I'm back
هلا وغلا فيني هع ~
ايه الحين الساعه 12:30 بنص الليل <<< الي يسمعش يقول سندريلا على غفله هع هع~
اعرف بنفسي وانا من وش شغلتي وش اسوي وش افتي وش اهلش ><!
اسمي : مريم فلان فلان الفلاني
عمري : 18_8_1985 مـ الهجري لا عاد مظلمومة فيه نهاية السنه هع~
من ومواليـد بـرج الاســد << ما تعتقد بالابراج بس اعتقد انه للتعريف
متخرجه ثانوي من المدرسة الثانويه الاولى بــ ...
عاد انا الوحيدة الي من خواتي الي ما تغربت بالمدراس كل خواتي يتنقولون من مدرسه لمدرسة والسبب مثل ما هو معرف قلة المدارس بالمنطقه كل مرحلة في منطقتنا مدرسة وحده ماعدا الابتدائي متوفرين ههههه بس بنفس الوقت بدوأ الحين يصفونهم لانهم بدأو يتهدمون من حالهم ما يحتاج عمال من شان التهديم .....
ما كنت احب اذاكر ما احب ارفع اصبعي بالمدرسة كنت اروح وعلى طول وينه جداري على طول اخمد نوم
بعض السنوات مثل الثانويه طلعت من المدرسة وبعض المدرسات ما يعرفوني حتى هع
بس على الورق ما شاء الله علي افت الصخر << تعتمد على الذاكره هع ايام المدرسة وشغلي استهلكتها كلها
طبعـآ كنت بنت انطـوائية بالمدرسة من ادخل المدرسة لحد ما اطلع نادرا ما اتكلم طوال الثمان او السبع الساعات الي اقضيها بالمدرسة صاحباتي معدودين من ابتدائي حتى الثانوي ما يزيدون عن بنتين لدرجة ان بعضهم كان يعتربني بنت مغرورة انانية شايفه حالي وكل هذا لاني اظل ساكته طوال الوقت حتى الابتسامة نادرآ ان طلعت مني << شسوي ما يضحكوني
لدرجة ان مدرسة الانجليزي في مره اذكر انو كان يوم اربعاء وكانت حصه جمعيات هع سألوها البنات وش الفكرة الي اخذتها عنا
قامت تقول لكل وحده عن شخصيتها اجت علي ووقفت شوي ولما تكلمت طبعـآ هيه تعرفني لانها حطتني ببالي لانها ماتشوف اصبعي بالحصه وعلاماتي عالية على الورق
رأيها عني اني بنت غامضه <<< غامضة ريوم وغامضه والله ماتركب
طبعآ فيه مره اجوا معي بنتين البيت كانوا مارين علي واستغربوا جدآ من شخصيتي بالبيت لانها غير 380درجة
لدرجة انها قالوا سبحان الله طلعتي تضحكين <<<< وش على بالكم مخلوقه من حجر
هذي بعض المقطتفات عن حياتي الدراسية ولما خلصت الثانوي قلت ماراح انقبل بس قال لي زماني ابلعي
لمصيبة الوحيدة اني من بين كل خواتي كل شيء اجى وياي بالساهل حتى الكلية اجتني بالساهل بس دامها اجت انا رفضتها هع <<<< الي يسمعش يقول الي الحين انقبلتي تخصص طب موب كأنه لغة عربية
ايه المهم انا رحت ترم واحد والناس هناك تذاكر وانا اروح بروايات اجلس هناك اقرقر فيها <روايات رومانسية >
شفتوا شلون مالي بالدراسة ههههههه
الحين من تخرجت خمس سنوات وآآآآآآآآآآل يا مسرع ما يمشي الوقت
هذا المجمل من حالي ايام الدراسه وخبالها يعني ماكنت بنت رجه ولا كنت وحده العوذ بالله منها كنت هاديه
الحين الساعه 1:40 فجرآ بوقف الحين يمكن بعدين اكمل او بكرا محد يدري
لما اكمل بوصف شخصتي
الحين يالله بقوم بسوي سحور << بصر وش اسوي