسلم الطلب فيه اذا عبيته
قالت لي مين مرشده الاكادميه حقتك ؟
قلت : امممم نسيت اسمها > مع العلم انها تعطيني ماده
قامت : تقول لي اسماء الدكاتره الكليه كلهم
الا ان قالت اسمها
وانا بس سمعت اسمها الاول قلت ايييه ايه الدكتوره فلانه هي مرشدتي الاكادميه
> حسيت وقتها انها تبي تعطيني كف
بس الحمد الله عدت على خير
اليوم هذا ماكان يومي ابد
لان قبلها كنت ساحبه على المعمل الكميا لاني نسيت لاب كوت ويوم طلعوا البنات قالوا لي ان الاستاذه عطتهم درس نظري اليوم ولا سألت عنه
(أحسن من اللي يذاكر والكتاب مقلوب )
اليوم الجمعه وكان عندي بكره السبت اختبار
ذاكرت نص الجزئيه اللي بعد الشهري وبعدين تعبت سكرت الملزمه وركبت على الساعه 4 الفجر ونمت
رنت 4 وعدلتها 6 ونمت > من الفلاحه
قمت 6 وانا تعبانه سحبت الملزمه ونزلت تحت
وجلست اذاكر بذمه وضمير الى الساعه 6 ونص سكرتها لاني برووح اسوي لي كوب شاهي لاني كنت نص نايمه > وتقول انها تذاكر بذمه وضمير يوم سكرتها عنوان الملزمه لفت نظري لان شكل الخط العنوان جاي غريب
قريته و .... لاااااااااااااااااااااا طلعت ماده ثانيه انا مختبره فيها اصلا
مشكلتنا ان موادنا نسخه من بعضها ولا هذا غير اني نص نايمه ولا ادري وشو اللي خذناه في المحاضره وبسرعه رحت جبت ملزمتي وكويس ان مافي احد قايم في البيت
.gif){kind=icon}
مدونه ~ خير الأمور عندمآ تصبح منسما .. فهيهات هيهات لمن لا يعرف التنسيم
.gif "SnipeR (7)")
> ماتقصد وحده اسمها هانا 
ابد 
. بنفسي ياربي وش ذا الغبار اللي مطير ذا الكيس فوق .gif "SnipeR (4)")
.. او هذا اللي كنت افكر فيه 
.gif "SnipeR (26)")
طووول الوقت اللي كنت أشوف فيه كيس طلع قمر !!! .. 
.gif "M!ss (73)")
.gif)
Back.gif "M!ss (74)")
.gif "M!ss (3)")
.gif "M!ss (75)")
.gif "M!ss (83)")
<<< تشمت فيك 
العرض العادي
