السلام عليكم *
سعدت كثيرًا لردودكم عن قصيدتي | أنا تائب أيها العالم| ...لم أصدّق أنها قد ثُبِّتت كموضوع في قسم الإبداع الأدبي
جعلني أتوهّج ..ذلك الإحساس ~
على أي حال جئت لكم بقصيدتين يحملن معاني مشتركة ...فذا فرَحٌ بتوبته و ذاك فرِحٌ لحريته عن حزنه
كلماتها بالعامية المصرية ..أرجو أن تنال أستحسانكم ^^'
ليه الحزن يأثر فيك
بطّل تبقى بفكر عبيط
شيل أحزانك من جواك
كل الدنيا هتجري وراك
لولا الحزن مكانش الفرحة
زي اللؤلؤ جوا الصدفة
غوص ويايا , حلّق يلا
كل الغيمة هتجري معانا
فتّح عينك , شوف و استمتع
بص الدنيا جميلة ازاي
لف و دور , طير في بحور
زي كأنك نقطة نور
نط المشكل أثر فيك
هأوووأوووأوو
قوله ياإبني ألعب بيك
تتعب نفسك ليه ع الفاضي
روح أحسن لك أفرح بيك
شم الدنيا , العب بحواجبك
حرك ودنك , سقف ليك
زأطط شأطط
يومها ما تغلط
اضرب نفسك بالشلوت
و ماتسمحش لنفسك تهبط
زي صاحبنا كمال شحتوت
ركز بهرز بحلق يلا
هي حياة
من غيرها تموت
وضب نفسك
تبقى جميلة ,حلوة أصيلة
و ارسم ليك
أحلام تديك
دفعة و زقة
تأثر فيك
غمض عينك
و اسمع قلبك
إيه بيقولك
حس بنَفَسَك
زعق جوا
وصّل صوتك
كل خلية
انا انساااااااااااااان
مش حعيش كتكوت
بص ف إيدك
جميلة صوابعي
رجلي حبيبتي
احضن نفسك
و افرح موت
يلا يا صاحبي
فتّح مخك
طلّق حزنك
و اوعى ف يوم تضرب لك بوز
دوق البسمة , تعيش محظوظ
الذنب وراه ذنب كبير ..!!
أنك مش خايف .. مش حاسس رب كبير
و القلب متكدّر ..معصيته بيقدّر
ف طريق مضلّم ..ماشي يتعلّم
حياته منكوسة ..مشاعره محبوسة
و ف لحظة تاب !
جاتله فكرة تانية عن العذاب
اللي هو فيه ..يمكن في سر تاني دفعه ليه ؟
يمكن غلطت عشان أشوف ...أقرّب و أنكسر أخشع ...دموع عينيا تفتح لي الظروف !
يمكن ربنا عايزني ..؟
بيقول لي بطّل بقى ...بالمعصية تبارزني !!
خلاص هبقى جديد
هغيّر فيّا ...هحب طاعة تملاني ليّا
و كل أما أفكر ف نفسي عن زمان....هقرّب منه جلالته كمان كمان
مش هيأس.. و ف كرمه هتعلّق هآمن..
من توبتي ليه لفرحه بيّا ..كبرت ف قلبي عنه نيّة
يا ناس بحبه
نوّر حياتي ..
هبقى جنبه !!
الموضوع الأصلي :
تآئبٌ و مرِح ..قصيدتين || الكاتب :
روح~ || المصدر :
منتديات أنيدرا