منتديات أنيدرا الدراما الكورية و اليابانية



الملاحظات

ملتقى الابداع الادبي أشعار ، خواطر ، كتابات أقلامكم .. كل هذا بمساحة الإبداع! يمنــع وضــع المواضــيع المنقولــة

موضوع مغلق
 
أدوات الموضوع انواع عرض الموضوع
  #1  
قديم 12-10-2006, 09:29 PM
الصورة الرمزية IbRaHiM.N
IbRaHiM.N IbRaHiM.N غير متصل
أنيدراوي فعال
 
معلومات إضافية
الانتساب : Sep 2006
رقم العضوية : 301
المشاركات : 425
   الجنس: الجنس: male
  علم الدولة: علم الدولة Kuwait
Shiny ذكريات الطفوله ج(1)

ذكريات الطفوله ج(1)


لإزالة كل الأعلانات، سجل الآن في منتديات أنيدرا

مساء الخير
كيف حالكم ان شاء الله بخير؟؟
المهم هذا الجزء الاول من الذكريات التي عشت فيها ايام المراهقه لما كان عمري سنتين
ونبداء الموضوع
كان يامكان في بيت عمامي الذي يبعد عن بيتنا خطوتين
كان هناك اربع اطفال يتسمون بالطفوله المعدومه
وحنا يوميا نشوف المصارعه وعاد ورى مانشوفها نلعب
عاد في يوم من الايام كان البيت فاضي
كنا نتابع اندرتيكير يباري هذا المقنع ومن فوق الشبك
عاد حنا نبي نطبق هذي الحركه
عاد كنا نتصارع فوق الكبت
عاد الخبل الي اهو انا حذفت ولد عمي من فوق الكبت عاد كان ارتفاعه مترين او اكثر
عاد اهو طاح على ظهر ولا كملت عليه قمزت من فوق الكبت عليه
لوووووووووولي
والمسكين ضل بمكانه ماتحرك قلنا صار فيه شي الا المسكين اغمى عليه
انا نحشت(الهروب بسرعه قصوى) الى بيتنا ولا كاني مسوي شي
عاد امي صادتني اني مسوي شي عاد سالتني شنو مسوي
عاد يعني مسهل الموضوع قلت لها بس كنا نلعب المصارعه فوق الكبت وحذفت من فوق
والا امي راحت لبيتهم بسرعه ونقلوا الصبي الى المستشفى لقوا فيه كم ضلع مكسور السبب انا
لووولي
ولا وكملنا اليوم الثاني ولا كان شي صاير
-------------------------
ومع نفس الشخص صار موقف اجرامي انا وياه
عاد على ايامها كانت اعمارنا على اربع سنوات
وكنا نقعد من اخوانا الكبار نتابع افلام جاكي شان
عاد كان فلم عن المخدرات ماذكر اسمه عاد كنا نشوف الفلم وهم يشفطون المخدرات ونبي نلقده
اكيد على بالكم نشفط طحين او سكر لا اقوى من هذا الشي
والي اهو بهارات الحجيه عاد جايبين ورق وشغل عدل
وضبطين الوضع وباخر الحوش(اممم ساحه بالبيت يلعب فيها الجهال او يقعدون فيها العجايز)
عاد كنا سارقين علبة البهارات ومعانا
عاد قلنا نبي نقلد الفلم
وامسك العلبه وافتحها واحط بهارات له ولي
وقلنا نبي نسوي مثلها وناخذ نفس عمييق
واشفط شفطه غير طبيعيه لدرجه عيوننا قلب لونها احمر
المهم طول اليوم نعاطس والاهل مستغربين شنو فينا
يعني تخيلو خشمي كله بهارات(يلعن اليوم الخايس الي قلدنا فيه الفلم)
المهم الا الحجيه صادتنا الله يطول عمرها وشافتنا كله نعاطس وسالت شنو فينا
الخبل علم علينا اننا نقلد الفلم وشفطنا البهارات ويومها الحجيه حبستني بالبيت يوم
لاني سويت البلاوي بالولد رقدته بالمستشفى واعلم شلون يشفط مخدرات
لووووووولي
والحين نتطور شوي ونطلع الى المنطقه(الشارع)
---------------------------
ياطويلين العمر هني صارت علوم شكثر
اكيد بكل شارع لازم في ناس تلعب غميضه(مجموعه من الاطفال يلعبون لعبة الاختفاء واحد منهم يعد للعشره ويبحث عنهم)
المهم
وكنا بالشارع نلعب عاد تكرمون كانت في قطوه دخلت درام الزباله
عاد واحد من ربعي اسمه فهد
سكر على الدرام على القطوه (خبركم الدرامات لها اغطيه)
عاد نسحب الدرام في الى الشارع
ونضرب الدرام والي يرفسه والي يطبل عليه يعني الدرام راح فيها وهم الضحيه الي كانت فيه
عاد ورى ماخلصنا وفتحنا الغطاء
الضحيه طلعت منه سكرانه ماتعرف تمشي
وطاحت بالبالوعه لووووووووووووووووووووووووووووولي
اخ ياقلبي ادري دمها برقبة الولد والله شلون كانت تمشي كانها واحد سكران
وعاد وراها رحنا نلعب كوره عاد في واحد بشارعنا يلقبونه القطو
عاد هذا الولد دوم انا وياه نتهاوش بالمنطقه
عاد اذن العشا ومن زود الطواعه رحنا نصلي عاد هذا الصبي كان قدامي بالمسجد
وحنا نصلي وانا وربعي ماخذين سطر من كثرنا
عاد حنا نصلي
كحية وبالغلط قلت ميوو
عاد بهذي اللحظه الكل فطس من الضحك والامام وقف الصلاة وطردهم
عاد موقف قوووي حده والعالم خاشعه بالصلاة الا فجأة صارت ضحكه قوويه
الصبي يتهدد عاد اول ماطلعت الا هذا يلحقني مع عيال عمه
والكثر تغلب الشجاعه عاد انا انحشت الا لقيت ربعي واروح عنه عاد اهو وقف بمكانه خاف منهم وينغلب السحر على الساحر
وانا الي الحقه وبس حسافه ابو كان واقف قدام بيتهم وتركناه اهو ويا عيال عمه
واصيده في يوم من الايام وعلمته الشغل وهم اهو صادني وعلمني الشغل:(
لووول
الحين دور المدرسه الي اكرهها مدا حياتي وان شاء الله اعلم لعيالي واحفادي الى ان تغلق المدرسه
المهم
في اولى ابتدائي كانت تدرسنا ابلات عاد ابو الشباب كل يوم مسوي تسريحه وركب العطر عليه
ويوميا يروح نص كيلو للمدرسه عاد في يوم من الايام
كان علينا حصة علوم
عاد انا طول الابتدائي كنت الاول على الصف
عاد الابله مصريه اسمها ايمان على مااعتقد
عاد اي واحد يجاوب تعطيه بقصم( الي ينغمس مع الشاي)
عاد دوم نص البقصم يروح لي << فلس الابله من كثر ماياخذ
عاد مره سألت سؤال صعب ولا واحد جاوب
عاد انا رفعت ايدي اجاوب وجاوبت صح
عاد اعطتني قبله(عطتني بوسه)
اووه هذا اليوم تعرفون شنو حمر وجهي من الخجل عاد عيال عمي للحين يعلقون علي من هذا الموقف
وكل الصف يقولون اووه اووه من هذي الصيحات وابراهيم حده خجلا
ايه بس اليوم ماكان كله جذي
كان علينا تسميع سوره القدر على ماعتقد
وعاد انا اسمي ابراهيم اول واحد بالصف
عاد هذي المدرسه فيها شامه على خدها كنت اسميها ام عنكبوت وسوت فيني عقده في التسميع
وانسى السوره وانغسل شراعي عدل من الابله
وابله الرياضيات ماذكر اسمها كانت دوم تاخذني لصف ثانيه ابتدائي ادري معاهم خبرك انا شاطر
عاد خذني لصف عيال عمي وانا دوم اطر(اشحذ) من محايه واقلام رصاص
عاد كانت سألة سؤال صعب حيل واذكره بعد
تتوقعون شنو السؤال؟؟
4+5=
هذا السؤال ولا واحد رفع ايده بس انا الي رفعتها وجاوبت
عاد ثانيه ابتدائي ماعرفوا الجواب والابله مدحتني وعطتني عشرين من عشرين
وحدي مستانس
وانتقل لاوله ابتدائي وانتقلت الى مدرسه ثانيه حقت مدرسين مو ابلات
عاد بثانيه كانت هناك دوم مهاوش مع ولد صفي كان سمين وملقبين يوكازونا
وانا اندرتيكر عاد دوم عيال عمي يحرشوني عليه وانا وياه دوم مهاوش
وتمر السنه لانها كانت خايسه ومليغه
وتجي ثالثه عاد هذي السنه كلها ضحك
كان يدرسنا مدرس كويتي اسمه بدر يدرس رياضيات
عاد كان درسنا جدول الضرب
وقال الي مايحفظه يعاقبه عقاب قوي
وانا الضحيه الي ماحفظته
عاد شنو كان عقابه
ان تفر المدرسه وكل صف تدخل وتقول انا حمار
لووووووووووووووووووووووووووووولي
والمشكله انا سويتها
وكل صف ادخل اقول جذي
عاد اكثر المدرسين يقولون امشي من هنا ياله<<بالمصري
وانا رديت الصف قال لي شنو سويت
قلت له الي قلته لي
عاد المدرس يضحك علي
لووولي
وانا يومها طالعه روحي من الحصه محصل مزفه من الوالد ومن مدرس الانغلش
عاد جاء اخذني برا المدرسه بالسيارة مالته وعزمني على المطعم
شغل عدل مدل <<دعايه لووولي
وصارت علاه مع المدرس وابراهيم رد لصدارة الصف من جديد
وتكريم الاوائل محد جاء من اهلي
يقولون حلاو اهو انت كل سنه طالع من الاوائل
ويومها غنينا بالمدرسه ولعبنا وصورت لحالي مع الناظر ابو صلعيه
وانا كسرت خاطرهم محد عندي واستاذ بدر ماقصر رقع السالفه صور معاي
من هذا اليوم زهقت وطنشت الدراسه ولا قمت اطلع من الاوائل والسبه اهلي :(
اتمنى ان الموضوع عجبكم
وانتظروا الجزء الثاني
عاد اذا في بدليه رقعوها لي لاني صار ساعه اكتب بالموضوع

الموضوع الأصلي : ذكريات الطفوله ج(1) || الكاتب : IbRaHiM.N || المصدر : منتديات أنيدرا


قديم 12-10-2006, 09:43 PM   رقم المشاركة : 2
المدمرة
أنيدراوي جديد
 
الصورة الرمزية المدمرة





معلومات إضافية
  النقاط : 10
  الحالة :المدمرة غير متصل
My SMS


ههههههههههههههههه
خخخخخخخخخخخخ
ككككككككككك
لووووووووووووووول
حلوه والله العظلم حلوه
اقول برهوم انا لو تسالني شنو فطرتي امس اقولك ما اذكر
وانت تتذكر ذكريات من زمن الطواعين
خخخخخخخخخخخخخخخخخخخخخخخ
أتغشمـــــــــــــــــــــــــــــــــــــــار
لا ماشاءالله عليك اللهي حفظك
بصراحه انا مت من الضحك وقاعده اقراها للي قاعدين يمي (بجانبي)
والكل ميت من الضحك
خخخخخخخخخخخخخخخخخ لوووول لك يسلموووووووووووووو ابو الشباب




 
قديم 12-10-2006, 09:50 PM   رقم المشاركة : 3
IbRaHiM.N
أنيدراوي فعال
 
الصورة الرمزية IbRaHiM.N





معلومات إضافية
  النقاط : 10
  الجنس: الجنس: male
  علم الدولة: علم الدولة Kuwait
  الحالة :IbRaHiM.N غير متصل
My SMS نام بكير تصحى بكير


لوووووووووووووووووووووووووووووووول

هذي الذكريات ماتنسي المدمره

مرات نتذكرها بالدوانيه مو يهال هذي السنين الواحد مايعرف عيال عمه
لوول

يسلمووو على المرور




 
قديم 12-10-2006, 11:00 PM   رقم المشاركة : 4
MaTsu - ChaN
أنيدراوي مبدع
 
الصورة الرمزية MaTsu - ChaN





معلومات إضافية
  النقاط : 15
  الجنس: الجنس: female
  علم الدولة: علم الدولة Saudi Arabia
  الحالة :MaTsu - ChaN غير متصل
My SMS استغفر الله ~


خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخ
خخخخخخخخخخخخخخ
خخخخخخ


الله عالخطارة يالأندرتيكر ..,, ^-^ ,,
ذكريـــــات منقوشـــــــ,,ـــة في الذاكـــــــ,,,ـــرة .,,..

صراحـــ,,ـــة الحمدلله إني مامت من كثرة الضحــــك كل ذكرى أحلى من الثانية ,,
و الله يخليلك ذكرياتك و ماضيك و حاضرك و مستقبلك ..

و تراها كلها حلوة بس أول ذكرى ضحكتني بزوود ,,
ذبحت ولد عمك يالأندرتيكر ^^ ,, خخخخخخخخخخخخخخ
مره وحده رميته من فوووق الدولاب (الكبت) ,,!!
لا و نطيت عليه بعد ^^
خخخخخخخخخخخخخخخخخخخخ

و لا سوالف الدراسة فلـــــــــ,,ـــه ..

يلا بانتظــــــــ,,ـــار الجـــــزء الثانــــي بفااارغ الصبـــــــ,,ــر ,,

و ترا صايده كم مطب (بدليات) .. خخخخخخخخخخخخخخ

و بانتظار جديدك دائماً و أبـــــ,,ـــداًً ..




 
قديم 13-10-2006, 12:20 PM   رقم المشاركة : 5
IbRaHiM.N
أنيدراوي فعال
 
الصورة الرمزية IbRaHiM.N





معلومات إضافية
  النقاط : 10
  الجنس: الجنس: male
  علم الدولة: علم الدولة Kuwait
  الحالة :IbRaHiM.N غير متصل
My SMS نام بكير تصحى بكير


اقتباس:
المشاركة الأصلية كتبت بواسطة عاشقة كايتو مشاهدة المشاركة
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخ
خخخخخخخخخخخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخ
خخخخخخخخخخخخخخ
خخخخخخ


الله عالخطارة يالأندرتيكر ..,, ^-^ ,,
ذكريـــــات منقوشـــــــ,,ـــة في الذاكـــــــ,,,ـــرة .,,..

صراحـــ,,ـــة الحمدلله إني مامت من كثرة الضحــــك كل ذكرى أحلى من الثانية ,,
و الله يخليلك ذكرياتك و ماضيك و حاضرك و مستقبلك ..

و تراها كلها حلوة بس أول ذكرى ضحكتني بزوود ,,
ذبحت ولد عمك يالأندرتيكر ^^ ,, خخخخخخخخخخخخخخ
مره وحده رميته من فوووق الدولاب (الكبت) ,,!!
لا و نطيت عليه بعد ^^
خخخخخخخخخخخخخخخخخخخخ

و لا سوالف الدراسة فلـــــــــ,,ـــه ..

يلا بانتظــــــــ,,ـــار الجـــــزء الثانــــي بفااارغ الصبـــــــ,,ــر ,,

و ترا صايده كم مطب (بدليات) .. خخخخخخخخخخخخخخ

و بانتظار جديدك دائماً و أبـــــ,,ـــداًً ..
دوم الضحكه عاشقه

انا وقلت اذا في بدليه رقعوها وانتي ماقصرتي صديتي كم بدليه
لووووووولي

يسلموو على المرور



 
موضوع مغلق

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 05:04 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2019, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا