السلام عليكم ورحمة الله وبركاته
كيفكم ؟؟ ايش اخباركم ان شا الله كلكم بخير ><
المهم اول موضوع ليا في دا القسم وان شا الله مايكون
الاخير
حبيت احط صور لسفرتي الاخيرة لباريس و جنيف
وبلجيكا بس الصور كتيرة فااا ان شا الله بلجيكا في موضوع تاني
ودي اول مره اصور كدا والكاميرا كانت .......... لا تعليق جداً سيئه
المهم لا اطول عليكم
اخليكم مع الصور
دي كنيسة فوق الجبل اسمها المومارت بصراحه شي مرره حلو لمن تطلع فوق تقدر تشوف باريس كلها واحلى شي المنطقه كلها رسامين يرسموا الناس وكل واحد لو اسلوبو الخاص فتشوف الابداع هناك
طبعا مافي احد ما يعرف قوس النصر
حديقه قصر فرساي .. القصر دا من جد شي خيالي يوريك قد ايش الرفاهه الي زمان كانوا عايشين فيها
اعتقد في القصر 12 حديقه وكل وحده اكبر من التانية طبعا دي بس المفتوحه غير المقفلة ...
برضو قصر فرساي ... عجبتني النافورة >.<
كاتدرائية نوتردام تختلف الكاتدرائية عن الكنيسة لانها للناس الكاثوليك ودول غير عن المسيحين >.<
الصورة دي عملت ازمه لاختي الا والا تبغى تصور الحرف عشان اسمها الاخت نورة فعجبها طبعاً
::::::::::::::::::::::::::::::::::::::
نجي لصور ديزني المره دي محا احط كتير عشان اغلب الصور في الجوال والجوال مو عندي << قصة حياتها
:::::::::::::::::::::::::::::::
صور جنيف
::::::::::::::::::::::
خلصت الصور ان شا الله يكون عجبكم الموضوع وان شا الله
المره الجاية اكمل باقي الصور اذا عجبـــــتكم
Jaa~~