راح ابدا تطبيق هالسنه في ثانويه, بناتي من اولى ثانوي وثاني ثانوي, مدرستي قريبه لم بيتي, هالسنه حسيت بتوتر غريب قبل لا اروح يمكن لانه اخر سنه انا متوتره هي اصعب سنهو واحنا مو مثل الاقسام الثانيه, كثير يحسبون قسمنا سهل وبايخ بس اللي يدخل يعرف صعوبته ويعرف التعب اللي يجي منه, اغراضنا ولا عشر رجال يشيلونه ومهما ابدعنا الاستاذات يحبطونك وكل شيء عندهم شين من زين اعمالهم هم, اقسم بالله اذا دخلت كليتنا بدال ما يصير ذوقك حلو يصير ذوق (كلمه ما ودي اقوله XD) يعني انحدار شديد في الذوق, ولازم اذا جينا نطبق نبتكر دروس من عندنا يعني شيء من المنهج لا, شيء بسيط وحلو لا, ما ادري حتى لو ابتكرنا يطلع شيء في الدرس ما يعجب المشرفه وتدقق على اتفه شيء, وربي ما ابالغ هذا هو الواقع مع ذلك ما اظلم المشرفات بالنسبه لي مشرفتي هالسنه والسنه اللي راحت الحمد لله حليلات مشكلتهم دقيقات زياده بس بسلوب لطيف عكس زميلاتي اسمعهن يقولن استاذاتهن محسرتهن الحمد لله على اللي عطاني.
*تعديل*
بسبب تأخري في طرح الموضوع راح انزل كل يوم ثنتين لمين امشي صح باذن الله
تلطفت و رحت للكليه واخيراً اول يوم وآخر يوم لي باذن الله في هالمكان لمين بعد الحج, الاربعاء راح انزل للتطبيق في مدرسه ثانويه في حي المروج شمال الرياض اصلاً ما كنت ناويه اجي لو ما المشرفه كلمتني وقالت لازم تجين عشان الجدول..
دخلت الكليه الساعه 10 كنت حاطه في بالي اسوي مليون شيء وشيء بما انه آخر يوم كنت لابسه قميص ابيض مطبع عليه بالبيج وتنوره سودا وجزمتي السودا (( الله يكرمكم )) اللي كرفت ام ابوه اللي جابه هذه جزمتي المفضله البسه في كل مكان ابغى امشي فيه مرتاحه في الكليه في السوق في الملاهي وما الى ذلك..
وانا صاعده للدرج شفت وحده اعرفه سلمت عليه بس من شعبه ثانيه وسألتني اسأله مدري وشتبي من الدنيا: رسمتي تكوين, ترى بدينا من زمآن ليش متأخره, وشدخل امك يا شين اللقافه يا شيخ وانا ابتسم واهز راسي مدري وشاقول تملصت - مدري اذا الكلمه صحيحه - منه ورحت للمشرفه وانا امشي للغرفه حصلت الفاجعه المؤلمه ااااااااع جزمتي تكرمون انفتقت من فوق اااااااع شكله تقول حللتيني خلاص يرحم امك اشوف اصبعي الصغير طالع يستنشق الهوا العليل كنت قريبه لم الغرفه الحمد لله المشرفه ورا مكتبه سلمت عليه ولا كنه فيه شيء وانا احس الهوا يدخل واصبعي يحرك راسه من فوق.. بغيت اشوته ذيك اللحظه يوم قالت: لا خلاص انا مكلمتك عشان الجدول بس الجدول ما خلصته بكره تعالي للمدرسه ويصير خير ان شاء الله .. يصير خير!
ليش؟! انا بغيت اخذه هي والمكتب وارميهم من الشباك نزلت وانا مسويه انه ما فيه شيء ما قدرت اروح اجلس مع صقيقاتي انا ووجهي, طبعاً انا وانا جالسه ما سلمت كل شوي تجيني وحده وتسلم ااااااااااهاع انني لسوف اصيح وربي مخي كان يصرخ كذا .
ما صدقت فتح الباب واشق الشعيب اروح اركب السياره واروح لبيتنا بحمد لله وامانةً منه.
وطبعاً رميته بس وفاءً لذكراه شريت 3 مثله بس ماش هي غير..
اول يوم لي بالمدرسه قمت الساعه 5 ونص حسيت اني مسويه انجاز عظيم بقومتي المبكره, طلعت من بيتنا الساعه 6 ونص ووصلت هناك 6 و40 دقيقه دخلت المدرسه تشبه مدرستنا العام هي اخته ولازقه في ظهره مثل ما يسمونه مجمع المدارس, اتصلت بمنيره وسألته عن مكانهم قالت لي بغرفة الفنيه هي تحت بسرعه لقيته, فصخت عبايتي صفطته وحطيته في شنطتي الكبيره اللي كبر حمار- شرط لما تدخلين كلية الفنيه تكون شنطتك كذا لانك بتحتاجينه ..
شفت العنود وامه جايين سلمت عليهم, دخلت غرفتنا وسلمت على منيره..
مر اليوم عادي لين الحصه الرابعه, جتنا المراقبه ام عيون شاقه ابو الشعيب امسكوا احتياط في الحصه الخامسه ما امدى تونا اول يوم وافقنا بشرط ناخذه مع بعض (انا ومنيره) , الا وتنادينا المديره ثلاثتنا رحنا له وتبدا تتفلسف التنوره اللون غير الاسود عادي نياهاهاهاي الكليه خلت نص الدولاب تنانير سود تناظرني عاد انا لابسه كمه لين المرفق: والكم لازم يصير طويل و الشعر مرتب والمكياج لا تكثرون بلا بلا بلا من اول الرابعه لمين نص الخامسه وهي تهرج طفشت ابتسمت بهدوء: استاذه عندنا حصة احتياط الحين. قالت طيب هي قالت طيب وسكتت لا بتلت كملت حكي يمكن ربع ساعه زياد ثمن طلعتنا جتنا ام عيون وينكم ما مسكتم احتياط طيب بنروح بس وخري عن وجيهنا دخيل الله رقينا انا ومنيره فوق ومسكنا احتياط..اتفقنا انه وحده تجيب القهوه والثانيه الفطور بس العنود ما كانت معنا مو مشكله كله وحده زياده اما باقي اليوم مر عادي مثل اي يوم .
صحيت 6 اليوم متأخره شوي بس مو مهم مع انه المديره طلبت مننا نجي الساعه 7 الا ثلث على قولته ولا باحطكم تحت الخط الاحمر بس ما همني هذا كله دايم يقولونه بس كله خربوطه في خربوطه..
كانت حصتي الثانيه والثالثه الحمد لله وصلت على بداية الاولى ويالله صباح خير منيره ما جت ومعه مفتاح المرسم اتصل فيه ما ترد علي وانا معي مليون غرض وغرض يوم شرفت حضرة الليدي منيره ودخلت الا وشي قهرني قهرة(ن) ما بعده من القهراتي اكتشفت انه مفتاح المرسم مو معه مع استاذة الفنيه مريضه هالاستاذه ما رضت تعطيناه مسويه حرص اخذناه ودخلت وانا الهث اليوم كسرت قاعدة التنوره السودا اللي فرضته علينا كليتنا حبيت اسوي تغيير طفيف ولبست موف ..
بدت حصتي كان فصلي ثاني ادبي وجوا البنات 5 بنات مالي خلق اشرح واصلا(ن) وشبتشرحين في منهجنا الله يعافيك بس شرحت يمكن 10 دقايق بعدين نظرا(ن) لانه ما امداني اشتري اغراض وما توافر لنا شيء نشتغل فيه عطيتهم الباقي يسوون فيه اللي يبون قرروا يشتغلون اشغالهم حقة المصلى نادوا صديقتهم من فصل العلمي كانت عندهم حصة انتظار جلسوا يرسمون كانت هالبنت شاطره بالرسم ما شاء الله عليه ربي يحفظه رسمت فيسات وهم يضبطون الشعر وباقي الاشياء قعدوا كذا لمين الفسحه طلعتهم قبل الفسحه بثلاث دقايق..
العنود اليوم غايبه مثل العام كذا جت يوم او يومين وغابت الباقي ما ندري وشلون نجحت بس يقولون دروسه ممتازه..
جلسنا انا ومنيره نفطر جبت فرشه لانه منيره ما ترتاح الا على الارض ومع اني ما ارتاح الا على الكرسي بس كراسيهم اصلا(ن) مو مريحه جلسنا وتقهوينا وفطرنا وسولفنا تونا مخلصين الا بدخلة المشرفه سألت عن العنود قلنا له انه غايبه وضح على وجهه انه متضايقه بس ما قالت شيء ناقشتنا على الجدول وتقسيمه كان اربع ايام عندنا شرح 16 درس لازم بس يوم الاحد انا عندي اوف ومنيره الثلاثاء خلصنا من المشرفه الا جتنا ام عيون والابتسامه شاقتن وجهه : بنات الله يعافيكم ابغى وحده منكم تمسك الخامسه احتياط عند 3 ادبي والثانيه السابعه عند 3 علمي..
نياهاهاهاي امسكت دفة الحديث : بنمسك الخامسه بس السادسه منيره عنده درس وانا باحضر له مشاهده ((ورقتين اكتب فيهم علامات القوه والضعف عند زميلتي ودرسه وكان لازم نسلم 9 منه))) قالت طيب اجل امسكوا الخامسه..
جت الخامسه رقينا للثالث ادي اعوذ بالله افضع فصل وجد على وجه الخليقه انا اذكر لمن كنا في ثالث كنا دوافير والادب يشرشر ذولي اعوذ بالله مدري من وين طالعين جن الله يصلحهم طبعا(ن) ينقسم هذا الفصل الى 4 انواع:
المتفرعنه : هذه مسويه نفسه هيركول زمانه ومستقويه قدام زميلاته البطل المغوار والمحارب الشجاع,, وهي والله ما اخرط منه اخرط من خلق على وجه الارض.
الوقحه:يمكن تقولون وشالفرق بين الاولى والثانيه الاولى مستقويه هذه لا تنحاش من الحصص واذا كلمتيه وقاحة العالم فيه مستفهره يعني,, الاولى عامليه بصرامه واحترام تسلك هذه لا مطيوره في كل مكان..
المهرجه: تستخف دمه مسويه مهرجة القصر العظيمه تسوي حركات بهلوانيه مادري من وين تطلع عليه طالعات غريبه..
المتمسكنه: هذه من فوق الله الله ومن تحت يعلم الله مسويه على مخي بريئه وما فيه ابرأ منه وهي كــ***, تتمسكن حتى تتمكن..
طبعا(ن) اكيد فيه كم بنت مأدبه لكنهم ينعدون على الاصابع..
بعد الله يفشلهم خلصت الخامسه وحنا ما ندري جرسهم المخيس خربان هذه اوله ينعاف تاليه وما كذبت يوم قلت كذا..!!
.gif){kind=icon}
// يوميات استاذهـ طالبهـ //
..
العرض العادي
