كوني أُنثـى ♥ ! ــــ ( Your hair and your skin )

[τѕώα 8lḇγ]

كوني أُنثـى ♥ ! ــــ ( Your hair and your skin )

Tweet

لإزالة كل الأعلانات، سجل الآن في منتديات أنيدرا

صبآحكم / مسائكم ورد هولندي
مبارك عليككم الشهر وكل عآم و انتم بخخير
وش اخبار تجهيزاتككم
طبعا بما ان بعد رمضان العيد فا دائما يصير هالوقت حوسه وخللطات
وكل وحده تبغى تتطلع بشكل وستايل جديد << ماتتكلم عن نفسسهآ

المهم يّ حلوآآت , انا قبل كم يوم طحت بخبيرة تجمميل بالاعشاب و المواد الطبيعيه الي هي / رآنيآ موسى
( مصصريه )
كل خلطاتها باشياء طبيعيه ,, يعني توثقين فيهآ بججد

اصصلآ مجرد مآ انك تشوفين شكلهآ بتقولين ماشاء الله علييهآ
بششره , ششعر , جسسم , كوول شيء
المهم / انا اخذت منها ككم خلطة وكذا جايه افيدكم زي ما انا استفدت منها ككثير

رآح نبدآء اول شيء بــ/ الشعر

brrb

الموضوع الأصلي : كوني أُنثـى ♥ ! ــــ ( Your hair and your skin ) || الكاتب : τѕώα 8lḇγ || المصدر : منتديات أنيدرا

[τѕώα 8lḇγ]

اولا : الشعر


طبعاً كل بنت تبي شعر ناعم , وكثيف , وثقيل وو ..
لكن ممكن تكون هي ما أعطته حقّه الكامل !!
لا حمامات زيت , ولا كريمات , ولا تغسله مرتين بالاسبوع !!
أكييييد راح يخرب مدام أنك اهملتييه
الشعر لازم له عنايه يوميه واسبوعيه وشهريه بعد
طييب ..
اول شيء نبداً بـ ( تقصف الشعر )
فيه اشياء كثيره مره ممكن تكون سبب في تقصف الشعر ..
زي مثلاً أننا نسوي له أستشوار كثيير .. وكثر استخدام البنس !!
ولو نستخدم أنواع شامبوهات مب كويسه ممكن يسبّب التقصف .. وبعد الجو المحيط وأشعة الشمس تأثِّر على الشعر

- التقصف هذا ممكن نعالجه خصوصاً لو هو بنسبة بسيطة في الشعر
أما لو التقصف كثير فـ الحل الأفضل هو قص الشعر ، وبعد كذا نبدأ نعالجه بالماسكات الطبيعية ..
والمعدل الطبيعي لقص الشعر هو مرتين في السنة ، وهذا عشان نعطي له الفرصة إنه يطول زي ما إحنا نبي

- من الحاجات الكويسة جداً لعلاج التقصف هو المايونيز :
لأن تركيبة المايونيز هي بيض وخل وزيت ، وهذي حاجات مفيدة جدا للشعر ، نحطّه على الجذور وعلى الأطراف ، ونتركه لمدة ساعة وبعدين نغسله

- بعد من الزيوت المعروفة لعلاج التقصف هو زيت الجرجير ، والزيت هذا نسويه مره كل أسبوع وطبعاً الجرجير بينشف الشعر ، وعشان نتفادى هذا ممكن بعد ما نسوي حمام الزيت ونتركه ساعة نغسل شعرنا ونحط حمام كريم أو بلسم ..

* وممكن بعد نحط البلسم الطبيعي اللي هذا هو :
8/1 كيلو شمع البلسم
8/1 كيلو موية البلسم
# الحاجات هذي نلقاها إمّا عند العطار ، أو عند محلات مخصصة لبيع المواد الكيميائية والصابون , و رخيصة جداً ..

الطريقة :
اغلي كوب مويه وبعد كذا حطّي فيه ملعقة شمع البلسم مع التقليب المستمر ،
وبعد ما يذوب تماماً ضيفي ملعقة مويه البلسم ، وهي راح تكون مويه لزجة شوي
وأوّل ما تحطّيها تهدّي النار وتقلّبيها وأهم شيء إن التقليب يستمر في اتجاه واحد لمدة 4:3 دقيقه
ومع التقليب راح تلاحظي إن المويه لونها راح يبيض وتثقل شوي شوي ..
بعد كذا ارفعيه من على النار واتركيه ليين ما يبرد وقلّبيه كويس ..
وبعد كذا أبدي عبّيه في برطمانات زجاج واستعملي منه

الماسك الثاني :
ماسك زيت الزيتون وَ العسل ..

وهو عباره عن مقدار متساوي من زيت الزيتون وعسل النحل
نخلط كل ذا ونحطّهم على الشعر وهو مغسول لمدة ساعة ونصف وبعدين نغسله ..


ملاحظـه / تقولكم رانيـا :

إقتباس » عايزة أقول لكل المحجبات إنهم لازم يلبسوا طرح من القطن أو الكتان؛ لأن فيه أنواع زي الحرير مثلا بتخلّي الشعر ينحل ويخف من الأمام، فلازم نستخدم باندانات من القطن علشان تعمل زي عازل من الخامات التانية.

يعني اللي فيها فراقات او خفيف شعرها من قدام لازم تلبس قطن أو كتان
زي حقت المصاريه و الايرانييات وغيرهم ذيك عرفتوها ؟
هـذي :



يالله من اليوم ماشوف وحده تمشي بدونها




brrb

[τѕώα 8lḇγ]

-

وَ رجعنـاا .

طيب اللي شعرها قليل وتبي ينبت لها شعر تسوي هالحمام الزيت
تخلطينها مع بعض كل ماجيتي بتحطين : ملعقه زيت جرجير + ملعقه زيت الثوم + ملعقه زيت جوز الهند
طبعاً تسوينه مرتين بالاسبوع بسس ولمدة 3 شهور ..
لان الشعر سبحان الله مدة النبوت من الجذور 3 شهور بسس
أول شيء قبل ماتحطين الزيت .. لازم لازم تكونين مغسله شعرك ..
تدرون ليش ؟
لأن مايصير نحط أي زيت على شعرنا واحنا ماغسلنا شعرنا .. لازم يكون نضيف والمسامات مفتوحه
ولا وش الفايده تحطين وهو مغبر وحالته حاله والمسامات مسكره ؟
يعني بالعربي تروحين تغسلين شعرك بالشامبو اللي يناسبك وأنتي داخل الحمام شيلي معك الخلطه اللي سوينها وحطي بس بـ الجذور .. ولا تحطين على الشعر
لانو الثوم اذا حطيتيه على الشعر كله يسبب تساقط .. فـ بالجذور بسس !
تخلينه لمدة 3 ساعات أو 4 .. وتغسلينه بالشامبو ونعيماً ي عسل .

راح أقولكم اول شيء كم معلومه عن البلسم ..
أغلب البنات يوم تجي تستخدم البلسمم توزعه زي الشامبو على كل أجزاء الشعر ، بداية من الجذور وحتى الأطراف لكن الشعر عند الجذور بيكون جديد وصحي أكثروكل ما بنبعد عن الجذور بيكون الشعر ضعيف ومجهد ..
عشان كذا خبراء التجميل ينصحوون باستخدام البلسم بعيدًا عن جذور الشعر ؛
لأن استخدامه على الجذور يسبب تساقط الشعر !!
بالإضافة إلى إنه إهدار للمنتج اللي بتستخدميه لأن زي ما قلنا إن الشعر عند الجذور بيكون صحي ومب محتاج لأي مستحضرات تجميليه

طيب الحين نروح لـ أساس الأنوثه والنعومه .
* البشـره
كل بنت تبي أكيد ا إنو يكون عنها بشره ناعمه وصافيه ولون واحد !</B>
وإنها تظهر دايماً بشكل متميز ومتألق ..</B>
لكن المشكلة إن مافيه أهتمام لها ولا لـ صحتهاا !</B>
كيف تبينها تصير ناعمه ؟ وصافيه ؟ وَ أنتي ما تهتمين اصلًا لا لها ولا لـ صحتك ؟</B>
مستحيييييل .. مافيه شيء يجي وانتي حاطه رجل على رجل !</B>

وعشان كذا خلونا نبدأ من اليوم نرطبها وندلعهاا ونسوي لها ماسك وتقشير ووو إلخ </B>
مايجي العيد أن شاءالله الا وكل وحده تقول الزين عندي </B>
بعطيكم الاشياء اللي جربتها بس وشفت نتيجه الحمدلله ..
وأن شاءالله راح احط موقعها وجربوا عاد وهاتوا النتايج

أول ماسك اللي أستخدمته لمده بسيطه وفتّح وجهي ونعوومه مررره
اللي هو : م زبادي + م نشاء ( واذا كان ثقيل حطي موية ورد شوي )
تحطينه على خشتك الجميله إليين ماينشف وبعدين تغسلينه بمويه دافيه
وجيبي ثلجه حطيها على وجهك .. وأخر شيء حطي بـ قطنه موية ورد وحطيهاا
أنتعااااااااااااش من جد

والتقشير بالنسبه لي أقشر اسبوعياً الجسم والوجه .. بـ سنفرة كريم كاب
أما الترطيب فـ كل وحده ترطب على حسب الكريم اللي يناسبها !
لان طبعاً كل بشره تفرق عن الثانيه

بـرب

[τѕώα 8lḇγ]

-


طـيب ..
الحين بقولكم كم حاجه نسويها على بالنا هي صح بس هي الغلط !!

* الاهتمام بالوجه وإهمال منطقة الرقبة !

معظمنا يتوقف اهتمامها بالبشرة عند الذقن وينسوا تماماً منطقة الرقبة !!
على الرغم من إن البشرة في منطقة الرقبة بتكون حساسة أكثر من بشرة الوجه وأكثر عرضة للتجاعيد وظهور البقع

والأفضل .. إنك تهتمين بمنطقة الرقبة زي ما بتهتمين بـ بشرة وجهك
يعني يوم تستخدمين الصن بلوك لازم توزعينه بعد على رقبتك
و أي ماسكات تسوينها لازم تهتمي إنك تحطين منها على رقبتك
عشان ما تلاقيين في النهاية إن عندك بشرة وجه جميله لكن تضطري إنك تداري رقبتك لأنها مب بنفس الجمال والتألق ..

استخدام كريم العين لعلاج انتفاخ العين ..

انتفاخ العين يكون بسبب تجمع المَويه في المنطقة هذي ..
وهذا يكون بسبب كثرة تناول الأكل المالح والمخللات !!

المشكلة إن فيه بنات كثير يعتقدون إنهم يوم يستخدمون كريم العين راح تعالج المشكلة هذي !
بس مب هذا الصح !
لأن المواد المرطبة اللي بتكون موجودة في الكريمات ,
هذي تخلي البشرة تحتفظ بالمويه أكثثر
و بالتالي عينك بـ تبان منتفخة أكثثثثر !!

والأفضل .. إن لو المنطقة حوالين العين عندك منتفخة لكن من غير احمرار ولا التهاب
ممكن تحطين عليها كمادات ثلج لمدة 10 : 15 دقايق
وممكن تستخدمين جل للعين يكون بيحتوي على مادة الكافيين ..
لكن لو الانتفاخ هذا معاه احمرار أو حكة او التهاب لازم طبعاً تستشيري دكتور جلدية متخصص لأن في الحاله هذي احتمال يكون عندك حساسيه للأسف !

زيادة مدة الحمام اليومي عن 10 دقائق
يوم نتكلم عن النظافة الشخصية والحمام اليومي كثيير يعتقدون إنهم عشان يحافظون على جمالهم ويهتموا بنظافتهم الشخصية لازم مدة الحمام اليومي تستمر لمدة نصف ساعة أو أكثثر مع استخدام مواد مقشّرة .. وفرك الجسم بالليفة لمدة طويلة !

لكن خبراء التجميل يقولون إن مدة الحمام بتطوّل مع استخدام المنظّفات ومقشّرات البشرة بكثره
هذا بيخلّي البشرة تفقد الزيوت والدهون الطبيعية اللي بترطب الجلد وتحافظ عليهاا

والأفضل .. إن حمامك اليومي ما تزيديدن مدّته عن 5 أو 10 دقائق
واستخدمي مويه دافية ،


و بسس كذا أكون خلصت تغطيه بسيطه لـ رانيا و تجاري مع خلطاتها
وهذا موقعها للي حابين يستفيدون

إقتباس » http://www.boswtol.com/

أن شاءالله اكون أفدتكم . وَ تقبل الله منا ومنكم صالح الأعمال
دعواتكم لـ الوالده بالشفاء ..



اذا عجبكم الموضوع قيموني

لكـل من مّر من هنا
سلملم

[Camillia]

موضوعك جميل
سوف اعود ل اكمل القراءة