واخيرا رجعت بيوميه جديده لوووول
احب اقول للبنات الي ردو ولا قدرت ارد على تعليقهم مرره شكرا
والله لا يحرمني منكم
نبدا باليوميه
اليوميه العشرين <<< واخيرا لوول
عنوان اليوميه : اناني ...
يوم من الايام
كانو توبي وريما رايحين لمدرستهم كأي يوم عادي في حياتهم
وانا كنت طبعا في الشركه كالعادة اشتغل
ويامابي كان يسوي اشياء كثيره كان زي المدير اعمال لريما و توبي ونفس الوقت
كان يشتغل مع فرقته عشان اغانيهم و عروضهم
المهم لما جا الظهر رجع توبي وريما للبيت
وشافو ابوهم يامابي قاعد في الصاله و كان يكلم احد بالجوال
لما شافهم وخر السماعه عن إذنه
يامابي : توبي رح غير ملابسك بنروح لشركة الفرقه الحين
توبي: الحين ؟ مو قالو بعد اسبوعين
يامابي: خلاص غيرو رايهم لانهم سجلو الاغنيه خلاص باقي يتعلمون الرقصة ويبون معك
توبي : اوكي الحين بروح اغير ملابسي
وراح توبي و وجهه ما في اي علامة تحمس او اي شي كأن الامر عادي
المهم لما سكر السماعة يامابي قربت منه ريما
ريما : بابا ابي احكي معك
يامابي: اوكي تكلمي
ريما: توبي طالع وحيد بالمدرسة اهو تخلى عن شلته وصار يقعد لحاله كثير
يامابي: طيب ؟
ريما: وشو طيب اقولك طالع وحيد مع انه صح لما ترك اصدقاءه ركز على دراسته بس..
يامابي: اهو سوا عين العقل ريما لان ما نبي سجله الفني يكون ملوث
ريما: كيف..؟ قصدك ان شلته ..
يامابي: ايه عصابته راعية مشاكل مع الناس و منبوذين في المجتمع
ريما :لأ بالغت بابا اوكي صدق يسوون مشاكل بس مو لدرجة الجنون
يامابي: حتى اهو بيفيد شلته اصلا لان لو انه متمسك فيهم وصار مغني رسمي الباباراتزي بيلاحقون اصحابه
وبيزعجونهم و يمكن راح يصورون المشاكل الي يسوونها واهم ما يدرون وتطلع فضايح ...
ريما راحت وجلست على الكنبه وما تدري وش تقول
ريما: بابا ان كان توبي ما يبي هالشي لا تغصبه طلبتك
توه بيرد يامابي على ريما بس فجأه نزل توبي
توبي: ريما انا ابي اغني وحتى لو حسيت اني خلاص ما اقدر اكمل ابي بابا يغصبني
ريما: لا مو حلو تكمل بشي ما تحبه !
توبي: هذا الشي الوحيد الي انا فالح فيه ومن بعده صار لي حلم وابي احققه ..وأما كلامك عن شلتي
فأنا من بعد تيشي ما صرت اطيق اي واحد فيهم ريما يعني لا تخافين راح القى صداقات ثانيه
يامابي: يلا يلا لا نتأخر
ومسك يامابي يد توبي وسحبه وطلعو من البيت بيروحون لشركة الفرقة دانغ
. . . . . . . .
لما وصلو للشركة طبعا مدير الشركه والي يشتغلون
معه عارفين توبي لان اصلن نصهم اهم الي يدربونه على الاغنيه والي يدربونه على الرقص
والي يدربه على انه يسوي رياضه كل يوم والخ
بس الي ما قابلهم الى الان اهم الفرقة نفسها
مينكي
كين
شان
نايران
<< لا تقولون شي عن الاسماء ترا بالطقااق قعدت ادور اسماء زي هالاسماء الكشخه لول
المهم اخذ مدير الاعمال الفرقه الي اسمه سونجي المهم اخذ توبي لغرفة الرقص
كل الفرقه متجمعين هناك عشان بيتدربون على رقصتهم الجديده..
لما دخلو لقى توبي اعضاء الفرقه .. الي قاعد والي متنح بخشته في المرايه والي ماسك جواله الي يحاكي نفسه
صفق مدير اعمالهم سونجي عشان ينتبهو له .. ولفو عليه
سونجي : أعرفكم بتوبي العضو الجديد في هالفرقة
الي كان قاعد وقف وقرب من توبي
سونجي : هذا مينكي قائد دانغ
توبي: تشرفنا
كان مينكي يناظر توبي من تحت لفوق وبنظرات غرور
مينكي : انت عارف ان لازم تطول شعرك صح
توبي: ايه اعرف اني لازم اطول شعري عشان ملامح وجهي ما تكون بارزه مره
مينكي: وانت عارف ان في هالوقت لازم تلبس كاب او قبعه الين ما يطول شعرك
توبي: ايه اعرف
مينكي: وانت عارف ان في الرقص مكانك ما يتغير حتى لو كنت تغني مقطعك يعني ما تتقدم
توبي: ادري ما اتقدم واخليك ورا ظهري انت دايم في المقدمه .. وان ملابسنا موحده الا انت ..عارف
مينكي : كويس داخل وانت عارف كل القوانين و موافق عليها
توبي: ايه
مينكي : اوكي اجل انا بطلع الحين يا سونجي تعرف مالي خلق اتدرب على الرقصه معهم الحين
سونجي : على راحتك
وطلع مينكي من غرفة التدريب
سونجي : وين مدرب الرقص ؟؟ الى الان ما جا ؟؟!
كين : ايه
فجأه دخل واحد للغرفه واهو يلهث
سونجي : وينك ياخي تأخرت
مدرب الرقص : اسف بس كان فيه حادث وصار زحمة بالشوارع الحادث مره كبير.. اوه توبي واخيرا صرت تتدرب معنا
سونجي : مينكي يقول بعدين دربني على الرقصه
مدرب الرقص : ليه ما يعقل ويتدرب معنا اوووف مالي خلق ادرب مرتين
سونجي : عاد وش نسوي
مدرب الرقص : اوكي يلا نبدا
طبعا بدو يسوون إحماء اول شي وبعدين قام يعلمهم الحركات الجديده
وفي بعضهم معترض على حركات معينه و بعضهم عاجبهم يعني قعدو اكثر من 7 ساعات يتدربون
لان ما بقى شي على نزول البومهم الجديد و على عرضهم على المسرح
لما خلصو من التدريب قعدو يرتاحون شوي و قام مدرب الرقص يتناقش معهم عشان بكره
شان : توبي كم عمرك ؟
توبي : 17 بس بدخل 18
كين : اجل انت الماكني حقنا
توبي: ماكاني ؟؟
نايران :يعني اصغر واحد فينا يسمونه الكوريين الماكاني
توبي: اهااااا .. الا تعالو انتو كل واحد من وين وكم اعماركم ؟
كين : انا من اليابان و عمري 22
شان : انا من الصين وعمري 22
نايران :انا من تايلند وعمري 20
توبي: واااه كلكم في العشرينات ما شاء الله .. مينكي كم عمره ؟
كين : 25
توبي: وااااه !!
كين : وراك مستغرب لووول
توبي: مدري أشكالكم كأنكم كبري لووووووووول
المهم فجأه مدرب الرقص جاه اتصال واضطر يطلع برا عشان يكلم
لف نايران على توبي وقال له : انت مقتنع ؟؟
توبي: في وشو
كين : انك تكون معنا
توبي: ايه
نايران : انا انصحك تنسحب توبي
توبي: لا لا انا متحدي ابوي واصلن خلاص وقعت العقد ما يمديني
كين : غبي مع احترامي الشديد
توبي : لييه مو اهم معلمينك القوانين اول ما توقع العقد
نايران : مو شرط .. انا ما علموني عن شروطهم ما علموني عنها الا بعد ما وقعت العقد
كين : انا علموني بس اضطريت اني اوقع
توبي: ليه ؟؟
كين : انا هدفي مو اني اكون مغني هدفي اكون دكتور وانا الى الان هذا طموحي بس لما ابوي خسر في الاسهم
راحت كل فلوسنا ابوي بعد هالشي تعب وانا الولد الوحيد في هالعائله ورحت لهالشركه و قبلوني
نايران : اهو الشي الوحيد الي مخلين نتحمل اهو رواتبنا متساويه وعادلين فيها .. بس انا ابي اشتهر صح
شان:اوووووف اوووووف خلاص وش فيكم مو لازم نشتهر
كين : ايه صح انتبه لا تصادق هالانسان يعني ممكن ينقل كل الكلام الي تقوله له لمينكي
شان:هيييه !!!
نايران: تراه فتاان وحالته حاله
شااان : خلاص يا عيال عشاني موافق على شروط الشركة تقومون تطلعون اشاعات عني
توبي: انت موافق يعني داخل بحريتك الشخصيه
شان : ايه
نايران : غبي
شان : اسكت !!
توبي: هييه هيييه شوفو كذا ولا كذا حنا فريق اوكي يعني بتستغربون هالكلام مني لاني اصغر منكم
بس انا راح اغير هالشي صدقوني
كين : ارحمك توبي
توبي: اسمع كين انت صدق تبي تصير دكتور وكذا بس طبقة صوتك تعتبر فن بكبره مو بعض الاحيان يستخدمون
صوتك ويركبونه على صوت مينكي يعني يقاله مينكي اهو الي مغني هالشي ما اقول ان صوت مينكي شين بس ما يقدر يغني نوتات عاليه
نايران : واااو شكلك صدق تعرف عننا
توبي: وانت تحب مره الرقص ورقصك بيرفكت بس ما قد عطوك الفرصه.. يعني فيه ناس بالفرقه موهوبين هنا
شان: انا اقول لا تحاول
توبي: ليه ما احاول؟ راح احاول و لا راح يهمني كلامكم
كين : توبي .. عم مينكي يملك هالشركه يعني لا تحاول
توبي: وأذا .. على العموم ما عليكم انتم
وقف توبي واخذ شنطته وراح للحمام يتروش
. . . . . . . . . .