[صادوه2]...الحلقة الثالثة3 مع "&&قاهرتهم&&"
لإزالة كل الأعلانات،
سجل الآن في منتديات أنيدرا
السلام عليكم مينا سان^_^
في
الحلقتين الماضيتين كنا مع الضيفتين المترجمتين"
jouri chan" + "
~ReMo"
هنا رابط موضوع الحلقة الأولى مع jouri chan <_<
وهنا رابط الحلقة الثانية مع ReMo~ >_>
والآن مع
الحلقة الثالثة...و ضيفتنا هي المترجمة "
&&قاهرتهم&&"
وهالحلقة بتكون طويله هالمره...والأشرار اللي هجموا على الضحية صاروا ثنتين
أتمنى أن تستمعوا...دوزو ^_^
توكيل - تصميم - تنفيذ:
an-dr-girl
اختيار الضحية - تخطيط - تنفيذ:
Ghadah
هالمرة جبتها من ناحية أن قاهرتهم مطلعة كلام عني...وراح أدخل أندر تشان معي في السالفة عشان نلحس مخ قاهرتهم هع...
النص الأسود: Ghadah
النص البنفسجي: قاهرتهم
النص الأزرق:an-dr-girl
النص الرمادي: الاقتباسات
النص الفسفوري:تعليقاتي
----------------
السلام عليكم
بدون مقدمات وكلام فاضي...أبدخل بالموضوع علطول ياقاهرتهم...
الصراحه ماتوقعت أن فيه ناس تطلع منهم هالحركات اللي مالها داعي؟!
بأي حق تنشرين كلام عن الناس وأنتي مو متأكده؟!
----------------
أبوووك يالهجوم العنيف....طبعاً قاهرتهم ماردت فأرسلت مرة ثانية:
ليش مارديتي على رسالتي؟؟
يعني معترفه بغلطك ولا خايفه؟؟
---------------
يا هلا
سمي وش السالفه ؟
وشو كلامه ؟؟
وشو خوفه ؟؟ ماقريت رسالتك عشان اخاف من شي
يعني
انا مدري عن شي عشان اخاف من شي اصلا .
لكن لأن عمتي توفت قبل والعزاء كان في بيتنا فما قدرت افتح النت ..
وشو كلامه اختي ؟؟ اشرحي السالفه من الأول إلى الأخير
قصدي كلام ايش اللي نشرته ووشهو اصلا وقلته لمين ؟؟
لي فتره انا ما افتح المنتدى ,,
وبعدين لو لاحظتي تاريخ آخر دخولي للمنتدى راح تعرفين
هو انا قريت رسالتك والا ماقريتها اصــلا ..
بإنتظارك ولو اني متأكده انك فاهمه غلط او متلبس عليك شي
لأن مو من عادتي احكي عن احد .. اكره هالتصرف..
وياهلا ~
-----------------
ردي بالاقتباسات:
لكن لأن عمتي توفت قبل والعزاء كان في بيتنا فما قدرت افتح النت ..
عظم الله أجرك...الله يرحمها ويغفر لها
<<ياعومري والله ضاق صدري...وحسيت أنه مو وقتي أبد..قومينيه قاهرتهم
وشو كلامه اختي ؟؟ اشرحي السالفه من الأول إلى الأخير
قصدي كلام ايش اللي نشرته ووشهو اصلا وقلته لمين ؟؟
وتسألين بعد؟!
أتوقع كل واحد يعرف وش قال ووش ماقال!!...راجعي كلامك وبتعرفين!
يعني مادري ناسيه ولاّ تتغابين؟!
لي فتره انا ما افتح المنتدى ,,
وبعدين لو لاحظتي تاريخ آخر دخولي للمنتدى راح تعرفين
هو انا قريت رسالتك والا ماقريتها اصــلا ..
عاد وشدراني عنك متى تدخلين...مو فاضيه أراقب أوقات دخولك
<<لازم أسلوب النرفزه هع
المهم أني سمعت من أحد الكلام اللي طلعتيه...وعلى طول أرسلتلك...وشدراني عاد بأي وقت قلتي الكلام!
بإنتظارك ولو اني متأكده انك فاهمه غلط او متلبس عليك شي
لأن مو من عادتي احكي عن احد .. اكره هالتصرف..
وياهلا ~
ياعيني!
صرتي تكرهين هالتصرف؟!
حبيبتي أنا مافهمت غلط!!...إلا أنا متأكده ميه بالميه!!...واللي قالتلي عنك ماتكذب أبد!
<<<أقصد اللي قالتلي هي( أندر تشان ) هع
-------------------
عظم الله أجرك...الله يرحمها ويغفر لها
جزاك الله خير اختي
يا عمتي يا أما قولي الكلام اللي قلته بالضبط يا اما من جد ما عندك سالفه ..
لا استغبي .. ولا اتغابى ولا اطلب منك تراقبين دخولي وخروجي
عطيني الزبده.. وش انا قلت ؟؟ ولمين ؟؟
بس لحظه اصصصصصصصصصصصصصصصصصصصصلا
ما اعرفك عشان اقولك عنك شيء ..
من انتي اصلا ؟؟
---------------------
أول شي أنا غاده!...ناظري الاسم زين كانك ماتعرفين تقرين!!
ثاني شي البنت مأمنتني ماأقولك منهي..
<<<أبغاها تتحمس تعرف منهي هع
ثالث شي يعني تبيني استغني عن كرامتي..وأتنازل وأذكّرك باللي قلتيه؟!!
-------------------
اقسسسسسسسسسسسسسسسسسسسسسم لك بالله
إني ما اعرفك ولا اعرف احد اسمع غاده غير ثلاث
بنت عمي الصغيره في 2 ابتدائي وغاده بنت جيراننا وغاده كانت تدرس معي في المتوسطه
>>>ياناسو عالبراءه
وربي ما اعرفك
اقسم لك بالله ما اعرفك
وانا ما اطالبك تقولين لي منهي ,,ولا يهمني اعرف منهي
اللي اصصصصصصصصصصصصصصلا ما قلته
لأني اصصصصصصصصصصصصصصصصلا ما اعرفك
واصصصصصصصصصصصصصصلا مستحيل احكي في احد
كما حكيت في اللي اعرفهم .. عشان احكي في أحد ما اعرفه
عفوا بس من جد بديت اتنرفز
بنات ما وراهم الا الحش والخرطي والكلام الفاضي
وانا للمره الألف اقولك ما ااعررررررررررررررفك
ولا سمعت بإسمك ولا قريته الا من رسالتك الأولى
حتى قلت من هذي ؟ وتوقعتك تبين ارسلك سوفت سب لترجمه والا شي
يعني ما اعرفك ولا جبت خبرك ولا ادري وش تطلعين اصلا
فقعتي راسي
وش كرامته بعد انتي؟؟ وش تحسسسسيييييييين به بس
انتي وش تبين بالضبط ؟؟
يعني وللللللللنفترض ولنتخيل اني قلت كلام
" لاحظي نتخيل " يعني مو حقيقه ماقلت شي اصلا
وش المطلوب مني الحين؟
هذي آخر رساله راح ارسلها لك
يا اما قولي وش عند وانا وش قلت .. يا اما فكيني من شرك
لأني ما احب الطقاق ولا ادخل في كلام ماله اول ولا تالي
تاخذين اثم واخذ اثم على شيء ماصار و تافه اصلا ..
---------------------
نياهاهاهاهاااااااا البنت بدأت تعصب ^_* بدأ الجو يحلى هع
اقسسسسسسسسسسسسسسسسسسسسسم لك بالله
إني ما اعرفك ولا اعرف احد اسمع غاده غير ثلاث
بنت عمي الصغيره في 2 ابتدائي وغاده بنت جيراننا وغاده كانت تدرس معي في المتوسطه
وربي ما اعرفك
اقسم لك بالله ما اعرفك
وانا ما اطالبك تقولين لي منهي ,,ولا يهمني اعرف منهي
حتى أنا ماعرفك!
جد والله ماقلتي شي عني؟!
مدري أحسك صادقه!...تتوقعين طيب اللي قالتلي تكذب ولا أيش؟!
<<<بديت أسوي نفسي بريئه عشان تصير بصفي هع
اللي اصصصصصصصصصصصصصصلا ما قلته
لأني اصصصصصصصصصصصصصصصصلا ما اعرفك
واصصصصصصصصصصصصصصلا مستحيل احكي في احد
كما حكيت في اللي اعرفهم .. عشان احكي في أحد ما اعرفه
أيه حتى أنا استغربت أنك تقولين شي عني وانتي ماتعرفيني ولا أعرفك!
عفوا بس من جد بديت اتنرفز
بنات ما وراهم الا الحش والخرطي والكلام الفاضي
وش كرامته بعد انتي؟؟ وش تحسسسسيييييييين به بس
انتي وش تبين بالضبط ؟؟
سوري أني خليتك تتنفرزين(اذا كنتي صادقه طبعا)
<<يقالي لسه ماوثقت فيها هع
بس لأن جد حتى أنا تنرفزت يوم سمعت الكلام!
لأنه شي يقهر منجد!...تخيلي أحد يطلع عنك كلام واشاعات ويهين كرامتك!...صح بتعصبين؟!
<<أندر تشان ليش تهينين كرامتي هع
يعني وللللللللنفترض ولنتخيل اني قلت كلام
" لاحظي نتخيل " يعني مو حقيقه ماقلت شي اصلا
وش المطلوب مني الحين؟
هذي آخر رساله راح ارسلها لك
يا اما قولي وش عند وانا وش قلت .. يا اما فكيني من شرك
لأني ما احب الطقاق ولا ادخل في كلام ماله اول ولا تالي
تاخذين اثم واخذ اثم على شيء ماصار و تافه اصلا ..
أوكي طيب سوري أني عصبت عليك وطلع مالك ذنب باللي يصير
لكن قولي لي وش اسوي الحين؟...لو أنك بموقفي وش بتسوين؟
شوفي أنا بقولك اللي قالت لي عنك هي أندر تشان...يعني أنا أعرفها زين..وماقد كذبت علي...بس الصراحه بديت أشك بالموضوع...
أنتي شكلك صادقه..وهي شكلها صادقه بعد...مادري وش السالفه يعني>_<
قولي لي وش اسوي بليز؟؟؟
<<<ياعمري أنا برييييئه هع
------------------------
وهـ اخيرا هديتي شوي
ايه كذا ممكن نتكلم
شوفي حبيبتي حطي في بالك شيء اللي بيحكي في غيرك راح يحكي عنك
او بدافع الغيره مني او منك ..مع اني ما اشوف فيه سبب
بعدين انا بنت اكره الغيبه والنميمه .. ما احب اكل لحم احد
وانتي معك حق تتنرفزين لو سمعتي احد يحكي فيك ويهين كرامتك
اممممم لو انا مكانك بتنرفز
لكن ماراح اصدق لأني ماشفت بعيني
عموما اندر تشان والله ما اعرفها
منهي ؟ توني ادري بوجود احد اسمه اندرتشان :/
ترى كثير يسوون لي اضافه كصديق وانا ما اعرفهم
هل هي منهم؟؟
انا علاقاتي بالمنتدى ترى قليلة جدا
وتواصلي معهم نادر .. يعني علاقتي مو مره قويه
الا بهالأعضاء
" سودو - كاتو كون - ليلو المديره - يوميراي"
بس .. هذول اللي احكي معهم ..
غيرهم وربي ما اعرف
سألتيني وش تسوين ..
انتي بنفسك قلتيها كيف تحكي عني وهي ما تعرفني ..
طيب .طنشي ..يختي خلي اللي يحكي يحكي واللي يقول يقول
انتي الكسبانه في الأخير .. اللي يحكي فيك تفداه ذنوبك
خل ياخذها لممممممما يشبع ..
في شيء ثاني .. يمكن قاهرتهم غيري
ما ادري اذا فيه او لا بس ممكن
تكون شخص آخر اسمها gahrthm
او قاهرتهم بدون الزخارف اللي في اسمي ..
ما ادري والله .. لكن 100000% مو انا ..
لكن نصيحة لوجه الله طنشي
بتتعبين اذا دورتي مين حكى ومين قال
بعدين ياشيخه وش بيجيك انتي ترى نت .. كله نت
عالمك الحقيقي مختلف عنه .. خلهم يحكون
وتزيد حسناتك وهم يقعدون بها
هذا اللي اقدر افيدك فيه ..
وسوري لأني كلمتك بأسلوب مو حلو في الرساله اللي قبل
لأن بعد تخيلي احد يجي ويقول انتي حكيتي فيني
واهنتي كرامتي .. وانتي تعرفين وش قلتي عني ..
وانتي اصـلا ما تعرفينه @_@ .. لحسه صح ؟!
عموما ..
حصل خير وكل واحد يصلح سيارته ^^
ويـاهلا~ بك
<<<ياحبيلك ياقاهرتهم مكلفه عمرك وقاعده تنصحيني من قلب ...هع
-----------------
عموما اندر تشان والله ما اعرفها
منهي ؟ توني ادري بوجود احد اسمه اندرتشان
ماتعرفينها؟!*_*
غريبة؟!
<<<ملاحظه:هي تعرفها باسمها الصريح an-dr-girl لكني قلتلها إن اسمها أندر تشان عشان للتمويه...وعشان أطول السالفه لأني توهقت مع أندر تشان اللي ماراح تدخل لأسبوعين عشان اختباراتها>_<
انا علاقاتي بالمنتدى ترى قليلة جدا
وتواصلي معهم نادر .. يعني علاقتي مو مره قويه
الا بهالأعضاء
" سودو - كاتو كون - ليلو المديره - يوميراي"
بس .. هذول اللي احكي معهم ..
غيرهم وربي ما اعرف
اممممم...بشوف بتأكد منها وش السالفه...بس هي الحين ماتدخل عشان الاختبارات...بكلمها بعد الاختبارات وراح أفهمك وش السالفة أوكي^_^
سألتيني وش تسوين ..
انتي بنفسك قلتيها كيف تحكي عني وهي ما تعرفني ..
طيب .طنشي ..يختي خلي اللي يحكي يحكي واللي يقول يقول
انتي الكسبانه في الأخير .. اللي يحكي فيك تفداه ذنوبك
خل ياخذها لممممممما يشبع ..
أيه والله صادقه
في شيء ثاني .. يمكن قاهرتهم غيري
ما ادري اذا فيه او لا بس ممكن
تكون شخص آخر اسمها gahrthm
او قاهرتهم بدون الزخارف اللي في اسمي ..
ما ادري والله .. لكن 100000% مو انا ..
لا لا لا أنا متأكده من الاسم زين
مستحيل أروح أكلم أحد وأنا ماتأكدت من الاسم
&&قاهرتهم&&
لكن نصيحة لوجه الله طنشي
بتتعبين اذا دورتي مين حكى ومين قال
بعدين ياشيخه وش بيجيك انتي ترى نت .. كله نت
عالمك الحقيقي مختلف عنه .. خلهم يحكون
وتزيد حسناتك وهم يقعدون بها
شوكرن عالنصيحه حوبي ^_^
هذا اللي اقدر افيدك فيه ..
وسوري لأني كلمتك بأسلوب مو حلو في الرساله اللي قبل
لأن بعد تخيلي احد يجي ويقول انتي حكيتي فيني
واهنتي كرامتي .. وانتي تعرفين وش قلتي عني ..
وانتي اصـلا ما تعرفينه @_@ .. لحسه صح ؟!
عموما ..
حصل خير وكل واحد يصلح سيارته ^^
ويـاهلا~ بك
يالبى قلبك
سوري حوبي عالإزعاج^_^
ومشكوره على التفهم
إن شاء الله راح أتأكد من الموضوع زين وأردلك
--------------------
غريبه والله
ما اعرفها كيف تحكي عني وتقولني كلام ماقلته
أساسا مابيني وبين احد احقاد عشان يروح ينقل شي عني
اوكي في انتظارك ...
حتى انا وراي اختبارات ومشاغل ^^
في انتظارك ~
------------------
هلا قاهرتهم
كلمت أندر تشان أمس وقالتلي أنها متأكده أنه الاسم كذا:
&&قاهرتهم&&
واستغربت أنك أنكرتي...وقالت أنها تعرفك وليش أنتي تقولين أنك ماتعرفينها...وكلام كثير..
ياربيه خلاص أنا أرتفع ضغطي مدري أصدقها ولا أصدقك؟!!
هي اسمها يكتب كذا an-dr-girl
شوفي كلميها وتفاهموا وعلموني من الصادق فيكم!!!
<<<يقالي إني انحلست بينهم ...وصرت أنا الضحية هع
------------------
ايه قريت اسمها كثير
بس مابيني وبينها علاقه
اوكي بسألها
بس تاكدي اني انا اللي صادقه =_=
------------------
السلام عليكم
نيه , ملفها مسكر
وهي مو معي بالمسن
أقولك ما أعرفها شخصيا
ممكن ردينا على بعض في المواضيع لكني ما اعرفها
ولا اعرفك انتي بعد
انا مليت من هالسالفه ~_~ ..
يختو بالضبط الكلام اللي مفروض إني قلته وشو بالضبط؟؟
تبين الصدق عاد
قسمن مو مهتمه انا بالسالفه لأني واثقه من نفسي
بس عشانك انتي متضايقه
والا ماودي اروح اسأل احد عن شيء ماصار
ويا هـلا~
---------------------
<<<<< نياهاهاااا عصبت البنت^_<
الله يرجك ياأندر تشان ليييه مصكره بروفايلك خربتي علينا الوناسه هع>_<
أنا خفت أنها ماترسل لأندر تشان... فقعدت أتمسكن عندها ورديت:
قاهرتهم وشفيك قلبتي فجأه!!
حرام عليك أنا المظلومه بينكم الحين~_~
راسليها على الخاص...أنا كلمتها أمس على الخاص وردتلي
بليز قاهرتهم تصرفي بهالموضوع!!...تراهو شي يخصك بعد مو بس يخصني!!
<<<أبيها تهتم بالسالفة بالقوووه هع
--------------------
ما قلبت والله ..
بس مليت ~_~
وما احب اطول السالفه وهي قصيره لأني مو راعية مشاكل =(
انتي ما مليتي ؟؟؟
السالفه ما تخصني السالفه مرمي اسمي فيها
بالغلط او بالقصد ..
لكنها ما تخصني ..
يختي ما يبي لها ذكاااااااااااااااااااااااااااااااء
ما اعرفك كيف احكي فيك ..
وأنيدرا قيرل ما بيني وبينها علاقه عشان اقعد ابسطها سوالف
وحش في خلق الله
طيب ولنفترض انك عرفتي البنت الحقيقيه اللي طلعت الكلام وش بتسوين يعني ؟؟
قلت لك خليها تولي
تكفين تراني تعبااااااااااااااااااااااااااااااااااااااااااااااا اااااااااانه نفسيا
بشكل ما تتصورينه
مو ناقصه كذبات ونقل حكي ماله أساس يطلع علي =(
كلن فيه اللي مكفيه =(
بعدين كيف ارسلها على الخاص وبروفايلها مسكر
---------------------
الله يرجك على هالتصكير يا أندر تشان خخخ>_<....خلاص البنت منجد كسرت خاطري يكفي إلى هنا!نيه!^_^
ياعومري ياقاهرتهم والله حسيت أني شريره~_~ <<بدري هع
*الحين بدأ دور أندر تشان اللي باللون الأزرق...هي أرسلت لقاهرتهم...وبعدين قاهرتهم أرسلتلي:
يتبع>>
الموضوع الأصلي :
[صادوه2]...الحلقة الثالثة3 مع "&&قاهرتهم&&" || الكاتب :
Ghadah || المصدر :
منتديات أنيدرا