الله يـسلمكم انا كاتبه من الـسنه هذيج بداية قصه ^^ وحطيتها في منتدى ثاني بس في مدونتيه وقلت احطها لكم ^^ هيه عبيطه نوعا ما بس بحط لكم كل ما اتفيج بارت وابا راايكم
لاول مره في حياتي اجرب اكتب مذكراتي، ما قد جربت اكتب او ما قد فكرت امسك قلم في يوم واكتب شو استوى ليه في هاليوم، لكني اول مره اكتب واحسب كآبه اول مره احس بها.
ما قد حسيت بالكآبه ولا الحزن او اممممم يمكن كان في ايام حزنت فيها لاسباب ..
المهم الله يسلمج يا مذكراتيه اليوم كان مثل كل يوم وعيت من الرقاد الساعة 5:20 الصبح وصليت الفير جماعه هيا خوالي سلطان ،محمد،سعيد و علي في حجرة خاليه سلطان ,, بما انها اكبر حجره وهوه اكبر واحد ، من العيازه متعايزين مثل كل مره نسير المسيد نصلي مع انه ما منبينه ومنبين بيتنا غير فرة حصاه بس العيازه تسري في الشرايين نوعي متأخرين ونتريا خاليه العود أيي يوعيناا وييرناا ويقول لناا (( يالله المسييد)) بس شو يسوي؟!! لا حول له ولا قوه ,, كم مره بييلس يهازبناا!! ولا حياة .. لمن تنادي؟!!
المهم اننا صلينا وكل واحد سار حجرته يتقفظ لدوامه ,, وانا وخاليه علي مثل كل يوم نتسابق من يدخل الحمام "اكرمكم الله" اول لاننا نرقد في حجره وحده وماا اريد اتسبح في حمااام "اكرمكم الله" الميالس ,, طبعاا ما شالله خاليه علي ريوله طوال و دوم يسبقنيه ..
شو اسوي؟!! لا حول لي ولا قوه بترياه ,, ترييته وكاان ظااهر منتعش و ينفض كشته >_< ويوم دخلت طالعت السخاان لقيته هب مخلي ليه قطرة مويهه حاره مثل كل يوم بس هالمره بنذاله ماا خلا لي شي ابدااا ,, تسبحت بـ مااي ثللللللللللج ,, عقب السبوح الثلجي تلبست وخلصت ,, ظهرت الصااله لقيت خوااليه كلهم يتريقون بس خاليه سلطان ما يتريق مع انه دكتور بس ما يتريق >_< يكتفي بـفنجان قهوه فقط خخخ,, طلعت واناا اتنافض من البرد وخاليه علي يضحك عليه ,, ييت ابا ايلس اتريق ,, وصلت صوب الصحون .................................!!
وين الريووووووق؟!!
خاليه سعيد: محد قال لك تبطي ..
تدري انه خواالك مفاجيع جان تريقت قبلهم وسرت تزهب!! >> خاليه سلطان يقول ليه .. رديت عليه : والله يا خااليه ما اروم اتريق عنهم واخليهم باليوع حتى اناا مفجوع خخ آكل وعقب 5 دقايق ولا جنيه مااكل شي هههـ ...
خاليه سعيد: ولا وبعد مااا يمتن وياا هالكرش .
كل واحد ركب سيارته وسار دواامه ,, خاليه سلطان سار المستشفى و خواليه محمد وسعيد سارواا مركز الشرطه وانا و خاليه علي سرناا الجامعه.
ما استوى شي مهم في الجامعه يا غير اني ضيعت خاليه في المكتبة كان عداليه وفجأه اختفى وين سار مادري .. يلست ادوره يمين يساار محد !! الرياال ضاع ولا!!!! ... يمكن انا ضعت =(
بعد شوي دعمت في واحد شال عمارة كتب .. في خاطريه ما شالله الريال شكله دحيح ، تخيلت شكله لابس نظارات وسفرته بيضا لاصقه في رااسه جنه حازمنها من العيله، طاحن الكتب و وخا عشان يلقطهن و وخيت المهن هياه واتأسف له ، كان منزل راسه وشكله معصب حتى ويهه ما شفته قلت له : انا آسف ! .
هزبنيه وقال: مره ثانيه طالع جدامك زين . حتى ماا رفع راسه من كثر ما كان مصنفر ... وقف و وقفت كان في ايديه كمن كتاب ومرطنيه 2 وتموا في ايديه 2 طالعت الكتااب >_< الكتااب عن الاكل!! والثاني ...... مجلة ماجد؟!! قال ليه : هـــــــات .
وشل عنيه الكتب ,, رفعت راسيه !! خـــــــــاليه؟!!
خاليه: اوه نويصر !! جب يالله جلب ويهك طيحت كتبيه .
انا: خاليه من زينهن كتبك عااد .. عيشه ومااجد >_< .
خاليه: جب انته ما يخصك.
انا : ههههـ انزين .. اعاونك؟!!
خاليه: تسوي خير .اوه لا مابا خلاف تطرح ليه كتبيه وارد ألم ما فينيه.
انا: ^_^ على كيفك انته الخسران.
يلس يقرى ويلست هياه واشوف شو عنده غير مااجد وعيشته ... لقيت مجلات و قصص ,, ليته يقرى بس يطالع الصور >
_<.
لقيت كتاب عوود عن الابل قلت له : علييو شوي سوي هذا عندك؟!! اكيد ياي عندك بالغلط.. ما احيدك تقرى هالاشيا ولا تهتم فيهن . قال لي: ماب بالغلط ولا شي بس خطفت بالغلط على رفوف مالات عالم الحيوان وشفت هالكتاب وتذكرت سعدوه.
هييه .. اسمه رف العلوم الاحيائيه هب عالم الحيوان .. و سعدوه هذا اخوك اكبر عنك .
انزين وهوه خاالك وبعدين ما يخصك اخويه وادلعه كيفيه .
اناا : كيفك.
سرت عنه , حطت شوي في الجامعه بروحيه كان توه الصبح وطبعا الجامعه فاضيه نوعا ما .. رديت له لقيته توه مخلص قرايته كتبه العبيطه.
وبدن كلاساتنا وكل واحد سار كلاسه ، خلصنا تقريبا على الـ10 وطلعنا من الجاامعه وسرنا المول الصبح فاضي.. يلسنا في الكوفي وكان خاليه يقول كلام وايد بس ما كنت اسمعه كنت اسوي عمريه اسمعه ومنتبه ويوم يبتسم ابتسم هياه .. عشان ما يحس اني هب هياه .
كنت افكر لي شانا من بد خواني كلهم انا بس اللي كان يضربنيه ابويه !! وراحت عنيه اميه وهيه حتى ما شافتني بعدها.
خوانيه يكرهونيه ولو اني ما عشت هياهم وايد .. كان عمريه من الـ6 ليل الـ7 وكانوا كل ما يسوون شي غلط عقوه على راسي وطبع اخرتها انا آكل الضرب من الوالد.
خواليه شلونيه ربوني عندهم ,, وانا عمريه تقريبا 7 سنين واهتموا فينيه وحسيت اخيرا انه في نااس يحبونيه ويهتمون فينيه واحبهم ولا اصبر عنهم .
يلسنا تقريبا مادري في الكوفي و ردينا البيت ورقدنا ليل اذان الظهر .. وعينا قبل الاذان بشوي وسرنا نصلي في المسيد,, يسد ما صلينا الفير في المسيد بعد صلاة الظهر !!
صلينا وردينا البيت وخاليه علي رد يرقد وانا يلست اطالع التيلفزون ليل ما ايون خواليه من دواماتهم ونتغدى ونرد نرقد .. خخخ حياتنا كلها رقاد ,, آه وما ادراك ما الرقاد .
حل الليل واظلمت الدنيا ونشوا مصاصي الدماء"خواليه" وبدت سهرة الاحد .. كلنا يلسنا نطالع التيلفزون في الصاله وناكل عباد الشمس ونشرب ديو ,, شي كان ناقص في يلستناا اللي هو "المداويخ" بس محد فينا يدوخ غير خاليه سعيد كان يدخن بس خاليه سلطان خلاه يقلعها غصباً عنه ,, لعبنا بلي ستيشن و طالعنا التيلفزون ليل الساعه 2 وكلنا رقدنا في الصاله من التعب رقده جماعيه خخخ ,, يت الصبح ماما شانتي وهزأتناا وضربتنا بالبروش خخخ ,, اشتغلت عند خوالي يمكن من 20 سنه وهي عندهم وهي حرمه كبيره مسكينه من 20 سنه وهي متحمله طيش خواالي خخخ,, آآآآه "اتثاوب" احس بالنواد .
اشوفك باجر يا دفتري العزيز " عقب شهرين ان شالله " لوول.
هههـ ما قلت لك يا دفتري الغالي اني بشوفك عقب شهرين ,, اليوم كاان تخريج خاليه علي كان ممل التخريج ,, ماا تم حد ما مسك المكرفون ورمس فيه ,, حتى القطوه رمست فيه خخخ ,, بخبرك يا الشيخ دفتر عن القطوه ,, الله يسلمك كنا تونا ياالسين ,, توه بيبدا التخريج ,, كانواا حاطين طنطنه "مسيقى" وخطفت تربع قطوه ع الستيج مادري شو تروغ ,, كان سير ماسك المايك وخطفت تربع تحته و بالغلط شغل المايك وفره بعيد وخطفت الهبله تربع وراه وتمت تلحسه بس اول كانت متروعه منه وخلاف قالت ماااااو وقالوا اللي في التخريج كلهم كركركركركرككركرررررررررر ,,
ما علينا منها القطوه السخيفه .. رمسوا وخلصوا على خير وبدوا يكرمون الحمدلله ,, >_< استوى موقف محزن لـ وااحد تقطع قلبيه عليه وعلى هله >_< ,, كان آخر واحد يتكرم ,, وهو مريض ماادري شو فيه .. كان ساير يستلم شهادته وفجأه ............. طاح >_< شو يااه ؟!!!!!!!!!
الولد مات ساعتها من مسك شهادته حليله ,, والله الله يصبر هله ويكون في عونهم والله يرحمه ,, قليل ما تستوي مثل هالحوادث >_< ,, حظه ختم المصحف قبل لا يتوفى بيوم ,, ونحن مااالت عليناا حتى قرايه ما نقرى استغفر الله
خوالي كانوا يالسين عداليه طبعا وممنوع اسوي اي حركه هبله حسسوني اني في الروضه >_< ,, يوم ظهر خاليه علي قمت وصفقت وصفرت ولا خليت شي ما شويته ,, وقام خاليه سعيد هياايه ,, خخخ خبلت به خاليه سعيد اليوم لوول .
يوم كانوا الرزيفه يرزفون سرت وشليت خيزرانتين من عندهم وخذت وحده وعطيت خاليه وحده ومسكته من ايده ومطيته هيايه وسرنا نرزف وتعبته ,, رزف من خااطره من زمااان ماا رزف خخخ عقبال ماا اشوفهم يرزفون في عرسيه لوول.
ردينا البيت وكنا يوعاانييييييييييين وانا كنت ما اروم امشي من اليوع >_< ويوم دخلت المطبخ لقيت ماماا شانتي مسويه لناا .... وه المكيف يسوي بقبقه جنه بيبدا يمطر خخخخ .. المهم لقيتهاا مسويه لناا مجبوس عرااايين لانه قبل باسبوعين يا مطر في منااطق صوب عمان وسرناا ولقطناا لييين ما ترسنا 3 كراتين هع يمممممممممممم يا اهوه مجبووس كااان .
خلصناااه كله =( ولو انها طرشت لقوم بويه مجبه ,, بس المهم اننا كليناااه بس ما شبعناا >_< سرنا بعدنا طرشنا مطعم الجيل الساعه 12 خخخ ,, بس طبعاا معروف الجيل ماا يوصل بسرعه يخاف ع البيض يتكسر اللي فوق راسه >_<.
في هاليوم كااانت سهرتنااا صباااحي ,, اناا وخاالي علي .
دفتريه اليوم شفت اغلى واعز انسااانه في حياااتيه ,, اليوم شفت خااالتيه موزه ((بنت عم خواليه بس تتم خالتيه)) اللي ربيت هياا عيااالهاا سيف وسالم و نوره وحمده و فاخره ولو انهم اكبر عنيه بوايد خخخخ ,, شفتهاا في الجمعيه بس استحيت اسير صوبها من سنيين ماا شفتها يمكن من 10 سنين ,, يعني تقريباا كان عمريه 9 ولاا 10 خخخ ماا اذكر والله كااانت ايااام خلاف انتقلوا عنا ونحن بعد انتقلناا ,, سرنا بعيد عن بيتناا اللي في العين سرناا بيت خااليه سلطان في راس الخيمه ,, درست هناك ومن نحااستيه ما رابعت حد اتم يالس بروحيه ما احب ايلس هيا حد ياخي انا انساان كئيب واحد و دووم بروحيه >_< اكره عمريه ,, ورديناا العين لبيتناا فديته وفديت ريحته عشان الجاامعه ,,ويوم خبرت خواليه قالواا بنسير باااجر بيتهم والله اليوم فرحااان حدي لاااه خخخ.
اقول لك يا السيد دفتر اناا متوتر من باااجر ,, ادريلا هوما بيستوي فيه احس اني بيلس اصيح لو شفت خاالتيه .
ما عليه الله كريم ليل باجر ^^ ,, بسير اوطي راسيه احس انيه ماا اروم اشله من النوااد ,, يالله اشوفك على خير مستر دفتر .
العرض العادي
