ادري اني كتبت موضوعين في نفس اليوم وفي نفس القسم .. لكن صبروا علي ... انااا
في عذااااااب ..
تذكرون نورة ؟.!
بنت اخوي ..
ظهرت في المواضيع السابقة ..
قاعدة عدالي حاطة ساطور في رقبتي ....
ليش ؟!!
كله منكم ؟!!
هيه !!
كله منكم .. ليش ؟ .. انا اقولكم ليش ؟!!
بسبب الجهد الجميل من اعضاء انيدرا المترجمين .. مترجمي الانمي والمانجا ..
على العين والراس انتوا والله ..
بس الحلوة نورة يوم قلتلها تحط موضوعي في المنتدى شافت البنر مال الانمي :
Kachou wa maid sama
قالت تبي الانمي
والحين واقفة فوق راسي تقول نزله خالوووه نزله .. دخيلك خالووه ..
وانا اقولها لاااع
نورة :ليش خااالوه ؟!!
انا :اقولج لا !! تراج طفرتيبي ..!! وين ابوج عنج ؟!!
انتي 10 سنوات وهذا حق 13 سنوات وما فوق ..
نورة :حرااااااااام عليك خالوه !! ااااااااااااااااااااااااه اهئ اهئ اهئ ..
ابى اشوفه دخيلك خالوه !! نزله عشان خاتري ..
انا :لا يا بنية .. لاااااااااااااع .. وبس .. وخري عني ..روحي لااه ..
وراحت نورة ... بعد عشر دقايق ردت مرة ثانية الغرفة ..
في ايدها عصير فيمتو وكندورتي اللي مفصلينها عشان العيد ..
عم السكون في الغرفة ...
بعدين قلت : حبيبتي نورة بعد قلبي ... ليكون زعلتي يا قرة عيني !! افاا عليج .. لا تزعلين ..
نورة : ( ابتسامة خبيثة ) .. فتحت غطا الفيمتو ..
انا : لا لا لا لا لا ... دخيلج نورة ... حبيبتي بنروح الدكان تشترين اي كافي تبينه ! ها ؟
نورة : ما ابى !
انا : بنروح المول بشتريلج باسكن روبنز .. ها ؟
نورة : بعدني مب راضية ؟
انا : نورة بعد جبدي انتي ... ما اروم انزله تراه الكمبيوتر بطيء ..
نورة : ناوية تصب على كندورتي ...
انا : ااااااااااه ... نورة ... !! .. دخيلج !! توها يديدة ..
نورة : ليش ؟ ما تروم تفصل وحدة ثانية ؟!
انا : نورة ... اتعدلي يا بنية .. وهاتي الكندورة ..
نورة : ( تصيح ) ماااابى ... ابى اشوفه !!!
و صبت الفيمتو على الكندورة !!!
انا : لااااااااااااااااااااااااااااااااااااااااااااا
Oh no !! oh my kandoraaaaaaaaa !
Nooooooooo !
اخوي ابو نورة دخل : بلاج نورة ... ؟!! شعنه مصيح البنية ؟!! ها ؟!!
سوي اللي تباه ؟!! يلاا ؟! ...
انا : شوف شو سوت نورة !! ... وسخت كندورتي !!
اخوي : عنبووو ماشي تايد ؟!! ينغسل هذا !! ...
انا : ؟؟؟ no way لا له ؟!
اخوي : عطيها اللي كانت تباه ...
انا : اللي تباه غير ملائم للاطفال ..
نورة : ( صاحت ) ... انا عودة !!! يبااااااااه!!
اخوي : نورة ترا هب زين ... يوم تكبرين عاده ..
نورة : اوكي ..
اخوي : .. شفت عاده ؟!! ... شعنه ما كلمتها قبل لا تسوي سالفه وتصيحها ؟!!
انا : أ ؟! أأ .. ؟؟؟
شفتواااا ؟!!
كيف لئيمة ؟؟!!
يوم انا اقولها شي ما تسمع الكلام ..
شعوري انجرح ..
واقولكم من الحين ... محد ... يحط كندورته ... في متناول يد الاطفال ..