//**//لحظـــآتـ صمـــتـ على غفلـة من العمــر//**//

[la77en]

وذي الصورة مكان للعب روعه لسه تدخل مزاجي حلو المكان فاضي والارض مخضره



طبعا هذي الصورة من جهة ثانية


وهذي الصورة لمن بدت الشمس تغرب عجبني المنظر سبحان الله

هذا الكم اكتفي فيه لحد ما انزل بقية الصور

[la77en]

لمن اجي اتكلم عن نفسي احس ان الكلام مايوفيني حقي اعجز مو من غروري لا لاني بكون كذابة وش ماكتبت بكون اكذب باوصافي والله فيه احد عاقل يوصف نفسه اكيد بيصير بدون خطأ بدون صفه سيئة وحده
قبل كنت اقول عن نفسي عصبية يمكن لان هالجانب مني كان بارز بس جانب الطيبة والكرم مدفون ورا عصبيتي بس الحين ماصر اعصب محيت هالصفه البايخة مني طبعا بعد جهد هيهي بس فلحت كيف سيطرت عليها والله الايام تكفلت في الموضوع
عالمي بسيط اساسا انا بسيطة بس للي يعرف لي ادري ان كلامس تناقض بس هاي انا بهذي اللحظة
بعيد عن اي تكلف انا بطيعتي اممممم
طبعا انا اكتب هالسوالف الحين وبنفس الوقت فاتحه كذا صفحه هع وكذا برنامج مسكين جهازي ارثي لحالك بس محد بيتحمل جنوني غيرك فاتحه 5 صفحات وفاتحه برنامج تشغيل ميوزك وفاتحه برنامج ترجمة قال عن بترجم فاميلي اوتنغ هع بس قال لي زماني ابلعي وكمل طق حنك هنا محد وراك

[la77en]

امممم اعتقد بوقف هنا اروح اترجم لي شيء من شان اخلص الحلقه على هالاسبوع ريوم اجا اجا فايتنغ

[la77en]

عالمي غبي والاغبى منه اني الي اجري فيه لعل وعسى ابتسم
بس لو بجي اقول هالعالم الي حولي يناظر فيي يمكن اني ابتسم له
احب اتكلم بمعاني محد يفهمها بس لمصيبة اذا مافهمتني اني بعد
امل من الكتابة بطريقه منمقه يجني احباط وبنفس الوقت اعشق المعاني مفرادات غريبة احب اغرق فيها
لكن ....
لمن اجي القى ردة الفعل على هالعشق اشوفه احباط ..
ابسط مثال الرواية بديت اشك ان عندي موهبة صرت اشوفها غباء
ليش مدري اتردد واجد يمكن صار عندي نزعة عدم الثقه بالنفس
ويمكن اني اساسا ماعندي ثقه بنفسي هذا اذا صار عندي لغيري
مو شكاكة بس ما اطمئن بسرعه وصفوني بالبرود وصاحبة اقبح ردة فععل

اني كبيرة وبعمري هذا اظن من السخافة اني اشكي نفسي لورق
بس < ياكثر هالبس
عالمي الغبي الي اني ادور حوله يوم عن يوم يصفعني
شفتوا كيف الغباء مافيه ترابط بالكلمات بس فيه غباء
لمن اجي واشوف الشغل الي اشتغله والوقت الي اضيعه وكسرة الظهر الي القاها اقول وااااه ياريوم عفية عليش
بس نرجع ونقول ردة الفعل عليه دوم تكون ابيخ من مايكون
اقدر اقول لويش اسوي كل ذا وحق ويش ...
للناس الي مثلي .. او من شان اضيع وقتي عن لا احس بملل واعيشني بجو احسه دوم مشحون ... يمكن ادمان وماني حاسة لنفسي
راسي يعورني وش سببه افكاري او لاني طول الليل جالسة افكر كيف اضبط توقيت حلقه ...
افكاري البارحة كلها فاضية كم ازيد وكم انقص يارب يزبط رحمتك يارب مازبط
راجعت حالي واجد بس جد هذا الي كان شاغل تفكيري البارحة
قبل امس كانت اصابيعي تطقطق على الكيبورد حتى حسيته صار يشكي مني لاني اكتب بارت بالرواية الي كل يوم احس اكتب فيه فرغت شحنات توتر مني فيها بس لمن ادور عن ردات الفعل القى الصفعه ورا الصفعه !!!
لمن اترجم واجلس على ذاك البرنامج اسبوع لنقول اسبوعين لاني بديت اعجز واتعب وظهر هاليومين مافيه ما القى شيء يفرق عن روتين ممل ...
اوقف عن كل الي اسويه او اكمل هالمشوار ان وقفت بجلي حباوية ضباوية ملانة ومالي خلق شيء ودوم مشحونة...

نفسي اصرخ واقول تعبت واتمنى القى يد ترتبت عليي وتقول كل شيء يعدي على خير ..
يوم الخميس رحت رحلة لمزرعه
كانه حلمة لاني رحت مواصلة بدون نوم وكنت متنحة مليون مادري لويش اساسا رحنا الرجال بمجلس واحنا بمجلس ماطلعنا منه الا دقايق عشت فيها جو تمرجحت شوي وبعدها رجعت ارتزيت بالمجلس مافيه فريق غير اني حبست حريتي كل اشغالي تأجلت يوم كامل واخر ساعات من الرحلة بالعادة نطلع من المزرعه على 12 هالمرة مصخوها وخلوها 1 ونص اني صرت اطيح قلبة يمين وقبلة شمال من النعس بس محد حاس
لو باجي اطلع وش مهببة هنا بلقى من كل بحر قطرة هذي افكاري الحين ... راسي مشحون بذي الطريقه
لمن يقولوا انتن محبوبة اضحك واقول يمكن تمنيت اسمع هالكلمة من اشخاص لولا حاجتهم ليي حتى ماطالعوا في فيسي
ناس حواليي ويعشوا واياي سبحان الله ماذكروني الا لما تطيح عليهم بلوى من السماء فجأة اسمي يلمع وهات يامدح خلصوا شغلتهم شوفوا كيف الذم
ما عمري عجزت عن شيء ولا اعترفت بكلمة مستحيل دوم اقول فيه حل
وياسبحان الله دوم تنقلب عليي واكون عقب ما اخلص واحل الموضوع اكون اني شخص منبوذ وعقب بس اجي بمكان يتكلموا فيه من اساس يكون الموضوع ماني فيه وفجأة بقدرة قادر اشوف الانتقاد وقدامي وعليي على شيء سويته لنفس هالشخص و بدل مايقول رحم الله والديش يقول انتين مفكرة نفسش الكل في الكل كانش تفكري نفسش محور وكل شيء يدور حولش
طيب يالطيبة دامني كذا ليش من الاساس تجوني وتطلبون من اقوم بالشيء ولمن قلت ابعد واترك الشيء مالي دخل فيه فجأة يطلع الجواب اني سلبية وماحب الخير لغيري طيب ردة فعلي وفعلي للشيء وانجازي له ولمصلحتكم اكون اني الغلطانة مع العالم مالي حاجة فيه بالله ون المنطق
حسن النية باهالعالم صار شيء اسمه استحواذ
مابي شيء ولا اقصد شيء وادري الكلام محد بيفهم منه شيء
احيانا اقول لويش للحين اني على ظهر الارض؟!!
اصفعني واقول حكمة الله فيش
نظرة سوادوية تخيم عليي
اطلعها على ورق قبل ما تتفاقم وتصير عليي بعدين وش يفكني منها
من قبل 10 سنوات لليوم اطالع بمريم القديمة واطلع فيي الحين فرق شاسع المراهقه صارت ناضجة بس ليومي ذا امي تخاف مني من تحسني معصبة وهذا من النادر خخخ
امممم ياعالمي الغبي اتمناك يوم من الايام جد تكون ذكي

لمن اشوف كل شخص يسوي شيء ويتكأفئ اقول ليش مني مثله مو احسده لا احاول اقلده بالعكس افرح له واحاول اكون افضل منه بس دوم القى ردات الفعل عليه افضل مني
بس يوم عن يوم اكتشف ان افاقي ضيقه
عالم اتمنى يوم من الايام يقدر الاشخاص الي مثلي
مابيكون فيه لحظات اتكافئ فيها بس اتمنى تكون فيه لحظات تبتسم ليي

مجرد اختلجات عفوية ....