ودق الجوال لقيتوا سيمو يقولي : أنا أنتظرك برة
قلت اوكي
وأعطيب تومو كون كون
وقلتلوا إني خارجة ضروري
وأستغرب تومو فقلت مرة ضروري
قلي : طيب
وخرجت من الإستديو لمن شفت سيمو رحت أجري لين وصلت عندوا قعدت أبكي وأضرب صدروا بيدي من القهر والحزن مني عارفة كيف أعبر عن الزلزال اللي جواتي ووقتها كان ريو جاي وشافني بدي الحالة ووقف مستغرب ولمن شافوا سيمو ابتسم له ومسك يدي ودخلني السيارة بسرعة ورحنا
سيمو : تري أبوكي أتصل معصب مرة من الحركة ويحسبك متفقه معاه عالخطبه واتوعدك ومرة زعلان منك ويقول مستحيل تتزوج كافر قولها تسيب التهور وترجع الهند .
أنا : طيب أنا ماأدري عن حاجة والله ماأدري عن الخطوبة من جد إلا بابا ماأبغاه يزعل
وقاعد يهدي فية وعندوا كلام مو عارف يقولوا أو لأ
سيمو : أبغا أقولك كمان شي أتفقوا العيلة علية وعشان يخرجوا من الورطة بإعلان خطبت بي عليكي .
أنا : خير إيش كمان ؟؟
سيمو : أرسلوا لوسائل الإعلام إنك في رحلة لليابان مع خطيبك اللي هوة أنا عشان يغطوا على علاقتك بيامابي
أنا أنقهرت
قلت :إنت شكلك متفق معاهم
سيمو : من جد إنتي عارفة رأيي أنا مستحيل أجبرك على شي وحأكون معاكي إنتي وبي وأساعدكم قد ماأقدر .
وأنا عصبت وسكتت إلين وصلني البيت ولمن فتحلي باب السيارة قمت وقعدت أضرب صدروا وأبكي وأنا منهارة
وأقول : إنت كذاب كل هاذي خطة منك.
وتركتوا ودخلت البيت وأنا منهارة .
وكان ريو ماشي ورانا بالسيارة وشاف كل حاجة وأول مادخلت دق التلفون ريو ومارديت ورد علية البريد الصوتي وحط رسالة
ريو :فنو دمعتك هزت كل كياني أعتبرينا أصدقاء من اليوم ولاتشيلي هم وإذا متضايقة وإلا عندك مشكلة قابليني لو دقايق إمكن أقدر أساعدك ..
لمن سمعت رسالة ريو وقفت وجلست أفكر فدقيت علية
أنا : ريو وبديت أبكي
ريو :فنو لاتبكي أخرجي دحين أنا أستناكي بره
أنا : آسفه سيماسين بس من جد تعبانه محتاجة أحد أكلموا
ريو : أوكي انا واقف جنب البيت .
وخرجت لقيتوا واقف بالسيارة وركبت السيارة ومشينا وأنا ساكتة لين
قال ريو : لاتخافي مني وأتخيلي كأنك تكلمي صديق أو أخ يعني قولي كل اللي في قلبك واللي مضيايقك
انا : اوك بس ممكن نروح مكان مكشوف أبغا أشوف السما أبغا أصرخ
ووداني حديقة ولمن نزلت قولتلوا أبغا أصرخ وقعدت أصرخ وأصرخ إلين سرت أبكي وجا ريو وحاول يهدي فيه إلين سكتت وجلسني وجلس جنبي بس أنا قمت ووقفت عند الجدار واتكيت عالجدر وهوة فضل جالس
ريو : لاتنحرجي مني قولي كل شي
وقلي : قولي اللي في قلبك وقلتلوا كل حاجة وإني حتى سيمو معصبه منوا وكلهم ساروا ضدي
ريو : أكيد سيمو معاكي بس إنتي عشانك معصبة منك عارفة تسوي الأمور إنتي أهدي وأقعدي فكري لحالك وخذي قرار بس لازم تفكري مضبوط ومو تاخذي القرار لوحدك لازم يامابي يعرف وياخذ معاكي القرار لأنوا دا القرار مو لكي وحدك .
انا : أريقاتووووووا من جد كنت ملخبطة ورتبتلي أفكاري وأنا جدا آسفة على كل شي وأتمنى تلقى الإنسانة اللي تسعد قلبك .
نزل راسو ريو وبنظرة حزن قال : اتمنى
قعدت تقريبا أربع أيام ماأكلم تومو ولا أرد عليه وهوة مرررررررة عصب بس أنا عشاني خايفة أقولوا مرررررررة
وجاني يومها وهوة معصب
تومو : أنا رايح عند السور اللي بعد مترين من البيت لو ماجيتي خلال ساعة محا تشوفي شي طيب.
ورزع الباب وراه وخرج وأنا علطول وكلت أمري لله ولبست ورحت جري وراه جري ولمن وصلت لقيتوا واقف معصب
انا : تومو حبيبي سارت أشياء مرة صعبه وأنا دي الأيام أمر بمواقف جدا قوية على قلبي وإنت لازم تستحمل ؟؟
تومو : ياسلام عليكي أنا أعلن خطوبتنا وإنتي تختفي علطول وطول الوقت جوالك مقفل ولاتلفون وأجي البيت ماألقاكي واتصل على سيمو يقولي هوة مالوا شغل إنتي اللي في يدك الأمر من جد تعبت حرام عليكي إيش القصة؟؟
أنا : تومو قبل المقابلة بابا اتصل على سيمو حتى مادق علية من كتر ماهوة زعلان وقلو إني أبعد عنك وأترك القصة دي وارجع الهند وانو مستحيل أتزوجك لأسباب كثيرة وبعدها رحنا المقابلة وفاجأتني بإعلانك للخطبة وبابا مرة زعل وكلم سيمو وقلو إني لازم أرجع الهند بأسرع وقت وشوشوا على علاقتنا بإنهم نشروا إشاعة في الهند والصحف إني في رحلة مع خطيبي سيمو وزواجنا قريب عشان محد ينتبة لإعلاننا لخطبتنا ..
تومو : طيب ليش أهلك رافضين ؟؟
أنا : اولا عشان الديانه أنا محا أتزوج إلا مسلم وكمان بابا قلي إنو حيزعل مني وكل العيلة حتقاطعني وأنا مني عارفة إيش أسوي وبابا يكلم سيمو حتى مايبغى يسمع صوتي (( بكاء )) أنا ماأقدر إلا بابا وماما يزعلوا مني ماأقدر أبدا .
تومو : طيب إيش نسوي ؟؟ إيش رايك ؟؟ إيش قلبك يقول ؟؟
سكتت وقت عشان أجيب جرأه وأقولوا رأيي
أنا : قلبي يقول إني أحبك لدرجة إنى مافكرت إلا بيك طول الوقت من صغري ومافكرنا باللي حولنا وقد إيش نحن آذينا قلوب
فأعتقد أنو مستحيل أرتبط معاك لأنو أهلي كمان مهمين وماأقدر أبتعد عنهم وعن كل اللي أحبهم عشان إحنا حنخسر أشخاص كثير وحب كثير من الناس بدا الإرتباط بس أنا أحبك وأحاول أعيش معاك دي الأيام القليلة الباقية ومحا أنساك أبدا وحأبك لآخر قطرة وقعدت ابكي وتركتوا ورحت .
وكانت باقيلي أربع أيام وأسافر الهند واليوم التاني جاني تومو من الصبح وأخذني وقلي نروح نشتري فستان لعرضوا يبغى يسوي عرض خاص فيلوا كم أغنية وهوة حيغني أغنية جديدة وأشتريت أنا بنجابي أبيض كناية عن الحزن اللي في قلبي وأشترالي تومو فستان بس ماوراني هوه وطول الوقت كان ساكت مايتكلم معايا بس ماسك يدي بقوة وشكلوا مكتأب حتى ولا إبتسامة وحدة .
أنا: تومو ماقلت إيش رأيك ؟
تومو : أنا ماأقدر أجبرك عشان إنا ماجربت المشاعر العائلية والجو الأسري الكامل وماأعرف كيف حب الأب فماأقدر أجاوب دحين خليني أفكر .
وحط يدو ورايا وكملنا مشي ...
يتبع >>>
امووووووووووووت في الخصله
.gif "SnipeR (99)")
thanks alt 
===لعانه
==لا تصدقين هاه
العرض العادي
