السلام عليكم <<<كيف الحال والاحوال ان شاء الله دوم بخير
انا والله حبيت اشاطر اعضاء منتداي العزيز ما يحتويه مكنوني
ااااااهـ من وين ابداء
يا اخوان ما تجيكم اوقااات تحسووون ان حظكم مايل بنسبه 075\0
مره يوم اني كنت بالمدرسه الله على ايام المدرسه كنت اكل حلاوه الحلاوه ام الوان ما عرفتوها
انا كان لوني ازرق احب نكهته بقووووه وصديقتي اخضر وقعدين نشفط بهالحلاو
وندور بممرات المدرسه لان كانت عندنا حصه فرااااغ واااه منك يالفراااغ
وكان فصلنا بالدور3 والدور3 كان فيه معمل الكيمياء وتعرفون المباني الحكوميه بيبانها خضر وبالوسط قزازه كنها بيبان المستشفى وطبعا حنا بالمدرسه ماكان فيه مرايات مقلعينها حسبي الله عليهم
ما يبون ناظر وجيهنا الكريمه فكنا نستعين بمرايات صغيرة نحضرها معنا ولا جدار البرادة لانها معدن فيعكس الصوره ولا القزازه اللي على الباب عاد قزازه الباب حق معمل الكيمياء كذااااا صوره نقيه 100 \100 وخاليه من الشوائب وبالالوان مومثل جدار البراده مغبشه الصوره المهم وقفت على باب المعمل وقعدت اناظر روحي واتامل سنوني لان صديقتي {عطعط}<<<الاسم المستعار قالت لي سنونك صارن زرق من هالحلاوه فكان لازم اشوف روحي وافك فمي شبر ونص واحوووس بهالسنون وافركها كووود الزراق يروووح
عااااد الصوره نقيه جدا جدا لان المعمل مطفى انواره ونا افرك سنوني وعطعط تعدل بشعرها قعدنا يمكن 15 دقيقه على ذا الحال الا عطعط تزاعق وااااااااااااااااااااااي
واااااااااااااااااااااااي \ هاه وش بلاك تزاعقين ؟؟ ياويلي ياويلي...
وشــــــــــــــــو؟
تعالي تعالي وتسحبني من كم مريووولي بغت تشقه وودتني على جنب يوم سالتها قالت لي ياحماااااره المعمل مو فاضي... واقرب من المعمل واطل من القزازه ما فيه احد <<<على تكذبين هين اوريك. وتقولي لزقي راسك بالقزازه ويومن اني الزقها القا ناااااااااااااااااااااااس يناظروني ووحده وااااااااقفه تناظر
باستغرااااب ويوم ركزت اثاريها ابلتي حقت الكيمياء تعطي درس بوربينت ومطفيه الانوار قسم بالله اني كان ودي انقل من المدرسه بكبرها عاد الله لايوريكم النظرات لما تدخل عندنا تشرح درس...