منتديات أنيدرا الدراما الكورية و اليابانية



الملاحظات

ملتقى الابداع الادبي أشعار ، خواطر ، كتابات أقلامكم .. كل هذا بمساحة الإبداع! يمنــع وضــع المواضــيع المنقولــة

موضوع مغلق
 
أدوات الموضوع انواع عرض الموضوع
  #1  
قديم 11-08-2009, 05:35 PM
الصورة الرمزية RO0O RO0O
RO0O RO0O RO0O RO0O غير متصل
أنيدراوي متميز
 
معلومات إضافية
الانتساب : Jul 2008
رقم العضوية : 36045
المشاركات : 873
   الجنس: الجنس: Female
  علم الدولة: علم الدولة Saudi Arabia
هوشتي مع بزر في السوق

هوشتي مع بزر في السوق


لإزالة كل الأعلانات، سجل الآن في منتديات أنيدرا

بسم الله الرحمن الرحيم ...

اخواني واخواتي المعفنين والجميلين في انيدرا << تدلين الباب

نعم نعم لقد وضعت موضوع في هالقسم << بشري امتس

ترى مالي خبرتـ(ن) كثيره بالمقدمات والهذرات(السواليف) الزايده .. << طيب ليه ما تبدين ؟؟

وبما اني بديت اتعود اترجم << وش دخل ؟؟!!

اتركو اللي فوق وتعالو هنا << يرحم امتس ابدي بسالفتك لا اللحين اشوتك اخليك شاورما


المهم المهم ابدا << مبرروووك ..

في يوم من ايامنا الجميله في السعوديه والبرق يبرق والعصف يعصف << اموت على التعبير + اصلا من بدا الصيف ما شفنا برق ولا عواصف ؟؟


المهم قررت انا ..{Ro0o Ro0o }... الخروج الى السوق مع اختي واخي واخي واختي وامي وابي والشغاله

وهذا عندما كنا في جده ..


رحنا لم مول من المولات الموجوده << مانب قايله اسمه عشان ما يزعلون المولات الثانيات .. << برااا ..

المهم ..

كان كل واحد لحاله يعني اوريكم التخطيط :

انا واختي اللي اصغر من بسنه

امي لحاله عشان تاخذ الراحه بالمقاس والاختيار بدون تعليقات والدي العزيز ..

اخوي واخوي واختي الصغيرة << كانو يبي يروحون لم الالعاب عشان اختي ..

ابوي << رايح لم القهوه ..

والشغاله << خلينها بالسيارة << اكذب اكذب راحت مع اختي الصغيرة عشان تنتبهله ..


المهم ما علينا ..

وانا كنت اتسوق واتقضى وافحط في اسياب الموول الكبير المليء بالشباب من كل الانواع والفتيات من كل الانواع

والصغار والكبار من كل الانواع << يعني كوكتيل او مشكل << وش الفرق ؟؟

المهم اختي دخلت لم محل من المحلات اللي اخذ عقلها بألوانه الفتاكه ..

وانا رحت لم محل ثاني وقلت لها : ما اوصيت وانا اختتس خلي جوالتس مفتوح وردي على كل مكالمه ادقها عليتس

اختي قالت ابشري ..


رحت انا لم محل ثاني حق ثياب واشياء ثانيه المهم اخذت حاجتي وطلعت

ورحت لم كوشك يبيع ايسكريم .. << اذا صار بطنك يعورك من الجوع ما عندك غير باسكن روبنز 31

المهم طلبت ميلك شيك فانيليا ساده << لا يفوتكم طعمه << انتي جايه تكتبين موضوع ولا تسوين دعايات ..


ورجعت اكمل هجولتي في الموول الا واسمع هذاك الصوت اللي ياليتي ما سمعته ..

بزر او طفل صغير قاعد على كرسي ولابس فنيلة الاتحاد << عدوي اللدود << لا اقصد الاهانه للاتيحادين هنا ..

المهم :

لابس فنيلة االاتحاد وجالس على الكرسي وقاعد يقول : ياسر وينه في الاستراحه ياسر وينه في الاستراحه

هنا انا سويت معمل متفجرات نوويه والنار بدأت تخرج خارج نقابي الذي كنت ارتديه ..

وقلت في نفسي : وبما أني هلاليه ما اروح الا وانا مكفخته ومخليته كمبو دبل هرفي ..

فرحت وجلست خلف الولد الصغير بمسافه طويله لا تقل عن متر ونص ..


واجلس اشوفه بعين تقولون الجني جاي وكافخها ..

المهم وانا قاعده واشفط الميلك شيك شفط سريع تقولون سيارة مجاري جايه تشفط بياره <<بالوعه

ويوم تأكدت ان الميكل شيك خلص االا وافسر كموم العبايه

واصوب العلبه على راس الولد .... ايتش ني سان ستارتووو وطوووووووووووف وتنطلق العلبه تقولون صاروخ بس صغير ..

ويوم وصلت العلبه الى راس الولد انحرفت عن المسار ..

وطاحت جنب الولد البزر ويلتفت الولد البزر ويشوفون ويقول : انتي اللي جدعتيه ..

يوم سمعته غدا وجهي تسذا>> غدا يعني صار ..

وقلت : هههههههههههههه لا يا ابو الشباب موب قصدي بس كنت احسب الزباله جنبك تعرف يعني هههههههه ما لبست النظاره ..


الولد ما عطين فيس ورجع لم اهله ..


وقلت انا : انا وش سويت انا وجهي صح اني سويت شي بطل وفيه فداء للهلال بس موب قدام الخلق


وقلت لازم اتصل على اختي وبما انها اعقل مني << هذا وانتي اكبر منه ..

واتصل عليها واقولها وينتس ؟!

تقولي انا فوق .

قلت احلفي

قالت والله

قلت ادري انتس فوق بس ايهم فوق ؟ فوق فوق ولا فوق اللي فوق فوق << ادري ما فهمتوا بس اختي فهمت علي

وقالت لي لا فوق فوق اللي فوق فوق

واروح طيراااان عنده قبل لا اسوي شي غبي


وخلصت قصتي ..

نمتوا ولالا << انقلعي مناك ..

شوفو ترى اللي تقرى ولا ترد ما راح اخليه تعطين رايه الله لا يبخل عليكم

يالله اشوفكم بعد مده

الموضوع الأصلي : هوشتي مع بزر في السوق || الكاتب : RO0O RO0O || المصدر : منتديات أنيدرا


قديم 12-08-2009, 12:00 PM   رقم المشاركة : 2
d-g
أنيدراوي جديد





معلومات إضافية
  النقاط : 10
  الجنس: الجنس: female
  علم الدولة: علم الدولة Saudi Arabia
  الحالة :d-g غير متصل
My SMS


ههههههههههههههههه مسكين الولد >>كسر خاطرها
بس ردك رهييييييييب
(لا يا ابو الشباب موب قصدي بس كنت احسب الزباله جنبك تعرف يعني هههههههه ما لبست النظاره .. )
ههههههههههه
جااا نا




 
قديم 12-08-2009, 01:29 PM   رقم المشاركة : 3
RO0O RO0O
أنيدراوي متميز
 
الصورة الرمزية RO0O RO0O





معلومات إضافية
  النقاط : 16
  الجنس: الجنس: Female
  علم الدولة: علم الدولة Saudi Arabia
  الحالة :RO0O RO0O غير متصل
My SMS ARASHI ARASHI 4OR DREAM


دي جي ..

هلا بتس ..

الله يلمتس على مرورتس .

الخطنطر ..

جاانا..
رورو




 
قديم 13-08-2009, 03:34 AM   رقم المشاركة : 4
Ĵℓқớộż
이특 ♥
 
الصورة الرمزية Ĵℓқớộż





معلومات إضافية
  النقاط : 885
  الجنس: الجنس: Female
  علم الدولة: علم الدولة Azerbaijan
  الحالة :Ĵℓқớộż غير متصل
My SMS سوجو مآهذه الخوقه كلكم فصصصصصصصصلاويين وربي ♥


أوسمتي

ههههههههههههههههههههههه وقسم فطست ضحك

ايه ايه انتي مثلي ونعم هلاليه واكره الأتحآآآد <~ حشى فريق اولاد ذي

المهم مآآقصرتي على القصه لا تحرمينآ من جديدك




 
قديم 13-08-2009, 04:13 AM   رقم المشاركة : 5
عنز البدو
أنيدراوي مجتهد
 
الصورة الرمزية عنز البدو





معلومات إضافية
  النقاط : 12
  الجنس: الجنس: female
  علم الدولة: علم الدولة Saudi Arabia
  الحالة :عنز البدو غير متصل
My SMS ✿ سبحـاآن اللّـہ وبحمده ~ سبحـاأن اللّـہ العظيـم •~ ✿




ههههههههههههههههههههههههه شي شي واللـَّـه أنك مفهيـه و مفحطـه بعـد ~

يختـي كل مآ آنقـز من سطـر آقعد خمس دقآآيـق ضحك

اقتباس:
ايتش ني سان ستارتووو
ههههههههههههههههههههه~ متأثـره بآرآشـي و بقـووهً

بعـدين لحظـه ..! هالبزر وش درآاه إسترآحـه مآ إسترآحـه ><"

جعلـه المـر للي قآل لـه >_<" .. !

أثبـتي أنك هلآليه صح فديتـك

يمـكن لو لقيـت بزر يقول هالكـلآآم أخزه بعينـي .. بس مآ اتـجرئ و بالقاروره

أبدعتـي بطرحك و بأسلوبك الممتـع ^.^

لآ تحرمينـآ من قصص فدآآئيـه للهـلآل


+ تقييـمَ لكٍ




 
التوقيع
,أنيدرا



آخر مواضيعي

 
 
موضوع مغلق

الكلمات الدلالية (Tags)
هوشتي مع بزر

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 02:30 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2019, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا