منتديات أنيدرا An-Dr للدراما الآسيوية و الأنمي

YuTo-Love · 16-03-2009, 12:02 AM

السلام عليكم
وشلونكم وش اخباركم ؟؟
المهم اليوم دورنا انا وسوسي في نتزيل القصة
ما راح اسوي مقدمات << متحمسة الاخت لابعد الحدود
ايه بس ابي اقول انها لا تسمى قصة بل روااية اقرو وتعرفون ليه
المهم دوزو

(( جونيز أكاديمي ))

في منزل عائلة سوسي:

سوسي تكلم امها بقهر: طيب ياماما مالقيتوا تحطوني إلا بهالاكاديميه السجن..ماتعرفين انو بنتك تموت إذا ماخرجت وشمت هواء وشافت خلايق الله .. وبعدين كل صحباتي ماراح يجون معي..ليش تخليني اعيش هالقدر المحتوم لوحدي , واكون مسجونه باكاديميه الزفت ذي , مابغا أروح تهئ تهئ تهئ..

أم سوسي:نحنا بنكون مسافرين,وانتي اذا جيتي معانا كذا بتضيعين دراستك,فلازم تدخلي هالأكاديميه حتى نطمن عليك ونحنا برا, وخلاص لاتعيدي وتزيدي في الموضوع قد سجلناك وانتهينا من موضوعك .

سوسي : ياربي خلاص بعيش حياة السجناء من بكره , بروح احتفل مع البنات وأودع حريتي .وخرجت سوسي للأحتفال وتوديع صديقاتها .

في منزل يوتو :

أمها وابوها يكلمونها بجديه : أهم شي تكونين مجتهده ومؤدبه وخليك دائما مع جونغ , وانتبهي لنفسك ولاتسوي مشاكل مع الاساتذه , تراهم شديدين بالمره , ونحنا مانبغى بنتنا تفشلنا وتجينا مفصوله هي وجهها .

ويقرب ابو يوتو منها ويحط يده على راسها : يوتو يابنتي هالاكادميه من اهم الاكاديميات في العالم فلازم تثبتي جدارتك فيها .

يوتو وهي خايفه لمن سمعت هالكلام : إن شالله ابيض وجيهكم لاتخافون علي , وهي داخل نفسها تقول( الله يستر علي مدري وش بسوي هناك).

.................................................. .....

تبغون تعرفون عن إيش يتكلموا سوسي ويوتو وفين بيروحون ..وش هالاكادميه

وش قصتها ؟؟ ok..بقولكم السالفه

هذا ياحلوين سلمكم الله مكان يسمى (جونيز أكاديمي) وهي من اهم واكبر واعرق الاكاديميات في العالم , وتضم نخبه من امهر المدرسين والدكاتره في مجال التعليم, هذا بالاضافه إلى المميزات الي تقدمها الاكاديميه لطالباتها على المستوى العلمي والعملي والترفيهي >>وهذا اهم شي ^^

وتتميز هالاكادميه بأنها تقسم طالباتها الى مجموعات وكل مجموعه باسم أحد فرق الجونيز مثل نيوز وكاتون واراشي وكنجاني وغيرها..

وطبعا طالبات المجموعات يقسمون انفسهم على حسب الشخص المفضل عندهم يعني مثلا الي يحبون بي في مهجع بي وإلي يحبون ماسو في مهجع ماسو وهكذا ..

المهم .. نجي لأحلى حاجه في الاكادميه إنها تعمل مسابقات بين كل فتره والثانيه والفائزه طبعا يحق لها الخروج من الاكادميه الي زي ماتسميها سوسي (سجن)مع الشخص الي تحبه >>فله صح , أقولكم اكادمية الاحلام ههههههههههههه

..................................................

التعريف بالالقصة :

اولا القصة :

الكتاب : يوتو + سوسي

نوعها : كوميدي ما طقته الرومنسية و لاحتى لمسته

على قولة سوسي : خيالها غبي + خيالي الغبي = هبال xهبال

البارتات : تتراوح مابين العشرين الى التسعين

امزح ما بين ال9 و 6

و ثانيا الشخصيات :

yuto-love1 يوتو : بنت ولا احلى جمال العلم كله فيها << من بدايتها صواريخ

من فانز يامابي << لا عاد معلومه جديدة

2 sosiسوسي : بنت طيووووبة و نعووومة مرررة و دايم متفاهمه << معله اقرو القصه وتكتشفون الحقيقة

noos3 نوس : بنت اسمها الثاني هع << بيجيك كف اركضي

طيوبة و هادية حتى في النوم ما راح تسمعون شي << اقرو القصة و صلو علي لان احساس ان نوس بتقتلني انا وسوسي

4 سااني او سانيوريتا : بنت عااااااااااقلة ابدا ما تحط راسها في روسنا

و دايم تفرع بينا و تسكتنا و ما تقلعنا لفرشنا ابدا

5 jong wah او جونغ : صديقة يوتو اللي ما تفارقها ابدااااااااااا

6 مشبب << مسكين حتى هنا موجود
: رجال و لا احسن تكرفه سوسي اربعة وعشرين ساعة ويساعدها في الغش

7 ميز زليخة : هذي معقدتنا في المدرسة<< اعوذ بالله ما سوت شي غلط

8 مز سعدية : هذي المديرة طيبة بس تمشي مع مز زليخة

..........................................

اليوم الاول في الاكادميه

تصل سوسي الى الاكادمية و هي مرة متفاجئة من كبرها

و تلف سوسي على ابوها وامها و تودعهم والدموع في عيونها

سوسي والدموع في عيونها : يعني كم بجلس هنا ؟؟

ابوها : سنة بالكثير

سوسي : لااااا كيف بتحمل اجلس في هذا السجن

وتروح سوسي لامها و تودعها و تدخل سوسي للاكادمية

و امها وابوها مشو بالسيارة بعد ما تاكدو من دخولها

...........

بعدها بقليل تصل يوتو تنزل من السيارة ومعاها العائلة

الكريمة رازين نفسهم معاها ما تدري وش يبون

امها تطلع وتطالع في اخوان يوتو في السيارة

امها : يالله قولو مع السلامة ليوتو و لا تطلعون من السيارة

وانا بروح اوصلها داخل المدرسة

يوتو : يا يمه يا يمه ما يحتاج

امها : الا يحتاج اخاف عليك وانا امك داريه انك من جنبها

يوتو : اموت في الصراحة اللي فيك

ام يوتو وهي تضحك : يالله اوصلك

وتلتفت على ابو يوتو : تجي << احم لازم الاب عشان اقدر انسجم بسهولة << احد سال؟؟

ابوها : اكيد

و توصل ام يوتو وابوها اللين داخل المدرسة ويسلمونها لجونغ

يوتو : جونغ امي مخلفتني وناسيتني تراكم تعبتو البنت

حونغ : بزران اخر زمن شوفي كيف ترد بس

يوتو + امها + جونغ يضحكون و بعدها سجلو حظور و

يوتو تلتفت علىامها وابوها وتودعهم

.....

نرجع لسوسي

سوسي من يوم دخلت واهي ضايعة من كبر الاكادمية

و تمشي مع القوم اللي يمشون وتدخل داخل القاعة الرئيسية كانت كبيرة وملونه

و مليانه بنات سوسي تدور احد يعطيها وجه ما لقت

كل من مر طنش و سوسي تبي تسال وين تروح عشان تسجل حظور

شوي الا تشوف لها بنتين يمشون و يتفرجون على القاعة و يجربون صدى الصوت << فضاااوة اموت في ذلا البنتين

سوسي في نفسها ( شكل موهب معطيني وجه الا اهم لانهم موهب مستعجلين زي غيرهم ) و تقرب سوسي

سوسي : انوو

... : نعم

سوسي : وين اسجل حظور ؟؟

... : هناك تلفين يسار لا لا يمين و لا يسار جونغ يمين ولا يسار

جونغ : يوتو الله يهديك اذا ما ترفين قولي وفكي البنت

يوتو : اعرف اعرف << واااضح

وتلف على سوسي : اوصلك ؟؟

سوسي وهي متوهقله لان من كلام جونغ البنت ما تعرف : اممم يالله

يوتو : وراي

و يمشون البنات و تلف بهم يوتو حول الاكادميه كلها

يوتو : المفروض يكون هنا

سوسي : خلاص عادي مشكورة انا بدوره << تبي الفكة

يوتو : لا لا عادي انا اوصلك << لزقة جونسون على قولة دي دي

سوسي : ايه ها يالله

و تدور بها يوتو الاكادميه مرة ثانية

...........................

يتبع البارت شوي طويل

YuTo-Love · 16-03-2009, 12:05 AM

يوتو : لا لا عادي انا اوصلك << لزقة جونسون على قولة دي دي

سوسي : ايه ها يالله

و تدور بها يوتو الاكادميه مرة ثانية

يوتو : شفتو وانا بنت ابوي ما قلت اني بلقاه << ايه معليه وش بعده

سوسي : وينه ؟؟

يوتو : هذاك اهو يالله بروح معاك تسجلين حظور

سوسي : مشكورة ما قصرتي

و تسجل سوسي الحظور وتاخذ مفتاح غرفتها

و من لقافة بعض الناس رزت وجهها تبي تشوف رقم الغرفة

يوتو : ايييييييييييييييييييييه نفس رقم غرفتي

سوسي : من جد حلو لما يكون معاي وحدة اعرفها

يوتو : ايه الحمد لله كنت منصدمة ان جونغ مو معاي

جونغ : ايه وانا اللطعوني لحالي في الغرفة

يوتو : ان شاء الله يكون معاك وحدة كويسة << اموت على التصريف

يالله نروح عشان نرتب الشنط وننام

·توجهت سوسي ويوتو لغرفتهم ولمن فتحوا الباب لقيوا كمان بنتين فيها , الاولى كانت منسدحه على السرير وتطقطق في ذا اللاب , والثانيه كانت ترتب ملابسها في الدولاب..

نطت الاولى من سريرها وراحت عند سوسي ويوتو وقالت:هع أنتوا معانا كمان هنا بالغرفه (اظن من هع عرفتوها ^^)

يوتو: ايه اجل ليش داخلين يعني !!<< احلى يالقوية

سوسي: يووووووه امبسبل (مستحيل) كمان فيه غيرك يايوتو معي بالغرفه يعني المجموع اربعه بنات في غرفه وحده = زحمه ماتنطاق , مايسير كذا T_T<< اف ياللي ما تتحمل معليه ان ماكنت من جنبها يالناعمة

يوتو : خلاص ياسوسي ارضي بالنصيب اربعه احسن من خمسه , غير ان اللمه والجمعه والزحمه حلوه ,

وتقاطعها سوسي : ايه بس مو في غرف النوم ,الجمعه لها مكان وغرف النوم للراحه والاستقلاليه مو متجمعين كنا سمك سردين معلب ..

<< هههههههههه حلوة سمك سردين معلب

يوتو : اجل ماقد سمعتي بحفلات النوم , وااااااااي تهبل ,تخيلي اننا في حفله نوم ^^<< شفتو كيف التصريف تعلمو مني

قامت البنت الي ترتب ملابسها وقربت منهم الثلاثه , والتفتت على سوسي

وقالت: اقول يالحبيبه لايكثر , مامعك الا ماحصل ونحنا هنا بنكون مع بعض طول السنه يعني لازم نتحمل بعض ونحاول نحب بعض ok , بالمناسبه اسمي سانيوريتا وحضراتكم ؟؟

يوتو : انا يوتو وهاذي سوسي ..

سوسي : ياحبك للقافه طيب خليني اقول اسمي ..<< اعوذ بالله مافيه تقدير للمساعدة

وقالت الاخيره : هع انا نووس , وراح اعين نفسي الليدر عليكم شئتم ام ابيتم ..<< هههههههههههه سوسي تشهدي

قالت سوسي : نعم ياروح امك ,

الا قاطعتهم ساني بصوت عالي : بنااااااااااااااااااااااااااااات خلاص روقونا , احس مافيه غرفه طالع صوتها الا غرفتنا خلونا نهجد ونعيش بسلام ممكن ! << يالله يا المسالمة

مشيوا ساني ونوس على سررهم , وبقيوا سوسي ويوتو واقفين عند الباب طالعوا في الغرفه الا في سريرين باقيه واحد منهم مكانه استراتيجي يعني جنب الشباك , وجات عيون سوسي ويوتو عليه في نفس اللحظه , جريو الثنتين عليه وتنط سوسي وتنط معها يوتو

<< الحرب العالمية الثالثة ارتدو الخوذ لسلامتكم

, قالت سوسي وهي تدف يوتو : والله انه لي , يالله انقلعي انتي ووجهك , وقامت تفتح في الشباك

,قالت يوتو: اقول لايكثر بس انا الي موصلتك هنا يعني لولاي ماكان وصلتي بدري << بلا تمنن يا بنت عادي تراه سرير << ولا كأنها أهي

,قالت سوسي: احد ضربك على يدينك وقالك توصليني ,انتي الي مسويه فيها ابو الفزعات وقلتي اعرف ومالت عليك انتي ومعرفتك , واصلن انا كذا كذا كنت بدل طريقي بك ولا بدونك << ناكرة للجميل امحق

,وتقطع هوشتهم للمره المليون اظن ساني :خلاااااااااااااااااااااص روقونا ياربي من هالثنتين من يوم مادخلوا وهم زي الاعصار ماحس بالهدوء ابدا معاهم , اسمعوا انا في يدي خاتم ok كل وحده تختار في أي يد حطيت الخاتم والي يطلعلها بيكون السرير ذا من نصيبها اتفقنا ,

وتطالع في سوسي ويوتو وهم علامات غير الرضا واضحه على خششهم :طيب امرنا لله..

قامت ساني وخبت الخاتم ورا ظهرها وطلعت يدينها وقالت :هاه وش تختارون؟؟

سوسي:يمين يمين ,

وقالت يوتو وهي تطالع في سوسي بنص عين :وش بقالي خلاص شمال T_T<< اكسر الخاطر انا طحت ضحيت سوسي

فتحت يدينها ساني الا طلع الخاتم في يدها اليمين ..

سوسي بضحكة سخريه:يوتو يالله حبوبه مناك سريرك ,ظفي وجهك من غير مطرود هههههههههههه<< يالله نذلللللللللللللللللللللللله

يوتو:غش غش مارضى ساني بليز عيديها مره ثانيه ..<< من جد غشانتم معاي صح

ساني : يوتو خلاص حبيبتي هذا حظك ارضي فيه وانطمي لأننا نبي ننام

<< وش ذاه شي يقهر

يوتو تطالع في سوسي بنظره قهر : عمى T_T<< من جد حاسة فيك انا

سوسي:ههههههههههههههههههههههه

قالت نووس لساني وهي تتطالع في هالثنتين : اما هالثنتين الله يعيننا عليهم هع..

ساني باإبتسامه ساخره: اقول انخمدي انتي الثانيه !<< هههههه تفشيلة

حاولت سوسي تنام هذيك الليله ماجاها نوم ,غير انها تحس المكان غريب عليها ,خصوصاً ان نووس تصدر سمفونيات عجيبه (يعني اسطوانات تشخير ) وبين كل تشخيره وتشخيره (هع) <<ههههه سوسي بصلي عليك من اللحين

عاد تخيلوا كيف الواحد يقدر ينام .. اما ساني ماشالله عليها نايمه بسلام على قولتها تبي تعيش بسلام وكمان نايمه بسلام << يالله مطلعينك شي هناه معليه عندي احساس عكس كذا

YuTo-Love · 16-03-2009, 12:07 AM

..لكن لما التفتت سوسي ليوتو لقيتها صاحيه لسه مانامت وكانت تسمع ميوزك فرحت سوسي واشرت ليوتو بيدها ,لأن الاخت ماتسمع في عالم اخر (من السماعات يعني) فانتبهت يوتو لسوسي !!

يوتو : خير اش تبين ..

سوسي تنط على سرير يوتو وتفعص خدودها: أفااااااا زعلانه مني عشان قصة السرير ,طيب وش اسوي اذا حظك خايس

يوتو بنظره غضب :ايش !!

سوسي:سوري سوري خلاص توبه ,حظك حلو ومافيه مثله,بس تعالي قوليلي وش تسمعين ؟؟

يوتو: نيوز

سوسي: هاااااه وشهو ؟؟

يوتو: نيوز نيوز ..وقامت تغني لها اغنيه iza na iz uki

سوسي: هيه رفيق انتا اش يقول كلام انا مافي معلوم ؟؟ منجد من هذولا الناس ماعرفهم يعني غريبه شوي انو في فرقه غربيه تطلع وسوسي ماتعرفهم !!<< ههههههههههه كانها نكتة سوسي ما تعرف نيوز

يوتو : يوووووووووووه منجدك انتي تتكلمين ولا تستهبيلين على راسي ,يالله طسي مناك على سريرك ابو شباك ..<< يا بعدي اللين اللحين مقهورة

قالت سوسي: لالا والله منجدي ماقد سمعت بهالناس ,يالله حبوبه قوليلي منهم

وتمسك يوتو وتدغدغها..

يوتو:هههههههههههههههههههه خلاص خلاص بقولك , بس اهجدي انتي ترا بيقومون البنات ..تعالي اعلمك منهم نيوز ..

وتفتح يوتو دولابها وتطلع كنوزها الثمينه ,من صور ومجلات لنيوز << احم احم تعرفوني انتم

وبدت تسمع سوسي اغانيهم وتعلمها اسمائهم..

وبعد ماسمعت وشافت سوسي نيوز:الحين هذولي يابانين مممممممممم صراحه مافيهم الا واحد عليه ذكر الله اما الباقي اسمحيلي مره ماجازولي ,يعني الخشوم ممسوحه والعيون مختفيه غير الاجسام ,عظمتين على جلد يالله عفوك بس ..

يوتو: ههههههههههههههههه اجل ماعجبوك , طيب انقلعي يالله ..<< ايه كذا

سوسي: ايه ماعجبوني بس واحد وأشرت على يمابي ..

يوتو: نعم نعم نعم , اقول يالحبيبه مناك سريرك ابو شباك ,يالله انقلعي جاتني النومه ,وللمعلوميه هذا حبيبي انا بس وماأسمحلك باأي شكل من الاشكال تحبينه

وتدف سوسي على سريرها ..

سوسي تضحك: اجل بحبه من قلب طالما انه حبيبك ,تصبحين على خير ..

ويضحكون الثنتين وينامون..

.......................

عرفتو ليه رواية هههههههههه
يالله سوسي بتنزل البارت اللي بعده بعد نص ساعة

**Diane** · 16-03-2009, 12:10 AM