منتديات أنيدرا الدراما الكورية و اليابانية



الملاحظات

الروايات والقصص المكتملة الرّوآيات والقصَص آلمُكْتمِلة لأنيدرا

إضافة رد
 
أدوات الموضوع انواع عرض الموضوع
  #1  
قديم 06-12-2010, 02:52 PM
الصورة الرمزية Evil Angel
Evil Angel Evil Angel غير متصل
أنيدراوي فعال
 
معلومات إضافية
الانتساب : Feb 2008
رقم العضوية : 18982
المشاركات : 360
   الجنس: الجنس: female
  علم الدولة: علم الدولة United Arab Emirates
قصة صداقة..... واقعية

قصة صداقة..... واقعية


لإزالة كل الأعلانات، سجل الآن في منتديات أنيدرا


السلام عليكم... كيف الحال؟
والله اشششششششششتقت لكم...

اليوم قلت بخبركم عن قصة صداقة قويه استوت بالصدفة...

من دون اي مقدمات خلونا نبدء...

اولا هالقصة بطلاتها بنتين.. سمية وهنادي(طبعا الاسماء ما حقيقية)

بدت القصة ف 27 ديسمبر (او 24 والله ما اذكر)... سنة 2004 ...

هذي الايام كانت القرية العالمية مفتوحة في دبي ف هنادي وأهلها راحوا هناك..
هنادي كانت ف ثاني اعدادي.. اهلها عطوها موبايل عسب اذا ضاعت تتصل لهم..

والحبيبة ضاعت... بس بدل ما تتصل لأهلها راحت تتمشى...
حصلت بنت ثانية ضايعه بعد.. قامت واتعرفت عليها... تتوقعوا منو؟؟؟ سمية...
المهم قرروا انهم يتمشوا وحدهم وبعدين بيتصلوا لأهلهم...

راحوا لعبوا وكلوا وشربوا وبعدها اتصلوا لأهاليهم..
قبل ما يروحوا كل وحده خذت ايميل الثانية وأول ما راجعوا البيت قعدوا يسولفوا ع النت..

مرت عليهم ثلاث اشهر وهم على هالحال وصاروا ربع عن جد... كل وحده تعرف تفاصيل حياة الثانية...
هنادي واهلها من النوع الحواط شوي دووم تشوفهم طالعين مكان... المهم هالمره قالوا بروحوا السينما...
بالصدفة طلعت سميه بعد ف نفس السينما فقعدوا عند بعض... طول الفلم وهم يرمسوا... لا يعرفوا عن شو الفلم ولا اسمه حتى.. كان همهم الوحيد انهم يرمسوا وبس...

وبعدها ف سنة تقريبا قامت سمية واتصلت لهنادي من موبايل اخوها.. يعني تبا تسوي مقلب فيها...
عاد هنادي من حبها لسمية عرفت صوت نفس سمية لانه سمية ما اتكلمت بس قعدت تضحك ع الفون..
المهم هنادي عكست السالفة وقامت تتغزل براعي الضحكه اونها ما تعرف منو اتصل وتقول: فديت تضحكت انت... عرفني بنفسك تراني حبيتك واااايد...
سمية ردت عليها: لا والله قاعده تتغزلي بمنو انتي هاه؟
هنادي: يعني بمنو بعد يالهبله عرفتج وقلت بضايق فيج...
وكملوا سوالف عادي...

بعد شهرين كانت سمية كل ما ترمس مع هنادي تقول عن الموت... وتقول لها: اذا استوى فيني شي اوعديني انج ما تبكي وتعيشي حياتج فرحااانه..
هنادي: لا والله شو الرمسه... انتي شو صار لج هالايام كله ترمسي عن الموت.. لا تخوفيني عاد..
سمية: الموت حق... ما لازم تخافي منه.. المهم انتي اوعديني الحين..
عطتها هنادي الوعد وطلعت من النت..
وفيوم (ما اذكر تاريخه ولا ابي اذكره بعد) طلعت سمية مع اهلها لصحارى مول وكانت مستانسه حدها لانها قبل ما تطلع كانت ترمس هنادي ع المسن وقاعدات يتمسخروا ويستخفوا بدمهم..
المهم كان وناسه.. بس يوم رجعت من هناك اسنوى لها حادث وتوفت...

هنادي ما كانت تعرف.. مر اسبوع وسمية ما تدخل المسن لييييييش؟؟... آخر شي تشجعت واتصلت للرقم الي كان عندها (رقم اخو سمية) وسألت عنها... خبروها عن السالفة...
انهارت هنادي... صارت اسبوعين ما تكلم احد... ف خاطرها تبكي بس ما تقدر بسبب الوعد الي وعدته لسميه... بعدها استقوت وكملت حياتها...


بعد سنتين هنادي راحت صحارى مول وكانت عادي مستانسه... بس صدفه شافت اخت سميه.. راحت ركيض وحضنتها لانها نسخة عن سمية.... اخت سمية كانت مستانسه وايد انها شافت هنادي عسب اتسلمها الامانه...
سمية قبل ما تموت اشترت سويره من جلد لهنادي لانها تحب هالسوالف.. هنادي كانت فرحانه وتبا تبكي بس ما قادره... حضنت اخت سمية ومشت عنها...

حتى الحين هنادي محتفظة بالسويره... وكل يوم تفتقد سمية اكثر...

النهاية

ملحوظة: القصة حقيقية وهنادي قالت لي انشرها لانها تبا تنسى سميةبس ما تقدر... الحين بدت تنساها بس تباكم تدعوا لها بالمغفره... (عسب اكذا ما قدرت اقولكم التواريخ بالضبط)..

الموضوع الأصلي : قصة صداقة..... واقعية || الكاتب : Evil Angel || المصدر : منتديات أنيدرا


رد مع اقتباس
قديم 06-12-2010, 04:13 PM   رقم المشاركة : 2
..KOREAN GIRL..
أنيدراوي مبدع
 
الصورة الرمزية ..KOREAN GIRL..





معلومات إضافية
  النقاط : 11585
  الجنس: الجنس: Female
  الحالة :..KOREAN GIRL.. غير متصل
My SMS !! Let it gO


أوسمتي
رد: قصة صداقة..... واقعية

والله القصه تبكي ومحزنه كتيرر
ما اعرف ايش اقووول من الحزن
ان شاء الله يغفرلها كل ذنوبها

تسلمي عالقصه




  رد مع اقتباس
قديم 08-12-2010, 10:40 PM   رقم المشاركة : 3
وردة الكرز2010
أنيدراوي فعال
 
الصورة الرمزية وردة الكرز2010





معلومات إضافية
  النقاط : 1257
  الجنس: الجنس: Female
  علم الدولة: علم الدولة Saudi Arabia
  الحالة :وردة الكرز2010 غير متصل
My SMS ستظلون اصدقائي مهما حدث ولن اتخلى عنكم


رد: قصة صداقة..... واقعية

~~وش نسوي هذا قضاء الله وقدره بصراحة احب صديقاتي كثير ويمكن لو تموت وحدة منهم راح اموت لكن انشاء الله مايصير كذا الله يدخلهم فسيح جناته~~




  رد مع اقتباس
قديم 13-12-2010, 10:49 PM   رقم المشاركة : 4
Evil Angel
أنيدراوي فعال
 
الصورة الرمزية Evil Angel





معلومات إضافية
  النقاط : 608
  الجنس: الجنس: female
  علم الدولة: علم الدولة United Arab Emirates
  الحالة :Evil Angel غير متصل
My SMS أحلى وقت في حياتي


رد: قصة صداقة..... واقعية

ثانكس خواتي ع الرد.....

يا ناس البنت متوفيه على الاقل ادعوا لها...




  رد مع اقتباس
قديم 14-12-2010, 05:36 PM   رقم المشاركة : 5
massu**
أنيدراوي مبدع
 
الصورة الرمزية massu**





معلومات إضافية
  النقاط : 262183
  الجنس: الجنس: Female
  علم الدولة: علم الدولة Saudi Arabia
  الحالة :massu** غير متصل
My SMS سبحان الله وبحمده ...سبحان الله العظيم


أوسمتي
رد: قصة صداقة..... واقعية

محجوووز^.^




  رد مع اقتباس
إضافة رد

الكلمات الدلالية (Tags)
صداقة....., واقعية

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 01:46 PM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2020, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا