منتديات أنيدرا الدراما الكورية و اليابانية



الملاحظات

في دآخلي ضجيج / مدونتكّ فضفضة , أحدآث توآجهك , يوميآتك , لونهآ هنآ ..

إضافة رد
 
أدوات الموضوع انواع عرض الموضوع
  #1  
قديم 14-04-2016, 02:39 AM
الصورة الرمزية song.heun
song.heun song.heun غير متصل
 
معلومات إضافية
الانتساب : Sep 2012
رقم العضوية : 126620
المشاركات : 8,897
   الجنس: الجنس: Male
شاب يحلم ... (انا بحلم زي الناس عادي جدا )...

شاب يحلم ... (انا بحلم زي الناس عادي جدا )...


لإزالة كل الأعلانات، سجل الآن في منتديات أنيدرا


ببساطة كدة قررت أعمل مدونة واكتب
كان نفسي أكتب اي حاجة والسلام آه واللهي عادي جدا زي أي حد طبيعي
المهم ربنا كرمني أهو وكتبت
ولحد لما ربنا يكرمني بكلمتين حلوين أكتبهم
هكتب أي كلام وخلاص
كنت عامل خطة وماشي عليها تمام روتين متعود عليه
حاجات كنت برتبها قبل مأعملها وبعمل لكل حاجة مليون حساب
اكتشفت ان مفيش احلي ولا اجمل من العشوائية
بقيت مش بحسب واخدت الأمور ببساطة جدا وتلقائية
لقيت الدنيا ماشية والحياة زي الفل أه
نروح بقي ناحية اليمين ونكمل


يمين؟؟
دا اليمين ؟؟ متأكد؟؟ طيب احلف كدة؟؟

طيب تمام
نكمل بقي أكتر تلت حاجات بحبهم في الدنيا دي كلها
معرفشي سر حبي للاكلات دي بالزات بالرغم انها بقت حدث نادر بيحصل كل سنة كونية
الملوخية والبامية ومحشي ورق العنب أو ورق الخس
حاجات كدة الواحد ممكن يضيع عمرو كلو وياكل طبق بامية أو ملوخية
يغمسهم بعيش مصري كدة سخن حاجة لذيذة جدا جدا جدا
يعمل لقمة عيش ودن كدة ويغمس غمسة يااااااااااااااااااااه لذيذة جدا طعمها كدة
حاجة ماتتوصفش لذيذة لدرجة ان الواحد بياكلها بالرز - موخية بالرز عاي - أو بالمكرونة
وبامية بالرز عادي جدا سيان
جربت أكلات كورية كتير بس ولا عجبتني أكلة خالص معرفشي ليه
ولا أكلة منهم قدرت تنسيني حبي للأكلات دي
نروح في النص طيب ...



تمام كدة
سر حبي للكوري والياباني والدراما الآسيوي بشكل عام
وصل لدرجة إني بحلم اتجوز فتاة كورية وأعيش في اليابان
الاتنين مع بعض
زمان علشان اعرف الناس اللي حواليا متابع كوري او ياباني وكدة
كنت بلبس تيشرتات مطبوع عليها كتابات ودراما كوري علشان ألفت إنتباة اللي بيحبو الكوري
وفعلا اتعرفت علي ناس كتير حواليا بسبب الموضوع دا لدرجة اني حبيت الموضوع جدا
وبطلت أعملو لانو حاجة غريبة شاب بيتابع كوري حاجة غريبة
في مصر صعب تمشي في حالك كدة في امان الله وتعمل اللي نفسك فيه
نفسي يكون غي احترام كدة ونضافة ربع اللي في اليابان
علشان كدة الواحد نفسو فعلا يعيش في اليابان
اما حكاية ان الواحد يتجوز فتاة كورية (دا سر)
نكمل بكرة بقي الساعة عندنا واحدة ونص بليل



الموضوع الأصلي : شاب يحلم ... (انا بحلم زي الناس عادي جدا )... || الكاتب : song.heun || المصدر : منتديات أنيدرا


رد مع اقتباس
إضافة رد

الكلمات الدلالية (Tags)
(انا, )..., الناس, تحلم, خيآل, عادي

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
 
الانتقال السريع


الساعة الآن 09:04 AM.
ترتيب أنيدرا عالمياً
Rss  Facebook  Twitter

Powered by vBulletin® Copyright ©2000 - 2024, Jelsoft Enterprises Ltd

منتديات أنيدرا An-Dr للدراما الآسيوية و الأنمي

منتديات أنيدرا