اليابان، كوريا .. ليش أعلامهم كذا ؟ ادخل تعرف السبب
لإزالة كل الأعلانات،
سجل الآن في منتديات أنيدرا
السلام عليكم يا أعضاء
حبيت أشارك اليوم بموضوع جاء بمخي ما ادري وش يبي بس جازا لي و رحت و كتبته و ان شاء الله انه يعجبكم .
سنتطرق في موضوعنا لهذا اليوم لبعض المعلومات عن بعض أعلام الدول الموجودة بالعالم و أسمائها المعتمدة محليا ًً.
طبعا ً موضوع ما احد فكر فيه انا أدري ولا أبن أم ولد جدة اي واحد فيكم بيطري على باله
أستهل موضوعي و على بركة الله نبدأ
جمهورية كوريا الجنوبية
مثل ما انتوا شايفين .. العلم يا جماعة الخير تبنوهـ عام 1950 .
يقولون للعلم الكوري باللغة العام تاي جوك كي Teagukkiزي ما تشوفون الدائرة اللي بالنص مكونة من لونين أحمر و أزرق وهو عبارة عن تمثيل لآلهة في كوريا وهو يانغ و أوم. أما الدمن اللي موزعة على الزوايا هي عبارة عن تمثيل لعناصر مهمة بالحياة مثل ما يشوفونها هم واللي هي السماء و الأرض و النار و الماء و على فكرة لها معاني ثانية برضو و اللي هي دارجة عندهم في ذاك الا و هي العدالة و الحكمة و الحيوية و الخصوبة . و هم يقولون لها بالكوري جيون و ري و جام و جون .
المكسيك الولايات المتحدة المكسيكية
بلد الفلة و الوناسة و العلوم اللي لك عليها و اللي مالك عليها و اللي مالك معاذ .
على فكرة لحسة المخ كلها مو في العلم .. الشعار اللي موجود بالنص !!!
النسر اللي ياكل الحية : قبل ما نقول لكم سالفة النسر و الحية ، تبنوا تصميم العلم عام 1821 و العلم زي ما انتوا شايفين قرررررريب جدا ً من العلم الإيطالي لانها تعرضت للإحتلال الإيطالي في سنة من السنوات .
سالفة النسر و الحية : هذا واحد سلمكم الله أسمه أزتيك هو قاد المعززين اللي معه أيام الإحتلال الإسباني . في سنة من السنوات قرر أنه يحط عاصمة للمكسيك و قالهم روحوا دوجوا بالصحراء و إن لقيتوا نسر ياكل له حية و هو واقف فوق شجرة صبار تعالوا و علموني ههههههههههههههههههه طبعا ً صار اللي صار و فعلا ً لقوا اللي هو يبي و قالوا لهم أنه هنا راح تكون عاصمة البلد حقنا و اللي هي مكسيكو سيتي
الإمبراطورية اليابانية بلد الشمس
يقولون له باللغة العامية Nisshoki و تم تبني هالعلم عام 1870 بأمر من الأمبراطور الحاكم هاك الساعة.
زي ما أنتوا شايفين هالعلم تم تبني فكرة تصميمه بناءاً على تسمية اليابان سابقا ً. الدائرة اللي بالنص هي عبارة عن الشمس و البياض الناصع اللي موجود بالوراها هذا يمثل وجاهة البلد في هاك الساعة.
مملكة كمبوديا أو مملكة الكمبودج
أصلا ً أصلا ً هالعلم صمموهـ من عام 1850 أيام مقاومة الكمبوديين للإحتلال الهندي و الصيني و مرت الأيام الى أن أستقلت الدولة في 1948. مع كثرة التغيرات اللي صارت عندهم فيذاك قرروا انه يتبنون العلم القديم زي ما انتوا شايفينه .
التصميم يعبر عن .. ضريح قائد المقاومة المناضل و اللونين الأحمر و الأزرق يمثلون الزي الرسمي لأهل كمبوديا
ماكاو
العلم دلــــع !!! .. اخــق أنا .. بيني و بينكم انا يوم قريت عنه جاز لي الصراحة
زهرة اللوتس اللي تشوفونها بالنص مقدسة عندهم و تحت الزهرة بالضبط في جسر وهو جسر الحاكم نوبر دي كارفالهو و الجسر هذا يمثل حلقة الوصل بين ماكاو و جزر التايبي اللي بناها هو بنفسه . أما الموية اللي موجودة تحت الجسر حطوها عشان يتذكرون انه في يوم من الأيام كان ديرتهم هذي عبارة عن مرفأ مائي للبرتغال و الدنمارك في سنة من السنوات. أما النجوم الخمس اللي موجودة فوق الزهرة تمثل العلاقة بين ماكاو و الدولة اللي طلعت منها وهي الصين.
مملكة بوتان مملكة التنين
بوتان زي ما انتو عارفين هي مملكة موجودة في جبال الهامالايا بين الصين و الهند و عاصمتها تيفو .
تم تبني تصميم العلم عام 1960 و فكرة هالعلم جت من: سالفة التنين واللي كانوا يعتقدون انه إلهة التنانين كلهم لانه هو الوحيد اللي يطلع رعد من فمه هههههههههههههههههههههههههههه ، و اللون البرتقالي اللي يمثل الديانة البوذية و اللون الأصفر اللي يمثل النظام الملكي اللي عندهم.
ويلز مقاطعة ويلز
وحدة من الدول اللي انفصلت عن بريطانيا و يسمونها ذاك الوقت كهف التنانين و العلم برضو يسمونه علم التنين الأحمر .
تبنوا فكرة هالعلم عام 1959 و سموهـ بعلم التنين الأحمر عشان نبوءة كانوا مؤمنين في ذاك الوقت انه في تنين بيطلع عليهم و يحكمهم و يجي تنين ثاني و ينقذ الناس اللي موجودين نبوءة ميرلن أو ميردن بالويلزي .
إلى هنا أخواتي المشاهدات ، نتمى لكم طيب المتابعة على أمل اللقاء بكم في موضوع في آخر وما اعتقد أنه قريب لكن نقول SEE YOU SOOOOOON
ومنقول
الموضوع الأصلي :
اليابان، كوريا .. ليش أعلامهم كذا ؟ ادخل تعرف السبب || الكاتب :
خطيبة كامي || المصدر :
منتديات أنيدرا