السلام عليكم ورحمة الله
مشكورة ع الموضوع ~ أوافقج الرأي تقريباً ، بس من ناحية التحليل الكبير اللي حللتيه فما أدري
خصاً إنه النت لوحده ليه
ويهين ، والتلفزون ليه
ويهين ، كل شيء فالحياة ليه
ويهين ، وكله بيد المستخدم
لذلك ما أظن إنه نقدر نعمم إنها " رساله " أو "طريقة" يحاولون يسوون بها هالشيء ، خصاً إنه الثقافة الأمريكية هي اللي غازتنا أكثر
المجتمع الكوري بنفسه هاي قصصهم وهذا عادي عندهم ، العرب بنفسهم
يختارون يشوفون هالمسلسلات
لأنه هالمسلسلات أبداً ما تفرض علينا فالتلفزون
وحتى فرق الترجمة يوم تختار المسلسل اللي اترجمه ،
مب فرض ، بل هو اختيار ..
المشكلة ، لما توصل السخافة .. في كلام بعض الناس
يعني انا اعرف أرمس كوري وافهم على الكوريين في بعض الكلمات ، لكن
أبداً ، ما استخدم كلماتهم في حياتي اليومية
مره كنا في محاضره وكانن فيه مجموعه بنات كيف يتكلمن ..
" يااه ! أوني .. شوفي هالأجاشي كيف يطالعنا .. !! "
تعجبت ،
والصراحة ضحكت عليهن ، لأنه ببساطة .. مصخره ، تخبرين الكل انج تعرفين كوري .. ؟
أو تتكلمين بلغة مب متعارف عليها .. حركات ؟ .. أو بس مزاج ؟
أحب ثقافة الكوريين أحب بعض مسلسلاتهم
بس
ما أوافق على كل شيء ، الإنسان لازم يكون ذكي ، لأنه مخير ومب مسير
ومستحيل أقارن بين
بلادي وبلادهم ،
يعني الله بالنهم بالكفر والديون والقمار والخمور
يا أختي على شوه أحسدهم الحمدلله على النعمة
الله يهدي اليميع
وهذا رأيي .