هل تفضل اللغة العربية أم الأنجليزية؟!

[Matsuri San]

السلام عليكم ..
اهلاا وسهلاا عزيزتي .. حياج الله

واحييج على الموضوع القيم ..
في الحقيقة ,, اللغة العربية طبعا ولاشك بهالشيء هي موضع اعتزازنا وفخرنا ..
ولازم نتعمق فيها اولا واخرا لانها لغة كتابنا العظيم , ولغتنا لما رح نكون في الجنة ان شاء الله ^^

اعلق على عبارة انه ماحد ينقبل في وظيفة لو كذا الا اذا جان يتقن او يتحدث الانجليزية .. لانها الان لغة العصر ..
ولابد من ممارستها .. وعني انا فالحمدلله لغتي الانجليزية قوية حتى علاماتي ايام المدرسة في الانجلش اعلى بكثير من العربي .. شيء حلو بالنسبة لي .. وامارسها كثير في البيت ..
لكن احب العربية كثيرا .. واتفنن في اختيار الكلمات العربية في شتى المواضيع .. لغة البلاغة .. اجد فيها كلمات اكثر تاثيرا واحيانا اشد وقعا من الانجليزية

ولو شخص تكلم عن لغتي بسوء سادافع عنها بكل قوتي .. لا باسلوب خشن .. بل باسلوب مقنع يشرح حقيقتها وسموها

هذا مالدي .. وااسف على الاطالة
بوركتِ .. وشكرا جزيلا على موضوعج القيم

[فراقه صعب]

موضوع جميل..

بالنسبه لي أعتقد اني افضل اللغة الـانجليزيه لـانه فالـايآم مايقبلون حد فالجآمعآت إذا الوآحد

ميح فالـانجليزي..

بس هذا مب السبب الرئيسي بالنسبه لي هآي اللغة حلوه وفيهآ متعه يوم اتعلمهآ واتقنهآ..

وهالـايام ماتشوفين حد مايعرف يرمس بهآي اللغة..هي لغة العالم إذا الواحد ماتعلمهآ حس عمره جآهل

وطبعآ هذا مب معنآته اني انسى اللغة العربية..

وبالنسبه لللموقف الي استوى ويآج الصرآحه ()..

لو أنآ مكآنج جآن اضاربت ويآه ( ماتصدق الـاخت )..

بس تدرين هآييل الـاجانب من يومهم يكرهون العرب+اللغة العربية.

المهم..

ارقتوآآآآآآآآ

[Čǿṯṱỗη ćậηḓỹ]

كونبانوا

شخبااركم

بالبداية احب اشكر الأخت جوري على هالموضوع لأنه من جد موضوع مهم وله معارضين ومؤيدين ومحايدين

انا بالصارحة معاارضة اني والله اتكلم انجليزي مع ناس عرب ليش ؟؟ اتكلم معاهم وهم يفهمون لغتي

ممكن اتكلم مع امي وابوي يوم بالاسبوع فقط عشان تتقوي لغتي وما انكر ان مرات مع صديقاتي اتكلم

باللغة الانجليزي .

وانا كمان اعاارض للي يحسبون نفسهم كشخة انهم يعرفون انجليزي ترى الانجليزي كل الناس تعلموه

يعني الشخص العربي اللي يعرف انجليزي ويشوف نفسه طيب شيسوي الشخص اللي يعرف 5 او 6 لغات

يعني بيكون الشخص العربي قدامه جااهل صح ؟؟

وبالنسبة للمواقف انا تعرضت للموقف قبل سنة تقريبا

كنت في المطار قاعده اطلب كوفي وكان فيه طاابور عاد يوم جا دوري جات وحدة امريكة وقامت تطلب

رحت قلت للقرسون لو سمحت انا قبلها

حقرتني وقامت تكمل طلبها

رحت انا قمت اطلب وقام الرجال يسمعني ويسجل طلبي جات هي وقالت وشو انتي غبية ما تفهمي ما

تشوفيني قدامك اطلب

قلتلها اولا ما اسمحلك تقولين لي غبية اتوقع كل واحد يعرف مين الغبي انا اعرف اتكلم بلغتك واقدر اسب

عليك بلغتي وانتي ما تفهمين لكنك انتي اذا سبيتي علي بلغتك ابفهم عليك

وسكتت وما قدرت ترد لأنها من جد جاااااااااااااااهلة

اذا هولا الناس ما يستحقون اننا نقدر لغتتهههم صح بس ممكن انك تكتبي نك او شي كتغير يعني لكن مو تخلين اللغة الاساسية هي الانجليزي

وبرأي احد الاسبااب المقوية للغة الانجليزية

قراءة الكتب الانجليزية وصااارحة هي ججججدا ممتعة

وكمان نشوف افلام انجليزية وكمان مترجمة انجليزي عشان نعرف سبيلنق ونطق الكلمة

واحب اقول لكل شخص عربي يفتخر باللغة الانجليزية انه مو غلط تتعلم انجليزي لكن الغلط انك ما عرفت

تستخدمها في مكانها الصحيح

واريغاااااااااااتو قوزايمشتا جوري

[Diane]

السلام عليكم ورحمة الله وبركاته
من ناحيتي اعشق اللغه الانجليزيه وما يخفى ميولي للبريطانين بشكل خاص..
اللغه الانجليزيه الاصيله احبه لكن اللغه العاميه مثل الامريكيه انا ماحبه !!..
بالنسبه للغه العربيه يكفي انه نزل فيه القرآن افضل الكتب .!
احنا في بيتنا كثير نتكلم انجليزي عشان اوبا وامانيم بس مو معناته انه ماحين اللغه العربيه حلو الواحد يتكلم مو بس بالانجليزي باي لغه في اوقات كثيره لكن ما يدفن لغته الام..
سلامون

[its mine]

السلام عليكم ورحمة اللة وبركاااته

اولا اشكرك اختي جوري الرياض ع الموضوع

من وجهة نظري انا احب اللغة الانجليزية وطبعا شهادتي مجرووحة لاني انا داخلة القسم نفسه
بس هذا مايعطي اي انسان الحق بأنه يخجل من لغته الام وخاااصة اللغة العربية اللي لو جربوا يتعلمونها كان وجدوا لذة مستحيل يلقونها بلغتهم مو تنقيص بس انا جربت الادب الانجليزي قارنت رواياتهم بروايات اللغة العربية ماادري احس اللغة كلماتها في الصميم يمكن لاني توني ماتعمقت في الادب >>> يمكن
بس يقولون الدليل خير برهاان
بقولكم قصة لدكتور في اللغة العربية يقول انه مرة كان في بريطانيا لغرض تعليم اللغة العربية هناك ومن الاحداث اللي صارت ان البريطانيين انبهروا باللغة العربية وكيف انها لغة بليغة, كلمة وحدة تغني عن جمل ...........

وبالنسبة للموقف اللي صار لك اتوقع ردة الفعل العنيفة حقته من باب قهر حقد >>> لانهم مستحيل يحبون العرب لو ايش ما يصير
ومن ضمن المواقف انا لما اكلم النيرس بالانجليزي ترد عليك بالعربي يعني هي تفتخر قدامك انها تعرف لغتك لكن حنا من باب اولى ومن ضمن الاعتزاز بلغتنا مفرووض مانكسر لغتنا علشانهم لانهم هم اذا انتي مافهمتي لغتهم مستحيل يكسرونها عشانك
,, وبس معليش ع الاطالة
زمشكورة مرة ثانية ع الموضوع