ارتفع ضغطي قسم بالله !!!

[M.J Corleone]

ارتفع ضغطي قسم بالله !!!

Tweet

لإزالة كل الأعلانات، سجل الآن في منتديات أنيدرا

بسم الله الرحمن الرحيم

سلام عليكم مينناااااا سااااان ..

أنا وكعادتي دائما مستقعدة 3 أرباع يومي عالنت اشوف وش الجديد لعل وعسى فيه حاجة تفتح النفس ولكن اروح وارد على بريدي الــ 1192 اللي مادري كيف تراكمت ولا قريتها !!!
اكثرها من ذا الفيس بوك اللي يعلمني بكل شاردة وواردة .. طيب مابي وش دخلك ؟؟؟

ما علينا ... توني باسكر الصفحه جاني اعلان على يمين الشاشة .. صراحه لفت نظري
وانا العادة مدار الرؤية وأبعاد نظارتي كلها مركزة على الرسالة ..


المهم .. الاعلان وبصورة ملفته و "جميلة " يقول :

راقب أي كمبيوتر في المملكة وانت في مكانك

انا قلت :: مراقبة ؟؟ اي نوع مراقبة هذا ؟؟

انا طبعا حطيت ببالي مراقبة = تجسس .. مافي غير كذا

ضغطت على الاعلان اللي مدري وش يبي ابي اشوف وش وراه <<<ابدا مو ناوية تراقب أحد

وطلعت لي هالصفحة وفيها الآتي بدون نقصان :

-- كلامي في النهاية --

راقب اي كمبيوتر من أي مكان في العالم
قم بتنزيل اقوى برنامج مراقبة في الجهاز الذي تود مراقبته, وسوف يقوم البرنامج بكشف جميع ما يكتبه على الكمبيوتر حتى الباسووردات وبكل سرية تامه

مميزاته :

1-البرنامج سوف يكون مخفي تماما بالكمبيوتر ولا يمكن كشفه نهائيا ولا حذفه الا عن طريقك

2-كشف جميع ما يكتبه على الكمبيوتر كالمحادثات المسنجرية والمواقع وبرامج الاوفيس وغيرها الخ..

3- كشف جميع الباسووردات التي يدخل بها الى أي موقع..

4-يقوم البرنامج بارسال تقرير يومي الى ايميلك بجميع ما كتبه خلال الاربع والعشرين ساعه الماضية في حالة اذا كنت بعيد عن الجهاز المراقب تقوم بوضع ايميلك داخل البرنامج وهو سوف يقوم بارسال تقرير يومي ملف نوت باد الى ايميلك مع بداية يوم جديد عندما يتصل بالانترنت مباشرة


5 سهولة تنزيل البرنامج في مدة لا تتجاوز 3 دقائق
6-.امكانية تنزيل البرنامج على اكثر من جهاز
7- سهولة استعماله واستخدامه وصغر حجمه


8- امكانية الدخول الى البرنامج مباشرة من الجهاز نفسه عبر اختصار معين ورقم سري خاص بك في حالة اذا كان الجهاز بحوزتك


9- امكانية وضع توقيت معين لحذف البرنامج اتوماتيكيا من الجهاز دون التدخل منك مباشرة

10 - البرنامج يدعم و يكشف جميع اللغات التي تكتب على الجهاز

11- البرنامج يحدد لك التاريخ والوقت باليوم والشهر والسنة والساعه جميع ما كتب على الجهاز بحيث تستطيع ان تختار يوم معين لتكشف ما كتبه في ذلك اليوم


12 - امكانية حفظ جميع ما كتبه وتصديره لملف خاص بك


13- امكانية حذف جميع ما رصده البرنامج يدويا او اتوماتيكيا عبر مؤقت


14- امكانية التواصل مع البرنامج مباشرة في حالة ان الاجهزة مرتبطة بشبكة خاصه

مستخدمي البرنامج:
شركات-مؤسسات-افراد
الاكثر شيوعا في استخدام هذا البرنامج:


. مراقبة الاب لابنائه المراهقين

. مراقبة المدير للموظفين

. مراقبة الزوجة لزوجها
.................................................. ............................................

تكلفة البرنامج : 1000 ريال وسوف يتم توصيل البرنامج لك عن طريق الايميل بعد الدفع مباشرة

..........




- طبعا هو في الأخير حاط اسمه ورقم جواله و حتى البنك اللي يبيك تحول الفلوس عليه !! الراجحي بعد !!!!

المهم انا صراحه انلحست شوية .. يعني بالله خلاص .. معد صار فيه خصوصية

يعني فيه احتمال كبير انه فيه ناس برا هالحين تراقب تحركاتي وتشوف اللي انا قاعدة اكتبه هالحين ؟؟

يعني بيني وبينكم ومثل منتو عارفين استحاااااااااله هالشيء يستخدم صح . اول شي اختراعه غلط من الاساس الا اذا كان لصالح ناس زي الشرطة او الاستخبارات .. يعني وش لنا الافراد بهالشي !!!

اول شي يقول مستخدمينه ::

شركات تراقب موظفيها :: أول شي يا غبي . الشركات ما تحتاج لبرنامجك لأن عندها الهاردسك الأم الكبير اللي يكون بمستودعاتها غالبا واللي الله لا يهينه يسجل كل شي يخص الشركة .. يعني اي معاملة اي تحويل اي حساب عشان يكشف أي محاولات اختلاس وتلاعب وما شابه دون التدخل فأي مجلد فرعي شخصي للموظف .. وبرنامجك هذا فتح الباب للتجسس على حياة الموظف الشخصية .. طيب يمكن فتح ايميل يمكن فتح مجلد سري يمكن كاتب مقال او سبق صحفي تجي انت و وواحد نذل يستخدم هالبرنامج و تفضحونه ولا تسلبونه جهده . المهم فكرت فيها منا منا منا ما فيها شي ايجابي من هالناحية ..

أب يراقب ابنائه المراهقين :: من أقذررر أنواع المراقبة الأبوية على الاطلاق التجسس وكلنا عارفين كذا .. يعني يكفي الاسلام محرم التجسس تجي تساعد على كذا .. طيب اوكي ابوهم .. يعني هو مو مربيهم كفاية عشان يشك بتصرفاتهم !! معليش بس احنا كذا نعزز فكرة أنه المراهقين دايم يغلطون ودايم تصرفاتهم مشبوهه .. اصلا ماله حق يستخدمه .. يحط شبكة نت محدودة النطاق وعلى مواقع محددة ويفك عمره من هالتصرف الغبي .. باستخدام برنامجك الاتفه .. غير كذا يمسح هالشي اي تفاهم بين الأب وولده .. يعني مسهل عليه التجسس بدل المواجهه اللي هو التصرف الصح ...

نجي للمستخدم اللي عجزت أفهم من ايش يستفيد ..

زوجة تراقب زوجها :: بمعنى آخر شكاكة تراقب سربوت .. لعنبو بليسك ما تستحي على وجهك ؟؟ يعني قايلها وبالفم المليان .. الزوجات شكاكات ورجاجيلكم دايم ملاعين خير .. <<< عارفه بالغت .. بس والله من الحره ..

اوكي نجي بالبداية.. الزوجة الحمارة اللي تجسس على تحركات زوجها بالنت منهي ؟؟؟ والزوج الكلب اللي هاد شغله وعياله و يخنبق عالنت منهو ؟؟

مافيه !!!

الا قليل .. وهالقلة بيكبرون وبينشرون قلة أدبهم للعالم بواسطة هالبرنامج .. يعني كل واحد مننا له حق يجلس عالنت ويسوي اللي يبي ولا أي أحد له دخل فيه .. ربه فوقه وهو اللي بيحاسبه .. الحين قلبنا مفهوم استر على اخيك يسترك الله يوم القيامه .. صار كل واحد يطل في جيب الثاني الا يشوف وش وراه ..
وتلقى اذا احد استخدمه وأنا متأكدة أن 99 بالمية من مستخدمينه راح يكونون تحت سن الـ 26 .. كل واحد يراقب خويه وهذاك فاتح جهاز بنت يشوف وش عندها .. لا منشاف ولا مندري ... واللي يقتل انه يقول فوق ان هالشي مستحيل تحس فيه لا على جهازك ولا على جهاز الضحية !! يعني بياخذ منك سنين الين تدري ان جهازك متجسس عليه !!!

وياناس ترا الــ 1000 ريال صارت في يدين الكل .. بيشتريه هذا ويعطيه لخمسمية غيره من شياطين الانس الله ياخذهم وياك ..

الموضوع الأصلي : ارتفع ضغطي قسم بالله !!! || الكاتب : M.J Corleone || المصدر : منتديات أنيدرا

[سوما]

هلااااااا ^^ كيف حالك ياكرينول ^^مم شكرا على موضوعك المفيد بس ابغى اقلك حاجه ايذا اتكرمتي يعني^_^ المفروض هذا الموضوع يتكتب في قسم الكمبيوترصح^^ وانا مادري يعني على كيفك بس مادري ايش حايقولوا المشرفات والمشرفين بس على العموم مررة موضوعك مفيد ومهم واتمنى من كل لاعضاء يشوفوا ان شالله ^^ ولاتحرمينا من مواضيعك الحلوة ^^
تقبلي مروري اختك سوسو

[Ḿĭşş şђĭяŁέy•◦]

السلآم عليكمْ ورحمة الله وبركآته

كيفك غلآتيً ؟؟

فديتكْ والله إنك صآدقة بكلً كلمة

. مراقبة الاب لابنائه المراهقين

يعنيً مو كفآية اللي الله بآليهم بآباء شكآكينْ تجي وتزيدْ الطينْ بله

خلآص كلً وآحد يثق بتربيته ويخليً عيآله أحرآر بحدودْ

ومآله دآعي برنآمج تبن أو حآجة

يآويله من ربً العآلمينْ

ولوْ كآتب مرآهقينْ

يآعبقريً المرآهقينْ مو كلهمْ مو ثقة

وربيً مسآكينْ احنآ

مآحد يفهمنآ إلآ بالمرآقبآت والجدلً

مآفي تفآهمً

وإنت تدريً يآصآحب البرنآمج إن عليكْ إثم كل أبً نوى يرآقبْ عيآله

برضو رآح تتسببً بمشآكل الكلً في غنى عنهآ

خلآص يوم القيآمة رآح كل وآحد يحآسب لحآله

والحمدلله في كثيرً بمجتمعنآ محترمين نفسهم ويخآفونْ ربهم ْ ..!!

. مراقبة الزوجة لزوجها

ايش قصدكْ يعنيً ؟

تعينْ الزوجة إنهآ تشكْ بزوجهآ ولآ ترتآح بحيآتهآ

حتى المتزوجين بتخربوآ عليهمْ

فتحت لنفسكْ بآب آثام ومشآكلً

حسبي الله عليكْ ..

ولآيدريً إن بعض النآس مآرآح يصدقوآ خبر

رآح يشترونهْ ويطبقونه على الكلً

مو علىً الفئآت اللي ذكرتهآ

اتقِ الله بسً واتركْ هالخرآبيطْ عنكَ

والله خآطريً أشوته شوتة تطيرهْ كوكبً ثآنيً

مآألوم ضغطكْ لمآ ارتفعْ

جزآكَ الله خيرً

وعذراً عالإطآلة

[زهرة المدائن]

السلام عليكم و رحمة الله و بركاته


معك حق في كل كلمة قلتيها


اعتقد ان الخصوصية في الوقت الحالي اصبحت مفقودة


و بعدين وصلنا لمرحلة ما في ثقة بين الاب و اولاده و الزوجة و زوجها


من المفروض ان يتم منع انتاج مثل هذا النوع من البرامج و معاقبة من يتاجر بها


الف شكر

[مجنونة ادراما]

مشكورة اختي ع الموضوع المفيد ^^

تحياتي مجنونة ادراما